loading

4.October.2022 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီးဟောစာတမ်း အကျဉ်း

  • Home
  • Blog
  • 4.October.2022 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီးဟောစာတမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆန်း(၁၀)ရက်၊ အင်္ဂါနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊အောက်တိုဘာလ(၄)ရက်နေ့လဲ ဖြစ်ပါတယ်။

ဒီနေ့နံနက်(၅း၂၄)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၁၂)နာရီဖြစ်ပြီး ၊ညနေ(၅း၅၈)နာရီမှာ နေဝင်ပါ တယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက် မြောက်အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။

လက်သမားမြေခံ ကတော့ ဗြဟ္မာ မြေခံဖြစ်၍ လာဘ်လာဘကိုပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ ၊ဆိုင်ခန်းလိုင်းခန်းတည်ဆောက်ခြင်းတွေ၊အိမ်ခန်းဖွဲ့တာတွေ အိမ်ပြင်တာတွေ၊မြေတူးဆွတာတွေ ဆောင်ရွက် လို့ ကောင်းပါတယ်။

ဒီနေ့ဟာတီထိမြေခံအရ  သောကြာမြေခံတဲ့နေ့ဖြစ်ပါတယ်။ သောကြာမြေခံအရ ဥစ္စာပစ္စည်းရရှိခြင်း၊ချစ်သူ၊ မိတ်ဆွေ ပေါများခြင်းအကျိုးကိုရရှိစေသောကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေစတင်ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရ ပါ တယ်။

ဒီနေ့ဟာ ရက်ရာဇာ၊ရက်တံခွန်၊ နဂါးပေါ်ရက်၊ ဝါရမိတ္တုငယ် ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  ဆင်းရဲခြင်းသဘောကိုဆောင်တဲ့ ရိတ္တာတီထိကျရောက် တဲ့နေ့ရက်ပဲဖြစ်ပါတယ်။ ဒီလို နေ့ရက်မှာတော့ ကျန်းမာရေးအညံ့များကင်းစင်ပါလိမ့်မယ်။ အရေပြားမှာရှိတဲ့အနာ ရောဂါတွေလဲ ကင်းစင်သွား တတ်ပါတယ်။ ကုန်သွယ်စီးပွားရေးလုပ်ငန်းများဆောင်ရွက်လို့ကောင်းပါတယ်။ ငွေကြေးနဲ့ပတ်သက်ပြီးတော့လဲ အလွန်မှရင်းနှီးမြုပ်နှံလို့ကောင်းတဲ့နေ့ရက်ပါပဲ။ အလုပ်ဆိုင်းဘုတ်တင်ခြင်းတွေ၊ အလုပ်ခန်းစတင်ဖွင့်လှစ်ခြင်းတွေလဲ ဆောင်ရွက်လို့ကောင်းပါတယ်။

အရောင်းပြပွဲများ၊ကုန်စည်ပြပွဲများ၊ဈေးပွဲတော်များကျင်းပလို့အထူးကောင်းပါတယ်။ပြည်ပဈေးကွက်သို့ကုန်ပစ္စည်း တွေတင်ပို့ရောင်းချခြင်းတွေကိုအထူးဦးစားပေးဆောင်ရွက်လို့ကောင်းပါတယ်။ပညာရေးနဲ့ပက်သက်သော ကိစ္စ အ၀၀ လဲဆောင်ရွက်လို့ကောင်းပါတယ်။

 အမဲလိုက်ခြင်း၊အရက်ချက်ခြင်း၊  ပိုးသတ်ဆေးဖြန်းခြင်းစတဲ့အနိဌနဲ့ဆိုင် တဲ့အလုပ်များဆောင်ရွက်နိုင်တဲ့နေ့ပါပဲ။ ခဲယမ်းလက်နက်များပြုလုပ်ခြင်းများ၊ရန်အတိုက်အခံပြုခြင်းများလဲဒီနေ့မှာဆောင်ရွက်သွားနိုင်ပါလိမ့်မယ်။ အရေး ပေါ်မှာဖြစ်ပေါ်နေတဲ့အနာရောဂါပဲဖြစ်ဖြစ်၊ကိုယ်တွင်းမှာဖြစ်တဲ့အနာရောဂါပဲဖြစ်ဖြစ် ခွဲစိပ်ကုသရမယ် ဆိုရင်ဒီနေ့ ဟာဆောင်ရွက်လို့အထူးသင့်လျော်တဲ့နေ့ရက်ပါပဲ။

ကုန်စည်ဒိုင်အသစ်များစတင်ဖွင့်လှစ်ခြင်းတွေဒီနေ့မှာဆောင်ရွက်လို့ကောင်းပါတယ်။ စပါးများကိုစတင်စပါးကျီ သွင်းခြင်း၊ကုန်ပစ္စည်းသိုလှောင်ခြင်းများလဲ ပြုလုပ်ဆောင်ရွက်သွားနိုင်ပါလိမ့်မယ်။

အားကစားနှင့်ပတ်သက်သောလုပ်ငန်းများ အထူးတိုးတတ်မဲ့နေ့ပါပဲ။ အဖိုးများသောအားကစားပစ္စည်းများဝယ်ယူ မယ်ဆိုရင်လဲဒီနေ့ဟာဝယ်ယူလို့သင့်တော်တဲ့နေ့ရက်ပါပဲ။ ဒီနေ့ဟာရက်တံခွန်ရက်ကျရောက်တဲ့ နေ့ရက်ဖြစ်တာ ကြောင့် ဒီနေ့မှာစတင်လိုက်တဲ့ စီးပွားရေး၊လူမှုရေး၊ ကျန်းမာရေး၊ ပညာရေးနှင့်အလုပ်ကိစ္စ ရေးရာအဖြာဖြာ တွေ မှာရေရှည်အောင်မြင်မှုတွေကိုရရှိပါလိမ့်မယ်။

ပြည်ပအလုပ်အကိုင်ရှာဖွေခြင်း၊အင်တာဗျူးခြင်းများလဲ ဒီနေ့မှာစတင်ဆောင်ရွက်လို့အထူးကောင်းပါတယ်။ ရေနံ၊ ရွှေနှင့်ကျောက်မျက်ရတနာတူးဖော်ခြင်းများလဲ ဒီနေ့မှာဆောင်ရွက်လို့သင့်တော်ပါတယ်။ ခရီးကိစ္စများ သွားလာ လုပ်ကိုင်လို့ကောင်းမွန်တဲ့နေ့ရက်ပါပဲ။ အထူးသဖြင့်လေကြောင်းခရီများအဆင်ပြေချော့မွေ့တတ်ပါတယ်။

ဘာသာရေးနဲ့ပတ်သက်တဲ့ အသင်းအဖွဲ့များ၊ လူမှုရေးအသင်းအဖွဲ့များ အစည်းအဝေးလုပ်ခြင်း၊အနာဂတ်လုပ် ဆောင်သွားမဲ့ကိစ္စတွေအတွက်တိုင်ပင်ဆွေးနွေးခြင်းများအထူးဆောင်ရွက်နိုင်ပါလိမ့်မယ်။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၀◌း၃၂)နာရီမှ ည(၂၁း၂၃)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာရပါလိမ့် မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

နဂါးပေါ်ရက်ဆိုတာကတော့ အခြားအညံ့အဆိုးဖြစ်တာတော့မဟုတ်ပါဘူး။ နဂါးပေါ်ရက်ကျရောက်တဲ့နေ့ မျိုးက accident ဖြစ်လွယ်ပါတယ်။ ယာဉ်ကားကို သတိထားမောင်းနှင်ပါ။ လမ်းဖြတ်ကူးတာလဲသတိရှိပါတယ်။ ချော်လဲတာ စလစ်ဖြစ်တာမျိုးတွေလဲဖြစ်လွယ်ပါတယ်။ ဆောက်လုပ်ရေးလုပ်ငန်းခွင်တွေမှာလုပ်ကိုင်သူဆို safety ပြည့်စုံစွာ ဝတ်ပါ။ Halmet ဆောင်းတာ၊ safety shoe ဝတ်ဆင်တာမျိုးကို ဂရုတစိုက်လုပ်ပါ။ ဒီနေ့မှာ PPE ပြည့်စုံ စွာနဲ့ အလုပ်လုပ်ပါ။ အမြင့်တတ်ရင်လဲ သတိထားပါ။ ဒီလိုနေ့မျိုးမှာ မတော်တဆထိခိုက်မှုလေးတွေ သွေးထွက် သံယို ဆိုတာမျိုးတွေ ဖြစ်လွယ်ပါတယ်။ ဒါကြောင့်သတိရှိစွာ လုပ်ကိုင်ဆောင်ရွက်ပါ။

ဒီနေ့ဟာရက်ရာဇာကျဖြစ်ပေမဲ့ဝါရမိတ္တုငယ်ကျရောက်တဲ့နေ့ရက်လဲဖြစ်တာကြောင့် မင်္ဂလာကိစ္စများ  အလုံးစုံ ရှောင် သင့်ပါတယ်။ လက်ထပ် ထိမ်းမြားခြင်း၊စေ့စပ်ခြင်း၊မင်္ဂလာစကားပြောခြင်းများရှောင်သင့်ပါတယ်။ ဒီနေ့ မှာ ပေါ်ပင် အလုပ်များ၊ အဆင်ပြေမ လားထင်ပြီးတော့ မြေစမ်းခရမ်းပျိုးလုပ်ကိုင်ခြင်းများလဲ အထူးပဲရှောင်ပါတယ်။  လုပ်မိရင် မှန်းချက်နဲ့ နှမ်းထွက်မ ကိုက်ဆိုတာမျိုးလဲဖြစ်နေရတတ်ပါတယ်။

ဒီနေ့မွေး ရင်သွေးငယ်များဟာ ရာဇဖွား၊  မကာရစန်း၊  ကန်ရာသီဖွားဖြစ်ပါသည်။ဒီနေ့မွေးသူများ အနည်းငယ်စိတ် ကြီးတတ်ပါတယ်။ သည်းခံရင်အလွန်သည်းခံတတ်ပြီး သည်းခံနိုင်စိတ်ကျော်လွန်သွားရင်တော့ အကွက်ကျကျဒုက္ခ ပြန်ပေးတတ်သူတွေပါပဲ။ဘာလုပ်ရင် ဘာဖြစ်မယ်။ အနာဂတ်မှာ ဘယ်လိုတွေဖြစ်တာနိုင်တယ်…စတဲ့ကြိုတင်ခန့် မှန်းတဲ့နေရာတွေမှာ လွန်စွာတော်သူတွေဖြစ်ပါတယ်။ စိတ်လောပြီး အရာရာစိုးရိမ်တတ်သူတွေဖြစ်တတ်မို့ ဘဝမှာ အမှားအယွင်းနည်းကြတဲ့သူတွေအဖြစ်တွေ့ရတယ်။ နောင်တအနည်းဆုံးဇာတာရှင်လို့ တင်စားရမယ်ထင်ပါတယ်။ ထူးခြားချက်ကအခြားသူရဲ့စိတ်ကို ခံစားနားလည်နိုင်တဲ့ သူတွေဖြစ်ကြပါတယ်။

ဒီနေ့အတွက် ရာဟုကာလအမှောင်ချိန်တွေကတော့ ညနေ(၂း၅၃) နာရီမှ ညနေ(၄း၂၃)နာရီအတွင်း ကျရောက်နေပါ တယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။

ကံကောင်းသောနေ့သားများ တနင်္လာ၊ ကြာသပတေး      သားသမီးများပဲဖြစ်ပါတယ်။

ကံညံ့သော နေ့သား အင်္ဂါ၊ သောကြာ သားသမီးများပဲဖြစ်ပါတယ်။

ကံသင့်သောနေ့သားများ တနင်္ဂနွေ၊ ဗုဒ္ဓဟူး၊ ရာဟု၊ စနေ သားသမီးများပဲဖြစ်ပါတယ်။

ဒီနေ့မှာ ကြေးနီရောင် နှင့် အပြာနုရောင် များများပါသော အဝတ်အစား၊ အသုံးအဆောင်ပစ္စည်းတွေကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။

ဒီနေ့မှာ ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၂၊ ၁)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့နေကြာစေ့စား သွားပါ။ ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ လမုန့် ဘုရားကပ်လှူပြီး လိုရာ ဆု တောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

ကျန်းမာရေးနဲ့ပတ်သက်ပြီးတော့လဲ အနည်းငယ်ပူပန်ရလိမ့် မယ်။ အစားကိုအချိန်မှန်စားစေ ချင်ပါတယ်။ အသုပ်များ အထူးရှောင်လိုက်ပါ။ဒီနေ့မှာဘာသာရေးနဲ့ပက်သက်ပြီး တော့လဲ တတ်နိုင်သလောက်အား ဖြည့်လုပ်ပါ။ ဘုရားတရား မေ့နေသူဆိုဒီနေ့မှာစတင်ပြီးတော့ အဓိဌာန်ဝင်တာ မျိုးတွေဆောင်ရွက်လိုက်ပါ။ စာမေးပွဲနဲ့ပတ်သက်သော၊ အင်တာဗျူးနဲ့ ပက်သက်သော ကိစ္စများ အနည်းငယ်ညံ့နေ တတ်ပါတယ်။ လုပ်ငန်းကြီးလုပ်ကိုင်သူများသတိထားပါ။ လုပ်ငန်းနဲ့ပတ်သက်ပြီး ဆုံးဖြတ်ချက်တွေမှားတတ်လို့ ပါ။ ဒီနေ့မှာအရေးကြီးတဲ့လုပ်ငန်းဆောင်တာ တွေကိုတတ်နိုင် သလောက် ရှောင်စေချင်ပါတယ်။

တနင်္လာ

မိမိဖြစ်ချင်တာတွေကိုလဲ လုပ်ဖို့အချိန်ရပါလိမ့်မယ်။ အောက် လက်ငယ်သားတွေကိုမြှောက်စားသင့်တဲ့ နေ့ရက်ပါပဲ။ တော်တဲ့ သူကိုချီးမြှောက်ပါ။ စားသောက်ကုန်လုပ် ငန်းများ၊ အသေးစားအလတ်စား စီးပွားရေးလုပ်ငန်းများ အထူးတိုး တတ်မဲ့ နေ့ရက်ပါပဲ။ မိမိဆိုင်၊မိမိအလုပ်ခန်းအား ပြင်ဆင်ခြင်းများ၊ဆေးပြန်သုတ်ခြင်းများ ဒီနေ့မှာဆောင်ရွက်လို့ အလွန်ပဲကောင်းပါ တယ်။ ထီထွင်ဉာဏ်တွေ၊စူးစမ်း စိတ်တွေပြည့်နှက်နေတတ်ပါ တယ်။ ဆေးဝါးအသစ်ဖော်စပ်ခြင်း၊ နည်းပညာအသစ်တွေ ကိုဖန်တီးခြင်း၊ ပြင်ဆင်ရ ခက်ခဲနေတဲ့ စက်ပစ္စည်းတွေကို အာရုံစိုက် ပြင်ဆင်ခြင်းများ အထူး ကောင်း ပါတယ်။

အင်္ဂါ

အထိုင်အလုပ်တွေထက် လှုပ်ရှားရမဲ့အလုပ်တွေ ကိုအထူး အလေး ပေးလုပ်ကိုင်လိုက်ပါ။ ဒီနေ့မှာငွေကြေး ချေးငှား ခြင်း ကိစ္စတွေကိုလဲ တတ်နိုင်သလောက်ရှောင် လိုက်စေချင် ပါတယ်။ မိဘ တွေရဲ့ စကားကို တတ်နိုင်သလောက် အလေးပေး နားထောင် စေချင်ပါတယ်။အပြောင်း အလဲတွေများတတ်ပါတယ်။ အလုပ်နဲ့ပတ်သက်ပြီးတော့ ဌာနပြောင်း၊နေရာပြောင်း တွေ လဲ အထူးကြုံနေရတတ် ပါတယ်။ နယ်မှယာယီတာဝန်ထမ်းဆောင်ရတာမျိုးတွေလဲ ဖြစ်ရတတ်ပါတယ်။ ကျန်းမာရေးကလဲ ဒီနေ့မှာအနည်း ငယ်ညံ့နေတတ်ပါတယ်။ ဝမ်းပျက်စေမဲ့ အစားသောက်တွေ ကိုအထူးရှောင်လိုက်စေချင်ပါတယ်။

ဗုဒ္ဓဟူး၊ရာဟု

ငွေကြေးနဲ့ပတ်သက်ပြီးတော့လဲ ရစရာရှိတာတွေကိုရအောင် စွမ်းဆောင်နိုင်ပါလိမ့်မယ်။ ကောင်း သောစကား တွေပြောပါ။ ပရိတ်တွေ၊ဂုဏ်တွေတွေနှုတ်ကရွတ်ဖတ်နေလိုက်ပါ။ ကံတွေမြင့်မားလာတာကို အထင်အရှားတွေ့ရပါ လိမ့် မယ်။ ဘာကိစ္စ ဖြစ်ဖြစ်အသစ်စတင်ခြင်းတွေအထူးကောင်းပါ တယ်။ မိမိရဲ့အခက်အခဲတွေကို ကူညီဖြေရှင်း ပေးမဲ့သူတွေနဲ့ အထူး ကြုံရ တတ်ပါ တယ်။ ဘာပဲဖြစ်ဖြစ်ဒီလိုနေ့မျိုး ဟာ အညံ့တွေတစ်ခန်းရပ်ပြီးတော့ အကောင်း တွေ စတင်လာမဲ့နေ့ရက် ဆိုလဲမမှားပါ ဘူး။ အလုပ်နဲ့ပတ်သက်တဲ့ ခရီးတွေသွားရမယ်ဆိုရင်တော့ ကောင်းသော အဆင်ပြေသောခရီးတွေဖြစ် နေပါလိမ့်မယ်။

ကြာသပတေး

အရောင်းအဝယ်စာချုပ်များ လဲချုပ်ဆိုလို့သင့်တော်ပါတယ်။ အလှပြုပြင်ခြင်းတွေ၊ ဆံပင်ပြုပြင်ခြင်းတွ ေဆောင် ရွက်လို့ ကောင်းပါတယ်။ ချစ်သူ ဆီမှမိမိလိုချင်တဲ့အဖြေမျိုးတွေ လဲရတတ်ပါတယ်။ ရွှေငွေလက်ဝတ်ရတနာ များ၊ အဖိုးတန် ကျောက် မျက် ရတနာများ ဝယ်ယူမယ်ဆိုရင်လဲဒီနေ့မှာ ဝယ်ယူတာမျိုးက ကောင်းမွန်သင့်တော်ပါ တယ်။အလုပ်နဲ့ပတ်သက်ပြီး လုပ်ဖော် ကိုင်ဖက်တွေဆီက ပညာတွေ ရပါလိမ့်မယ်။ အလှူအတန်းကိစ္စတွေကြုံရ တတ်ပါတယ်။ ဒါနတွေလဲပြုရပါလိမ့်မယ်။ သူတစ်ပါး ရဲ့  အကူအညီတွေကို လဲ အထူးရရှိတတ်ပါတယ်။ဘာကိစ္စပဲ ဖြစ်ဖြစ် အဆင်ပြေပြေနဲ့ပြီးဆုံးသွားတတ်ပါတယ်။

သောကြာ

အလုပ်တွေအဆင်ပြေပေမဲ့ အနည်းငယ်စိတ်ပင်ပန်း ကိုယ်ပင် ပန်းရနိုင်တဲ့နေ့မျိုးပါပဲ။ ကိုယ်ပိုင်အလုပ်များ နည်းလမ်း သစ် စိတ်ကူး သစ်တွေအထူးရရှိပါလိမ့်မယ်။ အားနာ၊သနားပြီး ကူညီလိုက်တဲ့ကိစ္စတွေကစေတနာကနေ ဝေဒနာဖြစ် သွားရတတ်တဲ့ နေ့မျိုးပါပဲ။ ပူပန်စရာတွေများနေတတ်ပါ တယ်။ အလုပ်ခွင်ထဲ လုပ်ဖော် ကိုင်ဖက်တွေနဲ့ နားလည်မှု တွေလွဲနေတတ်ပါတယ်။ ငွေပေးငွေယူကိစ္စများ အငြင်း ပွားဖွယ်ရာများလဲ ကြုံရတတ် ပါတယ်။ အချစ်ရေးကိစ္စတွေမှာ အလုပ်တွေများနေတာကြောင့် ဆုံစည်းဖို့ ခက်ခဲနေ တတ်ပါတယ်။ အဖွဲ့အစည်းမှ ငွေများ လက်ခံခြင်းမျိုး အထူး ရှောင်လိုက်ပါ။

စနေ

သူတစ်ပါးတွေရဲ့ယုံကြည်မှုရှိလာအောင်လဲ တည်ဆောက် ယူနိုင်ပါလိမ့်မယ်။ နိုင်ငံခြားကိစ္စများ၊ ရပ်ဝေးနယ်ခြား ကိစ္စများ ရှိရင် အဆင်ပြေအောင်မြင်တတ်ပါ တယ်။ ပညာ သင်ခြင်း၊ ပညာယူခြင်း မျိုးဆောင်ရွက်နိုင်တဲ့ နေ့မျိုးပါပဲ။ စုတ်အားတွေ တစ်အား များ နေတတ်ပါတယ်။ မိမိဖြစ်ချင်တာ တွေကိုလဲ ဖြစ်အောင်လုပ်သွားနိုင်ပါလိမ့်မယ်။ လိင်ကိစ္စ အရှုပ်အထွေးတွေ မလုပ်မိ အောင် နေထိုင်လိုက်ပါ။ ရင်းနှီး မြုပ်နှံထားတဲ့အလုပ်တွေကနေ အကျိုးအမြတ်တွေ ရလိမ့်မယ်။ ထင်ထားတာ၊ စီစဉ်ထားတာ တွေဖြစ်မလာဘဲ မရည် ရွယ်တာတွေဖြစ်လာတတ်ပါတယ်။ ဖြစ်လာသမျှ အကောင်း ပါပဲ။

ဆရာငြိမ်းအေးလူ(ဗေဒင်သုတေသီ)

09775555695

Posted in Daily Consult

Leave a Reply

Your email address will not be published. Required fields are marked *