လွန်ခဲ့သောနှစ်များစွာက….။ ကဆုန်လပြည့်နေ..။ လူအများသိကြတဲ့ ကဆုန်ညောင်ရေသွန်းပွဲနေ့။
ကဆုန်လထဲ ရောက်ပေမဲ့ ကောင်းကင်တွင် မိုးရိပ်တိမ်ရိပ်ပင်မမြင်ရသေး။ နွေလေရူးက တဖြူ းဖြူ း
တိုက်ခတ်ပေမဲ့ လေပူကြီးတွေသာ။ ရွှေမော်ဓောဘုရားရှိ ဗေဓိညောင်ပင်မှာ ညောင်ရေသွန်းဖို့အတွက် ရွှေမောဓောဘုရားနှင့် ဟင်္သာကုန်း ဘုရားကို ဆက်သွယ်ထားတဲ့ ဦးခန္တီတန်ဆောင်းအတိုင်း တရွေ့ရွေ့ လမ်းလျှောက်လာခဲ့သည်။
ရွှေမောဓောဘုရားရင်ပြင် အရှေ့ဘက်မုခ်အနီး ဗောဓိညောင်ပင်တွင် ညောင်ရေသွန်းသူတွေနဲ့ စည်ကားနေသည်။ လူတွေကြိတ်ကြိတ်တိုးနေတာကြောင့် ချက်ချင်းညောင်ရေမသွန်းသေးဘဲ အရှေ့ဘက်မုခ်ရှိ ကကုဿ န်ဘုရားတန်ဆောင်းတွင် ဘုရားဝတ်ပြု ပြီး ပရိတ်ပဌာန်းရွတ်နေမိလေသည်။
လူအနည်းငယ်ရှင်းသွားမှပဲ ညောင်ရေသွန်းဖြစ်သည်။ ဝေယျဝစ္စအဖွဲ့တွေ ဂေါပကလူကြီးတွေရဲ့ ကျေးဇူးကြောင့် အဆင်သင့် ညောင်ရေသွန်းခွင့်ရလေသည်။ ညောင်ရေသွန်းပြီး ရင်ပြင်တော်ကို လက်ယာရစ် ပတ်ပြီး ဂုဏ်တော်ပွားနေမိသည်။
“ငါတူ ဘုရားလာတာလားကြဲ..”
အသံလာရာဘက်ကြည့်လိုက်တော့ အဘမင်းသိုက် ။
“ဟာ အဘရောက်နေတာ ကြာပြီလား “
“ကြာပြီပဲ ဆိုပါတော့ကွယ်”
“ညောင်ရေရော သွန်းခဲ့ရဲ့လား..ငါ့တူရဲ့ “
“သွန်းခဲ့ပါတယ်အဘ “
“ဘုရားရှင်ထားခဲ့တဲ့ စေတီလေးမျိုးထဲက ပရိဘောဂစေတီပဲလေ …ညောင်ရေသွန်းတာကုသိုလ်များတာပေါ့ ငါ့တူရယ်…ညောင်ရေသွန်းလို့ အကျိုးများတဲ့ သာဓကတွေလဲမနည်းဘူးလေ…
ဒီလို နွေနေပူပူမှာ အောက်ရေတွေဆုတ်သွားချိန်လဲဖြစ်တော့ …အခုလိုရေသွန်းပေးနိုင်မှ အဆင်ပြေမှာ…”
“ဟုတ္ကဲ့ပါ…အဘ ..”
“ဒါနဲ့ ငါ့တူရော ညောင်ပင်စောင့်ရုက္ခစိုးကို မေတ္တာပို့ အမျှဝေရဲ့လား…”
အဘကရုတ်တရက် မေးခွန်းထုတ်လေသည်။ ညောင်ရေသွန်းပြီး ဆုတောင်းခဲ့ပေမဲ့ ညောင်ပင်စောင့်နတ်ကိုတော့ မေတ္တာမပို့မိတာတော့ အမှန်ပင်။
” ရုက္ခစိုးကိုတော့ မေတ္တာမပို့မိပါဘူးအဘ..”
အဘက အားမလိုအားမရသည့်အသံမျိုးဖြင့် စကားစလေသည်။
“နောက်မမေ့စေနဲ့ ငါ့တူ..ရေ ….
ရုက္ခစိုး ဆိုတာ နတ်ပြည်ခြောက်ထပ်ထဲက အောက်ဆုံးထပ်ဖြစ်တဲ့ စတုမဟာရာဇ်နတ်ဘုံထဲမှာ ပါတဲ့ နတ်တစ်မျိုးပဲ …တန်ခိုး သိဒ္ဓိတွေလဲရှိတယ်ပေါ့ကွယ်..မေတ္တာပေးရင် မေတ္တာရတာပေါ့ကွယ်….”
“ဟုတ်ကဲ့ပါ ..အဘ ..နောက်ဆိုမေတ္တာပို့ပါမယ်”
“ရုက္ခစိုးကို မေတ္တာပို့ အကူအညီတောင်းပြီး အဆင်ပြေသွားတဲ့ ကိစ္စတွေက ပြောပြရင် …ငါ့တူရေ…
နေသာဝင်သွားမယ်…ပြောလို့မကုန်ဘူး…”
“ဟုတ်ကဲ့ပါ..အဘ ..ဘယ်လိုများ အကူအညီတောင်းရမလဲ …အဘ ..မှတ်သားရအောင်ပြောပေးပါအုံး”
“တစ်နေ့ပေါ့ကွာ ….ငါ့ဆီကိုလူတစ်ယောက် အပြေးတစ်ပိုင်းနဲ့ ရောက်လာတယ်…သူ့အိမ်နဲ့ခြံပေါင်ထားတာ ဆုံးတော့မယ်တဲ့ …ဒီလကုန်မှမရွေးနိုင်ရင် ဆုံးမှာကွ…ပေါင်ထားတာကလဲ ကာလပေါက်စျေးထက် အရမ်းနည်းတယ်ကွ… လကုန်မှ အိမ်ရောင်းမထွက်ရင် ပိုက်ဆံအပိုမရတော့ဘဲ အိမ်ကထိုးပေးလိုက်ရတော့မှာ”
အဘကမောသွားဟန်ဖြင့် စကားပြောတာခဏနားပြီး PMGရေသန့်ဘူးခွံထဲထည့်ထားသော ရေနွေးကို တစ်ကျိုက်မော့သောက်လိုက်လေသည်။
” သူ့ကံကိုကြည့်တော့လဲ အိမ်ရောင်းထွက်မဲ့ကံက အရမ်းနည်းနေတယ်…ဓာတ်ရိုက်လဲ ထွက်ဖို့ကမလွယ်ဘူး… လကုန်ဖို့ကလဲ ၂၀ရက်လောက်ပဲ ကျန်တော့တာ…”
“အဲဒါ….အဘဘယ်လိုလုပ်ပေးလိုက်လဲ..”
ကျွန်တော်သိချင်စောနဲ့ အလောတကြီးမေးမိသည်။
“သူက ရိုးသားတယ်…ဘာသာတရားကိုင်းရှိုင်းတဲ့သူဆိုတာလဲ သိထားတယ်…ဒါကြောင့်အဘလဲ ရုက္ခစိုး ယတြာပဲပေးလိုက်တယ်..နီးစပ်ရာညောင်ပင်ဆီကိုသွား ညောင်ပင်စောင့် ရုက္ခစိုးကိုတစ်နေ့ကို နွားနို့ တစ်ခွက်လှူဒါန်းပေး… ပြီးသွားရင်တော့ မေတ္တသုတ်ကိုးခေါက်ရွတ်ဆိုပါ..အမျှဝေပါ…
အမျှဝေပြီးတာနဲ့ မိမိအခက်အခဲကို ပြောပြပြီး အဆင်ပြေနိုင်ဖို့ ဆုတောင်းပါ..အဲဒီအတိုင်း ကိုးရက်တိတိလုပ်ခိုင်းတာပါပဲ…. မနက်ဝေလီဝေလင်းအချိန် ဒါမှမဟုတ် ညအချိန်တွေမှာ လုပ်ရင်တော့ အကောင်းဆုံးပဲ….”
“အဆင်ပြေသွားလား..အဘ “
“ထူးခြားတယ်ပဲ ပြောရမှာပဲ ငါ့တူရေ..ကိုးရက်ပြည့်
ပြီး ၂ရက်လောက်ကြာတော့ …အိမ်ဝယ်မဲ့သူ ဆိုက်ဆိုက်မြိုက်မြိုက်ရောက်လာတာပဲ … အပေါင်ခံထားသူနဲ့ အကြွေးတွေရှင်းသွားပြီး ….ငွေလဲအတော့်ကိုရလိုက်သေးတာပေါ့”
“စွမ်းသားပဲ အဘရဲ့ ဒီယတြာ အရမ်းအကြပ်အတည်းကြုံ လာတဲ့ သူတိုင်းကိုရော ပေးလို့ရလား”
အဘကပြုံးလိုက်ပြီး ဘာမှမပြောသေးဘဲ ကွမ်းတစ်ယာခန့် ယာပြီး စားနေလေသည်။
ခဏလောက်ကြာတော့မှ
“ရုက္ခစိုး ဆိုတာက နတ်ပဲလေ …အကုသိုလ်သမားတွေ ဒီယတြာလုပ်ပြီး အကူအညီတောင်းလို့မရဘူး..,အမိအဘကိုလုပ်ကျွေးသူ၊သားမယားကိုလုပ်ကျွေးသူ၊ သမာအာဇီဝနဲ့ အသက်မွေးသူ၊ အလှူ
နဲ့လက်နဲ့ မပြတ်တဲ့သူတွေ ၊မေတ္တာအားကြီးသူတွေ ကိုပဲ ရုက္ခစိုးနတ်မင်းက သူကူညီနိုင်တဲ့ဘက်ကနေ ကူညီပေးတာလေ”
“သြော်…ဟုတ်ကဲ့အဘ”
“အခုလို အိမ်ကိစ္စမှမဟုတ်ဘူး…အခြားမည်သည့်ကိစ္စမဆို အရမ်းကြီးအကြပ်အတည်းကြုံလာရင် ရုက္ခစိုးယတြာ လုပ်ပေးလို့ရတယ်…တကယ်လဲထိရောက်တယ်..”
“ဟုတ်ကဲ့ပါ…အဘ..အခုလိုပညာပေးပြီး ပြောပြတာ ကျေးဇူးပါ..”
အဘက လွယ်အိတ်ကြီးကိုလွယ်ပြီး ထရန်ပြင်လိုက်လေသည်။
“ထ ငါ့တူ…စနေထောင့်ဘက်မှာ စတုဒိသာ ကျွေးနေတယ်တဲ့ …လာ..လှူဒါန်းသူ ဒါနမြောက်သွားအောင် သွားစားကြရအောင်…”
အဘခေါ်လို့တာ လိုက်ရသည်။ အမှန်တော့ စတုဒိသာစားတာမျိုးတွေကို ကျွန်တော်အနေနဲ့ ဘာရယ်မဟုတ်ရှက်လို့ မစားခဲ့ပေ။ အခုတော့ အဘနောက်ကနေ မလိုက်ချင်လိုက်ချင်နှင့် လိုက်ခဲ့ရလေတော့သတည်း….။ ။
၇ရက်သားသမီးအပေါင်း
ကောင်းသောလိုအင်ဆန္ဒတွေပြည့်ဝကြပါစေ။
ငြိမ်းအေးလူ (ဗေဒင်သုတေသီ)
Viber Only( 09775555695)