loading

9.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန်သိစရာများနှင့်၇ရက်သားသမီးဟောစာ တမ်း အကျဉ်း

  • Home
  • Blog
  • 9.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန်သိစရာများနှင့်၇ရက်သားသမီးဟောစာ တမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလပြည့်နေ့ရက်၊ သောကြာနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊စက်တင်ဘာလ(၉)ရက်နေ့လဲ ဖြစ်ပါတယ်။

ဒီနေ့နံနက်(၀၅း၀၈)နာရီမှာ အရုဏ်တတ်ပါတယ်။ နေထွက်ချိန်နံနက်(၅း၅၆)နာရီဖြစ်ပြီး ၊ ညနေ(၆း၁၄)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။

လက်သမားမြေခံအရသိကြားမြေခံဖြစ်ပါတယ်။ သိကြား မြေခံဖြစ်၍ ချမ်းသာသုခကို ပေးတဲ့နေ့ ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ ကောင်းပါတယ်။

တီထိမြေခံ အရ တနင်္ဂနွေမြေခံဖြစ်ပါတယ်။ တနင်္ဂနွေ မြေခံတဲ့နေ့ဖြစ်တာကြောင့် ဒီနေ့မှာ ဘာလုပ်လုပ် အထူး သတိထား လုပ်ကိုင်သင့်သော အချိန်ကာလမျိုးဖြစ်တာမို့ ခိုင်ခန့်တဲ့အဆောက်အဦး တွေ၊ကျောင်း တွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာ ပန္နက်ရိုက်တာမျိုး တွေ အထူးရှောင်သင့်ပါတယ်။

ဒီနေ့ဟာ နဂါးပြည်ပြဿဒါး ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  အနိဋ္ဌသဘော ၊ဆင်းရဲခြင်းသဘောဆောင်တဲ့ ရိတ္တာတီ ထိကျရောက်တဲ့နေ့ရက်ပဲ ဖြစ်ပါ တယ်။ဒီလိုနေ့ရက်တွေမှာတော့ အတတ်ပညာဒါမှမဟုတ် အသိပညာတစ်ခုခုကိုစ တင်လေ့လာခြင်းတွေ၊ကျောင်း သင်တန်း စတင် အပ်နှံခြင်းတွေဆောင်ရွက်လို့အထူးကောင်းတဲ့နေ့ရက်ပါပဲ။ကုန် သွယ်ရေးနှင့်စီးပွားရေးကိစ္စများ တိုးချဲ့ဆောင်ရွက်ရန်သင့်တော်တဲ့နေ့ရက်ဖြစ်ပါတယ်။

ရေတွင်း၊ရေကန်၊အဝီစီတွင်းတူးခြင်းများစတင်လုပ်ဆောင် လို့ကောင်းတဲ့နေ့ပါပဲ။ အသင်းအဖွဲ့အစည်းများ စတင် တည်ထောင်ခြင်းများပြုလုပ်လို့အထူးကောင်းပါတယ်။စိုက်ပျိုးထားတဲ့သီးနှံများကိုပိုးသတ်ဆေးဖြန်းခြင်းများ စတင် ဆောင်ရွက်ခြင်းများပြုလုပ်နိုင်ပါတယ်။

တော်သလင်းလပြည့်နေ့ဟာ သောကြာနေ့နဲ့တိုက်ဆိုင်နေတာမို့ ဘုရားနေကဇာတင်ခြင်း၊အနေကဇာဂါထာတော် ရွတ်ဖတ်ခြင်းများ၊ဘုရားဆင်းတုတော်အားရေသပ္ပခြင်းများဆောင်ရွက်သင့်တဲ့နေ့ရက်ပါပဲ။

ဒီလိုနေ့ရက်တွေမှာပြဿနာတွေကိုထိပ်တိုက်ရင်ဆိုင်ဖြေရှင်းသင့်ပါတယ်။ ဘယ်ကိစ္စမဆိုမျက်နှာ စုံညီဖြေရှင်းတာ အကောင်းဆုံးပါပဲ။ကုမ္ပဏီလုပ်ငန်းတိုးတတ်ဖို့ပဲဖြစ်ဖြစ်၊အလုပ်နဲ့ပတ်သက်ပြီးလိုအပ်တဲ့  အကြောင်းကိစ္စတွေ ကြောင့်ပဲဖြစ်ဖြစ်ရှယ်ယာဝင်တွေနဲ့  တွေ့ဆုံဆွေးနွေးလို့အလွန်ကောင်းတဲ့နေ့ပါပဲ။ ဘုရားထီးတင်ခြင်းများ၊ မိမိတို့ လှူဒါန်းထားတဲ့ကျောင်း၊သိမ်၊ပစ္စည်းဝတ္တုစတဲ့အရာတွေအတွက် ရေစက်ချလှူဒါန်း အမျှဝေခြင်းများ ဆောင်ရွက် နိုင်ပါတယ်။

            ရှောင်သင့်တာတွေကတော့ တတ်နိုင်သမျှမည်သူတစ်ဦးတစ်ယောက်ကိုမျှယုံလို့မသင့်ပါဘူး။ ကံအးနည်း နေသူများ အများရဲ့ဝိုင်းဝန်ချောက်ချခြင်းကိုခံရတတ်ပါတယ်။ စကားအမှားတွေကြောင့် အရမ်းရင်းနှီးတဲ့မိတ်ဆွေ တွေနဲ့ ပြတ်စဲသွားသည်အထိဖြစ်ရတတ်ပါတယ်။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၂း၁၀)နာရီမှ (၂၃း၀၁)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

နဂါးပြည်ပြဿဒါးကျရောက်နေတဲ့နေ့ရက်ဖြစ်တာကြောင့်အိမ်၊ခြံမြေ၊တိုက်တာ၊ဆိုင်ခန်း၊အလုပ်ခန်းများ ရောင်းချ ခြင်း၊ ဝယ်ယူခြင်းမျိုးတွေရှောင်လိုက်စေချင်ပါတယ်။အရောင်းအဝယ်ကိစ္စတွေနဲ့ပက်သက်ပြီးတော့ စာချုပ်ချူပ်ဆို မယ်ဆိုရင်တော့ ဒီနေ့မှာ ပိုင်ဆိုင်တဲ့စာရွက်စာ တမ်းတွေက အစစ်လား၊အတုလားသေချာစစ်ဆေး ပြီးမှ ဆောင်ရွက် လိုက်ပါ။

ဒီနေ့မွေး ရင်သွေးငယ်များဟာ  ပုတိဖွား၊  ကုမ်စန်း၊  သိဟ်ရာသီဖွားဖြစ်ပါသည်။ဒီနေ့မွေးသူများဟာ ပျော်ရွှင်စွာဘဝ ကိုဖြတ်သန်းနိုင်ပါလိမ့်မယ်။ တကယ်လဲဘာကိုမှအလေးအနက်မထားဘဲ စိတ်ပျော်ရာနေတတ်သူဖြစ်ပါတယ်။ တစ်ခုသတိထားရမှာက ဒီနေ့မွေးမိန်းကလေးတွေဟာ အိမ်ထောင်ရေးကံညံ့တတ်ပါတယ်။ လက်ကြောမတင်းတဲ့ အိမ်ထောင်ဘက်ကိုရရှိတတ်ပါတယ်။ငွေကြေးကံအားကောင်းပြီး ကူညီမဲ့သူတွေ၊ အရင်းအနှီးထုတ်ပေးမဲ့သူတွေ ပေါများပါတယ်။ အတိတ်ကံအားကောင်းပြီးတော့ လူကသာ အားထည့်ကြိုးစားမယ်ဆို ထိပ်တန်းရောက်အောင်မြင် နိုင်ကြပါတယ်။

ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀◌း၃၀) နာရီမှ နံနက်(၁၂း၀၃)နာရီအတွင်း ကျ ရောက်နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြု တာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူး ကောင်းပါတယ်။

ဒီနေ့မှာ ကံကောင်းသောနေ့သားများ တနင်္ဂနွေ၊ တနင်္လာ၊ ကြာသပတေး၊ စနေ သားသမီးများပဲဖြစ်ပါတယ်။

ကံညံ့သော နေ့သားများကတော့ သောကြာ၊ ဗုဒ္ဓဟူး သားသမီးများပဲဖြစ်ပါတယ်။

ကံသင့်သောနေ့သားများကတော့ အင်္ဂါ၊ ရာဟု သားသမီးများပဲဖြစ်ပါတယ်။

ဒီနေ့မှာ အညိုရောင်၊မိုးပြာရောင်           များများပါသော အဝတ်အစားအသုံးအဆောင်ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။  

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့  (၂၊၈၊၃)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့နှင်းဆီပန်း တစ်ပွင့် ဆောင်သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ တည်သီး ဘုရားကပ်လှူပြီး လိုရာဆု တောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလို အင်ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

စီးပွားရေးအတွက်ကောင်းတဲ့အပြောင်းအလဲတွေကြုံရ တတ်ပါတယ်။ လမ်းကြောင်းသစ်၊အခွင့်အရေးသစ်တွေ ရလာတတ်ပါတယ်။ အလုပ်ရှာနေသူများလစာကောင်းတဲ့ အလုပ်မျိုးရလာတတ်ပါတယ်။ အောက်လက်ငယ်သား ဝန်ထမ်းတွေကြိုးစားမှုကြောင့်အလုပ်တွေသိသိသာသာတိုး တတ်နိုင်ပါတယ်။ စားသောက်ကုန်အလုပ်၊ စက်ပစ္စည်း နှင့်နွယ်သောအလုပ်များပိုမိုအဆင်ပြေနိုင်တာကိုတွေ့ရပါ တယ်။  မိတ်ကောင်းဆွေကောင်းတွေဆီက အလွန်အဖိုး တန်တဲ့အကူအညီတွေရလာနိုင်ပါတယ်။ စိတ်အလုပ်တွေ ဖြစ်တဲ့ သမထအလုပ်တွေအားထည့်သင့်တဲ့နေ့ပါ။ စိတ်ချမ်းသာရမဲ့နေ့ရက်ပါပဲ။

တနင်္လာ

မိမိစိတ်ထဲဖြစ်ချင်နေတာတွေလက်တွေ့ဖြစ်လာတတ် ပါတယ်။ ရည်ရွယ်ထားတာတွေပြည့်မှီအောင် စွမ်းဆောင် နိုင်ပါလိမ့်မယ်။ အလုပ်တွေကနေတဆင့် အချိတ်အဆက် ကောင်းတွေရလာပါလိမ့်မယ်။ မိမိလိုအပ်တဲ့သတင်း အချက် အလက်တွေပဲဖြစ်ဖြစ်၊ လိုအပ်တဲ့dataတွေပဲဖြစ်ဖြစ်ရှာ ဖွေလို့ရရှိတတ်ပါတယ်။ ခရီးသွားပြီးလုပ် ကိုင် ရတဲ့အလုပ်တွေကိုတော့ ပိုမိုအဆင်ပြေနိုင်တာကိုတွေ့ရပါတယ်။ အလုပ်တွေထဲမှာ ပင်ပန်းနေတဲ့သူတွေကတော့ ဒီနေ့မှာစိတ်လွတ်လက်လွတ်အပန်းဖြေသင့်ပါတယ်။ပေါင်းသင်းဆက်ဆံရေးနယ်ပယ်လူမှုရေးနယ်ပယ်အားကောင်း တာကြောင့် ဒီနေ့မှာမိတ်ဆွေတွေ တိုးပွားပါလိမ့်မယ်။

အင်္ဂါ

အိမ်တွင်းရေးကိစ္စတွေမျာတော့ ကိုင်တွယ်တတ်ဖို့လိုပါ တယ်။ အိမ်တွင်းရေးစိတ်ဝမ်းကွဲစရာတွေ ကြုံရတတ်ပါတယ်။ အလုပ်တွေမှာတော့ အထက်လူကြီးအပြောင်းအလဲ ဖြစ်ရတတ်ပါတယ်။ နေရာသစ်၊ ဒေသသစ်ကိုခရီးထွက်ဖို့အကြောင်းဖန်လာတတ်ပါတယ်။ လိုတာထက်ပိုပြီးတော့ တစ်ဖက်သားအပေါ်အားမနာ လိုက်ပါနဲ့။ အားနာတတ်မှုကြောင့် မိမိပါဒုက္ခရောက်လွယ်တဲ့နေ့ရက်ပါပဲ။ တန်ဖိုးရှိ ပစ္စည်းများ သေချာသိမ်းပါ။ မေ့ကျန်ကျပျောက်မှုတွေကြောင့်ပဲ ပျောက်ရှသွားတတ်လို့ပါ။ ကျန်းမာရေးကတော့ အထူးကောင်းပါတယ်။

ဗုဒ္ဓဟူး၊ရာဟု

အလုပ်ပိုကိစ္စပိုတွေကြောင့်အချိန်ကုန်ရတတ်ပါတယ်။ အရေးကြီးတာတွေလုပ်ဖို့ နှောင့်နှေးကြန့်ကြာ ရတတ်ပါ တယ်။ ကိုယ်ပိုင်စီးပွားများလုပ်သလောက်အကျိုးမခံစားရ တတ်ပါဘူး။ customer complain တွေကိုလဲ ဖြေရှင်းရတတ်ပါတယ်။ အစိုးရဌာနများနဲ့ဆက်စပ်လုပ်ကိုင်ရသော အလုပ်တွေကတော့ဒီနေ့မှာ ထင်သလောက် အဆင်မပြေ တတ်ပါဘူး။အချစ်ရေးကိစ္စတွေမှာတော့လိုက်နှောင့်ယှက် တဲ့သူကြောင့် စိတ်ဆင်းရဲရ တတ်ပါတယ်။ ဘာလုပ်လုပ်မိဘတွေကိုတိုင်ပင်မေးမြန်းပြီးလုပ်ပါ။ဘာသာရေးကိုမေ့လျော့နေသူတွေ ကတော့ ဒီနေ့မှာအခက်အခဲ များနေတတ်ပါတယ်။ ရာဟုသားသမီးတွေအနေနဲ့ မိဘတွေကိုပြန်ခံပြောတာ မျိုးရှောင် ပါ။

ကြာသပတေး

စိတ်ထဲလိုချင်တောင်းတတာလေးတွေပြည့်ဝရတတ်ပါတယ်။ လိုချင်နေတဲ့ငွေကြေး၊ကြန့်ကြာနေတဲ့ ငွေကြေးတွေ ပြန်လည်ရရှိလာတတ်ပါတယ်။ အလုပ်တွေကို အခက်အခဲမရှိ လုပ်ကိုင်နိုင်မဲ့နေ့ရက်ပါပဲ။ လူမျိုးခြား၊ဘာသာခြား တွေရဲ့အကူအညီရတတ်ပါတယ်။ အွန်လိုင်းကနေချစ်သူရတာမျိုး လဲကြုံရတတ်ပါတယ်။ အထူးသဖြင့် လက်ဆောင် ဆို တာမျိုးလဲရလွယ်တဲ့နေ့ရက်ပါပဲ။ အိမ်ထောင်သည်များစုတ် ကိစ္စမရှုပ်ထွေးလိုက်ပါနဲ့။ လိင်မတူသူ တွေရဲ့ဖျား ယောင်း သွေးဆောင်ခြင်းကိုခံရတတ်ပါတယ်။ လူချစ်လူခင်များပြီး မိမိရဲ့ကောင်းကျိုးကိုလိုလား နေကြသူတွေ ပတ်ဝန်းကျင်မှာရှိနေတတ် ပါတယ်။

သောကြာ

အလုပ်တွေမှာဆုံးဖြတ်ရခက်စရာ ဝေခွဲမရတဲ့အခွင့် အရေးနှစ်မျိုးနှစ်ခွကြုံရတတ်ပါတယ်။ ရေရှည်ကြည့်ပြီး ဆုံးဖြတ် သင့်တဲ့နေ့ရက်ပါပဲ။ ဘာလုပ်လုပ်စိတ်ရှည်ရလိမ့် မယ်။ အခက်အခဲအရင်ကြုံရပြီးမှအဆင်ပြေတတ်လို့ပါ။ ရင်းနှီးတဲ့မိတ်ဆွေတစ်ဦးနဲ့ခွဲခွာရဖို့အကြောင်းဖန်လာတတ် ပါတယ်။ ဆံသခြင်းတွေ၊ ခေါင်းလျှော်ခြင်းတွေ ဒီနေ့ ရှောင်ပါ။ လဘ်ပိတ်သွားတတ်ပါတယ်။ ငွေမျက်နှာကိုမကြည့် သင့်ပါ။ ဝန်ထမ်းများလာဘ်စားမိပါက ချက်ချင်းဒုက္ခ ရောက် လွယ်ပါတယ်။ အချစ်ရေးကိစ္စတွေမှာတော့ ချစ်သူက မိမိအပေါ်သွေးအေးနေ တတ်ပါတယ်။မိမိကောင်းတာ လုပ်ရင်လဲ တားမဲ့သူတွေပေါ်လာတတ်ပါတယ်။

စနေ

အလုပ်တွေများနေတတ်ပါတယ်။ မိုးလင်းကတည်းက အစီ အစဉ်ဆွဲပြီးလုပ်ကိုင်ဖို့ တိုက်တွန်းလိုက်ချင်ပါတယ်။ ကိုယ်ပိုင်စီးပွားများအလုပ်ကကြီးလာပြီးငွေကမနိုင်သလိုဖြစ်ရ တတ်ပါတယ်။ ရှယ်ယာအလုပ်များ ငွေကြေးနဲ့ ပတ်သက်ပြီးအပြောင်းအလဲတစ်ခုခုဖြစ်ပေါ်ရင် ချက်ချင်းအသိပေး ဖို့လိုပါတယ်။ ပညာရေးကိုတော့ အဝေးမှာ  သွားသင်ရတာမျိုး၊အွန်လိုင်းကနေတဆင့်သင်ရတာမျိုးတွေကြုံနေရ တတ်ပါတယ်။ ရင်းနှီးမြုပ်နှံမှုတွေကို သေချာ မှလုပ်ပါလို့ပြောပါရစေ။ မိမိလိုချင်တဲ့သတင်းအချက်အလက်တွေကို စုဆောင်းလို့ရရှိပါလိမ့်မယ်။ ကျန်းမာရေးကို တော့ သိပ်အားမရဘူးဗျ။ ဂရုစိုက်ပါလို့မှာချင်တယ်။

ဆရာငြိမ်းအေးလူ(ဗေဒင်သုတေသီ)

09775555695

Posted in Daily Consult

Leave a Reply

Your email address will not be published. Required fields are marked *