” ဆရာ ကျွန်တော့်ကိုမှတ်မိလား
ကျွန်တော်ဖြိုးမောင်လေ”
အသားဖြူဖြူအရပ်မြင့်မြင့်နှင့် ခေတ်ဆန်ဆန်ဝတ်စားထားသောလူငယ်တစ်ယောက်က မေးလာသည်။
“အေး အားနာနာနဲ့ပြောရရင်တော့ မမှတ်မိဘူးကွ
ငါ့ဆီမှာ ဗေဒင်လာမေးဖူးတဲ့သူလား”
ဟိုးလွန်ခဲ့တဲ့ ၂နှစ် လောက် ဆရာသူငယ်ချင်း ဘကျော်အိမ်မှာတွေ့တဲ့ ဘကျော်ရဲ့တူဖြိုးမောင်လေ
“အော် အေးမှတ်မိပြီ”
” ဆရာပေးတဲ့ယတြာလုပ်ပြီး အခုအဆင်ပြေနေပြီဆရာ
အလုပ်မြဲတယ် ငွေလဲမြဲတယ် အရာရာအဆင်ပြေနေပြီ
ဆရာ အိမ်ပြန်လာရင်း ဆရာဆီဝင်ကန်တော့တာပါ”
လူငယ်လေးက ကန်တော့ပြီးပြန်သွားပေမဲ့ ကျွန်တော်
စိတ်တွေက ဟိုးလွန်ခဲ့သော ၂နှစ်ဆီသို့ ပြန်လည်မျောလွင့်သွားရာ
× × × × × × × × × × × ×
မိုးစက်တွေက သြကာသလောကကြီးတစ်ခုလုံးကို နေရာမလပ်ဖြန့်ကြဲထားသည်။ ဘယ်အညှိုူးနှင့်ရွာနေသည်မသိ။ ဒီအတိုင်းဆိုသူငယ်ချင်းဘကျော်ဆီမှာပဲ အိပ်မှအဆင်ပြေမည်နဲ့တူတယ်။
”ဘကျော်ဒီညမင်းအိမ်မှပဲ အိပ်တော့မယ်ကွာ
မိုးက စည်းမဲ့ပုံမပေါ်ဘူး ”
” ငါလဲအဲဒါပြောမလို့ပဲ ဒီလောက်မိုးများနေတာပြန်မနေနဲ့တော့ ဒီမှာပဲအိပ်လိုက် မင်းနဲ့လဲစကားအေးအေးဆေး ဆေးပြောရတာပေါ့ကွာ ငါကတကိုယ်ရည်သမားလေ
မင်းရှိတော့ အဖော်ရတာပေါ့”
ကျွန်တော်တို့နှစ်ယောက်လက်ဖက်စားရင်း စကားကောင်းနေကြသည်။ အချိန်က ညကိုးနာရီစွန်းစွန်း။
” ဦးလေးကျော် လေးကျော် ဦးလေးကျော်ရေ”
” ဘကျော်မင်းနာမည်ခေါ်သံကြားသလိုပဲ ဘယ်သူလဲမသိဘူး “
” ငါလဲကြားတယ်ကွာ မိုးသံနဲ့ဆိုတော့မသဲကွဲဘူး”
ငါသွားကြည့်လိုက်အုံးမယ်ကွာ”
ပြောပြောဆိုဆိုနှင့် ဘကျော်တစ်ယောက် ခြံဝသို့ထွက်သွားသည်။ နောက်ပြီးရေတွေစိုရွှဲနေတဲ့သူတစ်ယောက်နှင့် ဘကျော်ခြံထဲပြန်ဝင်လာသည်။
” သူကဘယ်သူလဲ ဘကျော်”
“ငါ့တူလေကွာ
ငါ့ အမအကြီးဆုံးကမွေးတာဆိုတော့ ငါနဲ့ အသက်တော့ အသက်သိပ်မကွာဘူးကွာ
ငါတူ နာမည်က ဖြိုးမောင် တဲ့
ငါတူရေ သူကတော့ငါ့သူငယ်ချင်း ဗေဒင်ဆရာပဲ “
သူတူက အကျီင်္လဲနေရင်း အသိအမှတ်ပြုသည့်အနေဖြင့်ပြုံးပြသည်။ ပြန်ပြံုးပြဖြစ်သည်။
” ငါ့တူမင်းနယ်မှာအလုပ်သွားလုပ်တာဆို အခုဘာပြန်လုပ်တာလဲ ခွင့်ယူလာတာလား”
“မဟုတ်ဘူးဦးလေးရေ အလုပ်ထွက်လာတာ”
“မင်းကလဲအလုပ်က ပြုတ်လိုက ်ပြောင်းလိုက် ထွက်လိုက်နဲ့ အလုပ်ပြောင်းတာ လက်ဆယ်ချောင်း
မကေတာ့ဘူး”
” ကျွန်တော်လည်းအလုပ်နဲ့ပက်သက်ပြီး စိတ်တော်တော်
ညစ်နေပြီ အလုပ်အကိုင်ဘယ်တော့မှတည်ငြိမ်မယ်မသိဘူး အခုလဲကျွန်တော်အပြစ်မဟုတ်ဘူး စတိုပစ္စည်းတွေအတွက် လက်ကျန်စာရင်းREPORT တင်တာနောက်ကျတယ်ဆိုပြီး လူကြီးနဲ့စကားများတာ ။
ကိုယ့်အပေါ်စိတ်ကွက်နေတဲ့ လူကြီးလက်အောက်မနေချင်တာနဲ့ထွက်လာတာ”
” အေးပါကွာ မင်းအခုထမင်းစားမလား ငါ့တူ”
” မစားတော့ဘူးဦးလေး ကော်ဖီပဲသောက်မယ်
မနက်မှပဲအိမ်ပြန်တော့မယ် ကားဂိတ်နဲ့ဦးလေးအိမ်ကနီးတော့ ဦးလေးဆီဝင်လာတာ မိုးကလဲသည်းနေတော့
မနက်မှပဲအိမ်ပြန်တော့မယ်”
” ပြောစရာမလိုပါဘူးကွာ ကဲဒီမှာ ရေနွေးကအဆင်သင့်ပဲ ကော်ဖီနဲ့မုန့်က ကြောင်အိမ်ထဲမှာ ယူသာသောက်တော့”
” ကဲ ကိုစိုးငါ့တူအခြေအနေလေးနည်းနည်းသုံးသပ် ကြည့်ပါဦး
မင်းပညာနဲ့ဘယ်လိုမြင်လဲ”
” ကူညီပါဆရာရယ် ကျွန်တော်က ဘာလုပ်လုပ်အဆင်မပြေတာပါ အခြေခိုင်မယ်ကြံလိုက် လွဲလိုက် ပြုတ်လိုက်နဲံ့ပဲ ရတဲ့အလုပ်တွေကလဲအိမ်ကပ်ရတယ်ကိုမရှိဘူးနယ်တွေချည်းပဲ သွားနေရတယ်”
ဖြိုးမောင်က ကော်ဖီသောက်ရင်း အသနားခံသည့်မျက်နှာ
လေးဖြင့် ပြောလာသည်။
” ဗေဒင်တော့ ငါကကြုံတဲ့နေရာမဟောဘူးကွာ”
“ငါသိပါတယ်ကွာ အခုဟာက ငါ့တူကို ဘာလုပ်သင့်လဲ
ဆိုတာ guide line လေးပေးရုံပါပဲ”
” ကျွန်တော်လဲ သူ့တူဇာတာကိုစစ်ဆေးကြည့်သည်။
မဟာဘုတ် ၅ကြွင်း ၊နာမည်က ပက္ခမိတယ်
တနင်္ဂနွေ မရဏက ကောင်းကောင်းဒုက္ခပေးတော့တာပေါ့ အလုပ်မမြဲခြင်း အလုပ်တစ်မျိုးပြီးတစ်မျိုးပြောင်းလုပ်ရခြင်း မိမိအိမ်နှင့်ဝေးသည့်နေရာတွင် လုပ်ရခြင်း
ကိုယ်ပိုင်အိုးအိမ်နှင့် အသက်တစ်ဝက်နောက်ပိုင်းမှနေရခြင်း ကရဏကာရကဂြိုဟ်ပျက်ခြင်းကြောင့် အကူအညီအထောက်အပံ့မရခြင်း လူကြီး ဆရာသမားငြိုငြင်ခြင်း အသိအမှတ်ပြုမခံရခြင်း ကိုယ့်ဒူးကိုယ်ချွန်ကြိုးစားရခြင်း စသည့်အချက်တွေဖြစ်တတ်ကြောင်းပြောပြဖြစ်သည်”
“ဒါဆို ဘယ်လိုယတြာတွေ
လုပ်ရင်အဆင်ပြေမလဲ ဆရာ”
” ဒီလိုကြ ဘဝမွာ –
၁။ အခြေမခိုင်ခြင်း
၂။အလုပ်မတည်မြဲခြင်း
၃။စီးပွားရေးရုတ်တရက် ကျဆင်းခြင်း
၄။ချမ်းသာရာကနေပြီး ကုန်းကောက်စရာမရှိအောင်
ဆင်းရဲသွားခြင်း
၅။ဘဝမှာတည်ငြိမ်မှုအားနည်းခြင်း စသည့်စသည့် တွေမဖြစ်အောင်ရယ် ရှင်းရှင်းပြောရရင်တော့ကွာ စီးပွားရေး လူမှုရေး ကျန်းမာရေး ပညာရေးစတဲ့အရေးတွေမှာခိုင်မြဲမှုရှိပြီး ယိုင်နဲ့မသွားဘဲအောင်မြင်အောင် မိမိနေ့နံရဲအမြစ်ဂြိုဟ်ကို ပြုစုပျိုးထောင်ပေးရတယ်ကွ”
“မင်းနားလည်အောင် ပြောရရင်
မင်းကကြာသပတေး
ကြာသပတေးကို တစ်ခုလျော့ရင် ဗုဒ္ဓဟူးဆိုတော့ ဗုဒ္ဓဟူးပက်သက်တဲ့အရာတွေကို ပြုစုပျိုးထောင်ရမယ်ကွ
ဥပမာ ကြာ
ပဌာန်းယပ်တောင်တွေကို လှူရမယ်။ ဘုရားရင်ပြင်မှာ သန့်ရှင်းရေးလုပ်ရမယ်။လိပ်ကို အစာကြွေးရမယ်။ ရေအိုး ရေစစ်လှူရမယ်။သောက်ရေထည့်ပြီး ကုသိုလ်ပြုရမယ်။
ရေသန့်ဘူးလှူရမယ်ပေါ့ကွာ ချဲ့တွေးနိုင်ရင်တွေးသလောက် မင်းလှူစရာတွေ အများကြီးပဲ။
ဒီယတြာချေပြီး အောင်မြင်နေတဲ့သူတွေလဲအများကြီးပဲ မင်းလဲလုပ်ကြည့်ပေါ့ကွာ။ အကျိုးမယုတ်ပါဘူး။ ဒါပေမဲ့ ဓာတ်ထိအောင် ခဏခဏလုပ်ပေးဖို့တော့
လိုတယ္ကြာ”
× × × × × × × × × ×
ဒီယတြာလေးကို ၇ ရက်သားသမီးအပေါင်းအား ပေးချင်သည်။ ယတြာကတော့ ၇ ရက်သားသမီးများ ဘဝမှာအခြေခိုင်ခိုင်နဲ့အောင်မြင်မှုတရပ်စပ်ရစေမဲ့ယတြာပါ။အဆိုး လောကဓံတွေရဲ့ ရိုက်ခတ်မှုတွေ လျော့ပါးသက်သာစေမည့် ယတြာလို့ပြောရင်တောင်ရပါသည်။ နေ့သားအလိုက်
အောက်ပါ ယတြာလေးတွေကို ဒါနပါရမီ ဖြည့်ပေးနေတယ်လို့ သဘောထားလုပ်ကြည့်ပါ။ အောင်မြင်မှုတွေက မိမိဘဝထဲမှာပျော်မွေ့နေပါလိမ့်မယ်။
(အင်္ဂဝိဇ္ဇာ ဝါသနာရှင်များအနေဖြင့် လာမေးတဲ့အခါ၏
အခိုက်နေနံ သတ္တဝါကို အဟာရဒါနပြုပေးခိုင်းခြင်းဖြင့်
လက်တလောဖြစ်နေတဲ့အခက်အခဲတွေ အမြန်ဆုံးပြေလည်တတ်ကြောင်းပါ။ သူရဇ္ဇအခါ လာမေးသူတစ်ယောက်ကို နွားစာကျွေးခိုင်းပါ။ ဘောမအခါလာမေးသူကို
ခွေးစာကျွေးခိုင်းပါ။ ဤကား စကားချပ်)
တနဂၤေႏြသားသမီး
တံတားခင်းပါ။ ဒန်ပေါက် ကျွေးမွေးလှုဒါန်းပါ။ တံတားဟောင်းပြင်ပါ။ နွားကို အစာကြွေးပါ။
တနလၤာသားသမီး
လမ်းခင်းပါ။ အုတ်ခဲလှုပါ။ သံဃာသုံး ကုဋီသုံးဖို့ ရေအိုးလှုပါ။ သူများအိမ် ပြင်ပေးပါ။
အဂၤါသားသမီး
ငွေစက္ကူတွေကိုလှုပါ။ နေပူခံ ကျောက်ပြား လှုပါ။ ခွေး၊ကြောင်၊ကြက် တွေကို အစာကြွေးပါ။ ငါး သက်စေ့လွှတ်ပါ။
ဗုဒၶဟူးသားသမီး
စိတ္တဇလူနာတွေကို အစာကြွေးပါ။ ဆေးဝါးလှုဒါန်းပါ။ ဆိတ်၊ဆင်ကို အစာကြွေးပါ။ စာကလေးတွေကို လွှတ်ပေးပါ။
ၾကာသပေတးသားသမီး
ပဌာန်းယပ်တောင်တွေကို လှုပါ။ ရင်ပြင်မှာ သန့်ရှင်းရေးလုပ်ပါ။ လိပ်ကို အစာကြွေးပါ။ ရေအိုးလှုပါ။ သောက်ရေထည့်ပြီး ကုသိုလ်ပြုပါ။
ေသာၾကာသားသမီး
မီးလုံးမီးချောင်း လှုပါ။ဖယောင်းတိုင်လှုပါ။ဘုရားကျောင်းပရဝဏ်အတွင်း မြက်နှုတ်ပါ။ မျောက်ကို အစာကြွေးပါ။
စေနသားသမီး
ဘုရားမှာ သန့်ရှင်းရေးလုပ်ပါ။ သောက်ရေအိုးလှုပါ။ သင်္ကန်းလှုပါ။ စာသင်သားရဟန်းတွေကို သေတ္တာလှူပါ။
ကုသိုလ်ကောင်းမှုတွေဆိုတာက အကုန်လုပ်သင့်ပါတယ်။ မရွေးသင့်ပါဘူး။ ဒါပေမယ့် အထက်ကဖော်ပြချက်တွေက နေ့သားအလိုက် ရာသက်ပန် လုပ်သင့်တဲ့ ယတြာကုသိုလ်တွေ ဖြစ်ပါတယ်။
မိမိတို့အချိန်ရတိုင်းလုပ်ပေးရမဲ့ယတြာတွေပါ။
မိမိမွေးနေ့ မတိုင်ခင်နေ့ဟာ မိမိရဲ့အမြစ်ဂြိုဟ် ဖြစ်ပါတယ်။ အပင်တစ်ပင်မှာ အမြစ်ရှင်သန်မှ ပင်စည်တွေ၊ အကိုင်းအခက်တွေ၊ အညွန့်တွေနဲ့ ဝေဝေဆာဆာ ဖြစ်မှာဖြစ်ပါတယ်။
ဒါ့ကြောင့် မိမိတို့ရဲ့ အမြစ်ဂြိုဟ်များကို ရှင်သန်အောင်ပွားများအားထုတ်ကြခြင်းဖြင့်
ခုနှစ်ရက် သားသမီးအပေါင်း ကျန်းမာ ချမ်းသာကြပါစေသတည်း…။ ။
ဆရာစဉ်ဆက် အင်္ဂဝိဇ္ဇာပညာရှင်များအား
ဦးခိုက်လျက်
ငြိမ်းအေးလူ ဗေဒင်သုတေသီ