
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆန်း(၁၁)ရက်၊ ဗုဒ္ဓဟူးနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၅)ရက်နေ့လဲ ဖြစ်ပါတယ်။
ဒီနေ့နံနက်(၅း၂၅)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၁၃)နာရီဖြစ်ပြီး ၊ ညနေ(၅း၅၈)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က မြောက်အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။
လက်သမားမြေခံအရသိကြား မြေခံဖြစ်၍ ချမ်းသာသုခကို ပေးတဲ့နေ့ ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ ကောင်းပါတယ်။
ဒီနေ့ဟာတီထိမြေခံအရ ကြာသပတေးမြေခံတဲ့နေ့ဖြစ်ပါတယ်။ ကြာသပတေးမြေခံအရ မိမိကြံစည်စိတ်ကူး ထားသော အရာမှန်သမျှ အချိန်မရွှေ့ဆိုင်းပဲ ချက်ချင်းလက်ငင်း အကောင်အထည်ဖေါ် ဆောင်ရွက်သင့်ချိန်ဖြစ်၍ ခိုင်ခန့်တဲ့ အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။
ဒီနေ့ဟာ တီထိအရတော့ မွန်းလွဲ ၁နာရီအထိကအေးချမ်းခြင်းတွေ၊ ကြည်နူးခြင်းတွေကိုပေးတဲ့ပုဏ္ဏာ တီထိကျ ရောက်တဲ့နေ့ရက်လဲဖြစ်ပါတယ်။ ဒီနေ့မှာ တစ်ပတ်ရစ်များ၊အရောင်းထိုင်းပစ္စည်းများရောင်းဝယ်ဖောက် ကားလို့ အထူးကောင်းပါတယ်။ ကျန်းမာရေးနဲ့ပတ်သက်ပြီးတော့လဲ အထူးကောင်းမွန်ပါလိမ့်မယ်။ မြုပ်နေတဲ့ငွေ တွေလဲ ပြန်ဖော်နိုင်ပါလိမ့်မယ်။ ရန်များ ပဋိပက္ခများကိုလဲကောင်းစွာဖြေရှင်းနိုင်ပါလိမ့်မယ်။
ရာဟုကာလအမှောင်ချိန်ကလွဲလို့ ည၁၁နာရီ မတိုင်ခင်အထိက အချိန်အခါကောင်းပါတယ်။ မင်္ဂလာမည်သော ကိစ္စများဆောင်ရွက်လို့ကောင်းပါတယ်။ ဘဏ်လုပ်ငန်းများ၊ငွေကြေးဆိုင်ရာကိစ္စများလဲဆောင်ရွက်လို့ကောင်းပါ တယ်။အိမ်၊ခြံ၊မြေ၊လုပ်ငန်းများစတင်ခြင်းတွေ အထူးကောင်းပါတယ်။
ကြာပသတေးပိုင်တဲ့တီထိဖြစ်တာကြောင့် ပညာရေးနဲ့ပတ်သက်သောကိစ္စအ၀၀မှာဆောင်ရွက်လို့ အထူးကောင်း ပါတယ်။ ပညာရှာခြင်း၊သင်တန်းတတ်ရောက်ခြင်း။တပည့်ခံခြင်းများဆောင်ရွက်နိုင်သလို ဆရာတွေ အနေနဲ့ ပညာသင် ပေးခြင်း၊သင်တန်းများဖွင့်လှစ်သင်ကြားပေးခြင်းများ အထူးဆောင်ရွက်နိုင်ပါတယ်။
ရင်းနှီးမြုပ်နှံထားတဲ့အလုပ်တွေကနေ အကျိုးအမြတ်တွေပြန်လည်ရရှိတတ်ပါတယ်။ခဏဆိုင်းငံ့ထားတဲ့အလုပ်တွေ ကိုပြန်လည်လုပ်ကိုင်နိုင်မဲ့နေ့ရက်ပါပဲ။ ရစရာရှိတဲ့အကြွေးတွေကိုတောင်းခံနိုင်မဲ့နေ့ရက်ပါပဲ။ အလှူအတန်းပြုခြင်း၊ ရေစက်ချအမျှဝေခြင်းများ၊အထူးဆောင်ရွက်နိုင်ပါလိမ့်မယ်။ ဘုရားထီးတင်ခြင်း၊ ဘုရားနေက ဇာတင်ခြင်း၊ ဘုရား ဆင်းတုတော်ပင့်ဆောင်၍စတင်ပူဇော်ကိုးကွယ်ခြင်းများ အထူးကောင်းတဲ့နေ့ပါပဲ။
ဒီနေ့မွေး ရင်သွေးငယ်များဟာ အထွန်းဖွား၊ မကာရစန်း၊ ကန်ရာသီဖွားဖြစ်ပါသည်။ဒီနေ့မွေးရင်သွေးများဟာ ပညာနဲ့ အကျိုးပေးကြတယ်။ပညာရှာနိုင်ပြီး ဘွဲ့ထူးဂုဏ်ထူး ရကြသလို ပညာကို ပြန်ဖြန့်ဝေပေးတဲ့သူတွေဖြစ် နေတာကိုတွေ့ ရပါတယ်။ မိန်းကလေးရင်သွေးငယ်တွေဆိုရင်တော့ အိမ်ထောင်ရေးဂရုစိုက်သင့်သလို့ သွေး၊ဓမ္မတာ၊သည်းခြေနဲ့ ပတ်သက်ပြီးရောဂါဘယ်ဖြစ်လွယ်ပါတယ်။ အလုပ်စီးပွား နယ်ပယ်ထက် ပညာရှင်နယ်ပယ်ကိုဦးတည် သွားတဲ့ဇာတာ မျိုးဖြစ်တာကိုတွေ့ရပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၀း၂၈)နာရီမှ ည(၂၁း၁၉)နာရီအတွင်း အတွင်း ဖြစ် ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါ လိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီ မဲ့သူပေါ်လာခြင်းအကျိုးသွားများ ရရှိနိုင်ပါတယ်။ ဒါအပြင်ဒီနေ့ဟာ ဓနသိဒ္ဓိနက္ခတ်နဲ့ပါ စန်းယှဉ်နေ တာမို့ ယနေ့ည ၁၁နာရီခွဲ ကနေ နောက်နေ့ည ၉နာရီခွဲထိ မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင် ဂါထာ၊ ငွေရဂါထာများရွတ် ဖတ်ခြင်းများလဲ ထပ်တိုးဆောင်ရွက်နိုင်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နေ့လယ်(11;54) နာရီမှ မွန်းလွဲ(1;23)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ တနင်္ဂနွေ၊ ဗုဒ္ဓဟူး၊ ရာဟု၊ စနေ သားသမီးများပဲဖြစ်ပါတယ်။
ကံညံ့သော နေ့သား အင်္ဂါ၊ သောကြာ သားသမီးများပဲဖြစ်ပါတယ်။
ကံသင့်သောနေ့သားများ တနင်္လာ၊ ကြာသပတေး သားသမီးများပဲဖြစ်ပါတယ်။
ဒီနေ့မှာ အဝါရောင်၊အဖြူရောင် များများပါသော အဝတ်အစား၊ အသုံးအဆောင်ပစ္စည်းတွေကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၂၊၉)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ချိုသော သကြားလုံးငုံ သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဒံပေါက် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အလုပ်တွင်း အစည်းအဝေး လုပ်ပြီး အလုပ်ရဲ့အနာဂတ် အတွက် ပိုကောင်းတဲ့ကိစ္စတွေကိုဆွေးနွေး ပုံဖော်သင့်တဲ့ နေ့ရက်ပါပဲ။ အတိုက်အခံတွေဘယ်လောက်ရှိပါစေ.. အောင်မြင်စွာကျော်လွှားနိုင်ပါလိမ့်မယ်။ လူကြီးသူမတွေက မိမိ စိတ် အခြေအနေကို စမ်းသပ်တာမျိုးကြုံရတတ်ပါ တယ်။ ကိစ္စကြီးကြီးမားမားတွေ၊လုပ်ငန်းကြီးကြီးမားမားတွေကို ကိုင် တွယ်ဖြေရှင်းနိုင်ပါလိမ့်မယ်။ ငွေကြေးနဲ့ ပက်သက်တဲ့ ကိစ္စတွေမှာလဲ မိမိရဲ့ကြိုးကြိုးစားစားလုပ်ကိုင်မှုကြောင့် ဝင်ငွေလဲတိုးဖွယ်ရှိနေပါတယ်။ကျန်းမာရေး ကလဲဒေါင်ဒေါင်မြည်ကောင်းနေတတ်ပါတယ်။
တနင်္လာ
စက်ကားတော့ဖြေးဖြေးမောင်းပါ။ သတိမကပ်ဘဲ မောင်းမိတာကြောင့် ဒုက္ခ ရောက်တတ်တယ်။ အဓိကတော့ အတွေး တွေလွန်နေတတ်တာကို တွေ့ရတတ်ပါတယ်။ စီစဉ်ထားတဲ့ခရီးတိုတွေ လဲသွားရတတ်ပါတယ်။ အောက်လက်ငယ်သား တွေကို ခိုင်းရင်တလွဲတွေပဲလုပ်နေတတ်ပါ တယ်။ ကျန်းမာရေး အညံ့နည်းပေမဲ့ လေထိုးလေအောင့်တော့ ဖြစ်တတ် ပါတယ်။ ကံကောင်းခြင်းတွေနဲ့အတူအဆင် မပြေခြင်းတွေပါပူးတွဲပါလာတတ်ပါတယ်။ အဆင်ပြေတယ်ဆိုပြီး မာန်ကြွတာနဲ့ ဒုက္ခရောက်တတ်ပါတယ်။ မကြွားဝါ ဘဲနေရင်တော့ ဒီနေ့ဟာအဆင်ပြေတတ်ပါတယ်။
အင်္ဂါ
အဆင်မပြေတာလေးတွေအနည်းငယ်ရှိပါလိမ့်မယ်။ ခရီးနဲ့ ပတ်သက်ပြီး အနည်းငယ်တော့အခက်အခဲများရတတ် ပါတယ်။ စကားအကူးအပြောင်းလုပ်သူတွေကြောင့် မိတ်ဆွေရင်းတွေနဲ့စကားများရတတ်ပါတယ်။ အိမ်တွင်းရေး ပြဿနာများရှိရင်တော့ ပြေလည်အောင်ဖြေရှင်းနိုင်ပါ လိမ့်မယ်။ အရောင်းအဝယ်သမားများ၊ကုန်သည်များ ဈေး အပြောင်းအလဲကြောင့် အမြတ်အစွန်းနည်းပါးတတ်ပါ တယ်။ အကူ အညီပေးမိလိုက်ရင်လဲစေတနာကဝေဒနာ ဖြစ်ရတတ်တဲ့နေ့ရက်ပါပဲ။ ကောင်းသောအတွေးအကြံတွေ ရှိပေမဲ့ ဒီနေ့ မှာလက်တွေ့အကောင်အထည်ဖော်လို့ မသင့်ပါဘူး။
ဗုဒ္ဓဟူး၊ရာဟု
တစ်ကိုယ်တည်းချွန်ပြီးလုပ်ချင်းထက်ပေါင်းစပ်ပြီးတော့ လုပ်ကိုင် ခြင်းတွေကပိုမိုကောင်းပါတယ်။ ဒါကြောင့် ပဲစပ်တူအလုပ်တွေ ဒီလိုနေ့မှာပိုမိုအဆင်ပြေတာကိုတွေ့ရ ပါတယ်။ အချစ်ရေးမှာတော့ အထူးကောင်းပါတယ်။ နားဖောက်တာ၊ မင်္ဂလာစကားပြောတာတွေဆောင်ရွက်သင့် ပါတယ်။ ရလာတဲ့ငွေတွေကို ပရဟိတတစ်ခုခုမှာ တတ်နိုင်သမျှ လှူတန်းသင့်တဲ့နေ့ရက်မျိုးပါပဲ။ မီဒီယာအလုပ်များ၊ ကြော်ငြာအလုပ်များတိုးတတ်ကောင်းမွန်နေပါ လိမ့်မယ်။ ကားဝယ်တာ၊ ကားရောင်းတာမျိုးတွေ၊ မိမိကားကို အလှဆင်တာမျိုးတွေလဲ ဆောင်ရွက်လို့စိတ်တိုင်းကျ ပါလိမ့်မယ်။ ငွေကြေးလာဘ်လာဘတွေ ရွှင်လန်းပါလိမ့်မယ်။
ကြာသပတေး
အဆင်ပြေတာများပါတယ်။ လုပ်ငန်းနဲ့ပတ်သက်ပြီး လိုအပ်ချက်လေး တွေကို အမုန်းခံထောက်ပြမဲ့သူတွေရှိ နေတာ ကိုယ်က မိမိကံကောင်းတာပါ။ ရင်းနှီးမြုပ်နှံမှုများ လုပ်ဆောင်လု့ိ သင့်တော်တဲ့နေ့ရက်ပါပဲ။ လုပ်ငန်းကြီးများပိုမိုတိုး တတ်နေမှာပါ။ အလုပ်နဲ့ပက်သက်ပြီး ခက်ခဲ နေတဲ့ ကိစ္စတွေရှိရင်လဲ ဒီနေ့မှာအဆင်ပြေရတတ်ပါတယ်။ မိသားစု အတွက် ပူပန်ရတာတွေလျော့ပါးသက်သာသွား ပါလိမ့် မယ်။ စိတ်ထဲမတင်မကျဖြစ်နေတာတွေရှင်းလင်းသွားမဲ့နေ့ပါ။ စီးပွားရေးနဲ့ပက်သက်ပြီး အကြံဉာဏ်များ ၊ပညာများ ကိုဆရာတွေထံက သင်ယူလေ့လာလို့အလွန်ကောင်းပါတယ်။
သောကြာ
စိတ်ပင်ပန်းရတာလေးတွေရှိနေမှာပါ။ သူတစ်ပါးရဲ့ အကြံကိုယူပြီးလုပ်တာက ပိုမိုအောင်မြင်နိုင်ပါတယ်။ ငွေရှာလို့ ကောင်းပါတယ်။ ဒါပေမဲ့ ငွေတော့မချေးလိုက်ပါနဲ့။ ဒီနေ့ချေးလိုက်ရင်တော့ပြန်ရဖို့ကြန့်ကြာသွားတတ်ပါတယ်။ ရောဂါ ဝေဒနာ တစ်ခုခုခံစားရရင်ဆေးမြီးတိုနဲ့မကုလိုက် ပါနဲ့။အလုပ်တွေများတာကြောင့်လဲအထက်လူကြီးက မိမိကိုဖိအား ပေးခိုင်း စေတာမျိုးတွေကြုံရတတ်ပါတယ်။သူတစ် ပါး တွေရဲ့အလုပ် တွေကိုလဲကိုယ်စား လုပ်ပေးနေရ တတ်ပါတယ်။ အလုပ်နေရာပြောင်းရတာ၊ဌာနပြောင်းရတာတွေ ကိုလဲ ကြုံရတတ် တဲ့နေ့မျိုးပါပဲ။
စနေ
တစိုက် မတ်မတ်ကြိုးစားထားသမျှအရာထင်အကောင် အထည်ဖော်နိုင်ပါလိမ့်မယ်။ လူများများနဲ့ ဆက်ဆံလုပ် ကိုင်ခြင်း ထက်တစ်ယောက်ထဲတွေးတောကြံဆလုပ်ကိုင် တာမျိုးကပိုမိုအကျိုးဖြစ်ထွန်းပါလိမ့်မယ်။ သီလလုံအောင် နေ ရင်တော့အထူးပဲ ကံကောင်း တတ်တဲ့နေ့ရက်ပါပဲ။ မိမိကြိုးစားလုပ်ကိုင်ခဲ့တဲ့ရည်မှန်းချက်တွေလဲပြည့်မြောက်ပါ လိမ့်မယ်။ ဇွဲ၊ဝီရိယတွေရဲ့ အကျိုးကိုခံစားရပါလိမ့်မယ်။ စိတ်ချမ်းသာရတာ၊စိတ်အေးချမ်းရတာ မျိုးတွေကြုံရပါ လိမ့်မယ်။ အတိုက်အခံတွေ မိမိနေရာကိုလုမဲ့သူတွေကြုံ ရပေမဲ့အဆုံးသတ်မိမိကအသားစီးရရှိပါလိမ့်မယ်။
ဆရာငြိမ်းအေးလူ(ဗေဒင်သုတေသီ)
09775555695