ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆန်း(၅)ရက်၊ ကြာသပတေးနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၂၉)ရက်နေ့လဲ ဖြစ်ပါတယ်။
ဒီနေ့နံနက်(၀၅း၂၁)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၉)နာရီဖြစ်ပြီး ၊ ညနေ(၀၆း၀၁)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။
လက်သမားမြေခံအရ ဂဠုန် မြေခံဖြစ်၍ ကြီးပွားချမ်းသာရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
ဒီနေ့ဟာတီထိမြေခံအရ တနင်္ဂနွေမြေခံတဲ့နေ့ဖြစ်ပါတယ်။ တနင်္ဂနွေ မြေခံတဲ့နေ့ဖြစ်တာကြောင့် ဒီနေ့မှာ ဘာလုပ် လုပ် အထူးသတိထားလုပ်ကိုင်သင့်သော အချိန်ကာလမျို;ဖြစ်တာမို့ ခိုင်ခန့်တဲ့အဆောက်အဦး တွေ၊ကျောင်း တွေ သိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာ ပန္နက် ရိုက်တာမျိုး တွေ အထူးရှောင်သင့်ပါတယ်။
ဒီနေ့ဟာ ရက်ရာဇာ၊ သမားညို ရက်ကျရောက်နေတာဖြစ်ပါတယ်။
ဒီနေ့ဟာတီထိအရတော့ လဆန်းတီထိ ၄လုံးပဲရှိသေးပြီးတော့ ဆင်းရဲခြင်း၊ဗလာနတ္ထိဖြစ်ခြင်းတွေကိုပေးတဲ့ ရိတ္တာတီထိ ကျရောက်တဲ့နေ့ရက်ပါပဲ။ဒီနေ့ဟာ ကျန်းမာရေးနဲ့ပတ်သက်သောကိစ္စအ၀၀ဆောင်ရွက်လို့အထူးကောင်းပါတယ်။ အကြီးအကဲများ၊ဆရာသမားများထံ သြဝါဒခံယူလို့အလွန်ကောင်းပါတယ်။ မြုပ်နှံထားတဲ့ ငွေကြေးရင်းနှီးထားမှု တွေ ကနေတဆင့် အကျိုးအမြတ်တွေရလာပါလိမ့်မယ်။ လှောင်ကုန်ပစ္စည်းများ ပြန်လည်ရောင်းချရန်ကောင်းသော ရက် ဖြစ်လေသည်။ အနုပညာနှင့်နွယ်သော ပစ္စည်းပစ္စယတွေထုတ်လုပ်ဖြန့်ချီရန်ကောင်းသောရက်ဖြစ်လေသည်။
အတိတ်ကလုပ်ခဲ့တဲ့ ကုသိုလ်ဒါနတွေရှိခဲ့ရင်ဒီလိုနေ့မျိုးမှာပြန်အကျိုးပြုတတ်ပါတယ်။ ဒါကြောင့်ထီဝါသနာပါသူများ ထီကံစမ်းလို့အလွန်ကောင်းပါတယ်။ မိမိဖြစ်ချင်တာတွေကိုလဲဖြစ်အောင်လုပ်သွားနိုင်ပါလိမ့်မယ်။ အခက်အခဲကြုံ လဲ လက်မလျှော့တဲ့သူတွေအတွက် အထူးကံကောင်းမဲ့နေ့ရက်ပါပဲ။ပြည်တွင်းပြည်ပဈေးကွက်များကို မိမိကုန်ပစ္စည်း ပေါက်ရောက်အောင် ဆောင်ရွက်တဲ့ကိစ္စမှန်သမျှအဆင်ပြေတိုးတတ်ပါလိမ့်မယ်။
စုပေါင်းပြီးလုပ်ရတဲ့ကိစ္စမှန်သမျှအဆင်ပြေပြေလွယ်ကူအောင်မြင်တတ်ပါတယ်။ ကြန့်ကြာနေတဲ့ကိစ္စမှန်သမျှဒီနေ့ မှာလွယ်ကူပြီးမြောက်သွားပါလိမ့်မယ်။ ရန်သူအားသုတ်သင်ခြင်း၊ရန်သူစခန်း ကိုသိမ်းပိုက်ခြင်း၊ဖမ်းဆီးခြင်းများ ဆောင် ရွက်နိုင်သလို ကောက်ပဲသီးနှံများကိုပိုးသတ်ဆေးဖြန်းခြင်းများလဲ အထူး ဆောင်ရွက်နိုင်ပါတယ်။
ဓားလှံလက်နက်များထုတ်လုပ်ခြင်း၊ ခဲယမ်းမီးကျောက်များထုတ်လုပ်ခြင်းနှင့် အရက်သေစာများ ထုတ်လုပ် ရောင်းချခြင်းများလဲဒီနေ့မှာအထူးဆောင်ရွက်လို့ကောင်းပါတယ်။လျှပ်စစ်နဲ့ပတ်သက်သောလုပ်ငန်းများ အထူး အဆင် ပြေတတ်ပါတယ်။ လျှပ်စစ်ပစ္စည်းအရောင်းဆိုင်များရောင်းအား တတ်ပါလိမ့်မယ်။ လက်လျော့လိုက်ပြီး မလုပ်ဖြစ်ဘဲ ပစ်ထားတဲ့အလုပ်တွေကိုပြန်လည်လုပ်ကိုင်ဆောင်ရွက်ကြည့်ပါ။အထူးပဲအဆင်ပြေတာကိုတွေ့ရပါလိမ့်မယ်။ ငွေကြေး အတွက်လဲ ရပိုင်ခွင့်တွေကိုရလာပါလိမ့်မယ်။ ဆုံးမယ်လို့ ထင်တဲ့ငွေများ၊လက်လွန်ထားတဲ့ငွေများ ပြန်ရလွယ်တဲ့ နေ့ ရက် တွေပါပဲ။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၂၀◌း၅၁)နာရီမှ (၂၁း၄၃)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊စေ့စပ်ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။
ဒီနေ့မွေး ရင်သွေးငယ်များဟာ ဘင်္ဂဖွား၊ တူစန်း၊ ကန်ရာသီဖွားဖြစ်ပါသည်။ဒီနေ့မွေးသူများဟာ ကောင်းသော မိဘတွေရဲ့ လမ်းညွှန်မှုတွေကိုရရှိတာကိုတွေ့ရပါတယ်။ အခက်အခဲတွေကိုကောင်းစွာကျော်လွှားနိုင်ပြီးတော့ ဘဝရဲ့ အောင်မြင်မှုတွေကိုရရှိတတ်ပါတယ်။ကံကောင်းတာကတော့ ငယ်ငယ်ရွယ်ရွယ် အသက်၂၀ ဝန်းကျင်မှာပဲ ဘဝ အောင်မြင်မှုကိုစတင်ထိတွေ့ခွင့်ရတတ်ပါတယ်။ အလွယ်တကူအောင်မြင်ဖို့ရာကူညီမဲ့သူတွေကလဲ များပြားစွာရှိ နေတတ်ပါတယ်။ အိမ်မကပ်ရဘဲ အဝေးရောက်နေတတ်တဲ့ဇာတာမို့ နိုင်ငံခြားလုပ်ငန်းများ၊သင်္ဘောသားအလုပ်၊ ကုန်သည်အလုပ်တွေနဲ့ အသက်မွေးကြသူတွေများပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၀၁း၂၆) နာရီမှ ညနေ(၂း၅၆)နာရီအတွင်း ကျရောက်နေ ပါတယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ အင်္ဂါ၊ သောကြာ သားသမီးများပဲဖြစ်ပါတယ်။
ကံညံ့သော နေ့သား စနေ၊ ဗုဒ္ဓဟူး၊ ရာဟု သားသမီးများပဲဖြစ်ပါတယ်။
ကံသင့်သောနေ့သားများ တနင်္ဂနွေ၊ တနင်္လာ၊ ကြာသပတေး သားသမီးများပဲဖြစ်ပါတယ်။
ဒီနေ့မှာ ဆင်စွယ်ရောင် နှင့် နီညိုရောင် များများပါသော အဝတ်အစားအသုံး အဆောင် ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစား နိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၄၊ ၃)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့သီဟိုစေ့လှော်စား သွားပါ။ ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ နို့မလိုင် ဘုရားကပ်လှူပြီး လိုရာ ဆု တောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင် ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
ကြိုးစားသမျှတိုးပွားခြင်းတွေကိုဖြစ်ပါစေလိမ့်မယ်။ လုပ်သမျှ အရာထင်ခြင်း၊ ကြံစည်သမျှအဆင်ပြေ ခြင်းမျိုးတွေ ကြုံရတတ်ပါတယ်။ အကူအညီအထောက်အပံ့အလွန်မှရလွယ် ပါလိမ့်မယ်။ ပညာရှာလို့ပညာယူလို့ အလွန်ကောင်း ပါတယ်။မိမိဆီကိုအခွင့်အရေးတွေရောက်လာရင်လက်လွတ်မခံ သင့်ပါဘူး။ အောင်မြင်သောလုပ်ငန်းရှင်တွေအတွက် နောက်ထပ်လုပ်ငန်းသစ်တွေထပ်ချဲ့ဖို့အစီအစဉ်ဆွဲသင့်တဲ့ နေ့ရက်ပါပဲ။ကောင်း မွန်သော၊စိတ်ထားပြည့်သော မိတ်ဆွ ေကောင်းတွေရလာတတ်ပါတယ်။ကျန်းမာရေးအတွက် ဆေးကုသမှုခံယူခြင်းများ၊ဆေးစစ်ခြင်းများဆောင်ရွက် နိုင်ပါတယ်။
တနင်္လာ
အိမ်ထောင်ရေးကိစ္စမှန်သမျှအလွန်မှအဆင်ပြေပါလိမ့်မယ်။ကျန်းမာရေးနဲ့ပတ်သက်ပြီး ဆေးစားဆေးသောက် အလွန် မှဆောင်ရွက်လို့ကောင်းပါတယ်။ အလုပ်နဲ့ပတ်သက်ရင်လွဲ ချော်မှုတွေကိုအလွန်ကြုံရတတ်ပါတယ်။ ဒါကြောင့် အလုပ်ကရှေ့မရောက်သလိုဖြစ်နေတတ်ပါတယ်။ ရန်တော့အလွန်များရတတ်ပါတယ်။ ညဘက်သောက်စားပျော်ပါး တာတွေကိုအထူးရှောင်ပါ။ ခရီးတိုခရီးရှည်တွေမ သွား သင့်တဲ့နေ့ရက်ပါ။ အပျော်အပါးကြောင့်ငွေကုန်ရတတ်ပါတယ်။ ပစ္စည်းတွေအလွယ်မထားပါနဲ့။ ပျောက်ရှ တတ်ပါတယ်။ ငွေကြေးနဲ့ပတ်သက်ပြီးတော့လဲ ရစရာရှိတာတွေပြန် ရလာ ပါလိမ့်မယ်။
အင်္ဂါ
အဘက်ဘက်ကကံအားသာချက်များပါတယ်။ လိုအပ် နေတဲ့အထောက်အပံ့တွေကိုလဲ ရလာတတ်ပါတယ်။ တစ်ပါး သူတွေဆီကနေရစရာရှိတဲ့ငွေကြေးတွေရလာတတ်ပါ တတ်ပါတယ်။ ကျန်းမာရေးကိုတော့အလွန်မှ သတိထားရ လိမ့်မယ်။ လေဖြန်းဖူးသူများ နောက်တစ်ကြိမ်ထပ်ဖြစ် တတ်ပါတယ်။ အမိအဘတွေဆီကအထောက်အပံ့တွေ ရလာ တတ် ပါတယ်။ ဒီနေ့မှာ ဆိုင်သစ်ဖွင့်ခြင်း၊အလုပ်သစ် စခြင်းတွေအထူးကောင်းပါတယ်။ အလုပ်ခွင်မှာမိမိတောင်း ဆိုထား တာလေးတွေတင်ပြခွင့်တွေရလာတတ်ပါတယ်။ ချဲ့ထွင်မယ်ဆို စပ်တူလုပ်ထားတဲ့အလုပ်တွေက ပိုမိုချဲ့ ထွင် နိုင်ပါလိမ့်မယ်။
ဗုဒ္ဓဟူး၊ရာဟု
အတိုက်အခိုက်တွေကြားထဲကနေတိုးတတ်အောင် စွမ်း ဆောင်နိုင်ပါလိမ့်မယ်။ မိမိနေရာလုချင်သူ၊ မိမိကို ဖြုတ်ချ ချင်သူတွေကိုသတိထားဖို့လဲလိုပါတယ်။ ကိုယ်ပိုင်စီးပွား များလဲ အထူးတိုးတတ်ပါလိမ့်မယ်။ နေရာသစ်၊ အိုးသစ် သစ်မှာနေထိုင်ရတတ်ပါတယ်။မိမိအကြံအစည်တွေကအကျိုးထူးမဲ့အကြံအစည်တွေပဲဖြစ်ပါတယ်။အကောင် အထည် ဖော်လိုက်ပါ။ နယ်ပယ်သစ် စီးပွားသစ်ကိုခြေစ တင် လှမ်းလာနိုင်မဲ့ နေ့ရက်ပါပဲ။ကျန်းမာရေး အတွက် အနည်းငယ် ဂရုစိုက်ပေးရတတ်ပါတယ်။ အစာချေဖျက်မှု အားနည်းတာ မျိုးတွေဖြစ်လွယ်ပါတယ်။
ကြာသပတေး
အလုပ်တွေနဲ့ပတ်သက်ပြီးတော့လဲ ကောင်းစွာတိုးတတ် အောင်စွမ်းဆောင်နိုင်ပါလိမ့်မယ်။လခစားဝန်ထမ်းဆိုရင်တော့ အလုပ်ပိုတွေများပြီး ပင်ပန်းဆင်းရဲရပါလိမ့်မယ်။ ရပ်ဝေးက ဆေးလာကုတဲ့ ဆွေမျိုးတွေရောက်လာတတ်ပါတယ်။ ကုန်လှောင်မိရင်တော့အရှုံးများတတ်ပါတယ်။ အချစ်ရေးနဲ့ပတ်သက်ပြီးတော့ချစ်သူနဲ့ဝေးကွာနေရတတ်ပါ တယ်။ အိမ်ထောင်ရေးမှာမပြေလည်တာလေး တွေများ နေတတ်ပါတယ်။လုပ်ငန်းအသစ်အဆန်းတွေလုပ် ကိုင်ရတတ်ပါ တယ်။ လုပ်ငန်းခွင်အတွင်းသူတစ်ပါး အလုပ်တွေ ကူညီပေးရတတ်ပါတယ်။ လုပ်ငန်းခွင်မှာတာဝန် ယူရတာမျိုးတွေ အထူးကြုံ ရတတ်ပါတယ်။
သောကြာ
အလုပ်ပိုတွေလျှော့ချနိုင်ပါလိမ့်မယ်။ အလုပ်နဲ့ပတ်သက်သောစိတ် ကူးထားတာတွေကိုလဲ လက်တွေ့ အကောင် အထည် ဖော်နိုင်ပါလိမ့်မယ်။ အချစ်ရေးအတွက်အလွန်မှစိတ်ချမ်းသာရ မည်။ ငွေကြေးကိစ္စတွေပြေလည်သွားမည်။ အိမ်၊ခြံ ဝယ်ယူခြင်းများဒီနေ့မှာဆောင်ရွက်နိုင်ပါလိမ့်မယ်။ လုပ်ငန်း ခွင်အတွင်းလုပ်ဖော်ကိုင်ဖက်တွေဆီက အကူ အညီကောင်းတွေရလာတတ်ပါတယ်။ ကံကောင်းခြင်းတွေ အထူးကြုံ ရတတ်ပါတယ်။မိမိသာ ဝီရိယထား ကြိုးစား မယ်ဆိုရင်တော့ အတိုင်းအတာတစ်ခုထိအဆင်ပြေ အောင်မြင်မှု တွေရ လာတတ်ပါတယ်။ ကျန်းမာရေးအညံ့အဆိုး ကင်းနေလိမ့်မယ်။
စနေ
မိမိအတွက်အရာရာကိုသတိနဲ့ဆောင်ရွက်ရပါလိမ့်မယ်။ ကျန်းမာရေးကလဲ သတိလက်လွတ်မနေပါနဲ့။ ချော်လဲတာ ၊ပြုတ် ကျတာ၊ခါးနာတာမျိုးတွေဖြစ်ရတတ်ပါတယ်။မိမိဖြစ် ချင်တာတွေကိုလဲအခက်အခဲတွေရင်ဆိုင်ပြီးမှ ဖြစ်ရတတ် ပါတယ်။ ဆေးဝါးလုပ်ငန်းများ၊ စက်ပစ္စည်းနဲ့ပတ်သက် သောလုပ်ငန်းများလဲအထူးကောင်းပါတယ်။ သူတစ်ပါးရဲ့ အကူအညီတွေ၊ အကြံဉာဏ်တွေ ကိုရယူပြီးလုပ်တာပို အဆင်ပြေ တတ်ပါတယ်။ ယာဉ်ကား များ အရှိန်လွန်မောင်း နှင်းတာမျိုး အထူးပဲရှောင်ရှားစေချင်ပါတယ်။ လုပ်ဖော် ကိုင် ဖက်တွေနဲ့စိတ်တူကိုယ်တူ လုပ်နိုင်မှအဆင်ပြေ ပါလိမ့် မယ်။
ဆရာငြိမ်းအေးလူ(ဗေဒင်သုတေသီ)
09775555695