ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆုတ်(၅)ရက်၊ သောကြာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၁၄)ရက်နေ့လဲ ဖြစ်ပါတယ်။
ဒီနေ့နံနက်(၀၅း၃၀)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၁၈)နာရီဖြစ်ပြီး ၊ ညနေ(၅း၅၂)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။
လက်သမားမြေခံ ဆင်မြေခံဖြစ်၍ သေကြေပျက်စီးရတတ်တဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင် ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ရှောင်သင့် ပါတယ်။
ဒီနေ့ဟာတီထိမြေခံအရ ကြာသပတေးမြေခံတဲ့နေ့ဖြစ်ပါတယ်။ ကြာသပတေးမြေခံအရ မိမိကြံစည်စိတ်ကူး ထား သော အရာမှန်သမျှ အချိန်မရွှေ့ဆိုင်းပဲ ချက်ချင်းလက်ငင်း အကောင်အထည်ဖေါ် ဆောင်ရွက်သင့်ချိန်ဖြစ်၍ ခိုင် ခန့်တဲ့ အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက် လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။သို့သော်သမားညိုနဲ့တိုက်ဆိုင်တာမို့ ရှောင် တာကတော့ပိုကောင်းပါတယ်။
ဒီနေ့ဟာ ရက်ကန်း၊သမားညို ရက်ကျရောက်နေတာဖြစ်ပါတယ်။
ဒီနေ့ဟာတီထိအရတော့ လဆုတ်တီထိ၅လုံးဖြစ်ပြီးတော့ ပြည့်စုံခြင်း၊မြင့်မြတ်ခြင်းတွေကိုပေးတဲ့ပုဏ္ဏတီထိကျ ရောက် တဲ့ နေ့ရက်လဲ ဖြစ်ပါတယ်။ ဒါကြောင့်ပဲ ဒီလိုနေ့ရက်တွေမှာ အလုပ်နဲ့ပတ်သက်ပြီးလဲ အထိုင်အလုပ်ပဲဖြစ်ဖြစ်၊ လှုပ် ရှားသွားလာလုပ်ကိုင်ရတဲ့အလုပ်ပဲ ဖြစ်ဖြစ်အလုပ်နဲ့ ပတ်သက် ရင်အဆင်ပြေပါလိမ့်မယ်။ ဒီနေ့မှာ အပျော်ခရီး တွေ ပဲဖြစ်ဖြစ်၊ မွေးရပ်မြေကိုပြန်တဲ့ ခရီးပဲဖြစ်ဖြစ်၊ အလုပ်နဲ့ ပတ်သက် သောခရီးပဲဖြစ်ဖြစ် ခရီးကိစ္စတွေစတင်လို့ အလွန်ပဲ ကောင်းတာကိုတွေ့ရပါတယ်။
ပညာရပ်အသစ်များစတင်သင်ကြားခြင်း၊ ပညာရေးနဲ့ပတ်သက်ပြီးတော့ သင်တန်းဖွင့်ခြင်းတွေလဲအထူးကောင်းပါ တယ်။ ပညာရေးဝန်ဆောင်မှုလုပ်ငန်းများလဲအဆင်ပြေတိုးတတ်ပါလိမ့်မယ်။ ဘဏ်လုပ်ငန်းများ ငွေလွှဲဝန်ဆောင် မှု လုပ်ငန်းများတိုးတတ်ပါတယ်။
ဆိုင်လုပ်ငန်းများရိုးသားကြိုးစားလို့အောင်မြင်တဲ့သူတွေဆိုရင်တော့သတိထားပါဗျာ၊မနာလိုသူတွေရှိနေတတ်ပါ တယ်။ ချောက်ချနိုင်တာမျိုးတွေလဲ ရှိတတ်ပါတယ်။ရေနှင့်ပတ်သက်သော ပင်လယ်စာလုပ်ငန်းများ၊ အချိုရည်၊ အအေး၊ရေ သန့် လုပ်ငန်းများလဲ တိုးချဲ့လုပ်ကိုင်နိုင်တဲ့ နေရက်ပါပဲ။
အလုပ်နဲ့ပတ်သက်ပြီး meetingထိုင်ခြင်းတွေ၊ ဆွေးနွေးခြင်းတွေအထူးပဲဆောင်ရွက်လို့ကောင်းပါတယ်။အရပ်ဝေး နှင့်ဆက်သွယ်လုပ်ရသောအလုပ်တွေအထူးပဲသင့်လျော်ပါတယ်။အလုပ်ပိုကိစ္စပိုတွေကိုလဲကောင်းစွာလျှော့ချနိုင်ပါ လိမ့်မယ်။ အိုးအိမ်နဲ့ပတ်သက်သော စကားမှန်သမျှပြောဆိုလို့အလွန်ကောင်းတဲ့နေ့ရက်လဲဖြစ်ပါတယ်။နံနက် ၈း၂၄ ကနေ၁၀း၂၀ကြား၊မွန်းလွဲ ၁း၁၂မိနစ်ကနေ ညနေ၃း၃၆ ကြားစတင်ဆောင်ရွက်သောကိစ္စများလဲ ထူးခြားသောအကျိုး ဆက်တွေကိုပေးစွမ်းပါလိမ့်မယ်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၉း၅၂)နာရီမှ (၂၀◌း၄၄)နာရီ အတွင်း အတွင်းဖြစ် ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ရှောင်သင့်တာတွေကတော့ရက်ကန်းဖြစ်တာကြောင့်် မင်္ဂလာယူပြီးလုပ်ရမဲ့ကိစ္စမှန်သမျှ ရှောင်နိုင်ရင် အကောင်း ဆုံး ပါပဲ။ လက်ထပ် ထိမ်းမြားခြင်း၊ စေ့စပ်ခြင်း၊ ဆောင်ရွက်လို့ မကောင်းသေးပါဘူး။မျက်မြင်ကိုယ်တွေ့မဟုတ်ဘဲ တပါးသူပြောစကား နားဝင်ပြီးဆောင်ရွက်ပါက ဆုံးရှုံးခြင်းတွေကိုဖြစ်ပေါ်စေနိုင်ပါတယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။
ဒီနေ့မွေး ရင်သွေးငယ်များဟာ ပုတိဖွား၊ ပြိဿ စန်း၊ ကန်ရာသီဖွားဖြစ်ပါသည်။ဒီနေ့မွေးသူများဟာကံကောင်းတာက မိဘဆွေမျိုးတွေရဲ့ သည်းသည်းလှုပ်အချစ်ခံရတတ် ပါတယ်။ ဆိုးတာက စည်းကမ်းတွေ၊ဘောင်တွေကို ကျော်လွန် ပြီးလုပ်လေ့ရှိကြသူတွေဖြစ်ပါတယ်။ ဒါမလုပ်နဲ့လို့တားရင် ရအောင်ခိုးလုပ်တတ်သူတွေဖြစ်ပါတယ်။ အပေါင်းအသင်း ဝင်ဆန့်တယ်။ အချိတ်အဆက်ကောင်းတယ်။ နည်းပညာ အလုပ်များနှင့် စက်ကားယန္တရားကို ဝါသနာထုံသူတွေဖြစ် ကြတယ်။ ရပ်ဝေးကိုခရီးဆန့်လိုတယ်။ အားတိုင်းကမ္ဘာအနှံ ခရီးသွားလိုသူတွေဖြစ်ကြတယ်။ ကံကောင်းတာက ဘဝက ဘယ်တောအခါမှ ဆိုးဆိုးဝါးဝါးနိမ့်ကျသွားလေ့မရှိတဲ့ဇာတာ ရှင်ရင်သွေးများပဲဖြစ်ပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ မနက်(၁၀◌း၂၃) နာရီမှ နေ့လယ်(၁၁း၅၂)နာရီအတွင်း ကျ ရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာ တွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ကံကောင်းသောနေ့သားများ တနင်္လာ၊ ကြာသပတေး၊ သောကြာ သားသမီးများပဲဖြစ်ပါတယ်။
ကံညံ့သော နေ့သား တနင်္ဂနွေ၊ ဗုဒ္ဓဟူး သားသမီးများပဲဖြစ်ပါတယ်။
ကံသင့်သောနေ့သားများ အင်္ဂါ၊ ရာဟု၊ စနေ သားသမီးများပဲဖြစ်ပါတယ်။
ဒီနေ့မှာ အဖြူရောင်နှင့်မီးခိုးရောင် များများပါသော အဝတ်အစား၊ အသုံးအဆောင်ပစ္စည်းတွေကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေ ရရှိခံစားနိုင်ပါလိမ့်မည်။
ဒီနေ့မှာ ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၂၊ ၉)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့စတော်ဘယ်ရီစား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ပဲထမင်း ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
ငွေထွက်စရာလေးတွေများနေတတ်ပါတယ်။ အလုပ် တွေ များပေမဲ့အကြွေးကျတာ၊ချက်ချင်းငွေမပေါ်တာမျိုးတွေလဲ ဖြစ်ရတတ်ပါတယ်။ကျန်းမာရေးနဲ့ပတ်သက်ပြီးတော့ အနည်း ငယ်ပင်ပန်းတာနဲ့ နေမထိထိုင်မသာဖြစ်ရတတ်ပါတယ်။ စိတ်ကူးထားတာလေးတွေဖြစ်နေရတတ်ပါတယ်။ လုပ်သမျှ ပင်ပန်းမှုတွေရှိတာကြောင့် အနားယူချိန်လေးတွေကို သပ်သပ် ခွဲထားသင့်ပါတယ်။ အချစ်ရေးကိစ္စတွေမှာ တော့ ချစ်သူ ရဲ့သဝန်တိုမှုတွေကြောင့်အနေအထိုင် ခက်ရ တတ်ပါတယ်။ အလုပ်အော်ဒါတွေများပြီးအလုပ် အဆင်ပြေပေမဲ့ လူက တော့ပင်ပန်းရတတ်ပါတယ်။ စိတ်ကူးကောင်း အကြံဉာဏ်ကောင်းတွေ မထွက်တာမျိုး ကြုံရ တတ်ပါတယ်။
တနင်္လာ
ဘာလုပ်လုပ် မဆိုင်းမတွထလုပ်ပါ။ စဉ်းစားနေရင် အပျက် ဘက်ကိုပဲစဉ်းစားနေမိတတ်ပါတယ်။ တစ်ခုဝယ်ချင်တာကို ချိန်ဆပြီး စဉ်းစားနေမဲ့အစား မျက်စိမှိတ်ပြီး ဝယ်လိုက်တာ မျိုးကိုဒီနေ့မှာဆောင်ရွက်စေချင်ပါတယ်။ အလှူအတန်းနဲ့ ပတ်သက်ပြီး လှူချင်တာတွေကိုလှူခွင့်ရ လာတတ်ပါတယ်။ ကျန်းမာရေးကတော့ ဒီနေ့မှာဒေါင်ဒေါင်မြည်ကောင်းနေ တတ်ပါတယ်။ မိသားစုအတွင်းစိတ်ဝမ်း ကွဲတာလေးတွေကို ပြန်လည်ညှိနှိုင်းဆောင်ရွက်နိုင် ပါလိမ့်မယ်။ ညှိနှိုင်း စရာ ကိစ္စများ၊ ဆွေးနွေးဆုံးဖြတ်ရမဲ့ ကိစ္စများရှိရင်တော့ ဒီနေ့မှာ လုပ်ဆောင်လို့ အလွန်ပဲသင့်တော်ပါတယ်။
အင်္ဂါ
လိင်မတူသူတွေရဲ့အကူအညီပေးတာမျိုးကြုံရတတ်ပါ တယ်။ မိမိကိုပိုးပန်းပြီး ကူညီပေးတာမျိုးတွေလဲကြုံနေရ တတ် ပါတယ်။ အလုပ်စီးပွားနဲ့ပတ်သက်ပြီး ကောင်းစွာ တိုးချဲ့ နိုင်လိမ့်မယ်။ ရင်းနှီးမြုပ်နှံဖို့လိုအပ်တဲ့ငွေကြေးတွေကိုလဲ ရှာ ဖွေလို့လွယ်ကူပါလိမ့်မယ်။မိမိဖြစ်ချင်တာတွေကိုလဲအချိန်ပေးပြီးလုပ်ဆောင်သွားနိုင်ပါလိမ့်မယ်။ကျန်းမာရေး အတွက် တော့ ငွေကုန်ရလိမ့်မယ်။ အောက်လက် ငယ်သားများ သားသမီးများကိုတော့ အားကိုးရမဲ့နေ့ရက်ပါပဲ။ ရပ်ဝေးကိစ္စများ ၊နယ်ဝေးကိစ္စများ နှင့် နိုင်ငံရပ်ခြားနဲ့ ပက်သက် သောကိစ္စများအလွန်ပဲကောင်းနေတဲ့နေ့ရက်ပါပဲ။
ဗုဒ္ဓဟူး၊ရာဟု
တွေးထင်ထားသည်နဲ့ လက်တွေ့နဲ့အလွန်မှပဲကွာခြားနေတတ်ပါ တယ်။ ကံကောင်းခြင်းတွေကို ဉာဏ်ဝီရိယတွေနဲ့ပဲ တည်ဆောက်ယူရပါလိမ့်မယ်။ ကျန်းမာရေးကတော့ အညံ့များ နေတတ်ပါ တယ်။သူတစ်ပါးဆီက အကူအညီ ကောင်း တွေ ကိုတော့ရတတ်ပါတယ်။ ဝယ်စရာများတာကြောင့် စုထား တာလေးတွေ ထုတ်သုံးရတတ်ပါတယ်။ အသေးစား၊ အလတ်စားထက် လုပ်ငန်းကြီးများ အမှားအယွင်းတွေများ နေတတ်ပါတယ်။ သိ သင့်တာလေးတွေကို သိခွင့်ရလိမ့် မယ်။ ပညာရေးနဲ့ပတ်သက်ပြီးလဲ ခက်ခက်ခဲခဲသင်ယူရ တတ်ပါတယ်။ အသုံးမလို သေးတဲ့ပစ္စည်းတွေကိုဝယ်ယူ တာမျိုး ရှောင်ရှားစေချင်ပါတယ်။
ကြာသပတေး
လုပ်ငန်းရှင်ဆို ဝန်ထမ်းတွေစည်းလုံးရေးကိုဦးစားပေး ဆောင်ရွက်ပါ။ အသင်းအဖွဲ့တွေ ဖွဲ့စည်းပုံပြင်ဆင်လုပ်ဆောင် ခြင်းဖြင့် ပိုမိုတိုးတတ်ပါတယ်။ ဝန်ထမ်းများ လုပ်ငန်း ခွင်အအတွင်းစီမံခန့်ခွဲမှုကောင်းလေလေ တိုးတတ်လေပါပဲ။ ကျန်းမာရေး အတွက်လဲ စိတ်ချမ်းသာရမယ်။ဆေးဝါး လုပ်ငန်းများ ဆေးအသစ်တွေဖော်တာမျိုး၊ အရောင်းမြှင့်တင် တာမျိုးတွေ အထူးလုပ်သင့်ပါတယ်။ အိမ်တွင်းမှုလုပ် ငန်းများ၊ မိသားစု လုပ်ငန်းများအထူးတိုးတတ်မဲ့နေ့ပါပဲ။ မိမိ ချစ်သူ ဆီက လက်ဆောင်ပစ္စည်းလေးတွေရလာ တတ်ပါ တယ်။မိမိဆွေမျိုး သားချင်းတွေအလည်အပတ် ရောက်လာ တတ် တဲ့နေ့ပါပဲ။
သောကြာ
စီမံကိန်းတွေရေးဆွဲလို့အလွန်ကောင်းပါတယ်။ ရေရှည် အတွက် plan ချသင့်တဲ့နေ့လဲဖြစ်ပါတယ်။ ကောင်းသော လိုအင်တွေလဲပြည့်ဝလာလိမ့်မယ်။ အချိန်အတော် ကြာဖြည့်ဆည်းထား တဲ့၊ရင်းနှီးမြုပ်နှံထားတဲ့အလုပ်တွေကနေ အကျိုးအမြတ် များတတ်ပါတယ်။ တွေးတော စိတ်ကူးထားတာလေးတွေလဲ ပြည့်မြောက်လာတတ်ပါတယ်။ အနီး အနားမှာမီးဖွားတယ်လို့ ကြားရင်တော့ ထီကံစမ်းကြည့်လိုက်ပါ။ကံထူးတတ်ပါ တယ်။ ခရီးနဲ့ပတ်သက်ပြီး လမ်းမှာ အခက် အခဲတွေများရတတ်ပါတယ်။ အပျော်အပါးလျှော့ ထားလေ ကံမြင့်လေပါပဲ။ ချစ်သူခင်သူတွေပေါများသလို ကူညီမဲ့သူတွေလဲပေါများနေ တတ်ပါတယ်။
စနေ
ပညာရေးကိစ္စတွေ အရေးပေးဆောင်ရွက်လို့မကောင်း သေးပါဘူး။ မိမိဖြစ်ချင်တဲ့ကိစ္စတွေထက် လူကြီးမိဘတွေရဲ့ ဖြစ်ချင်တာကိုဦးစားပေးလိုက်ပါ။မြေကိစ္စများ၊ပဲကိစ္စ များ အဆင်မပြေ ဖြစ်လွယ်ပါတယ်။ စီးပွားရေးကိစ္စတွေမှာ အရမ်း ကြီး ပုံမချဲ့ပါနဲ့။ ချဲ့ကားလုပ်လေ အရှုံးများလေ ပါပဲ။ အလှူ တွေလုပ်မိရင်လဲ မှန်းထားသည်ထက်ပိုမိုကုန်ကျ သွား တတ် ပါတယ်။ အရာရာအနစ်နာခံပြီးတော့ လုပ်ကိုင်ပေးရတဲ့ နေ့ရက်ပါပဲ။ အလုပ်နဲ့ ပတ်သက်ပြီး နေရာသစ်မှာ တာဝန် ထမ်းဆောင်ရတတ်ပါတယ်။ ပညာရေးနဲ့ ပတ်သက်သော စာမေးပွဲများ အခက်အခဲ အကြပ်အတည်းတွေရင် ဆိုင်ရတတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695