7.October .2022 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများနှင့် ၇ရက်သားသမီး ဟောစာတမ်း အကျဉ်း

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆန်း(၁၃)ရက်၊ သောကြာနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊အောက်တိုဘာလ(၇)ရက်နေ့ ဖြစ်ပါတယ်။

ဒီနေ့နံနက်(၅း၂၆)နာရီမှာ အရုဏ်တတ်ပါတယ်။  နေထွက်ချိန်နံနက်(၀၆း၁၄)နာရီဖြစ်ပြီး ၊ ညနေ(၀၅း၅၆)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။

လက်သမားမြေခံ ကတော့ ဗြဟ္မာ မြေခံဖြစ်၍ လာဘ်လာဘကိုပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ဆိုင်ခန်းလိုင်းခန်းတည်ဆောက်ခြင်းတွေ၊အိမ်ခန်းဖွဲ့တာတွေ အိမ်ပြင်တာတွေ၊မြေတူးဆွတာတွေ ဆောင်ရွက် လို့ကောင်းပါတယ်။

ဒီနေ့ဟာတီထိမြေခံအရ  တနင်္လာမြေခံတဲ့နေ့ဖြစ်ပါတယ်။ တနင်္လာမြေခံ ဖြစ်တဲ့အတွက် ဒီနေ့မှာ လုပ်ကိုင် လိုက်သော လုပ်ငန်းများမှန်သမျှ အကျိုးအမြက်ကြီးကြီးမားမားရရှိကြွယ်ခြင်း၊ ချမ်းသာခြင်း၊ စည်းစိမ်ဉစ္စာ တိုးပွား ခြင်းများ အထူးပင်ရရှိစေနိုင်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးဆောင်ရွက် သင့်ပါတယ်။သို့သော်သမားညိုရက်နဲ့တိုက်ဆိုင်နေတာမို့ အချိန်အခါကိုနေ့နံအလိုက်ပြန်ရွေးပြီးမှဆောင်ရွက်ပါ။

ဒီနေ့ဟာ ရက်ကန်း၊သမားညို ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့  မနက် ၈နာရီခွဲကစလို့ လဆန်းတီထိ ၁၃လုံးအောင်မြင်မှုကိုပေးတဲ့တီထိဖြစ်ပါတယ်။ ပြဿနာများကိုရင်ဆိုင်ဖြေရှင်းရတဲ့နေ့ရက်လဲဖြစ်ပါတယ်။ အလုပ်တွေကအခက်အခဲတွေကို ကောင်းစွာဖြေရှင်း သွားနိုင်ပါလိမ့်မယ်။ စစ်ရေးကိစ္စ၊အစိုးရနဲ့ပက်သက်သောကိစ္စ တွေမှာပြေလည်အောင်ဆောင်ရွက်နိုင်ပါလိမ့်မယ်။ ဆေးကု၊ဆေးစစ်ရန်အတွက်ကောင်းမွန်သောရက်ကောင်းဖြစ်ပါ တယ်။ ကြုံရနိုင်တဲ့ အကြပ်အတည်းတွေကိုလဲ ကောင်းစွာကျော်လွှားနိုင်ပါလိမ့်မယ်။ ဒီနေ့တွေ့ကြုံရတဲ့ အလှူခံမှန် သမျှကို သဒ္ဓါကြည်ဖြူစွာ လှူဒါန်းလိုက်ခြင်းဖြင့် အောင်မြင်မှုတွေကိုဖြစ်ပေါ်စေပါလိမ့်မယ်။

ရစရာရှိသောအကြွေးများ၊ရပိုင်ခွင့်များ ကောင်းစွာတောင်းခံနိုင်ပါလိမ့်မယ်။ အလုပ်ပိနေသူများ၊ အလုပ်တာဝန်များ နေသူများ ကောင်းစွာစီမံခန့်ခွဲနိုင်မဲ့နေ့ရက်လဲဖြစ်ပါတယ်။ ခရီးသွားရင် တွေ့တဲ့ဆိုင်မှာထီကံစမ်းခြင်းတွေပြုလုပ်လို့ အထူးသင့်လျော်ပါတယ်။ လိုအပ်နေတဲ့ လျှပ်စစ်ပစ္စည်းများ၊ စက်ပစ္စည်းများဝယ်ယူမယ်ဆိုရင်လဲ ဝယ်ယူလို့အထူး သင့်တော်ပါတယ်။ ဘာကိစ္စမဆို အချိန်မဆွဲဘဲ လက်ဦးမှုတွေစတင်ယူလိုက်မယ်ဆိုရင်တော့အထူးပဲအဆင်ပြေ သွား တတ်ပါတယ်။ စားသောက်ကုန်နဲ့ပတ်သက်သော ကုန်စည်ပြပွဲများကျင်းပခြင်း၊ promotion များပြုလုပ်ခြင်း တွေ အထူးကောင်းပါလိမ့်မယ်။

ခရီးကိစ္စများဆောင်ရွက်လို့ အထူးကောင်းပါတယ်။ အပျော်ခရီးတွေပဲဖြစ်ဖြစ်၊ကုန်သွယ်စီးပွားခရီးတွေပဲဖြစ်ဖြစ် အဆင်ပြေချောမွေ့ပါလိမ့်မယ်။ မိမိလုပ်ငန်းအတွင်းဝန်ထမ်းတွေကို အလုပ်နဲ့ ပတ်သက်သောသင်တန်းတွေပေး တာ မျိုးတွေဆောင်ရွက်လို့အထူးကောင်းပါတယ်။အိမ်ပြုပြင်ခြင်း၊ အိမ်ခန်းဖွဲ့ခြင်း၊ ပျက်စီးယိုယွင်းနေတဲ့နေရာ တွေကိုပြင် ဆင် ခြင်းများပြုလုပ်သင့်တဲ့နေ့ရက်ပါပဲ။ ကြော်ငြာကိစ္စများဆောင်ရွက်လို့အထူးကောင်းပါတယ်။ ကုန်ရောင်း ကုန်ဝယ် အလုပ်များ၊ ဈေးရောင်းဈေးဝယ် အလုပ်များအထူးအဆင်ပြေနိုင်ပါတယ်။

ဆောင်ရွက်သမျှကိစ္စတွေမှာ နှေးကွေးကြန့်ကြာပြီးမှအောင်မြင်တတ်သောနေ့ဖြစ်ပါတယ်။မိမိလိုအပ်နေသော သတင်း အချက်အလက်တွေ၊ဒေတာတွေစုဆောင်းနိုင်သောနေ့ရက်ဖြစ်ပါတယ်။ရန်ပဋိပက္ခများဖြေရှင်းနိုင်ပါလိမ့်မယ်။ ငွေကြေး လာဘ်လာဘအတွက်ပြောဆိုဆောင်ရွက်ရန် အခါသင့်သည်။ ကျန်းမာရေးအညံ့ကြုံက မပေါ့ဆအပ်ပါ။ ချက်ချင်းကုသမှုခံယူပါ။ ဆေးမြီးတိုနဲ့မကုသင့်တဲ့နေ့ရက်ပါပဲ။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၀း၂၀)နာရီမှ (၂၁း၁၁)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရ ပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။

 ရှောင်သင့်တာတွေကတော့ရက်ကန်းဖြစ်တာကြောင့်် မင်္ဂလာယူပြီးလုပ်ရမဲ့ကိစ္စမှန်သမျှ ရှောင်နိုင်ရင် အကောင်း ဆုံး ပါပဲ။ လက်ထပ် ထိမ်းမြားခြင်း၊ စေ့စပ်ခြင်း၊ ဆောင်ရွက်လို့ မကောင်းသေးပါဘူး။မျက်မြင်ကိုယ်တွေ့မဟုတ်ဘဲ တပါးသူပြောစကား နားဝင်ပြီးဆောင်ရွက်ပါက ဆုံးရှုံးခြင်းတွေကိုဖြစ်ပေါ်စေနိုင်ပါတယ်။

ဒီနေ့မွေး ရင်သွေးငယ်များဟာ ပုတိ ဖွား၊  ကုမ်စန်း၊  ကန်ရာသီဖွားဖြစ်ပါသည်။ဒီနေ့မွေးသူများဟာစိတ်ကူး အယူအဆကောင်းတယ်ဗျ။ အတွေးကောင်းတယ်။ ခင်တတ်မင်တတ်တယ်။ ကူညီမဲ့သူတွေပေါများတယ်။ငွေကြေး နဲ့ပတ်သက်ပြီးအကူအညီကောင်းတွေရလွယ်ကြသူတွေဖြစ်တယ်ဗျ။ ထူးခြားတာကမိခင်ရဲ့အကျိုးကျေးဇူးကို အထူး ခံစားရတဲ့သူတွေအဖြစ်တွေ့ရတယ်။  ကြိုးစားဖို့လိုတာက သက်လတ်ပိုင်းကာလတွေပဲဖြစ်ပါတယ်။ ဘာလို့ လဲဆိုတော့ ကံပေးချိန်တွေမို့လို့ အသက် ၂၇ကစလို့ လုပ်တိုင်းဖြစ်တဲ့ပန်းပန်ချိန်ကာလတွေပဲဖြစ်ပါတယ်။

ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀း၂၄) နာရီမှ နံနက်(၁၁း၅၃)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။

ကံကောင်းသောနေ့သားများ တနင်္လာ၊ ကြာသပတေး၊ သောကြာ  သားသမီးများပဲဖြစ်ပါတယ်။

ကံညံ့သော နေ့သား တနင်္ဂနွေ၊ ဗုဒ္ဓဟူး  သားသမီးများပဲဖြစ်ပါတယ်။

ကံသင့်သောနေ့သားများ အင်္ဂါ၊ စနေ၊ ရာဟု  သားသမီးများပဲဖြစ်ပါတယ်။

ဒီနေ့မှာ အစိမ်းရောင်၊အညိုရောင်         များများပါသော အဝတ်အစား၊ အသုံးအဆောင်ပစ္စည်းတွေကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။

ဒီနေ့မှာ ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၄၊၇)ဂဏန်း တွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ဂဏန်းပေါင်းစက် အသေးလေး တစ်လုံးဆောင် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ကန်စွန်းဥဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။

၇ရက်သားသမီးအတွက် တစ်နေ့တာဟောစာတမ်းအကျဉ်း

တနင်္ဂနွေ

အခြားကိစ္စထက်လိင်ကိစ္စတွေကင်းအောင်နေပါ။အထူး သဖြင့်အိမ်ထောင်ရေးနဲ့ပတ်သက်ပြီးတော့လဲ အိမ်ထောင် ဘက် အပေါ်သစ္စာရှိလိုက်ပါ။ ကျန်းမာရေးက အခံရှိတဲ့ရောဂါတွေပြန်ဖောက်လာတတ်ပါတယ်။ ကျန်းမာရေးကို ဂရု စိုက်ပေးပါ။ မိမိလိုချင်တာတွေကိုလဲ သူများ အကူအညီမပါဘဲ ကိုယ့်ဒူးကိုယ်ချွန်လုပ်ယူရတတ်ပါတယ်။ စိတ်ဆိုးစရာ၊ ဒေါသဖြစ်စရာအခြေအနေမျိုးလေးတွေနဲ့ ကြုံရတတ်ပေမဲ့ မိမိကတော့ တတ်နိုင်သလောက်သည်းခံပေးလိုက်စေ ချင်ပါတယ်။ ပညာရေးအတွက်ရလဒ် ကောင်းတွေရှိလာမဲ့နေ့ရက်ပါပဲ။ စာမေးပွဲကိစ္စ၊အင်တာဗျူးကိစ္စတွေအထူးပဲ ကောင်းနေ တတ်ပါတယ်။

တနင်္လာ

ကိုယ့်ရဲ့ဆရာသမားတွေရဲ့အကူအညီတွေကိုကောင်းစွာရရှိ ပါလိမ့်မယ်။ အလုပ်နဲ့ပတ်သက်သော အကြံပေးတာမျိုး တွေ အထူးရရှိပါလိမ့်မယ်။ အလုပ်တွေများနေတတ်ပါတယ်။ ဒါပေမဲ့အလုပ်တွေနဲ့ပတ်သက်ပြီး ငွေနောက်ကမလိုက် နိုင်တာမျိုးတွေ လဲအထူးဖြစ်ရတတ်ပါတယ်။ ငွေအဝင် အထွက်မမျှတာမျိုးတွေဖြစ်ရတတ်ပါတယ်။သူတစ်ပါးတွေကို အလုပ်တွေထပ်ပေး နိုင်ပါလိမ့်မယ်။ ကျန်းမာရေးနဲ့ ပတ်သက်ပြီးရောဂါကင်းနေပါလိမ့်မယ်။ မိမိဖြစ်ချင်တာတွေကို ဖြစ်အောင် လုပ်သွားနိုင် ပါလိမ့်မယ်။ အချစ်ရေးနဲ့ ပတ်သက်ပြီးချစ်သူကမိမိကိုဂရုမစိုက်သလိုခံစားနေရတတ်ပါတယ်။

အင်္ဂါ

ပျော်ပွဲရွှင်ပွဲများ၊ ပွဲလမ်းသဘင်များစီရင်ကျင်းပလို့ အထူးကောင်းပါတယ်။ခန်းဝင်ပစ္စည်းများဝယ်ယူခြင်း၊ ပရိဘောဂ များ ဝယ်ယူခြင်းတွေလဲဒီနေ့မှာ အထူးဆောင်ရွက် နိုင်ပါလိမ့်မယ်။သွေးလည်ပတ်မှုအားကောင်းနေတာကြောင့်လဲ ကျန်းမာရေး အတွက်လဲ စိတ်ပူစရာမလိုတာမျိုးတွေ့ ရပါတယ်။ ခရီးရှည်သွားမယ်ဆိုဒီနေ့မှာ စတင်ထွက်ခွာလို့ ကောင်းပါတယ်။ ခရီးသွားလုပ်ငန်းများ၊ ကုန်သွယ်မှု လုပ်ငန်းများလဲ တိုးတတ်အောင်မြင်နေပါလိမ့်မယ်။ မိသားစုလိုက် ခရီးထွက်တာ၊ ချစ်သူနဲ့ လျှောက်လည်တာ မျိုးတွေဆောင်ရွက်သင့်တဲ့နေ့မျိုးပါပဲ။

ဗုဒ္ဓဟူး၊ရာဟု

အတွေးချော်နေတတ်ပါတယ်။ဒါကြောင့်လဲလုပ်ကိုင် ဆောင်ရွက်သမျှတွေမှာလဲ အမှားမှားယွင်းယွင်းတွေဖြစ်နေ တတ်ပါတယ်။ သူများတွေရဲ့စေတနာစကားတွေကို အပြစ်တင်စကားလို့ အထင်ရောက်နေတတ်ပါတယ်။ ငွေကြေးရှာ လို့ဖွေလို့လွယ်ပေမဲ့ ကုန်စရာတွေများနေတတ်ပါ တယ်။ ငွေတွေမြုပ်အောင်တော့ မလုပ်မိပါစေနဲ့။ငွေမြုပ်ရင် ဖော်ရခက်ခဲပါတယ်။  အရောင်းသွက်တဲ့ ပစ္စည်းတွေကိုပဲ လှောင်ဖို့အကြံပေးချင်ပါတယ်။ ပညာရေးအတွက် အနည်းငယ် ပင်ပန်း ရမဲ့နေ့ပါပဲ။ စီစဉ်ထားတဲ့ခရီးများ ရှိရင်ခရီး အပြောင်းအလဲမျိုးတွေကြုံ ရနိုင်ပါ တယ်။

ကြာသပတေး

ရည်ရွယ်ချက်တွေပြည့်မီအောင်စွမ်းဆောင်နိုင်ပါလိမ့်မယ်။ သူ တစ်ပါးတွေရဲ့အကူအညီတွေကို ပြန်ပေးနိုင်မဲ့ နေ့ရက်လဲ ဖြစ်ပါတယ်။ အချစ်ရေးကိစ္စတွေကအလွန်ကောင်းပါတယ်။ ချစ်သူနဲ့အမှတ်တရအချိန်လေးတွေကို ဖန်တီး နိုင်မဲ့နေ့ရက်ပါပဲ။ လုပ်သလောက်အကျိုးမခံစားရတာတွေရှိ တတ်ပါ တယ်။ ဘယ်လောက်ပဲလုပ်လုပ် အထက်လူကြီး က အကောင်း မမြင်တာမျိုးတွေလဲကြုံရနိုင်ပါတယ်။  မိတ်ဆွေ သစ် တွေလဲရလာတတ်ပါတယ်။ မိမိဆိုင်တွေ ဖောက် သည်သစ်တွေရလာပြီး ရောင်းပန်းဝယ်ပန်းပွင့်ရ ပါလိမ့်မယ်။ ကျန်းမာရေးကတော့ အကောင်းနည်း ပါတယ်။ ဆီး ရောဂါများ ဂရုစိုက်ပါ။

သောကြာ

ကံမြင့်မားနေပါလိမ့်မယ်။ အတွေးကောင်းစိတ်ကူးကောင်းတွေ လဲရလာတတ်ပါတယ်။ ပညာရှာလို့ကောင်းသလို၊ ပညာရေးနဲ့ပတ်သက်သောအလုပ်အကိုင်တွေလဲ တိုးတတ်နိုင်မဲ့ နေ့ရက်ပဲဖြစ်ပါတယ်။ ဆရာသမားတွေရဲ့ အကူ အညီတွေ အထောက်အပံ့တွေရတတ်ပါတယ်။ ဘာသာရေးနဲ့ပတ် သက်သော ကိုးကွယ်စရာများ လက်ဆောင်ရတတ် ပါတယ်။ စိတ်ချမ်းသာမှု၊ကိုယ်ကျန်းမာမှုတွေလဲအထူးတွေ့ရ ပါလိမ့်မယ်။ ဘာသာရေးနဲ့ပတ်သက်သော တရား ဆွေးနွေး တာမျိုးတွေ အထူးကောင်းပါတယ်။စာမေးပွဲကိစ္စနှင့် အင်တာဗျူးကိစ္စများ အထူးကောင်းမွန်တဲ့နေ့ရက်ပါ။

စနေ

နေရာလုပွဲတွေ၊ အတိုက်အခံများတာမျိုးတွေအထူးဖြစ်ရတတ် ပါတယ်။ အလုပ်နဲ့ ပတ်သက်ပြီးနေရာသစ်မှာ အခြေချ လို့ ကောင်းပါတယ်။ စွန့်ဦးတီထွင်လုပ်ငန်းများတိုးတတ် အောင်မြင်လာတတ်ပါတယ်။ ဘာသာရေးနဲ့ပတ်သက်ပြီး ဘုရားဆင်တုတော်ထုလုပ်ခြင်းတွေ၊ စတင်နေကဇာတင် ခြင်းတွေအထူးဆောင်ရွက်လို့ကောင်းတဲ့နေ့ရက်ပါပဲ။ အကူအညီပေးမဲ့ သူတွေကိုလဲ အကြွင်းမဲ့ယုံလို့မရသေးပါဘူး။ ကူညီတာကနည်းနည်း ဒုက္ခပေးတာကများများဖြစ်နေပါ လိမ့်မယ်။ အရေပြားမှာ အဖုအပိန့်များ၊ယားနာများ ဖြစ်လွယ်ပါတယ်။အပူများပြီး ဝက်ခြံပုန်းတွေလဲထွက်လာ တတ်ပါ တယ်။

ဆရာငြိမ်းအေးလူ(ဗေဒင်သုတေသီ)

09775555695