မိမိရဲ့ မြန်မာမွေးသက္ကရာဇ်ကို ၇နဲ့စားလို့ ၃ကြွင်းကြသူတွေရဲ့အချစ်ရေး အိမ်ထောင်ရေးအကြောင်းလေးတွေ ပြောပြပေးမှာပါ။ ၃ကြွင်းဖွားတွေတိုင်း ယေဘုယျအနေနဲ့ ကြုံတွေ့ရမဲ့ အချစ်ရေး၊ အိမ်ထောင်ရေးကံကြမ္မာနဲ့ အချစ်ရေး ၊အိမ်ထောင်ရေးအပေါ် ထားရှိတဲ့သူတို့ရဲ့ စိတ်အခြေအနေလေးတွေကို ဒီကနေ တင်ပြသွားမှာပါ။
၃ကြွင်းဖွားတွေတိုင်း ဒီကံကြမ္မာအတိုင်းကြုံ လာရမယ်လို့တော့ မဆိုလိုပါဘူး။ နေ့သားတစ်ဦးချင်းစီအလိုက် ကံအနေအထားကွာခြားမှုလေးတွေ ရှိနိုင်သလို ပေးထားတဲ့နာမည်အရလဲ ကံကြမ္မာအပြောင်းအလဲ ၊စိတ်ဓာတ်အပြောင်းအလဲလေးတွေလဲရှိနေအုံးမှာပါ။ ကဲစကြပါစို့ဗျာ။
မိမိရဲ့ မြန်မာမွေးသက္ကရာဇ်ဟာ အောက်ပါခုနှစ်တွေထဲမှာ ပါမယ်ဆိုရင်တော့ မိမိဟာ ၃ကြွင်းဖွားတွေလို့ မှတ်ယူလိုက်ပါ။
၁၃၁၉ခု၊ ၁၃၂၆ခု၊ ၁၃၃၃ခု၊ ၁၃၄၀ခု၊ ၁၃၄၇ခု၊ ၁၃၅၄ခု၊ ၁၃၆၁ခု၊ ၁၃၆၈ခု၊ ၁၃၇၅ခု တွေမှာ မွေးဖွားကြသူတွေကတော့ ၃ကြွင်းဖွားတွေပါပဲ။
သုံးကြွင်းဖွားတွေရဲ့အချစ်ရေးကံကြမ္မာကနှစ်မျိုး နှစ်စားကွဲလွဲနေပါတယ်။ အချို့သုံးကြွင်းဖွားတွေအနေနဲ့ အချစ်ရေးနဲ့ပက်သက်ပြီး အသက်တော်တော်ရတဲ့အထိ ကင်းရှင်းတတ်ကြပါ။ စဉ်းစားလွန်းတာ
မိမိချစ်မိသူကို “ဒီအချက်တွေကတော့ ငါ့နဲ့မကိုက်လောက်ဘူး”
သူရဲ့ဒီအကျင့်ကတော့ ငါ့စရိုက်နဲ့ကိုက်မှာမဟုတ်ပါဘူး ” စတဲ့တန်းညှိနေတာနဲ့ပဲ ချစ်သူရွေးချယ်ဖို့ကြန့်ကြာတတ်ပါတယ်။
အချို့ သုံးကြွင်းဖွားတွေကျတော့ အချစ်ရေး ငယ်ရွယ်စဉ်ကတည်းကအကျွမ်းတဝင်ရှိတတ်ကြပါတယ်။
ငယ်ရွယ်စဉ်ကတည်းကရည်စားများကြသူတွေပါပဲ။
အချစ်ရေးရှုပ်ကြတယ်ပေါ့ဗျာ။
မိမိကချစ်မိပြီ တန်ဖိုးထားမိပြီဆိုလဲ မိမိချစ်သူကို တန်ဖိုးကြီးကြီးလက်ဆောင်တွေဝယ်ပေးဖို့ဝန်မလေးတဲ့ သူတွေပါပဲ။
သုံးကြွင်းဖွားတွေအနေနဲ့ အဓိကအားနည်းချက်က စကားပြောမတတ်တာပါပဲ။ အဲဒါသူတို့တွေရဲ့ ဘဝတစ်လျှောက်လုံးအားနည်းချက်ပါ။
လူအထင်ကြီးအောင် စကားကိုသိတာထက်ချဲ့ကားပြောခြင်း၊ ငါ့စကားနွားရပြောခြင်း၊
ဒီစကားဟာ ချစ်သူရှေ့မှာ ပြောသင့်လား ၊
ဒီစကားဟာ လူကြီးတစ်ယောက်ရှေ့မှာပြောသင့်လား စသည်ဖြင့် မချင့်ချိန်တတ်ခြင်း ….။
ဒါကြောင့်ပဲ အချစ်ရေးအိမ်ထောင်ရေးတွေမှာ စကားအမှားတွေကြောင့် ပြဿ အကြီးအကျယ်တတ်ရတတ်ပါတယ်။
အိမ်ထောင်ရေး ကဏ္ဍကိုပြောရရင် အကြွင်းဖွားတွေအားလုံးထဲမှာ အိမ်ထောင်ရေးကံအညံ့ဖျင်းဆုံးကတော့ သုံးကြွင်းဖွားနဲ့ ခြောက်ကြွင်းဖွားတွေပါပဲ။
ငယ်ငယ်ရွယ်ရွယ်နဲ့ အိမ်ထောင်ရေးကွဲနေတဲ့သူ၊တစ်ခုလပ်ဖြစ်နေတဲ့သူအများစုဟာ သုံးကြွင်းဖွားတွေပါပဲ။ ဒါကြောင့်ပဲ ပထမအရွယ်မှာ အိမ်ထောင်ရေးကိုလုံးဝမစဉ်းစားပါနဲ့ ။ဒုတိယအရွယ်မှာ အိမ်ထောင်ပြုတော့မယ်ဆိုလဲ သေချာစဉ်းစားပြီးမှ အိမ်ထောင်ဘက်ကိုရွေးချယ်ပါ။ အိမ်ထောင်ဘက်က ရှုပ်တဲ့သူ ၊အိမ်ထောင်ရေးဖောက်ပြန်တဲ့သူမျိုးရတတ်ပါတယ်။ သူလဲဖောက်ပြန်တာပဲ ငါလဲ နေချင်သလိုနေမယ်ဆိုတဲ့ စိတ်မျိုးမွေးမိတတ်ပါတယ်။
အိမ်ထောင်ကျတဲ့အခါ ရုတ်တရက်မမျှော်လင့်ဘဲကျတတ်ပါတယ်။ မိမိနဲ့နီးစပ်သူ ဒါမှမဟုတ်ဆွေမျိုးနီးစပ်ထဲကသူမျိုးနဲ့လဲရလာဖို့ အကြောင်းဖန်လာတတ်ပါတယ်။ အခန့်မသင့်ရင် အိမ်ထောင်ဆက် ၂ဆက်၃ဆက်ဖြစ်သွားတတ်တဲ့ အကြွင်းဖွားတွေပါပဲ။
ဒီသုံးကြွင်းတွေအနေနဲ့ အင်္ဂါသားသမီး၊ ဗုဒ္ဓဟူးသားသမီးတွေကို အိမ်ထောင်ဘက်အဖြစ်မရွေးချယ်သင့်သလို မဟာဘုတ် ၆ကြွင်းကျသူတွေကိုလဲ အိမ်ထောင်ဘက်အဖြစ်မရွေးချယ်စေချင်ပါဘူး။
သုံးကြွင်းဖွားတွေအနေနဲ့ ဇီဇာကြောင်တာမျိုး ၊
စကားအပြောအဆို မတတ်တာမျိုး ကိုရှောင်နိုင်မယ်ဆိုရင်တော့ သာယာတဲ့အချစ်ရေး အိမ်ထောင်ရေးကို ဖန်တီးနိုင်ပါလိမ့်မယ်။
၇ရက်သားသမီးအပေါင်း
ကောင်းသောလိုအင်ဆန္ဒတွေပြည့်ဝကြပါစေ။
ငြိမ်းအေးလူ (ဗေဒင်သုတေသီ)