မိမိသည် လဆန်း ၂ ရက်နေ့တွင်မွေးဖွားသူဖြစ်သည်ဆိုပါက အရာရာတွင်လိမ္မာ ပါးနပ်စွာလုပ်တတ်သည်။ အလွန်ပရိယာယ်ကြွယ်ဝသည်။ အလွန်အလှည့်အပတ်နားလည်သည်။ လူတစ်ဖက်သားကို နားဝင်ချိုအောင်ပြောဆိုတတ်ပါမည်။ မိမိဘက်မပါပါအောင် စွဲဆောင်နိုင်စွမ်းရှိပါမည်။ အထူးသဖြင့်စကားပြောကောင်းသည်။ ပီယဝါစာကောင်းပါသည်။ မိမိသည်
အမြဲတမ်းစည်းစည်းလုံးလုံးလုပ်တတ်ပါသည်။
မိမိတစ်ယောက်ထဲလုပ်ရခြင်းထက် အများနှင့် လုပ်ရခြင်းကိုပိုသဘောကျပါသည်။ ဝိုင်းလုပ်ဝိုင်းစား သဘောမျိုး ၊မိသားစုသဘောမျိုးကိုသဘောကျပြီးလုပ်တတ်ပါတယ်။မိမိက အလုပ်တစ်ခုကိုလုပ်ခါနီးတိုင်း သူများနှင့်အမြဲတမ်းတိုင်ပင်လုပ်တတ်ပါသည်။ ကောင်းမကောင်း အကျိုးရှိမရှိ တိုင်ပင်ပြီးမှလုပ်တတ်၍ အမှားအယွင်း မရှိတတ်ပါသည်။မည်သည့်အလုပ်ကိုမဆို စည်းကမ်းတကျလုပ်တတ်သည်။ မိမိက ကြားနေဆွေးနွေးပေးခြင်းကို အထူးဝါသနာပါသည်။ စည်းရုံးပေးရသောအလုပ်များ နှုတ်ဖြင့်လုပ်ရသောအလုပ်များ တွင် အထူးနာမည်ကြီးမည်။ ဆက်ဆံရေးပြေပြစ်မည်။
မိမိစကားကိုမဆို အူထဲအသည်းထဲက ပြောဆိုတတ်မည်။ အမြဲတမ်းတည်တည်ကြည်ကြည် ပြတ်ပြတ်သားသားပြောတတ်၍ လူအထင်ကြီးခြင်း ယုံကြည်အားကိုးခြင်း လေးစားခြင်းခံရမည်။
မိမိမှာတစ်ယောက်ကောင်းလုပ်ခြင်းထက် အများနှင့် တိုင်တိုင်ပင်ပင်လုပ်လျှင်
အထူးအောင်မြင်၍အကျိုးရှိမည်။ ကြီးပွားတိုးတတ်မည်။မိမိသည်စိတ်ကူးယဉ်ဆန်သည်။ မိမိ၏ အတိတ်အကြောင်း ပစ္စုပ္ပန်အကြောင်း အနာဂတ်အကြောင်းကိုအမြဲတွေးတောနေတတ်သည်။ အမြဲတမ်းဘာလုပ်ရရင် ကောင်းမယ်
ဘာကိုင်ရရင်ကောင်းမည်ဟုစဉ်းစားနေတတ်ပါသည်။ လက်တွေတွင်မိမိမလုပ်တတ်ပါ။
အမြဲသို့လော သို့လောနှင့်အမြဲတွေးတောနေတတ်သည်။ အလကားနေရင်းစိုးရိမ်ကြောင့်ကျနေတတ်ပါသည်။ စိတ်ပူနေတတ်မည်။မိမိသည် အနုပညာပိုင်း၌လိုက်စားလျှင်အထူးအောင်မြင်၍ထူးချွန်းသောအနုပညာရှင်တစ်ယောက်ဖြစ်ပါလိမ့်မယ်။ မိမိတွင်ပင်ကို ပါရမီပါပါသည်။ အောင်မြင်နိုင်သောကံဇာတာပါ ပါသည်။ မိမိသည် မည်သည့်အလုပ်ကိုမဆိုသေချာစွာလုပ်မည်။
သေသပ်စွာ တိကျစွာ သပ်ရပ်စွာလုပ်မည်။လူအများနှစ်သက်ဖွယ်လုပ်မည်။
မိမိကိုအမြဲတမ်းဆန်းစစ်ပြုပြင်တတ်သောဝါသနာရှိသည်။ မိမိမှာလေးနက်တည်ကြည်သော ဘဝကိုခံယူထားသည်။ မည်သည့်အရာတွင်မဆို ထိရောက်စူးရှစွာ
လေ့လာလိုက်စားတတ်သည်။ မိမိမှာတစ်ယောက်ထဲနေရရင် စိတ်အားငယ်နေတတ်မည်။ စိတ်ညစ် စိတ်ဓာတ်ကျနေတတ်သည်။ သို့သော် ဝမ်းနည်းစရာရှိရင်လဲ ခဏသာဖြစ်မည်။ ဝမ်းသာစရာရှိရင်လဲ ခဏသာဖြစ်မည်။
မိမိသည်စိတ်အလွန်အတတ်အကျမြန်သည်။ စိတ်မြန်ကိုယ်မြန်ရှိမည်။
တစ်ခုခုလုပ်မည်ဆိုလျှင် ချက်ချင်းလုပ်ရမှကျေနပ်မည်။ လုပ်ပြီးမကျေနပ်ရင် ဖျက်စီးလျှင်ဖျက်စီးတတ်သည်။ မိမိစိတ်ကိုမိမိမစိုးမိုးနိုင်ပါ။
မိမိက တစ်ခါတရံသူများပြောတိုင်းလုပ်တတ်မည်။ တစ်ခါတစ်ရံ ပတ်ဝန်းကျင်၏ ပုံသဏ္ဌာန်များကို အတုယူတတ်မည်။ ကောင်းကောင်း မကောင်းကောင်း မိမိစိတ်ထဲကထင်လျှင်လုပ်တတ်မည်။ မိမိစတ်ဓာတ်ပျော့ညံ့ပါမည်။
အမှတ်သညာမရှိပါ။ အလွန်သည်းခံနိုင်ပါသည်။ မိမိနှင့်မိတ်ဆွေဖြစ်လွယ်မည်။
မိမိကလူတွေနှင့် အလွန်ခင်မင်ရင်းနှီးစွာပြောဆိုဆက်ဆံတတ်၍ ခင်မင်မှုခံရမည်
မိမိသည်အများဝန်ထမ်းဇာာတာဟုခေါ်ရပါ့မည်။ လူအများအကျိုးအလွန်ဆောင်ရွက်မည်။ မိမိကိုလူတိုင်းက ချစ်ခင်လေးစားတတ်မည်။ သဘောကျတတ်မည်။ ပျော့ညံ့၍ လွယ်လွန်းသော စိတ်ဓာတ်ကိုပြုပြင်သင့်သည်။ မိမိမှာ လေးနက်သောချစ်ခြင်းမေတ္တာကိုလက်ခံတတ်မည်။ ကိုယ်ချစ်ကိုလိုချင်သည်။
မိမိက ချစ်ရရင်ကျေနပ်မည်။ မိမိက မိမိ၏တန်ဖိုးကိုသော်၎င်း၊ အရည်အချင်းကိုသော်၎င်း အလွဲသုံးစားလုပ်တတ်မည်။ အလွယ်တကူဆုံးဖြတ်မည်။ မိမိကြောင့်
သူတစ်ပါးက အနိုင်ကျင့်မည်။ တင်စီးပြောမည် ။မိမိအသုံးမကျ၍ သူတစ်ပါးရဲ့အနှိမ်ခံရမည်။ လူပါးဝ၍ အပြောခံရမည်။မိမိ၏တန်ဖိုးကိုသိပါ။
ပုဏ္ဏားတော် ဦးရာမ