ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆုတ်(၄)ရက်၊ ကြာသပတေးနေ့ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၁၃)ရက်နေ့လဲ ဖြစ်ပါတယ်။
ဒီနေ့နံနက်(၅း၃၀)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၁၈)နာရီဖြစ်ပြီး ၊ ညနေ(၅း၅၃)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။
လက်သမားမြေခံ နွား မြေခံဖြစ်၍ ဉစ္စာပစ္စည်းများ ရတတ်သော နေ့ဖြစ်သောကြောင့် ပျဉ်ထောင်အိမ်တွေ ဆောက်တာ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွ တာတွေ ဆောင်ရွက်လို့ အထူးကောင်းပါတယ်။
ဒီနေ့ဟာတီထိမြေခံအရ သောကြာမြေခံတဲ့နေ့ဖြစ်ပါတယ်။ သောကြာမြေခံအရ ဥစ္စာပစ္စည်းရရှိခြင်း၊ချစ်သူ၊ မိတ်ဆွေ ပေါများခြင်းအကျိုးကိုရရှိစေသောကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေစတင်ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါ တယ်။သမားညိုရက်နဲ့တိုက်ဆိုင်နေတာမို့ အချိန်အခါပြန်ရွေးပြီးမှဆောင်ရွက်ပါ။
ဒီနေ့ဟာ ရက်ရာဇာ၊ အမြိတ္တစုတ်၊ သမားဖြူ၊ သမားညို ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လဆုတ်တီထိ ၄လုံးဖြစ်ပြီးတော့ဆင်းရဲခြင်းသဘောဆောင်တဲ့ ရိတ္တာတီထိကျ ရောက်တဲ့ နေ့ရက်ပဲဖြစ်ပါတယ်။ဒီလိုနေ့တွေမှာတော့ မိမိဖြစ်ချင်တဲ့ကိစ္စတွေကိုအချိန်ပေးလုပ်သွားနိုင်ပါလိမ့်မယ်။ ဘာလုပ်လုပ် သတိတော့ မလွတ်သင့်ပါဘူး။ စာရင်းဇယားအမှားတွေလုပ်မိတတ်လို့ပါပဲ။
စနေဂြိုဟ်အုပ်စိုးတဲ့တီထိဖြစ်ပါတယ်။ စစ်လက်နက်များ ထုတ်လုပ်ခြင်း၊ဓားလှံလက်နက် များထုတ်လုပ်ခြင်း တွေ အထူးဆောင်ရွက်နိုင်ပါတယ်။ အရက်၊ဘီယာစတဲ့ယမကာများ ထုတ်လုပ်ခြင်း ဖြန့်ဖြူးခြင်း တွေလဲ ဆောင်ရွက်နိုင် ပါတယ်။
ရန်သူစခန်းကိုသိမ်းပိုက်ခြင်း၊ တရားခံကို ဖမ်းဆီးခြင်းမျိုးတွေပြုလုပ်ဆောင်ရွက်နိုင်ပါတယ်။ လက်လျော့ ထားတဲ့ အလုပ်တွေကို တကျော့ပြန်လည်လုပ်ကိုင်ခြင်းဖြင့် အောင်မြင်မှုတွေကိုဖြစ်ပေါ်စေပါတယ်။ အတိတ်ကလုပ် ခဲ့တဲ့ ကောင်း တဲ့ကိစ္စတွေဆိုကောင်းကျိုး၊ဆိုးတဲ့ကိစ္စတွေလုပ်ခဲ့ရင် ဆိုးကျိုးတွေအနေနဲ့ပြန်လည်ခံစားရတတ်ပါတယ် ငွေကြေးနဲ့ ပတ်သက်ပြီးတော့လဲ အထူးအဆင်ပြေမှုတွေရှိပါလိမ့်မယ်။ လက်လွန်ထားတဲ့ငွေတွေ၊ ဆုံးမယ်ထင်တဲ့ ငွေတွေပြန်ရတတ်တဲ့နေ့ရက်ပါပဲ။။
တရားအားထုတ်ခြင်၊ဘဝနာပွားများခြင်း၊ ကမ္မဌာန်းရှုမှုတ်ပွားများခြင်းများလဲ အထူးဆောင်ရွက်ခြင်းဖြင့် ထူးခြားတဲ့ ဉာဏ်စဉ် တွေကိုရလာတတ်ပါတယ်။ လျှပ်စစ်ပစ္စည်းဆိုင်များ၊ လျှပ်စစ်နှင့်ပက်သက်ဆက်နွယ်သောလုပ် ငန်းများ အထူးပဲအဆင်ပြေလာတတ်ပါတယ်။
စိုက်ပျိုးထားတဲ့ကောက်ပဲသီးနှံတွေကို ပိုးသတ်ဆေးဖြန်းခြင်းများလဲ အထူးပဲပြုလုပ်ဆောင်ရွက်သင့်တဲ့ နေ့ ရက်ပါပဲ။ လုပ်ငန်းသစ်တွေစတင်လည်ပတ်တာ၊ အလုပ်လျှောက်တာမျိုးတွေ စတင်လို့အထူးကောင်းပါတယ်။ ကံစမ်းမဲနှိုက် ခြင်းများ၊ ထီထိုးခြင်းများလဲ ဆောင်ရွက်နိုင်ပါတယ်။ အဝတ်ချုပ်လုပ်တာမျိုးတွေ၊ အဝတ်ဒီဇိုင်းရေး ဆွဲတာမျိုးတွေ၊ ဖက်ရှင်ရှိုးပွဲများပြုလုပ်ခြင်းများလဲ အထူးဆောင်ရွက်နိုင်တဲ့နေ့ရက်ပါပဲ။
ဒီနေ့မှာရှောင်သင့်တာကတော့ ပိုက်ဆံမချေးပါနဲ့ ဆုံးတတ်ပါတယ်။ အလုပ်နဲ့ပတ်သက်ပြီးတော့လဲ လူယုံမထား သင့်ပါ။ မဖွင့်ပြောသင့်တဲ့စကားတွေကို လျှို့ဝှက်ထားလိုက်ပါ။ အချိန်ဆွဲလို့ အခွင့်အလမ်းတွေ၊ ရပိုင်ခွင့်တွေဆုံးရှုံး ရတတ်တဲ့နေ့ရက်လဲဖြစ်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၉း၅၆)နာရီမှ ည(၂၀◌း၄၈)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံလာရ ပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။
ဒီနေ့ဟာအမြိတ္တစုတ်ရက်ကျရောက်တဲ့နေ့ရက်ဖြစ်တာကြောင့် ဒီနေ့မှာစတင်လိုက်တဲ့ စီးပွားရေး၊လူမှုရေး၊ကျန်းမာ ရေး၊ ပညာရေးနှင့်အလုပ်ကိစ္စ ရေးရာအဖြာဖြာတွေမှာ ရေရှည်အောင်မြင်မှုတွေကိုရရှိပါလိမ့်မယ်။ လောကီ အစီအရင် လုပ်ခြင်း၊ သိဒ္ဓိတင်ခြင်း၊အင်းဆွဲခြင်းများကို အလေးပေးဆောင်ရွက်နိုင်ပါလိမ့်မယ်။ ဂမ္ဘီရဆန်တဲ့ ကိစ္စတွေအတွက် ဆောင်ရွက်လို့အလွန်ကောင်းပါတယ်။
ဒီနေ့ဟာသမားဖြူရက်ဖြစ်တာကြောင့် အရောင်းအဝယ်ကိစ္စတွေမှာ ရောင်းမှာဝယ်မှားဖြစ်တတ်တယ်။ လူလိမ်ခံရ တတ်ပါတယ်။ဘဝအတွက်အရေးကြီးတဲ့အလုပ်များ၊ ဆုံးဖြတ်ချက်များကိုဒီနေ့မှာလုပ်ဆောင်ချမှတ်လို့မကောင်း ပါဘူး။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။
ဒီနေ့မွေး ရင်သွေးငယ်များဟာ ဘင်္ဂဖွား၊ ပြိဿစန်း၊ ကန်ရာသီဖွားဖြစ်ပါသည်။စိတ်ကူးကောင်းတွေရှိနေတဲ့ဇာတာ ရှင်တွေပါ။ ကောင်းတဲ့အချက်က လူကြီးမိဘစကားနားထောင်ကြသူတွေများပါတယ်။ နောက်ထပ်ကောင်းတဲ့ အချက် က လူချစ်လူခင်များခြင်း၊ ထောက်ပံ့နိုင်တဲ့အသိုင်းအဝန်းရှိနေတတ်ကြခြင်းပါပဲ။ မိမိထက်တော်တဲ့ထက်တဲ့ အိမ်ထောင် ဘက်ကောင်းလဲ ရရှိတတ်တာကိုတွေ့ရပါတယ်။ အလုပ်တွေနဲ့ပတ်သက်ပြီးတော့ မတည်ငြိမ်တဲ့အလုပ် တွေ၊လှုပ်လှုပ် ရှားရှားအလုပ်တွေနဲ့ တိုးတတ်နိုင်ပါတယ်။ ကုန်သည်၊ဂိုက်၊သင်္ဘာသား၊delivery လုပ်ငန်း၊ကုန်စည်ပို့ ဆောင်ရေးစတဲ့ အလုပ်တွေနဲ့အောင်မြင်ကြတာကို တွေ့ရပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၀၁း၂၀) နာရီမှ မွန်းလွဲ(၂း၄၉)နာရီအတွင်း ကျရောက် နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ အင်္ဂါ၊ သောကြာ၊ စနေ သားသမီးများပဲဖြစ်ပါတယ်။
ကံညံ့သော နေ့သား ကြာသပတေး၊ ရာဟု၊ ဗုဒ္ဓဟူး သားသမီးများပဲဖြစ်ပါတယ်။
ကံသင့်သောနေ့သားများ တနင်္ဂနွေ၊ တနင်္လာ သားသမီးများပဲဖြစ်ပါတယ်။
ဒီနေ့မှာ အဖြူရောင်၊အပြာရောင်များများပါသော အဝတ်အစား၊ အသုံးအဆောင်ပစ္စည်းတွေကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၂၊ ၆)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ရေဗူးအသေးလေး တစ်ဗူး ဆောင် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဘူးသီးကြော် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင် ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
မိမိအတွက် ငြိမ်နေတာ၊အရာရာဦးဆောင်ဦးရွက် မလုပ်တာအကောင်းဆုံးပါပဲ ။ အောက်လက် ငယ်သားတွေကို ဆူပူ တာမျိုး၊ သားသမီးဆူတာမျိုးရှောင်ပါ။ ပြောပြီး စိတ်ဆင်းရဲရတတ်ပါတယ်။ လုပ်ငန်း မကျွမ်းကျင်သေးတဲ့ လုပ်ဖော် ကိုင်ဖက်တွေနဲ့တွဲလုပ်ခြင်းမျိုးသတိထားစေချင် ပါတယ်။တွေးထင်ထားတဲ့ကိစ္စတွေက လက်တွေ့လုပ်ဆောင်လို့ မသင့် သေးပါဘူး။ တတ်နိုင်သမျှသူတစ်ပါးကို ရှေ့ကထားပြီးလုပ်ဆောင်ရမဲ့နေ့ပါ။ မိမိကနောက်လိုက်အနေနဲ့ပဲနေ လိုက်ပါ။ ကျန်းမာရေးနဲ့ပတ်သက်ပြီးတော့ အနည်းငယ်သတိထားပါ။ စက်ယန္တရားတွေနဲ့ပက်သက်ပြီး ထိခိုက်ရှနာ ဖြစ်လွယ် ပါတယ်။
တနင်္လာ
အရောင်းအဝယ်စာချုပ်ချုပ်ဆိုခြင်းမျိုးတွေလက်ရှောင်သင့်တဲ့နေ့ ရက်ပါပဲ။ ကျန်းမာရေးနဲ့ပတ်သက်ရင် တော့ အမျိုး သမီး တွေအထူးသတိထားပါ။ အမျိုးသမီးရောဂါအထူးဖြစ် လွယ်ပါတယ်။စကားမတည်တဲ့သူတွေနဲ့ တွေ့ရတတ်ပါ တယ်။ အောက်ခြေသိမ်းလိုက်လုပ်ခြင်းဖြင့် ကံအညံ့တွေ ပြယ်ပျောက်ပါလိမ့်မယ်။ အတွေးလေးတွေချွတ်ချော်နေ တတ်ပါတယ်။ ဒါကြောင့်မိမိအကြံ အစည်ကိုဦးစား မပေးစေချင်ပါဘူး။ စိတ်ကိုတတ်နိုင်သလောက်လျှော့ချထားလိုက် ပါ။ စိတ်တို၊စိတ်ဆတ်တာမျိုး တွေဖြစ်လွယ်နေ တတ်ပါတယ်။ ဒါကြောင့် တတ်နိုင်သလောက်လဲ မိမိဘက်က အပြောအဆိုအပြုအမူတွေကိုဆင် ခြင်လိုက်ပါ။
အင်္ဂါ
အဝေးကမိတ်ဆွေတွေက မိမိကိုအကြံဉာဏ်တွေပေးပါ လိမ့်မယ်။ online ကနေမိမိလိုချင်တဲ့သတင်းအချက်အလက် တွေလဲ ရပါလိမ့်မယ်။ ကျန်းမာရေးလဲ အကောင်းများ ပါတယ်။ မိတ်ဆွေသစ်တွေလဲတိုးပွားပါလိမ့်မယ်။ အိမ်တွင်း ရေးအပူတွေဒီနေ့ မှာဖြေရှင်းနိုင်ပါလိမ့်မယ်။ ကိုယ့်ရဲ့ အလုပ်အကိုင်တွေကို တစ်ဖက်တစ်လမ်းကနေ မိဘတွေက ကူညီပေးနေပါလိမ့်မယ်။ စိတ်ကူးထားတဲ့ကိစ္စတွေ တော်တော်များများက အဆင်ပြေတိုးတတ်မှုတွေကို ပေးပါ လိမ့်မယ်။ စိတ်ကူးကောင်းတွေကို လက်တွေ့အကောင် အထည်ဖော်ကြည့်လိုက်ပါ။
ဗုဒ္ဓဟူး၊ရာဟု
ငွေကြေးနဲ့ပတ်သက် ပြီးတော့လဲ အယုံမလွယ်မိပါစေနဲ့။ ကားဝယ်ခြင်း၊ကားရောင်းခြင်း၊အလဲအထပ်လုပ်ခြင်းများလဲ ဒီနေ့မှာဆောင်ရွက် လို့မသင့်သေး ပါဘူး။ စိတ်ကူး ပုံဖော်ထားတာလေးတွေဖြစ်ရတတ်ပါတယ်။ ကျန်းမာရေးနဲ့ ပတ်သက် ပြီးတော့လဲ အနည်းငယ်အားနည်းနေတတ်ပါ တယ်။ အလုပ်နဲ့ပတ်သက်ပြီး တွေးစရာတွေ များနေတတ်ပါ တယ်။ သားသမီးတွေအတွက် ကုန်ကျနေတာတွေများ နေတတ်ပါတယ်။ အချစ်ရေးမှာတော့ ချစ်သူ နဲ့နယ်ကျွံတာမျိုး တွေ ဖြစ်လွယ်တယ်။ မရည်ရွယ်ဘဲ အတူနေမိတတ် တဲ့အတွက်သတိထားပါ။
ကြာသပတေး
မိမိအဆင်ပြေနေတယ်ဆိုရင် ကျေးဇူးရှိဖူးသူတွေကို ပြန်လည် ကူညီလိုက်ပါ။ခရီးသွားမယ် ဆိုရင်တော့ ထင်ထား သည်ထက် ပိုပင်ပန်းတတ်ပါတယ်။ မသွားဖူးတဲ့ဒေသတွေကို တတ်နိုင်သလောက်ရှောင်ပါ။ ကာလရှည်ကြာမအောင် မြင်တဲ့လုပ်လက်စ အလုပ်ကိစ္စတွေရှိရင်တော့ ပြန်အဆင်ပြေ တတ်တဲ့နေ့ရက်ပါ။ ကူညီမဲ့သူနည်းပါးပြီး ကိုယ်ထူ ကိုယ်ထ ကြိုးစားရတတ်ပါတယ်။ ကိုယ်ကပဲသူတစ်ပါးကို ကူညီလိုက်ရတာများနေတတ်ပါတယ်။ အိမ်တွင်းရေးအရှုပ် အရှင်း တွေမရှိအောင်နေထိုင် လိုက်ပါ။ ကျန်းမာရေး ကတော့ အကောင်းများပါတယ်။ အပင်ပန်းခံနိုင်ပါလိမ့်မယ်။ စိတ်ကူးထားတာလေးတွေလဲ ပြည့်မြောက်ပါ လိမ့်မယ်။
သောကြာ
လူမှုရေးကိစ္စတွေကတော့ ကောင်းစွာတိုးတတ်မယ်။ မိတ်ဆွေတွေပေါမယ်။ မိမိလုပ်ငန်းတွေကို လူသိဖို့ promotion လုပ်ခြင်းတွေကိုဒီနေ့မှာစတင်နိုင်ပါလိမ့်မယ်။ ရွှေငွေလက်ဝတ်ရတများဝယ်ယူလို့အလွန်ကောင်း တဲ့နေ့ ရက်ပါပဲ။ မိမိလှူချင်တဲ့အလှူအတန်း များလဲလှူခွင့်ရ တတ်ပါတယ်။စိတ်ချမ်းသာမှုလေးတွေ၊ အောင်မြင်မှုလေးတွေရအောင် လုပ် သွားနိုင်ပါလိမ့်မယ်။ ကံကြမ္မာကတော့ ကောင်းနေတတ်ပါတယ်။အခက်အခဲတွေကိုကောင်းစွာကျော်ဖြတ်နိုင် ပါ လိမ့်မယ်။ ကျန်းမာရေးကတော့ ဒီနေ့မှာ အကောင်းများပါတယ်။ ဖြစ်ချင်တာတွေကို ဖြစ်အောင်လုပ်သွားနိုင်ပါ လိမ့် မယ်။
စနေ
ငွေကြေးနဲ့ပတ်သက်ပြီးတာ့လဲ ရပေါက်ရလမ်း အကုန်လုံး ရလာပါလိမ့်မယ်။ ငွေကံကောင်းနေတဲ့အတွက် ငွေကြေး ဝန်ဆောင်မှုအလုပ်တွေအထူးတိုးတတ်ပါလိမ့် မယ်။ ကျန်းမာရေးကတော့ အလွန်မှကောင်းနေပါလိမ့်မယ်။ စန်းပွင့် နေတဲ့နေ့ရက်ဖြစ်တာ ကြောင့် ချစ်သူကို အဖြေ တောင်းခြင်း၊ ချစ်ခွင့်ပန်ခြင်းများဆောင်ရွက်နိုင်ပါတယ်။ စီးပွားရေးနဲ့ ပတ်သက်ပြီး တော့လဲ သင်တန်းလေးတွေတတ် ခွင့်ရပါလိမ့်မယ်။ နည်းကောင်းလမ်း ကောင်လေးတွေတွေ့ရ တတ် ပါတယ်။ မိမိဖြစ်ချင် တာတွေကို ချစ်သူခင်သူတွေရဲ့အကူအညီတွေနဲ့ရလာတတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695