loading

30.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန်သိစရာများနှင့်၇ရက်သားသမီး ဟောစာတမ်း အကျဉ်း

  • Home
  • Blog
  • 30.September.2022တစ်နေ့တာလမ်းညွှန်ချက်၊ဆောင်ရန်ရှောင်ရန်သိစရာများနှင့်၇ရက်သားသမီး ဟောစာတမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆန်း(၆)ရက်၊ သောကြာနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊စက်တင်ဘာလ(၃၀)ရက်နေ့လဲ ဖြစ်ပါတယ်။

ဒီနေ့နံနက်(၅း၂၁)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၉)နာရီဖြစ်ပြီး ၊ ညနေ(၀၆း၀၁)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်ကမြောက်အရပ် ဖြစ်ပါတယ်။

လက်သမားမြေခံအရဆင်မြေခံဖြစ်ပါတယ်။ ဆင်မြေခံဖြစ်၍ သေကြေပျက်စီးရတတ်တဲ့နေ့ဖြစ်တာကြောင့် ပျဉ် ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွ တာတွေ ရှောင်သင့် ပါတယ်။

တီထိမြေခံအရ မိတ္တုမြေခံဖြစ်ပါတယ်။မိတ္တုမြေခံဖြစ်တာကြောင့် မိမိတွင်ပိုင်ဆိုင်ရရှိပြီးသား စည်းစိမ်ဉစ္စာများ တစ်ဖြည်းဖြည်း လျော့ပါး ဆုံးရှုံးလာတတ်ခြင်းတွေဖြစ်စေတာမို့ ခိုင်ခန့်တဲ့အဆောက်အဦး တွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးရှောင်သင့်ပါတယ်။

ဒီနေ့ဟာ သမားညို၊ရက်ကန်းရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  စိတ်ရဲ့အေးချမ်းမှုတွေ၊ တည်ကြည်ရှင်းသန့်မှုတွေကိုပေးတဲ့ ပုဏ္ဏတီထိကျ ရောက်တဲ့ နေ့ရက်ပဲဖြစ်ပါတယ်။ဒီနေ့ဟာ အထူးမွန်မြတ်သောနေ့ရက်ပဲဖြစ်ပါတယ်။ အလုံးစုံသောမင်္ဂလာကိစ္စများ လဲဆောင် ရွက် လို့ကောင်းပါတယ်။ အဆင့်မြင့်အတတ်ပညာများလေ့လာရန်အခွင့်အရေးကြုံရတတ်ပါတယ်။ ကုန် သွယ်စီးပွား ရေးရာကိစ္စများဆောင်ရွက်နိုင်ပါတယ်။ ရွှေငွေလက်ဝတ်ရတနာများဝယ်ယူမယ်ဆိုဒီနေ့ကအလွန် ကောင်းပါတယ်။

ဂါထာမန္တန်သိဒ္ဓိတင်ခြင်းတွေ၊အဓိဋ္ဌာန်ဝင်ခြင်းတွေ၊အိမ်ပြောင်းရွှေ့ခြင်းတွေ၊ အိမ်တတ်လုပ်ခြင်းတွေအတွက် အထူး ရက်ကောင်းတဲ့နေ့လဲဖြစ်ပါတယ်။ကုမ္ပဏီကိုစတင်ဖွင့်လှစ်ခြင်းတွေ၊ စက်ပစ္စည်းဝယ်ခြင်း၊ ထီထိုးခြင်း၊ငွေကြေးချေး ငှားခြင်းတွေကိုလဲ ဆောင်ရွက်လို့သင့်ပါတယ်။ အလုပ်တစ်ခုခုမှာ ရှယ်ယာစတင်ဝင်ရောက်ခြင်းများဒီနေ့မှာစတင် နိုင်ပါလိမ့်မယ်။

စိတ်ထဲလိုချင်နေတဲ့ငွေကြေးအကူအညီတွေ့လက်တွေ့ရလွယ်တဲ့နေ့ရက်လဲဖြစ်ပါတယ်။စိတ်နှလုံးအေးချမ်းအောင် ဆောင်ရွက်တဲ့ကိစ္စမှန်သမျှအဆင်ပြေပါလိမ့်မယ်။ လုပ်ငန်းသစ်များစတင်ခြင်းတွေ၊ အလုပ်သစ်စတင်လျှောက်ခြင်း တွေအထူးကောင်းပါတယ်။ အသက်မွေးဝမ်း ကြောင်းပညာပဲဖြစ်ဖြစ်၊ ကျောင်းပညာရေးပဲဖြစ်ဖြစ် ပညာရပ်နှင့် ပတ်သက်သောအလုပ်စီးပွားများအထူးကောင်း ပါတယ်။

ရေနှင့်ပတ်သက်သော အချိုရည်၊အအေး၊ရေသန့်လုပ်ငန်းများ အထူးအောင်မြင်နိုင်တဲ့နေ့ရက်ပါပဲ။ ဒီလိုနေ့ရက်တွေ မှာ တွေးနိုင်လေ စဉ်းစားနိုင်လေ လမ်းမှန်ပေါ်ရောက်လေပါပဲ။ အလုပ်တွေမှာပဲဖြစ်ဖြစ်၊ လူမှုရေးမှာပဲဖြစ်ဖြစ် သံယောဇဉ်ကို ဦးစားပေးပြီး လုပ်ကိုင်ဆောင်ရွက်မိရင်တော့ အမှားများတတ်ပါတယ်။သတိထားဖို့ပါ။

ဒီနေ့မှာရှောင်သင့်တာတွေကတော့ အရက်သေစာသောက်စားခြင်း၊ဆဲဆိုခြင်းတွေမလုပ်သင့်ပါ။ လုပ်မိပါကကံ အထူးညံ့သွားတတ်ပါတယ်။ ကောင်းသောစကားပြောပြီး ကောင်းစေလိုတဲ့စေတနာနဲ့ အကြံပေးပြောပြရင်တောင် အပြစ်မြင်တတ်တဲ့နေ့ရက်မျိုးပါပဲ။ နှုတ်နဲ့ပြီး ကိုယ်နဲ့မဆိုင်ရင်ဝင်မပါတာအကောင်းဆုံးပါပဲ။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၀◌း၄၇)နာရီမှ ည(၂၁း၃၉)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာရပါ လိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါ တယ်။

ရှောင်သင့်တာတွေကတော့ရက်ကန်းဖြစ်တာကြောင့်် မင်္ဂလာယူပြီးလုပ်ရမဲ့ကိစ္စမှန်သမျှ ရှောင်နိုင်ရင် အကောင်း ဆုံး ပါပဲ။ လက်ထပ် ထိမ်းမြားခြင်း၊ စေ့စပ်ခြင်း၊ ဆောင်ရွက်လို့ မကောင်းသေးပါဘူး။မျက်မြင်ကိုယ်တွေ့မဟုတ်ဘဲ တပါးသူပြောစကား နားဝင်ပြီးဆောင်ရွက်ပါက ဆုံးရှုံးခြင်းတွေကိုဖြစ်ပေါ်စေနိုင်ပါတယ်။

ဒီနေ့မွေး ရင်သွေးငယ်များဟာ  ပုတိဖွား၊  ဗြိစ္ဆာစန်း၊  ကန်ရာသီဖွားဖြစ်ပါသည်။ဒီနေ့မွေးရင်သွေးငယ်များဟာ ပေါင်းသင်းဆက်ဆံရေးသိပ်ကောင်းကြတယ်။ အမြဲတမ်းပြုံးရွှင်နေတတ်သူတွေမို့ လူချစ်လူခင်လဲသိပ်ပေါများကြ တယ်။ မိသားစုအတွက်အနစ်နာခံကြရသူတွေများပါတယ်။ သားကြီး သမီးကြီးဖြစ်မယ်ဆို ညီ၊ညီမတွေရဲ့နှိပ်စက် တာ ကိုခံရတတ်ပါတယ်။ ဂီတနယ်ပယ်၊နည်းပညာနယ်ပယ်ထူးချွန်ကြတဲ့သူတွေဖြစ်ပါတယ်။ ထူးထူးခြားခြားကိစ္စကတော့ ‘’ကား’’ကိုချစ် မြတ်နိုးတဲ့သူတွေဖြစ်နေတာကိုလဲတွေ့ရတတယ်။

ဒီနေ့အတွက် ရာဟုကာလအမှောင်ချိန်တွေကတော့ မနက်(၁၀◌း၂၅) နာရီမှ နေ့လယ်(၁၁း၅၆)နာရီအတွင်း ကျရောက်နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြု တာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူး ကောင်းပါတယ်။

ကံကောင်းသောနေ့သားများ ကြာသပတေး၊ သောကြာ    သားသမီးများပဲဖြစ်ပါတယ်။

ကံညံ့သော နေ့သား တနင်္ဂနွေ၊ တနင်္လာ  သားသမီးများပဲဖြစ်ပါတယ်။

ကံသင့်သောနေ့သားများ အင်္ဂါ၊ ဗုဒ္ဓဟူး၊ စနေ၊ ရာဟု သားသမီးများပဲဖြစ်ပါတယ်။

ဒီနေ့မှာ နီညိုရောင်၊ဖက်ဖူးရောင်များများပါသောအဝတ်အစားအသုံးအဆောင်ပစ္စည်းတွေကို အထူး အလေးထား ဝတ် ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။     

ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့်Lucky Number တွေကတော့(၄၊၈) ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ထောပတ်သီးမှည့် အနည်းငယ် စားသွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဘူးသီးကြော် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

မိမိရဲ့ဆရာသမားတွေအပြောင်းအလဲဖြစ်ရတတ်ပါတယ်။ အထက်လူကြီးအသစ်တွေနဲ့ ကြုံရတတ်ပါတယ်။ ရည်ရွယ် ချက် ကြီးကြီးထားပေမဲ့ စတင်အကောင် အထည်ဖော်လို့ မရနိုင်သေးပါဘူး။ ဘာသာရေးအလုပ်များ၊ကုသိုလ်ရေး အလုပ်များကိုမှတ်မှတ်ရရလုပ်သင့်ပါတယ်။ငွေကြေးနဲ့ပတ်သက်ပြီး သူတစ်ပါးအခက်အခဲတွေဖြစ်လို့ ငွေထုတ်ပေး လိုက်ရတတ်ပါတယ်။ ဆွေမျိုးသားချင်းတွေကြောင့် ငွေကုန်ရတတ်ပါတယ်။ ကျန်းမာရေးကတော့ အားနည်းချက် များပါတယ်။ ကျန်းမာရေးခြူခြာနိုင်တဲ့နေ့မျိုး ပါပဲ။ ပညာရေးမှာတော့ ဆရာအတုအယောင်တွေနဲ့ ဆုံတွေ့ရ တတ်ပါ တယ်။

တနင်္လာ

အခက်အခဲနည်းပြီး အဆင်ပြေတာများမဲ့ကာလပါပဲ။ငွေကြေး နဲ့ပတ်သက်ပြီးအထူးကံကောင်းတာမျိုးတွေ ကြုံရ တတ်ပါတယ်။ ထီဝါသနာပါသူများထီကံစမ်းလို့အထူးကောင်းတာ မျိုးတွေကြုံရတတ်ပါတယ်။ ကုန်လှောင်ခြင်း၊ ရင်းနှီး မြုပ်နှံခြင်းများလဲဒီနေ့မှာဆောင်ရွက်လို့အထူးကောင်း ပါတယ်။စိတ်ချမ်းသာမှုတွေရှိနိုင်သလို ကျန်းမာရေးလဲ ဒေါင်ဒေါင် မြည်ကောင်းနေတတ်ပါတယ်။ အလုပ်အကြွေး တွေရှိရင်တော့ ပြီးစီးအောင်လုပ်ကိုင်နိုင်ပါလိမ့်မယ်။ အချစ် ရေးကိစ္စတွေ၊မေတ္တာရေးကိစ္စတွေ အထူးအဆင်ပြေ နိုင်ပါတယ်။စန်းပွင့်နေတဲ့အတွက်ချစ်သူသစ်လဲရလွယ်ပါတယ်။

အင်္ဂါ

ကံကြမ္မာမပေးဘဲ ဉာဏ်ဝီရိယကိုတော့ အထူးစိုက်ထုတ် ရပါလိမ့်မယ်။ အချစ်ရေးကိစ္စတွေမှာ မထင်မှတ်ဘဲ ချစ်သူ ဟောင်း နဲ့ပြန်ဆုံရနိုင်ပါတယ်။ ကျန်းမာရေးကတော့ မိမိအတွက်စိတ်ချမ်းမြေ့ရမဲ့နေ့ရက်ပါပဲ။ ဘယ်လောက် ပင်ပန်း နေပါစေ…ကျန်းမာရေးကကောင်းနေမှာပါ။ အထက် လူကြီးနဲ့အဆင်မပြေဖြစ်ရတတ်ပါတယ်။ ကိုယ်ပိုင်လုပ်ငန်းများ ရောင်းမှားဝယ်မှား တွေဖြစ် တတ်တဲ့အတွက် ချင့်ချိန်ပါ။ မလိုအပ်ဘဲငွေကုန်ရတတ်ပါတယ်။ဒီလိုနေ့မျိုးဟာ အိမ်ထောင်ဦးစီးသာဆိုရင်တော့ မိသားစုအရေး ကိစ္စတွေကိုသေချာကိုင်တွယ်တတ်ဖို့လိုပါတယ်။

ဗုဒ္ဓဟူး၊ရာဟု

စွန့်စားလုပ်ကိုင်ဖို့ စဉ်းစားနေတယ်ဆိုရင်တော့လုပ်ဖို့ တိုက်တွန်းချင်ပါတယ်။ ကောင်းတာလုပ်တဲ့အပေါ် မနာလို တိုက်ခိုက်မဲ့သူတွေရှိနေတတ်ပါတယ်။ အလုပ်အကိုင် အဆင် ပြေပေမဲ့ လုပ်အားခကြန့်ကြာ တတ်ပါတယ်။ ဆိုင်များ အကြွေးကျနေတတ်တဲ့နေ့မျိုးပါပဲ။ ရေတိုထက် ရေရှည် စီမံကိန်းတွေအတွက်ပြင်ဆင်သင့်တဲ့နေ့ပါပဲ။ လက်ရှိဘဝ၊ လက်ရှိအလုပ်အပေါ်စိတ်ကုန်နေ တတ်ပါတယ်။ ငွေကဖြူဖြူစင်စင်နဲ့ငွေရှာမှအဆင်ပြေတတ်ပါတယ်။ မသာမာတဲ့နည်းနဲ့ စီးပွားလုပ်လို့မသင့်တဲ့နေ့ပါပဲ။ သားသမီးအတွက် ပူပန်ရတတ်ပါတယ်။

ကြာသပတေး

စိတ်ချမ်းသာမှုတွေကိုအထူးခံစားရပါလိမ့််မယ်။ အလုပ် တွေ၊စီးပွားတွေတိုးတတ်ပါလိမ့်မယ်။ မိသားစုစီးပွားရေးများ တက်ညီလက်ညီနဲ့ အကျိုးရှိအောင် လုပ်ဆောင် နိုင်မှာ ပါ။ တပည့်မွေးခြင်း၊ ပညာပေးဝေခြင်း များလဲ ဆောင်ရွက် နိုင်ပါလိမ့်မယ်။ငွေကြေးနဲ့ပတ်သက်ပြီး ဝင်ငွေတွေတိုးပွား ပါ လိမ့်မယ်။ လိင်ကိစ္စတွေကိုတော့ မရှုပ်ထွေးမိဖို့ လိုအပ် ပါတယ်။ အဖိုးတန်ပစ္စည်းတွေကိုလဲ ဝယ်ယူလို့အထူးပဲသင့် တော်ပါတယ်။ ဈေးရောင်းဈေးဝယ် အလုပ်များ၊ စက်ဆီ ချောဆီနဲ့ပက်သက်သောလုပ်ငန်းလုပ်ကိုင်သူများ ပိုမို အဆင်ပြေတတ်ပါတယ်။ လုပ်ငန်းခွင် အတွင်းနာမည်ကောင်း ရပါလိမ့်မယ်။

သောကြာ

ကံကြမ္မာရဲ့ဖေးမမှုတွေကိုအထူးရရှိပါလိမ့်မယ်။ အများအကျိုး ဆောင်ရွက်တတ်သူဆို ထူးထူးခြားခြားကံပို ကောင်း တတ်ပါတယ်။ အချစ်ရေးနဲ့ပတ်သက်ပြီး မပြေလည်စရာလေး တွေရှိခဲ့ရင်တော့ဒီနေ့မှာ ဖြေရှင်းသွားနိုင်ပါတယ်။ အနု ပညာလုပ်ငန်းများတိုးတတ်ပါလိမ့်မယ်။ အိမ်ထောင်ပရိဘောဂ လုပ်ငန်းများရောင်းပန်းဝယ်ပန်းတွေပွင့်ပါလိမ့်မယ်။ အလုပ်ခွင်အတွင်း ထူးထူးခြားခြား အပြောင်းအလဲကြုံမယ်။ ကောင်းတာလုပ်ထားရင်နေရာကောင်း၊ ရာထူးရတာ မျိုး တွေ ဖြစ်တတ်သလို၊ မကောင်းတာ တစ်ခုခုလုပ်ထားတယ် ဆိုရင်တော့ အလုပ်မှာရာထူးချခံရတာမျိုးတွေ ဖြစ်ရ တတ်ပါတယ်။

စနေ

အလုပ်ထဲမှာ အနည်းငယ်ပင်ပန်းရတတ်ပါတယ်။ မိမိ အတွက်မနိုင်ဝန်ဆိုတာမျိုးဖြစ်နေတတ်ပါတယ်။ မိမိအောက် လက် ဝန်ထမ်းတွေ အလုပ်ကထွက်သွားတာမျိုး တွေကြုံနေရတတ်ပါတယ်။ ဒါကြောင့်  အဓိကနဲ့သာမညကို ခွဲခြား ပြီးသိဖို့လိုပါတယ်။ ရွှေဝယ်တာ၊ ရတနာပစ္စည်း ဝယ်တာမျိုးတွေသတိထားပါ။ စိတ်ချရတဲ့အာမခံရှိတဲ့ဆိုင်မျိုးမှာ တော့ဝယ်စေချင်ပါတယ်။ သားသမီးတွေအဝေး ထွက်သွားတာမျိုးတွေကြုံရတတ်ပါတယ်။ မိဘနဲ့သားသမီး အလုပ် ကြောင့်ခွဲခွာရတာ မျိုးတွေကြုံ ရတတ်ပါတယ်။ မိသားစုအတွင်း အတူနေသူများနဲ့ စကားများစရာလေးတွေကြုံ နေရ တတ်ပါတယ်။

ဆရာငြိမ်းအေးလူ(ဗေဒင်သုတေသီ)

09775555695

Posted in Daily Consult

Leave a Reply

Your email address will not be published. Required fields are marked *