
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆုတ်(၆)ရက်၊ စနေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၁၅)ရက်နေ့လဲ ဖြစ်ပါတယ်။
ဒီနေ့နံနက်(.၅း၃၁)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၁၉)နာရီဖြစ်ပြီး ၊ ညနေ(၅း၅၁)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့တောင်အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။
လက်သမားမြေခံ ဂဠုန် မြေခံဖြစ်၍ ကြီးပွားချမ်းသာရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
ဒီနေ့ဟာတီထိမြေခံအရ ဗုဒ္ဓဟူးမြေခံတဲ့နေ့ဖြစ်ပါတယ်။ ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူရရှိ ခြင်းနှင့် ချမ်းသာရတတ်ခြင်းအကျိုးကိုပေးတာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်းတံတားတွေ အထပ်အမြင့်အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေ အထူး ကောင်း ပါတယ်။
ဒီနေ့ဟာ ဝါရမိတ္တုငယ်ရက်ကျရောက်နေတာဖြ့စ်ပါတယ်။
ဒီနေ့ဟာ တီထိအရတော့လဆုတ်တီထိ ၆လုံး ကောင်းမြတ်ခြင်း၊ပျော်ရွှင်ခြင်းတွေကိုပေးတဲ့နန္ဒတီထိ ကျရောက်တဲ့ နေ့ရက်ပဲဖြစ်ပါတယ်။ ဒီနေ့ဟာ မင်္ဂလာယူတဲ့ကိစ္စတွေမလုပ်သင့်ပေမဲ့ အလုပ်နဲ့ပတ်သက်သော ကိစ္စ ရေးရာ အဖြာ ဖြာ ကတော့ ဆောင်ရွက်လို့ကောင်းပါတယ်။ အရပ်ဝေးနှင့်ချိတ်ဆက်လုပ်ကိုင်ရသောအလုပ်တွေက တော့ အဆင် ပြေပါလိမ့်မယ်။ ငွေကြေးအလွဲအပြောင်းတွေလုပ်လို့ရပေမဲ့ သတိနဲ့လုပ်ပါ။ အငြင်းပွားဖွယ်ရာတွေ ဖြစ်လာ တတ် လို့ ပါပဲ။လူအများကတိပေးမိရင်တော့ တည်ဖို့ခဲယဉ်းတဲ့နေ့ရက်ပဲဖြစ်ပါတယ်။
ကုန်သွယ်စီးပွားများ ၊ကုန်ရောင်းကုန်ဝယ်အလုပ်များ အထူးအကျိုးပေးပါတယ်။ အိမ်ခြံမြေအကျိုးဆောင် လုပ်ငန်း များ၊ ကြော်ငြာဝန်ဆောင်မှုလုပ်ငန်းများအဆင်ပြေပါလိမ့်မယ်။ ဖုန်းနှင့် အပိုပစ္စည်း ရောင်းဝယ်ရေးလုပ်ငန်းများ အရောင်း တက်ပါလိမ့်မယ်။
နည်းပညာအသစ်သစ်များ ရှာဖွေတွေ့ရှိလာမဲ့နေ့ရက်လဲဖြစ်ပါတယ်။ မိမိလုပ်ငန်းအတွက် Marketing ဆင်းတာမျိုး တွေတွေ၊ customer တွေရဲ့ လိုအပ်ချက်တွေကို survey ကောက်ယူတာမျိုးတွေအထူးပဲအဆင်ပြေ ပါလိမ့်မယ်။ မိတ်ဆွေသစ်များနှင့် မိတ်ဆုံစားပွဲတွေကျင်းပတာ၊ပျော်ပွဲရွှင်ပွဲပါတီပွဲများကျင်းပတာမျိုးတွေအထူး ဆောင်ရွက်လို့ ကောင်းပါတယ်။
အလုပ်ရှာခြင်း၊အလုပ်သစ်လျှောက်ခြင်းများဆောင်ရွက်နိုင်တဲ့နေ့ရက်ပါပဲ။ ခရီးကိစ္စများဆောင်ရွက်လို့အဆင်ပြေ တတ်ပါတယ်။
ဆိုင်းငံ့ထားတဲ့ ကိစ္စအ၀၀တွေကို ပြန်လည်လုပ်ဆောင်နိုင်ပါလိမ့်မယ်။ အခက်အခဲအကြပ်အတည်းတွေက နေလွတ် မြောက်အောင်ဖြေရှင်းနိုင်ပါလိမ့်မယ်။ ကုန်ပစ္စည်းအသစ်များရှိရင် ဒီနေ့မှာမိတ်ဆက်တာ၊ကြော်ငြာတာ၊ ဖြန့်ဖြူး ရောင်း ချတာမျိုးတွေ အထူးကောင်းပါတယ်။ ဒီနေ့ဟာ ကြော်ငြာရင်လူသိများနိုင်တဲ့နေ့ရက်ပါပဲ။
အချစ်ရေးကိစ္စများ အထူးဆောင်ရွက်လို့ကောင်းပါတယ်။ အဆက်အသွယ်ပြတ်နေတဲ့ချစ်သူဆီကနေ အဆက် အသွယ်တွေပြန်ရလာတတ်ပါတယ်။ ချစ်ရသူတွေကိုလဲ ချစ်စကားတွေထုတ်ဖော်ပြောသင့်တဲ့နေ့ရက်ပါပဲ။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့အချိန်ကာလကတော့ည(၁၉း၄၈)နာရီမှ (၂၀◌း၄၀)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံ လာရ ပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဝါရမိတ္တုငယ်ကျရောက်တဲ့နေ့ရက်လဲဖြစ်တာကြောင့် မင်္ဂလာကိစ္စများ အလုံးစုံရှောင်သင့်ပါတယ်။ လက်ထပ် ထိမ်းမြားခြင်း၊စေ့စပ်ခြင်း၊မင်္ဂလာစကားပြောခြင်းများရှောင်သင့်ပါတယ်။ ဒီနေ့ မှာပေါ်ပင်အလုပ်များ၊ အဆင်ပြေမ လားထင်ပြီးတော့ မြေစမ်းခရမ်းပျိုးလုပ်ကိုင်ခြင်းများလဲ အထူးပဲရှောင်ပါတယ်။ လုပ်မိရင်မှန်းချက်နဲ့ နှမ်းထွက်မ ကိုက်ဆိုတာမျိုးလဲဖြစ်နေရတတ်ပါတယ်။
ဒီနေ့မွေး ရင်သွေးငယ်များဟာ သိုက်ဖွား၊ ပြိဿစန်း၊ နေ့လယ် ၁၁နာရီ ကျော်ရင်စန်းကမေထုန်ရာသီပြောင်းသည်။ ကန်ရာသီဖွားဖြစ်ပါသည်။ဒီနေ့မွေးသူများဟာ အနည်းငယ် ဇွဲကြီးကြသူတွေဖြစ်တယ်။ မလုပ်ရင်လဲ မလုပ်ဘူး။ စိတ်ဝင်စားတာလုပ်မိပြီဆိုရင်လဲ ထမင်းမေ့ဟင်းမေ့လုပ်ကိုင် တတ်ကြသူတွေဖြစ်ပါတယ်။ကောင်းတဲ့အချက်က ဘဝမှာအလှူအတန်းတွေလှူခွင့်ရလာတတ်ပါတယ်။ မိမိကြိုက်တဲ့ ကုသိုလ်မျိုးတွေ ပြုခွင့်ရတဲ့သူတွေပါ။ ငယ်ငယ် ကတည်းကသာ ဘာသာရေးလိုက်စားမယ်ဆိုရင်တော့ တစ်မဂ်တစ် ဖိုလ်ကို ဒီဘဝဒီခန္ဓာနဲ့တောင်ရသွားနိုင်တဲ့ ဇာတာရှင်တွေပဲဖြစ်ပါတယ်။ပေါင်းသင်းဆက်ဆံရေးညက်ညောတယ်။ဘယ်လိုလူကို ဘယ်လိုပေါင်းရမလဲ သိ တယ်။ ဒါပေမဲ့ ဆွေမျိုးသားချင်းတွေနဲ့ကတော့ အမြဲတမ်းကြောင်နဲ့ကြွက်လို ရန်လိုနေတတ်တဲ့ဇာတာမျိုးတွေ ပဲ ဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၈း၅၅) နာရီမှ နံနက်(၁၀◌း၂၃)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ ဗုဒ္ဓဟူး၊ ကြာသပတေး သားသမီးများပဲဖြစ်ပါတယ်။
ကံညံ့သော နေ့သား တနင်္လာ၊ သောကြာ သားသမီးများပဲဖြစ်ပါတယ်။
ကံသင့်သောနေ့သားများ တနင်္ဂနွေ၊ အင်္ဂါ၊ ရာဟု၊ စနေ သားသမီးများပဲဖြစ်ပါတယ်။
ဒီနေ့မှာ မီးခိုးရောင် နှင့် အစိမ်းရောင် များများပါသော အဝတ်အစား၊ အသုံးအဆောင်ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၆၊ ၁)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့လိမ္မော်သီးစား သွားပါ။ ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ နွားနို့ထမင်း ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လို အင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အိမ်ပြောင်း၊အိုးပြောင်း၊နေရာပြောင်း၊ရုံးခန်းပြောင်းဆို မျိုးကြုံရမည်။ စိတ်ကူးပြီးလက်တွေ့လုပ်ရမယ်ဆိုရင်တော့ အဆင်မပြေ တာကြုံရတတ်ပါတယ်။ငွေပေးငွေယူကိစ္စ များ အငြင်းပွားစရာကြုံရတတ်ပါတယ်။ ငွေမချေး လိုက် ပါနဲ့။ စပ်တူ အလုပ်များဒီနေ့မှာမစလိုက်ပါနဲ့။ သွားချင်တဲ့ ခရီးတွေအကြောင်းအမျိုးမျိုးကြောင့်လွဲချော်ရ တတ်ပါ တယ်။ ကုန် ရောင်းကုန်ဝယ်အလုပ်များနှင့် ကုန်စည်ဒိုင် ဖွင့်ထားသူများအရောင်း အဝယ်တွေဖြစ်ထွန်းပါလိမ့် မယ်။ ကျန်းမာရေးက တော့စိတ်ချမ်းသာမှုတွေများပါလိမ့်မယ်။ သွေးလည်ပတ်မှုအား ကောင်းပြီး နေလို့ထိုင်လို့ကောင်း ပါလိမ့် မယ်။
တနင်္လာ
မိမိဖြစ်ချင်တာကတစ်မျိုးဖြစ်နေတာကတစ်မျိုးဆိုတာ မျိုးတွေဖြစ်ရတတ်ပါတယ်။ အထင်နဲ့အမြင်တွေလွဲနေရ တတ်ပါ တယ်။ တတ်နိင်သမျှဦးဆောင်ဦးရွက်မလုပ်ပါနဲ့။ အများအကြံကိုလက်ခံပြီးမှ ဆုံးဖြတ်ချက်တွေကို ချမှတ် လိုက် ပါ။ စပ်တူအလုပ်များ ငွေကြေးအရှုပ်တစ်ခုကြောင့်စ ကားများနေရတတ်ပါတယ်။ လမ်းခရီးအန္တရာယ် ဖြစ် ခြင်း ကြန့်ကြာတတ်ခြင်းတွေကြုံတွေ့ရ တာကြောင့် စက်ကားရဲ့ ကြံ့ခိုင်ရေးကိုစစ်ဆေးပြီးမှခရီးသွားပါ။ အားနာလို့ ငွေကြေးချေးငှားလိုက်တာမျိုး မလုပ်မိပါစေနဲ့။ ဘယ်လောက်ပဲ စေတနာထားလုပ်ပေးလုပ်ပေးမကောင်း မြင်ခံရ တတ်ပါ တယ်။ငွေကြေးနဲ့ပတ်သက်ပြီး အသုံးများနေတတ် ပါတယ်။
အင်္ဂါ
ပူပန်စရာတွေ၊ စိုးရိမ်သောကရောက်စရာတွေများနေတတ်ပါ တယ်။ အလုပ်နဲ့ပတ်သက်ပြီး နားချိန်မရနိုင် အောင် ဖြစ် တတ်ပါတယ်။ ရောင်းလိုတဲ့ပစ္စည်းတွေရှိရင် ရောင်းထွက် သွားတတ်ပါတယ်။ ကုန်သည်များဈေးအပြောင်း အလဲ ကြောင့်နစ်နာရတတ်ပါတယ်။ မိမိကိုယ်တိုင်ဘာမှမသိဘဲ သူများပြောလို့ ယုံကြည်လုပ်ကိုင်ရတဲ့အလုပ်တွေက အဆင်ပြေတတ်ဘူးနော်။ မည်သည့်စကားမှမယုံနဲ့ ။မည်သူ တစ်ဦးတစ်ယောက်ရဲ့ကတိစကားကိုမျှ တည်လိုက် မယ်လို့ မထင်လိုက်ပါနဲ့။ကျန်းမာရေးကောင်းပေမဲ့ ဦးမူးခေါင်း ကိုက်ဖြစ်ရင်တော့သတိထားသင့်ပါတယ်။
ဗုဒ္ဓဟူး၊ရာဟု
အလုပ်ပိုတွေကိုလဲကောင်းစွာ လျှော့ချနိုင်ပါလိမ့်မယ်။ လုပ် ငန်းခွင်အတွင်းကောင်းစွာစီမံခန့်ခွဲနိုင်ပါလိမ့်မယ်။ အထက် လူကြီးကိုဖြစ်စေ၊ မိဘတွေကိုဖြစ်စေ မိမိပြောပြတိုင်ပင် ချင်တာတွေကို ဖွင့်ဟပြောပြလို့သင့်ပါတယ်။ ရွှေပျောက်တတ်ပါတယ်။ မိမိဆွဲကြိုးတွေ၊နားကပ်တွေခိုင်မခိုင်ပြန်စစ် ပေးပါ။ အိမ်တွင်းရေးမှာတော့ အပူသောက လေးတွေကြုံရနိုင်ပါတယ်။ လူငယ်များ အချစ်ရေးမှာစန်းအလွန်ပွင့်နေ တတ်ပါတယ်။ ကျန်းမာရေး ဒေါင်ဒေါင်မြည် ကောင်းနေတတ်ပါတယ်။ ခရီးထွက်လို့ကောင်းတဲ့ နေ့ရက်ပါပဲ။ အပျော် ခရီးတွေလဲသွားလို့သင့်ပါ တယ်။ စိတ်ချမ်း သာ စရာများပါတယ်။
ကြာသပတေး
အလုပ်တွေပြန်လည်ကောင်းမွန်လာလိမ့်မယ်။ ရောင်း ပန်းဝယ်ပန်းတွေပွင့်ပါလိမ့်မယ်။ လူအများရဲ့အထင်ကြီး လေးစား ခြင်းကိုလဲခံရတတ်ပါတယ်။ လုပ်ဖော်ကိုင်ဖက်တွေ ဆီကအကူအညီတွေရလိမ့်မယ်။ အလှအပနှင့် ဆိုင်သော ပစ္စည်းများ လက်ဆောင်ရတတ်ပါတယ်။ လုပ်ချင်တာ တွေကို လုပ်နိုင်ပါလိမ့်မယ်။ အလုပ်နဲ့ပတ်သက်ပြီး အခွင့်လမ်း ကောင်းတွေ ရလာတတ်ပါတယ်။ အလုပ်စာမေးပွဲ ဖြေခြင်းတွေ၊အင်တာဗျူးဖြေခြင်း တွေ အထူး ကောင်း ပါတယ်။ပွဲစားများပွဲဖြစ်မဲ့နေ့ပါပဲ။ အနုပညာအလုပ်များ၊ခံစား ချက်ကိုဦးစားပေးတဲ့အလုပ် များအထူး ကောင်း ပါတယ်။
သောကြာ
စည်းကမ်းဆိုတာကို မိမိကိုယ်တိုင်က ချိုးဖောက်ချင်နေတတ် ပါတယ်။ အလုပ်အကိုင်နဲ့ပက်သက်ရင် မိမိကို မတရား ခိုင်းနေတယ်လို့ထင်နေမိတတ်ပါတယ်။ စိတ်ထားတတ်ဖို့ လိုပါတယ်။ ပင်ပန်းတယ်သဘောမထားဘဲ တတ်နိုင်သမျှ လုပ်ပေးလိုက်ပါ။ လှောင်ကုန်တွေတော့ရောင်းထွက် လိမ့်မယ်။ ပျောက်ရှနေတဲ့ပစ္စည်းတွေ မထင် မှတ်ဘဲပြန်တွေ့ တတ်ပါတယ်။ အချစ်ရေးကိစ္စတွေမှာ သဘောထားကွဲ လွဲစရာတွေကြုံနေရတတ်ပါတယ်။ တွေ့ ကရာ လူနဲ့ မိတ်ဆွေမဖွဲ့မိ ပါစေနဲ့။ ကြုံရတဲ့သူတွေဟာလူကောင်းထက် လူဆိုးများနေတတ်ပါ တယ်။ကျန်းမာရေး အညံ့မရှိ သလောက်နည်းပါတယ်။
စနေ
မိတ်ဆွေသစ်တွေတိုးပွားလာပါလိမ့်မယ်။ မိမိလုပ်ချင်တာတွေ လုပ်ခွင့်ရလိမ့်မယ်။ ငွေအစုလိုက်ဝင်နိုင်တာမျိုးလဲ တွေ့ရပါတယ်ဗျာ။ ငွေကြေးနဲ့ပတ်သက်တဲ့ ဘဏ်လုပ်ငန်းတွေ၊ ငွေကြေး ဝန်ဆောင်မှုလုပ်ငန်းတွေ၊ ငွေလွှဲ လုပ်ငန်းတွေ အဆင်ပြေတတ်ပါတယ်။ လူအများကိုလဲ စည်းရုံး သိမ်း သွင်းနိုင်မဲ့နေ့ရက်ပါပဲ။ ကျန်းမာရေးနဲ့ ပတ်သက်ပြီး ညံ့နေရင် တောင်ဆရာကောင်း၊ဆေးကောင်းနဲ့တွေ့ပြီးသက် သာ ခွင့်ရပါလိမ့်မယ်။ ဒီကာလဟာ အကူ အညီ တွေရဖို့အခွင့်အလမ်း နည်းပါတယ်။ ဒီနေ့ဟာကိုယ်ကပဲကူညီပေး လိုက်ရ တာများပါ တယ်။
ဆရာငြိမ်းအေးလူ(ဗေဒင်သုတေသီ)
09775555695