
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလကွယ်နေ့ရက်၊ စနေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၂၄)ရက်နေ့လဲ ဖြစ်ပါတယ်။
ဒီနေ့နံနက်(၅း၁၈)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၆)နာရီဖြစ်ပြီး ၊ ညနေ(၀၆း၀၄)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့မြောက်အရပ် ဖြစ်ပါတယ်။ စန်းပွင့်ရာအရပ်ကအရှေ့အရပ် ဖြစ်ပါတယ်။
လက်သမားမြေခံအရလက်သမားမြေခံ ဂဠုန် မြေခံဖြစ်၍ ကြီးပွားချမ်းသာရတတ်သော နေ့ဖြစ်တာကြောင့် ပျဉ်ထောင် အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
ဒီနေ့ဟာတီထိမြေခံအရ သောကြာမြေခံတဲ့နေ့ဖြစ်ပါတယ်။ သောကြာမြေခံအရ ဥစ္စာပစ္စည်းရရှိခြင်း၊ချစ်သူ၊ မိတ်ဆွေ ပေါများ ခြင်းအကျိုးကိုရရှိစေသောကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေစတင်ဆောက်လုပ်တာတိုင်ထူတာပန္နက်ရိုက်တာမျိုးတွေအထူးဆောင်ရွက်လို့ရပါ တယ်။
ဒီနေ့ဟာ ရက်ရာဇာ ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ ဆင်းရဲခြင်း၊ဗလာနတ္ထိသဘောကိုဆောင်တဲ့ ရိတ္တာတီထိ ကျရောက်တဲ့နေ့ရက်ပဲဖြစ်ပါတယ်။ ဒါကြောင့်ပဲဒီလိုနေ့ရက်မှာတော့ရတနာပစ္စည်းများရောင်းဝယ်ခြင်းကိစ္စတွေအ ထူးကောင်းပါတယ်။ အတတ်ပညာများ စ တင်သင်ကြားခြင်း၊ သင်တန်းအပ်ပြီးစတင်သင်ကြားခြင်းများအထူး ကောင်းပါတယ်။ အလုပ်နဲ့ပတ်သက်သော ငွေ ကြေး အထောက်အပံ့တွေကိုလဲအထူးရရှိပါလိမ့်မယ်။ ဘာသာဆိုင်ရာ ကိစ္စများဆောင်ရွက်ရန်အထူးကောင်း ပါတယ်။
အမည်ဆိုင်းဘုတ်တင်ခြင်းတွေ၊အလုပ်ခန်းစတင်ဖွင့်ခြင်းတွေဒီနေ့မှာအထူးဆောင်ရွက်လို့ကောင်းပါတယ်။ မည်သည့် ပြဿနာတတ်တတ် ထိပ်တိုက်ရင်ဆိုင်ဖြေရှင်းလို့အထူးကောင်းပါတယ်။ မင်္ဂလာ အခါပေးခြင်း များဆောင်ရွက်လို့ ကောင်း ပါတယ်။ ဆိုင်းဘုတ်တင်ခြင်း၊ဆံရိတ်ဆံသခြင်း၊အလှပြင်ခြင်း၊ စေ့စပ်ခြင်း၊ ကလေးထမင်းခွံ ခြင်း၊အမည် မှည့် ခြင်း တွေ၊ အိမ်ပြောင်းတာတွေ အထူးကောင်းပါတယ်။ ဒီနေ့မှာအခက်အခဲအကြပ်တွေ ကနေဖောက်ထွက် ခြင်း တွေ၊ အညံ့အဆိုးတွေကနေ လွတ်မြောက် အောက်ကြိုးစား ခြင်းများအထူးကောင်းပါတယ်။
သံသရာကလွတ်မြောက်ကြောင်းဖြစ်တဲ့ဝိပဿနာပွားများခြင်းနှင့်နိဗ္ဗာန်သို့ဦးတည်ပြီးလုပ်တဲ့ ကုလိုလ်ရေးများ ဆောင် ရွက်နိုင်ပါတယ်။ ဒီနေ့ဟာဖြိုဖျက်ခြင်း၊ဖျက်စီးခြင်းတွေကို တွန်းအားပေးတဲ့နေ့ဖြစ်တာကြောင့် ဒီနေ့မှာအိုး အိမ်ဖြိုခြင်း တွေ၊မြေနေရာရှင်းလင်းခြင်း၊သစ်ပင်ခုတ်လှဲခြင်းများ ဆောင်ရွက်နိုင်ပါတယ်။
ခွဲစိပ်ကုသရမဲ့ရောဂါတွေကို ဒီနေ့မှာခွဲစိပ်ကုသလို့အလွန်ပဲကောာင်းပါတယ်။ စနေဂြိုဟ်စိုးမိုးတဲ့နေ့ရက်ဖြစ်တာ ကြောင့်အနုစိပ်အသေးစိပ်အလုပ်တွေ ခေါင်းစားပြီးဦးနှောက်သုံးပြီးဆောင်ရွက်ရမဲ့အလုပ်တွေ စတင်လို့အထူးသင့် လျော်ပါတယ်။
လှောင်ကုန်တွေ၊ရောင်းမထွက်ဘဲကြန့်ကြာနေတဲ့ပစ္စည်းတွေရှိရင်ရောင်းထွက်သွားပါလိမ့်မယ်။အကြီးအကဲများ အထက် လူကြီးများထံတွင် ဝင်ထွက်ညှိနှိုင်းတိုင်ပင်ခြင်းများ အထူးကောင်းပါတယ်။ နိုင်ငံရပ်ခြားကိစ္စများ နိုင်ငံခြား သွားဖို့စီစဉ်ဆောင်ရွက်ခြင်းများအထူးကောင်းပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၁း၁၁)နာရီမှ (၂၂း၀၂)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါ လိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေ လိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊စေ့စပ်ခြင်း၊မင်္ဂ လာ စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။
ဒီနေ့မွေး ရင်သွေးငယ်များဟာ သိုက်ဖွား၊ သိဟ်စန်း၊ ကန်ရာသီဖွားဖြစ်ပါသည်။ဒီနေ့မွေးသူများအား အများအားဖြင့် ကံသင့်ကြသူတွေများပါတယ်။ အချို့အရမ်းညံ့တဲ့အချိန်အခါကာလမှာမွေးမိသူကလွဲလို့ ကံအညံ့ကြီးမဟုတ်ကြပါဘူး။ ကျန်းမာရေးအားကောင်းကြပြီး တော်ရုံပင်ပန်းပါစေ၊ ဖျားတာနာတာကင်းတဲ့သူတွေဖြစ်ပါတယ်။ ငယ်ရွယ်စဉ်အလုပ် အမျိုးမျိုးပြောင်းလဲလုပ်ကိုင်ကြရတတ်သူတွေဖြစ်ပေမဲ့ အသက်ကြီးရင်တော့ အိုကံကောင်းကြသူတွေဖြစ်ပါတယ်။ ထူးထူးခြားခြား အရက်ရောင်းတာ၊ငါးမွေးတာစသော အကုသိုလ်အလုပ်တွေနဲ့လဲ အကျိုးပေးပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၀၈း၅၆) နာရီမှ နံနက်(၁၀◌း၂၇)နာရီအတွင်း ကျရောက် နေပါ တယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများကတော့ တနင်္ဂနွေ၊ ဗုဒ္ဓဟူး၊ ရာဟု၊ သောကြာ၊ စနေ သားသမီးများပဲဖြစ်ပါတယ်။
ကံညံ့သော နေ့သားကတော့ တနင်္လာ သားသမီးပဲဖြစ်ပါတယ်။
ကံသင့်သောနေ့သားများကတော့ အင်္ဂါ၊ ကြာသပတေး သားသမီးများပဲဖြစ်ပါတယ်။
ဒီနေ့မှာ အညိုရောင် နှင့် အပြာရောင်တောက်တောက် များများပါသောအဝတ်အစားအသုံးအဆောင်ပစ္စည်းတွေကို အထူး အလေးထား ဝတ် ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့်Lucky Number တွေကတော့(၉၊ ၁)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့သိကြားမင်းကို ရည်စူး မေတ္တာပို့ပြီးမှ သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ တည်/ထန်းသီး ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အလုပ်ပိုတွေ ကိစ္စပိုတွေကိုတော့ကောင်းစွာလျှော့ချနိုင်ပါ လိမ့်မယ်။ လူတစ်ဖက်သားရဲ့အခက်အခဲတွေကို ကူညီ ဖြေရှင်းပေးနိုင်ပါလိမ့်မယ်။ လက်မှတ်ထိုးရမဲ့ ကိစ္စတွေကို သေချာစီစစ်ပြီးမှာလုပ်စေချင်ပါတယ်။ချစ်သူနဲ့ အချိန်လွန် ရာကစလို့ ခိုးပြေးရတာထိဖြစ်သွားတတ်တဲ့ကာလပါ။ ဆင်ခြင်နိုင်ဖို့ပါပဲ။ စိတ်လွတ်လက်လွတ်နဲ့ တစ်ကိုယ်တော်ကြိုး စားရတဲ့အလုပ်တွေကပိုမိုအဆင်ပြေတတ်ပါတယ်။ စည်းကမ်းအတိုင်းလုပ်နေရတာတွေက ဒီနေ့မှာမိမိအတွက် အဆင်ပြေ မှာ မဟုတ်ပါဘူး။ စက်ပစ္စည်းများဝယ်မယ်ဆို အဟောင်းတွေ တစ်ပတ်ရစ်တွေကိုဒီနေ့ ရှောင်လိုက်ပါ။
တနင်္လာ
စိတ်ထဲဆုံးဖြတ်ရခက်ခဲနေတတ်ပါတယ်။ မကောင်းတဲ့ လူတွေကိုသံယောဇဉ်ဖြတ်ဖို့ဆုံးဖြတ်သင့်တဲ့နေ့ရက်ပါပဲ။ မိတ်ဆွေတွေနဲ့ စပ်တူလုပ်ထားတဲ့အလုပ်တွေရှိရင် စိတ် ဝမ်းကွဲစရာကိစ္စမျိုးတွေပေါ်လာနိုင်ပါတယ်။ သူတစ်ပါးတွေရဲ့ အကူအညီတွေကို ရယူလုပ်ကိုင်နိုင်မှပိုမိုအဆင်ပြေ တတ်ပါတယ်။ ချစ်သူရဲ့ ဥပေက္ခာပြုခြင်းတွေကိုခံစားရ တတ်ပါ တယ်။ မိမိအိမ်ထောင်ဘက်ရဲ့ကျန်းမာရေးကိုဂရုစိုက် စေချင်ပါတယ်။ ငွေကြေးကိုလက်မလွယ်ပါနဲ့လို့မှာ ချင်ပါ တယ်။ မိမိဖြစ်ချင်တာတွေကိုလဲ အရေးပေးဆောင်ရွက် လို့မကောင်းသေးပါဘူး။ခရီးထွက်ရသူဆို ခရီးပန်းပြီး ကိုယ်လက် မအီမသာဖြစ်ရတတ်ပါတယ်။
အင်္ဂါ
ငွေကြေးရင်းနှီးမြုပ်တွေကိုလဲ တိုင်တိုင်ပင်ပင်လုပ်စေ ချင်ပါတယ်။အလုပ်နဲ့ပတ်သက်ပြီးတော့လဲ ထင်ထားသည်ထက် ပိုမိုကောင်းမွန်အောင်စွမ်းဆောင်နိုင်ပါလိမ့်မယ်။ ပညာရေးမှာတော့ ဆရာတွေနဲ့ကတောက်ကဆဖြစ်ရတတ်ပါတယ်။ ကျန်းမာရေးအတွက်အနည်းငယ် ဂရုစိုက် ပေးပါ။ အရက်သေစာ သောက်စားခြင်းမျိုးရှောင်ပါ။ အရက်သောက်ပြီး အမှားတွေလုပ်မိတတ်တဲ့နေ့ရက်ပါပဲ။ ငွေကြေးနဲ့ပတ်သက်ပြီး ကိုယ်ပိုင်ငွေများဆုံးရှုံးရတတ်ပါတယ်။ မိမိရဲ့ရပိုင် ခွင့်တွေ ဆုံးရှုံးစရာကိစ္စတွေပေါ်လာ တတ်ပါတယ်။ အိမ်ထောင်ပရိဘောဂနှင့်ဇိမ်ခံပစ္စည်များဒီနေ့မဝယ်ယူသင့်ပါဘူး။
ဗုဒ္ဓဟူး၊ရာဟု
စိတ်ထဲလုပ်ချင်တာတွေကို လုပ်ခွင့်ရလိမ့်မယ်။ လုပ်ဖော် ကိုင်ဖက်တွေဆီက အားပေးစကားတွေကိုကြားရ တတ် ပါတယ်။ မိသားစုထဲက မိမိဖြစ်ချင်တဲ့အလုပ်တွေကိုလုပ်ခွင့် ရအောင်ကူညီမဲ့သူတွေရှိပါလိမ့်မယ်။ အဝေးရောက်နေတဲ့ သားသမီးတွေ ထောက်ပံ့တာမျိုး၊တပည့်သားချင်းတွေ လာရောက်ဂါရဝပြုတာမျိုးတွေကြုံရတတ်ပါတယ်။ ကိုယ် ပိုင်စီးပွားများမိတ်ဆွေရင်းတွေကနေတဆင့်ဖောက်သည် သစ်တွေတိုးပွားသွားပါလိမ့်မယ်။ ကြော်ငြာကိစ္စများလဲ အထူး ဆောင်ရွက်နိုင်ပါလိမ့် မယ်။ ငွေရှာလို့အလွန် ကောင်း ပါတယ်။ ငွေကြေးကံလဲကောင်းနေမှာဖြစ်ပါတယ်။
ကြာသပတေး
အလုပ်များနေမည်။ အချိန်တွေကုန်မှန်းမသိကုန်သွားတတ် ပါတယ်။ ခရီးကိစ္စတွေကြန့်ကြာမှုဖြစ်ရတတ်ပါတယ်။ ကတိမတည်သူတွေနဲ့ကြုံရမည်။ အလွယ်ထားတတ်ရင်သတိ ထားပါ။ ဖုန်းတို့၊ပိုက်ဆံအိတ်တို့ပျောက်ရှတတ်ပါတယ်။ အပျော်အပါး၊အသောက်အစားလုပ်ဖို့ မိတ်ဆွေတွေလာ ဆွယ်တာမျိုးတွေအထူးကြုံရတတ်ပါတယ်။ ကျန်းမာ ရေးပတ်သက် ပြီး အိပ်ရေးပျက်မခံပါနဲ့။လူအရမ်းနုန်းသွား သည် ထိအလုပ်မလုပ်ပါနဲ့။ ကုန်သည်များ ဈေးအပြောင်း အလဲကြောင့် အရှုံးများနေတတ်ပါတယ်။ စီးပွားရေးနဲ့ ပတ်သက်ပြီး ရောင်းမှားဝယ်မှားတွေဖြစ်ရတတ်ပါတယ်။ သွားကိုက်တတ်ပါတယ်။
သောကြာ
အတိတ်က အချိန်ကုန်လူပင်ပန်းခံပြီးလုပ်ထားတဲ့အလုပ် တွေကအဆင်ပြေလာပါလိမ့်မယ်။ဆွေမျိုးထက် တစ်စိမ်း တွေ ဆီက အကူအညီတွေရလွယ်ပါတယ်။ ခေါင်းရင်းဘက် ကအိမ်တွေမှာ ကလေးမွေးတယ်လို့ကြားရင် ထီထိုး လိုက်ပါ။ ကိုယ့်စိတ်ကူးအတွေးအခေါ်တွေကိုလက်တွေ့ အကောင်အထည်ဖော်ပြီး တော့ လုပ်ကိုင်ကြည့်ပါ။ထူးခြားစွာ အောင်မြင်ပါလိမ့်မယ်။ ငွေကြေးနဲ့ပတ်သက်ပြီးတော့ လဲ ရစရာတွေပြန်ရတတ်ပါ တယ်။ အလုပ်ကနေဆုကြေး ဆိုတာ မျိုးလဲရတတ်ပါတယ်။ လူမှုရေးကိစ္စတွေမှာတော့ အဆင်မပြေတာမျိုးတွေရှိနေခဲ့ရင် ပြေလည်အောင် ဆောင်ရွက်နိုင် မဲ့ နေ့ရက်ပါပဲ။
စနေ
အလုပ်တွေအားကောင်းပေမဲ့ မိသားစုအပူတွေကဖိစီးတာ ကြောင့် အလုပ်အပေါ်အပြည့်အဝအာရုံမစိုက်နိုင် ဖြစ်ရ တတ်ပါ တယ်။ အလုပ်ခွင်ထဲမှာတော့ အလုပ်ပိုတွေ၊ကိစ္စပို တွေကိုကောင်းစွာလျှော့ချနိုင်ပါလိမ့်မယ်။ မိမိကိုဦးဆောင် ခိုင်း လိုက်တဲ့ကိစ္စတွေ ကိုကောင်းစွာ လုပ်ကိုင်နိုင်ပါလိမ့် မယ်။ အိမ်အတွင်းပြင်ဆင်ခြင်းများ၊ နေရာအထား အသို ပြောင်း ခြင်းများ ဒီနေ့မှာဆောင်ရွက်လို့ကောင်းပါတယ်။ ကိုယ်ပိုင်စီးပွားရေးသမားများ ထပ်ချဲ့ချင်တဲ့အလုပ်တွေ ကို ဒီနေ့မှာ စတင်လို့ကောင်းပါတယ်။ အချစ်ရေးမှာလဲ မိမိ ချစ်ရေးဆိုထား သူမှ ပြန်လည်လက်ခံတာမျိုးတွေလဲ ကြုံနေရ တတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695