တိုးတက်ခေတ်မီလာသော ယနေ့ ခေတ်အခါသမယတွင်၊ အရှက်ကွဲနည်းများမှာလည်း ခေတ်မီတိုးတက်လာသဖြင့်၊ အမျိုးကောင်းသားသမီးလေးများအတွက် ..အလွန်ဆင်ခြင်သတိထားဖွယ်ရာ အခြေအနေများ
အရင်းမရှိ ..အဖျားမရှိ ..ဘာကိုသတိထားရမည်နည်း ဟု မေးစရာအကြောင်းတော့ ရှိသည်။ ..ပညာခန်းတွေဘာတွေ ….သွယ်ဝှိုက်မနေချင်တော့ပေ။ ..လိုရင်းကိုသာ တိုက်ရိုက်ရေးသားရပါလျှင်..။
(မ) အက္ခရာ နှင့် (န) အက္ခရာ တို့ ဖြင့် အစပြုမှည့်ခေါ်ထားသော အမည်ရှင်မိန်းကလေးများ၊ မိမိတို့ ရင်သွေးငယ်များကို စသည်ဖြင့်သော အက္ခမျိုးတို့ ဖြင့် အစပြုမှည့်ခေါ်ထားသူများ…..၊ သတိပြုရှောင်ကျဉ်နိုင်စေရန် ယခုဆောင်းပါးကို ရေးသားရခြင်းဖြစ်ပါသည်။
အဆိုပါ အက္ခရာ နှစ်မျိုးစလုံးသည် အသားအရောင်မည်းခြင်း နက်ခြင်း ကိုသာ နှစ်သက်သော အက္ခရာအမျိုးအစားများဖြစ်ကြပြီး၊ မိန်းကလေးအများစုမှာ(အားလုံးနီးနီး) ၊ အသားမဖြူ ဖြူအောင် အလှကုန်ပစ္စည်းများအကူအညီဖြင့် ..ကြိုးစားနေကျသည်သာဖြစ်ရာ …..အလွန်မကိုက်ညီသော ….အဖြစ်အပျက်များသာ ဖြစ်ပွားနေကြရပေသည်။
အထူးသဖြင့် တိုးတက်ခေတ်မီလာသော ယနေ့ ခေတ်အခါသမယတွင်၊ အရှက်ကွဲနည်းများမှာလည်း ခေတ်မီတိုးတက်လာသဖြင့်၊ အမျိုးကောင်းသားသမီးလေးများအတွက် ..အလွန်ဆင်ခြင်သတိထားဖွယ်ရာ အခြေအနေများ နှင့် ရင်ဆိုင်နေရသော အခါသမယလည်းဖြစ်သည်။ အွန်လိုင်းပေါ်တွင် ..အရှက်တကွဲဖြစ်နေရသော မြန်မာမိန်းကလေးပေါင်းများစွာ ရှိနေပြီလည်းဖြစ်ခြင်းကြောင့် …ယခုရေးသားလိုက်သော ဆောင်းပါးပါ အချက်အလက်များကို သတိပြုဖတ်ရှုပြီး၊ ဆင်ခြင်သတိချပ်စေလိုပါသည်။
အသားဖြူသောမိန်းကလေးများတွင်(မ) အက္ခရာဖြင့် အစပြုပြီး၊ မိမိ၊ မီမီ၊ မီးမီး ..စသည်ဖြင့်မှည့်ခေါ်ထားခြင်းသည် ..တစ်ခုထက်တစ်ခု ပိုမိုပြီး အကျိုးထိခိုက်နိုင်သော အနေအထားဖြစ်သည်။ (မ) အက္ခရာ သည် အသားဖြူသော မိန်းကလေးများအား …ပတ်ဝန်းကျင်အသိုက်အဝန်းတွင် နာမည်ပျက်တတ်သော ….အနေအထားမျိုးကို ဖြစ်ပွားစေနိုင်သော အာနိသင်ရှိသည်။ အလွန်အနေအထိုင်ပိရိပြီး မိသားစုအသိုက်အဝန်းကောင်းတွင် မွေးဖွားလာသူ ဖြစ်သည့်တိုင်အောင် ….အနည်းငယ်သော အနေအထားမျိုးတော့ ကြုံရတတ်သည်သာဖြစ်သည်။ မူလဇာတာကောင်းပါမှ ..အထောင်းသက်သာသည်ကဲ့သို့ ….ကံချွတ်ချော်မှုကင်းဝေးနိုင်သည်။ အများအားဖြင့်မူ …..အရှက်ရကံမျိုး ကျရောက်ရန်လွယ်ကူသည်။ လုံးကြီးတင်ဆံခတ်သရသည် သူတစ်ပါးကြိုးကိုင် ခံရခြင်း၊ ဝန်ထုပ်ဝန်ပိုများ ဖိစီးခြင်း သောကဖိစီးခြင်းမျိုးကို ခံရတတ်သည်။ ဝတ်စပေါက် သရများသည် ..လုပ်ချင်ရာကို စွတ်ရွတ်လုပ်မိစေရန် တွန်းအားပေးတတ်သည်။
မိမိ နေထိုင်ရာ ပတ်ဝန်းကျင်တွင် .သတိပြုမှတ်သားကြည့်ပါက ..ယင်းအချက်များကို တွေ့ မြင်နိုင်ပေသည်။ (န) အက္ခရာသည်လည်း ထို့ နည်းတူအက္ခရာမျိုးဖြစ်သည်။ အသားဖြူခြင်းကို လုံးဝမနှစ်သက်သော အက္ခမျိုးဖြစ်သည်။ ဒုက္ခပေးနိုင်သော အစွမ်း ရှိသည်။ နီနီ၊ နိုင်နိုင်၊ နွေးနွေး၊ မှည့်ထားသော အသားဖြူဖြူ ၊ လတ်လတ် မိန်းကလေးများ ….အနေအထိုင်ပိုမိုကျစ်လစ်ရန်လိုသည်။ အတိမ်းအစောင်းမခံ။ အနေအထိုင်မပိပြားသူတို့အဖို့ ….ကံဇာတာတစ်ချက်ကလေး အားနည်းလိုက်သည် နှင့် ဒုက္ခရောက်ရတတ်သည်။ အထူးသဖြင့် ….မိဘများမှ ချစ်စနိုးပေးတတ်သည်မှာ အသားဖြူဖြူလေးမို့ …ရှေ့ က နေ (နှင်း) ထည့်ပြီး ၊ နှင်းသီတာ၊ နှင်းပွင့်၊ နှင်းနှင်းခိုင် ..စသည်ဖြင့် (နှင်း) ဟူသောစာလုံးဖြင့် မှည့်ခေါ်ထားခြင်းများကို မကြာခဏ တွေ့ ခဲ့ ရဘူးသည်။ မှည့်တော့ ဘာဖြစ်သတုန်း ဘုတောရန် အကြောင်းတော့ ရှိပါသည်။ ဘာမှတော့ ထူးထူးခြားခြား မဖြစ်တတ်ပါ။ လူကြီးမိဘကွယ်ရာ တွင် ..လက်မထပ်မီ ပေါင်းသင်းဆက်ဆံရခြင်းမျိုး အနဲဆုံးဖြစ်ပွားတတ်ရုံသာဖြစ်သည်။
ယင်း …(နှင်း) ဟူသော ဝေါဟာရတွင် …..ပါဝင်သော ဟထိုးသရ သည် …..ကာမကို အားပေးသည်။ မကောင်းပြုမိရန် လှုံ့ ဆော်ပေးနိုင်သည်။ အသားအရောင်မှားနေသည့် အထဲ …ဟထိုးသရအာနိသင်လည်းပေါင်းစပ်ခဲ့ သော်…..မိကောင်းဖခင်မှ မွေးဖွားခဲ့ သူပင်ဖြစ်ခဲ့ စေကာမူ …..၊ ယင်းအခြေအနေများဖြင့် ကြုံ တွေ့ ရတတ်ခြင်းရှိစေနိုင်သည်။
အလွန်မမှည့်သင့်သော အမည်အမျိုးအစားဖြစ်သည်။ ရှောင်နိုင်က ရှောင်ကို ရှောင်သင့်သော အမည်ပညတ်မျိုးဖြစ်သည်။
သရများတွင်လည်း …… ဟထိုး၊ လုံးကြီးတင်ဆံခတ်၊ အောက်ကမြစ်၊ နောက်သို့ပစ်၊ စသော …သရလေးမျိုးသည် …ဒုက္ခပေးနိုင်သော စွမ်းအားအများဆုံး သရများဖြစ်သည်။
ထို့ ကြောင့် ယခုဆောင်းပါးမှ ….အဓိကအားဖြင့် …အသားဖြူ၊ ဝါ ၊ လတ် သော …မိန်းကလေးများ၊ ကလေးမိဘများ၊ ယင်းအမည်များကို ..မှည့်ရန်စီစဉ်နေသူများ အား ..သတိပေးအပ်ပါသည်။ အထူးသဖြင့် …..အောက်ပါအမည်များကို ..အသားဖြူသူများ …မမှည့်ခေါ်သင့်ပါပေ။
အဓိကအားဖြင့်သတိပြုရန် ။ ။ မွှေး၊ မီ၊ မီး၊ မြင့်၊ မှုံ၊ နီ၊ နှင်း၊ နွယ်၊ နိုင်၊ အစရှိသည့် အမည်များ။
မကောင်းသောကံအကျိုးပေးမျိုးမှ ကင်းလွတ်နိုင်သည် ဖြစ်ကြပါစေသတည်း။
သုတေသီ ဝေသာလီမောင်ဖုန်း