ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆန်း(၁၃)ရက်၊ ဗုဒ္ဓဟူးနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၇)ရက်နေ့လဲ ဖြစ်ပါတယ်။
ဒီနေ့နံနက်(၅း၀၇)နာရီမှာ အရုဏ်တတ်ပါတယ်။ နေထွက်ချိန်နံနက်(၅း၅၅)နာရီဖြစ်ပြီး ၊ ညနေ(၆း၁၅)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က မြောက်အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။
ဒီနေ့ဟာတီထိမြေခံအရ အင်္ဂါမြေခံတဲ့နေ့ဖြစ်ပါတယ်။ အင်္ဂါမြေခံအရ ကျန်းမာရေးနှင့်ပတ်သက်၍ အထူး ထိခိုက်နိုင်တဲ့နေ့ရက်ဖြစ်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူးရှောင်သင့်ပါတယ်။
ဒီနေ့ဟာ လူ့ပြည်ပြဿဒါး၊ သမားညို ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ ကံကောင်းခြင်း၊ကြွယ်ဝခြင်းတွေကိုပေးတဲ့ဘဒြာတီထိ ကျရောက်တဲ့နေ့ရက်ပဲဖြစ်ပါတယ်။ ဒီနေ့ဟာပြန့်ပွားခြင်းတွေ၊ကျယ်ပြန့်ခြင်းတွေအထူးလွှမ်းမိုးပါတယ်။ ဒါကြောင့် ကုန်ပစ္စည်း သစ်များဖြန့်ချီခြင်းတွေ ဒီနေ့အတွက်အထူးကောင်းပါတယ်။ ဒီလိုနေ့မျိုးဟာတော့ကြိုတင်စီမံပြီး ဆောင် ရွက်တဲ့ကိစ္စတွေလွဲလွဲချော်ချော် ဖြစ်ရတတ်ပါတယ်။ ဒါကြောင့်ဖြစ်လာတဲ့အခြေအနေကို မီးစင်ကပြီးလုပ်တာပိုမို ကောင်းပါတယ်။ လုပ်လက်စ အလုပ်တွေကို အောင်မြင်စွာရှေ့တိုးဆောင်ရွက်နိုင်ပါလိမ့်မယ်။ လုပ်ငန်းအတွင်းကြုံ တွေ့နေရတဲ့ပြဿနာတွေကို ကောင်းစွာဖြေရှင်းနိုင်ပါလိမ့်မယ်။
ဘာသာရေးနှင့်ဆိုင်သောကိစ္စအ၀၀တွေဖြစ်တဲ့ ရှင်ပြုခြင်း၊နားသခြင်း၊ပဉ္ဇင်းခံခြင်းများလဲ ပြုလုပ်ဆောာင် ရွက်နိုင် ပါလိမ့်မယ်။တပည့်မွေးခြင်း၊သင်တန်းသားအသစ်လက်ခံခြင်း၊ ပညာပေးဝေခြင်းများလဲ အထူးဆောင်ရွက် နိုင်ပါတယ်။ ဒီလိုနေ့ရက်တွေမှာ ခရီးကိစ္စတွေအဆင်ပြေတာတွေတွေ့ရပါတယ်။
ရတနာများဝယ်ခြင်း၊ ရောင်းခြင်းများလဲဆောင်ရွက်နိုင်ပါလိမ့်မယ်။ဖုန်းလုပ်ငန်း၊ဖုန်းအပိုပစ္စည်းရောင်းဝယ်ခြင်းများ ၊ပဲ ပြောင်း ဖရဲရောင်းဝယ်ခြင်းများ အထူးအဆင်ပြေမည် ။ ၇ရက်သားသမီးများ အားလုံးငွေကံကောင်းနေသလို ငွေ အသုံး လဲ များနေတတ်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၂း၁၈)နာရီမှ (၂၃း၀၉)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါ လိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
လူ့ပြည်ပြဿဒါးကျရောက်တဲ့နေ့ရက်ဖြစ်တာကြောင့် မင်္ဂလာကိစ္စတွေမှန်သမျှရှောင် သင့်ပါတယ်။ လက်ထပ်ခြင်း ၊ရုံးတတ်လက်မှတ်ထိုးခြင်း၊စေ့စပ်ခြင်း၊မင်္ဂလာစကားပြောခြင်းများလဲအထူးရှောင် သင့်ပါတယ်။အရေးကြီးတဲ့ ကိစ္စတွေ ကိုရှောင်သင့်ပါတယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။
ဒီနေ့မွေး ရင်သွေးငယ်များဟာ အထွန်းဖွား၊ မကာရစန်း၊ သိဟ်ရာသီဖွားဖြစ်ပါသည်။ဒီနေ့မွေးသူများဟာ အခက်အခဲ တွေအတားအဆီးတွေနည်းပါးကြသူတွေဖြစ်ပါတယ်။ ဆွေမျိုးသားချင်းထဲက ချမ်းသာသူတစ်ဦးဦးက ကူညီပေးတာ ထောက်ပံ့ပေးတာ၊အလုပ်ပေးတာမျိုးတွေအထူးကြုံရတတ်တဲ့သူဖြစ်ပါတယ်။ ငွေကြေးနဲ့ပတ်သက်ပြီးတော့လဲ မရှိ မရှား သူတွေဖြစ်ပါတယ်။ ကိုယ့်အစွမ်းအစနဲ့ တစ်ပြားမှငွေမဝင်တဲ့အချိန်တွေရှိရင်တောင်မှ ထောက်ပံ့မဲ့သူတွေ၊ အရင်းအနှီးထုတ်ပေးသူ တွေပေါများပါတယ်။ အားနည်းချက်တစ်ခုက ငါ့အတွက်၊ငါ့မိသားစုအတွက်ဆိုတဲ့ စိတ် သာရှိပြီး ကိုယ်ချင်းစာစိတ်နည်းသွားတတ်တာကို ပြုပြင်ဖို့လိုပါတယ်။ လူတွေ ကိုအကျိုးအမြတ်ကြည့်ပြီး ပေါင်းတတ် ကြသူတွေဖြစ်ပါတယ်။
ဒီနေ့အတွက်ရာဟုကာလအမှောင်ချိန်တွေကတော့ မွန်းလွဲ(၁၂း၀၄) နာရီမှ မွန်းလွဲ(၀၁း၃၆)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ဒီနေ့မှာ ကံကောင်းသောနေ့သားများ အင်္ဂါ၊ ဗုဒ္ဓဟူး၊ ရာဟု သားသမီးများပဲဖြစ်ပါတယ်။
ကံညံ့သော နေ့သားများကတော့ သောကြာ၊ စနေ သားသမီးများပဲဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ တနင်္လာ၊ ကြာသပတေး သားသမီးများပဲဖြစ်ပါတယ်။
ဒီနေ့မှာ ကြေးနီရောင် နှင့် အပြာနုရောင် များများပါသော အဝတ်အစားအသုံးအဆောင်ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၁၊ ၂)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ရေအေးအေးလေး တစ်ခွက် သောက်ပြီးမှ သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ မုန့်တီတစ်ပွဲ ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အလုပ်တွေကိုဆက်တိုက်လုပ်ကိုင်နေရတတ်ပါတယ်။ ပြဿနာတွေကိုတိုက်ရိုက်ဖြေရှင်းတာမျိုးမလုပ်ဘဲ သွယ်ဝိုက် တဲ့နည်းနဲ့ဖြေရှင်းလိုက်တာ ပိုကောင်းပါတယ်။ ဘာလုပ်လုပ်ကြားကနေအကျိုးဆောင်ပေးတဲ့သူကို အကူအညီ တောင်း တာပိုကောင်းပါတယ်။ အချစ်ရေးကိစ္စတွေ တောင်မှအောင်သွယ်နဲ့ တဆင့်ကမ်းလှမ်းတာ ပိုကောင်းပါတယ်။ အများ ဝန်ကိုထမ်းနေရတတ်ပါတယ်။ ကိုးကွယ်စ ရာဘုရား၊ရဟန္တာပုံတော်ကားချပ်များ ရောက်လာတတ်ပါတယ်။ လက်ရှိ အလုပ်အပြင် အပိုအလုပ်တွေချဲ့ထွင်တာ မျိုးလဲကောင်းတဲ့နေ့ပါ။ ဖခင်ထံမှအထောက်အပံ့အကူအညီမျိုး ရတတ်ပါ တယ်။
တနင်္လာ
လမ်းပျောက်နေသလိုဖြစ်ရတတ်ပါတယ်။ ဘာလုပ်ရမှန်းမသိ တွေဝေစိတ်တွေများနေတတ်ပါတယ်။ စွမ်းအားတွေနဲ့ မလိုအပ်တဲ့နေရာမှာစိုက်ထုတ်နေမိတတ်ပါတယ်။ ဥပမာ ပြောရရင် ဂိမ်းနဲ့အချိန်ကုန်တာမျိုးပေါ့။ အကျိုးမရှိတာ တွေကို လျှော့နိုင်မှဒီနေ့က အဆင်ပြေလမ်းမှန်ပေါ်ရောက်ပါ လိမ့်မယ်။ ကူညီမလိုလိုနဲ့ ဒုက္ခပေးသွားနိုင်တဲ့နေ့ရက် ဖြစ်တာကြောင့် ဘယ်သူကိုမှစိတ်ချယုံကြည်ထားလို့မရပါဘူး။ ကျန်းမာရေးအနေနဲ့ ဝမ်းချုပ်နေသူများ ဝမ်းနှုတ်ပေးပါ။ ဝမ်းချုပ်ရာကစလို့ အပိုရောဂါတွေပါ ထပ်ဖြစ်နိုင်လို့ပါပဲ။ လူမျိုးခြားတွေနဲ့ တွဲဖက်လုပ်ကိုင်ရသောအလုပ် များ အဆင်မပြေဖြစ်ရတတ်ပါတယ်။
အင်္ဂါ
အခက်အခဲတွေကိုကောင်းစွာကျော်လွှားသွားနိုင်ပါလိမ့်မယ် ။ မိမိကြိုးစားသမျှအရာထင်အောင်မြင်ပါလိမ့်မယ်။ ငွေကြေးအရအောင်မြင်မှုတွေမရရှိနိုင်ပေမဲ့ အလုပ်အရတော့ အဆင်ပြေပေါက်မြောက်တတ်ပါတယ်။ အလုပ်ခွင် အတွင်းနာမည်ကောင်းရနိုင်ပါတယ်။ ကိုယ်ပိုင်စီးပွားများဖောက် သည်သစ်တွေနဲ့အချိတ်အဆက်ရလာ တတ်ပါတယ်။ အချစ်ရေးမှာ ရေမှုတ်တစ်ဖက်၊မီးစတစ်ဖက်ရှိတဲ့ချစ်သူ ကြောင့်အဆင်ပြေရတတ်ပါတယ်။ လိုတာထက်ပိုပြီးတော့ သူများရဲ့အကူအညီကိုမယူသင့်ပါ။ ကျန်းမာရေး ကတော့ အားရစရာကောင်း တဲ့နေ့တစ်နေ့ပါပဲ။ အဖျားတာရှည် နေတာမျိုးတွေရှိရင်ဒီနေ့ပြန်ကောင်းပါပြီ။
ဗုဒ္ဓဟူး၊ရာဟု
စိတ်ကြည်လင်ကံကောင်းနေတတ်ပါတယ်။ ဘာသာရေး ကိစ္စတွေနဲ့ပဲအချိန်ကုန်သင့်တဲ့နေ့ပါ။ အဓိဋ္ဌာန်စတင် ဝင်လို့ အထူးကောင်းပါတယ်။ ငွေရွှင်လာဘ်ရွှင်ပါလိမ့်မယ်။ သူ တစ်ပါးဆီကအကူအညီကောင်းတွေရလာ တတ်ပါတယ်။ ဓမ္မဒါနအဖြစ်လက်ဆောင်လေးတွေရတတ်ပါတယ်။ တရားဓမ္မဆွေးနွေးခြင်းများ၊ တရား ရှုမှတ်ခြင်းများကိုလေးလေး နက်နက်လုပ်သင့်တဲ့နေ့ရက်ပါပဲ။ ရှေ့တိုးဆောင် ရွက်ရမဲ့အလုပ်တွေအတွက် အစီအစဉ် ဆွဲတာ၊ ရှယ်ယာဝင် နေတဲ့တိုင်ပင်တာမျိုးဆောင်ရွက်သင့်တဲ့နေ့ရက်ပါပဲ။ ငွေအစု လိုက်ဝင် လာတတ်ပါတယ်။ ကုသိုလ်စိတ်လေးတွေနဲ့ အမြဲနေသူများထီထိုးပေးပါ။
ကြာသပတေး
ကြည်နူးစရာအချိန်လေးပါပဲ။ ချစ်သူဆီကအဖြေရတာမျိုး၊ မိမိအားထည့်လုပ်ကိုင်နေတဲ့အရာတစ်ခု အောင်မြင် ပြီးမြောက်သွားတာမျိုးတွေကြုံရတတ်ပါတယ်။ ဘုရားဖူးခရီးဖြစ် စေ၊အပျော်ခရီးဖြစ်စေကြုံလွယ်တဲ့ နေ့ရက်ပါပဲ။ ဥပုသ်သီလယူပါ။ ကောင်းသောစကားကိုဆိုပါ။ အဘက်ဘက်က အဆင်ပြေသွားပါလိမ့်မယ်။ အလုပ်ထဲမှာနေရာ ပေးခံရတာမျိုး၊ အသိအမှတ်ပြုခံရတာမျိုးတွေကြုံရတတ်ပါတယ်။ မိသားစုဒါမှမဟုတ် ချစ်ရသူတွေနဲ့ပျော်စရာအချိန် တွေကိုဖန်တီးနိုင်ပါလိမ့်မယ်။ ပရဟိတကိစ္စများ အသင်းအဖွဲ့ ကိစ္စများမှာ ဝင်ရောက် လုပ်ကိုင်ပေးခြင်းမျိုး ကြုံရ တတ်ပါတယ်။
သောကြာ
တတ်နိုင်သမျှအိမ်တွင်းပုန်းလုပ်နေတာပိုကောင်းပါတယ်။ အပေါင်းအသင်းများနဲ့ သွားလာခြင်းမလုပ်ပါနဲ့။ သူတို့ ပြဿနာ တွေကိုယ့်ဆီကူးစက်လာတတ်ပါတယ်။ လိုရင်းပြော လိုတာကဒေါသကြီးသူတွေကို တတ်နိုင် သလောက် ရှောင်ပါ။ အသောက်အစားအပျော်အပါးမလုပ်ပါနဲ့။ အေးအေး ဆေးဆေးနေရင် နေလို့ကောင်းပြီး အဆင်ပြေမဲ့နေ့ ရက် ဖြစ်ပါလိမ့်မယ်။ ရန်ဖြစ်ရင်အမှုကြီးသွားတတ်ပါတယ်။ ငွေကံကောင်းနေလိမ့်မယ်။ မုန့်ဖိုးရတာ ဆုကြေးရတာမျိုး တွေ ကြုံလွယ်တယ်။ ငွေချေးလိုက်တာမျိုး အထူးရှောင် လိုက် ပါ။စီးပွားရေးနှင့်ပတ်သက်သော အခွင့်အလမ်းကောင်း တွေလဲ ပေါ်လာတတ်ပါတယ်။
စနေ
အလုပ်တွေမှာဖိအားတွေနဲ့လုပ်ကိုင်ရတတ်ပါတယ်။ ဒါ ကြောင့်စိုးရိမ်ပူပန်စရာတွေများနေမဲ့နေ့ပါပဲ။ လိုတာထက် ပိုပြီးတော့ ငွေတွေကိုမသုံးမိဖို့ပြောပါရစေ။ တစ်ခုခုဝယ် လို့ ငွေများများကုန်သွားရင် ငွေကုန်တာမရပ်ဘဲ ထပ်ကုန် စရာပေါ်လာတတ်လို့ပါ။ကျန်းမာရေးစိုးရိမ်စရာမရှိပေမဲ့ ချော်လဲတာမျိုးတွေ၊ထိခိုက်စရာ၊ တစ်ခုခုဖြစ်တာ မျိုးတွေဖြစ် လွယ်နေတတ်ပါတယ်။ ရွှေဝယ်ဖို့မသင့်ပါဘူး။ လမ်းမှာ အမှိုက်၊သံ၊ပုလင်းကွဲ စတဲ့အမြင်မတော်တာတွေ ဖယ်ရှားပေး လိုက် မျိုးက ဒီနေ့အတွက်ကံကောင်းလာစေပါတယ်။ လူမှုရေးစကားများ မိမိကဦးဆောင် ပြီးတော့မပြောလိုက်ပါနဲ့။ ရွှေကျပျောက်တတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695