လပြည့်ချိန်ခါ အစီအရင်များ

လပြည့်နေ့တွေမှာဆောင်ရွက်ရမဲ့ အဓိဌာန်လေးတွေ၊အစီအရင်လေးတွေပြောပေးပါလို့ ပြောထားတဲ့ မိတ်ဆွေ တွေ အတွက်ရည်ရွယ်ပြီးတင်ပေးတာပါ။ လပြည့်နေ့အိမ်မှာပဲ ကုသိုလ်တရားတွေနဲ့ ထုံမွှန်းပြီး နေချင်သူများအတွက် ဆောင်ရွယ်ဖွယ်ကုသိုလ်ကံမြှင့် အစီအရင်ပဲဖြစ်ပါတယ်။

ဒီနှစ်လပြည့်နေ့က ပြက္ခဒိန်မှာပါတဲ့ လပြည့်ရက်ရယ်၊ဗေဒင်ကိန်းခန်းအရ လပြည့်တီထိအချိန်အခါရယ်တိုက် ဆိုင်တာမို့ တကယ့်ကိုပြည့်ဝတဲ့ သီတင်းကျွတ်လပြည့်နေပဲဖြစ်ပါတယ်။ လပြည့်နေ့ဟာ တနင်္ဂနွေနေ့လဲ တိုက်ဆိုင်နေ ပါတယ်။ လုပ်ငန်းစီးပွားတိုးတတ်ဖို့၊ငွေကံကောင်းဖို့ဆောင်ရွက်လို့ကောင်းတဲ့နေ့ရက်အချိန်အခါပဲဖြစ်ပါတယ်။

9.10.2022 သီတင်းကျွတ်လပြည့်နေ့ ရောက်ပြီဆိုပါက….

🙏🙏🙏ထိုနေ့ရက်ရဲ့ မနက် ၆နာရီကနေ ၇နာရီခွဲအတွင်း ဘုရားရှင်ကို မုန့်ဟင်းခါးဆွမ်းကပ်ပြီး မေတ္တသုတ် ၆ခေါက်ပူဇော်ပါ။ ဝေနေယျသတ္တဝါတွေကိုဖြန့်ကြန့် မေတ္တာပို့ပါ။ ထိုအချိန်အခါကာလအတွင်းမေတ္တာသာပွားများနေပါ။

🙏🙏🙏မနက် ၇နာခွဲကျော်ချိန်ကနေ ၉နာရီအတွင်းကတော့ ဘုရားရှင်ကို ပေါင်မုန့်နို့ဆမ်းကပ်လှူပေးပါ။ ပေါင်မုန့်တွေ၊နို့ဆီအထုပ်လေးတွေတော့ ကြိုဝယ်ထားပေါ့။ပေါင်မုန့်နို့ဆမ်းကပ်လှူပြီးတာနဲ့ ပဌာန်းရွတ်ဖတ်ပါ။ ၂၄ပစ္စည်းအကျဉ်းကိုဆိုလိုတာမဟုတ်ပါ။ပဌာန်းအကျယ်ရွတ်ဖတ်ပူဇော်ပါ။တစ်ခေါက်ပဲပူဇော်လို့ရပါတယ်။ ရွတ်ဖတ် ချိတ်ဆိုရင်တော့ အာရုံတစ်ပါးစိတ်မသွားစေဘဲ စိတ်နှစ်ပြီးရွတ်ပွားဖို့တော့လိုပါတယ်။

🙏🙏🙏မနက် ၉နာရီကနေ ၁၀နာရီခွဲအတွင်း ခေါင်းလျှော်လို့အဆင်ပြေတဲ့သူများ ခေါင်းဆေးမင်္ဂလာဆောင်ရွက်ပါ။ တရော်ကင်ပွန်းမရလဲ အဆင်ပြေရာခေါင်းလျှော်ရည်ကိုအသုံးပြုပြီးလျှော်နိုင်ပါတယ်။ ခေါင်းလျှော်တဲ့အခါမျက်နှာမူ ရမှာက………….

          🧿တနင်္ဂနွေသားသမီး မြောက်အရပ်ကို မျက်နှာမူပြီး ခေါင်းလျှော်ပါ။

          🧿  တနင်္လာသားသမီး အရှေ့မြောက်အရပ်ကို မျက်နှာမူပြီး ခေါင်းလျှော်ပါ။

          🧿အင်္ဂါသားသမီး      အရှေ့အရပ်ကို  မျက်နှာမူပြီး ခေါင်းလျှော်ပါ။

          🧿ဗုဒ္ဓဟူးသားသမီး    အရှေ့တောင်အရပ်ကို  မျက်နှာမူပြီး ခေါင်းလျှော်ပါ။

          🧿ကြာသပတေးသားသမီး အနောက်တောင်အရပ်ကို မျက်နှာမူပြီး ခေါင်းလျှော်ပါ။

          🧿သောကြာသားသမီး   အနောက်မြောက်အရပ်ကို မျက်နှာမူပြီး ခေါင်းလျှော်ပါ။

          🧿စနေသားသမီး         တောင်အရပ်ကို  မျက်နှာမူပြီး ခေါင်းလျှော်ပါ။

ခေါင်းလျှော်ပြီးချိန် အမိအဘတွေ၊လူကြီးသူမတွေကို ဝတ္ထုပစ္စည်းတွေနဲ့ မကန်တော့ရသေးသူများဒီအချိန်ကာလ အတွင်း ကန်တော့နိုင်ပါတယ်။

🙏🙏🙏မနက် ၁၀နာရီခွဲကနေ ၁၂နာရီအတွင်းကတော့ ဘုရားကျောင်းဆောင်ကို သန့်ရှင်းရေးပြုလုပ်ပါ။ ဘုရား ကျောင်းဆောင်ကို အမွှေးနံ့သာများပက်ဖြန်းပါ။ဘုရားဆင်းတုတော်ကို ရောင်တော်ဖွင့်ပါ။ကြေးဆင်းတုတော်ဆို  ကြေး တိုက်ဆပ်ပြာတွေနဲ့ရောင်တော်ဖွင့်ပါ။ ရောင်တော်ဖွင့်ပြီးတာနဲ့ ဘုရားဆင်းတုတော်ကို နံ့သာဖြူအရည်နဲ့ ရေသပ္ပာယ်ပါ။

ကဲဒီလောက်ဆိုပြည့်စုံပါပြီ။

သီတင်းကျွတ်လပြည့်နေ့မှာ အကြောင်းမြှင့်ယတြာပြုချင်သူတွေရည်ရွယ်ပြီးတင်ပေးလိုက်ပါတယ်။ ညံ့နေတဲ့ကံတွေ ကို တတ်နိုင်သလောက် ခါချပြီးသားဖြစ်သွားပါလိမ့်မယ်။ကံကောင်းနေကြတဲ့သူတွေဆိုလဲ….ကောင်းနေတဲ့ကံတွေ ဆက်ကာ ဆက်ကာ ကောင်းစေပါလိမ့်မယ်။

                                                    ၇ရက်သားသမီးအပေါင်း ကောင်းသောလိုအင်ဆန္ဒတွေပြည့်ဝနိုင်ကြပါစေ။   ။

                                                                                                                                                 ဆရာငြိမ်းအေးလူ

                                                                                                                                     ၀၉၇၇၅၅၅၅၆၉၅