ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆုတ်(၇)ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၁၆)ရက်နေ့ လဲဖြစ်ပါတယ်။
ဒီဗန့နံနက်(၅း၃၁)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၁၉)နာရီဖြစ်ပြီး ၊ ညနေ(၅း၅၁)နာရီမှာ နေဝင် ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက် တောင်အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။
လက်သမားမြေခံ ဒွန်းစဏ္ဍား မြေခံဖြစ်၍ ဆင်းရဲဒုက္ခများ ကြုံတွေ့ရတတ်သော နေ့ဖြစ်တာကြောင့် ပျဉ်ထောင် အိမ် တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ရှောင်သင့်ပါတယ်။
ဒီနေ့ဟာတီထိမြေခံအရ အင်္ဂါမြေခံတဲ့နေ့ဖြစ်ပါတယ်။ အင်္ဂါမြေခံအရ ကျန်းမာရေးနှင့်ပတ်သက်၍ အထူး ထိခိုက် နိုင်တဲ့နေ့ရက်ဖြစ်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့် အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူးရှောင်သင့်ပါတယ်။
ဒီနေ့ဟာ သိကြားပြည်ပြဿဒါးကျရောက်တဲ့နေ့ရက်ပါပဲ။
ဒီနေ့ဟာ တီထိအရတော့ ကံကောင်းခြင်းတွေကိုပေးတဲ့ ဘဒြာတီထိကျရောက်တဲ့ နေ့ရက်ဖြစ်ပါတယ်။ဒီလိုနေ့ရက် တွေမှာတော့ မိမိသိချင်တာတွေကိုကောင်းစွာသိခွင့်ရလိမ့်မယ်။ လိုချင်တဲ့သတင်း အချက်အလက်တွေကိုရဖို့ လွယ်ကူ တတ်ပါတယ်။ဒီနေ့ညနေ ၄း၃၀ကနေ ညနေ၆း၀၀အထိက အသောက်အစား အပျော်အပါးတွေကိုအထူးရှောင် လိုက် ပါ။ ရန်များ၊ခိုက်ရန်များတတ်လို့ပါပဲ။ ထိုအချိန်အတွင်းမှာပဲ အထူးသတိထား ပြီး ယာဉ်စည်းကမ်း၊လမ်းစည်းကမ်း တွေ ကိုလိုက်နာပါ။ စက်ကားကိုအရှိန်လျှော့မောင်းပါ။
အမှုမဲ့မနေတတ်ဘဲ အရာရာကို စူးစပ်လုပ်ကိုင်တတ်သူတွေအတွက်အခွင့်အရေးကောင်းတွေရလာတတ်ပါတယ်။ ဒီနေ့မှာ တတ်နိုင်သမျှအသားကြီးငါးကြီးစားတာမျိုးတွေရှောင်ခြင်းဖြင့် ကံပိုမိုမြင့်လာတတ်ပါတယ်။
အနုပညာနှင့်ပတ်သက်သောအလုပ်များ၊ မည့်သည့်စက်ပစ္စည်းမဆို ပြုပြင်ထိန်းသိမ်းခြင်းလုပ်ငန်းများ တိုးတတ်မှု တွေအထင်အရှားကြုံရတတ်ပါတယ်။ ခရီးသွားခြင်းကိစ္စများဆောင်ရွက်နိုင်ပါတယ်။ သွားနေကြခရီးမျိုးတွေဆို ပိုမို အဆင်ပြေနိုင်ပါတယ်။
ဆောက်လုပ်ရေးနဲ့ပတ်သက်သော သဲ၊ကျောက်၊ဘိလပ်မြေ ရောင်းဝယ်ဖောက်ကားခြင်းများလဲ အဆင်ပြေမှုတွေ ရှိလာတတ်ပါတယ်။ အစိုးရနှင့်ပက်သက်သောကိစ္စများ၊ ဌာနဆိုင်ရာနှင့်ပတ်သက်သောကိစ္စများ လိုက်ပါဆောင် ရွက်လို့အထူးကောင်းတဲ့နေ့ရက်ပါပဲ။ဒီနေ့ဟာ ပဋိပက္ခများဖြေရှင်းရန် ရက်ကောင်းဖြစ်ပါတယ်။ထည်ဝါတောက် ပြောင်သော အဝတ်အစားများဝတ်ဆင်ခြင်း မသင့်တဲ့နေ့ရက်ပါပဲ။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၉း၄၄)နာရီမှ (၂၀◌း၃၆)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ရှောင်သင့်တာတွေကတော့ သိကြားပြည်ပြဿဒါးဖြစ်တာကြောင့် လောကုတ္တရာ မင်္ဂလာနဲ့ပတ်သက်သော ရှင်ပြုခြင်း၊နားသခြင်း၊ ပဉ္ဇှင်းခံခြင်း၊ ဘုရားထီးတင်ခြင်း၊ စတဲ့ကိစ္စတွေတတ်နိုင်သလောက် ရှောင်သင့်ပါတယ်။ စာရွက် စာတမ်းလက်မှတ်ထိုးခြင်းများ၊ ကတိကဝတ်ပြုခြင်းများတွင်အမှားအယွင်းတွေရှိတတ်ပါတယ်။ ဘယ်သူပဲ ကျန်းမာရေး အညံ့ကြုံပါက နာတာရှည်ဖြစ်သွားတတ်ပါတယ်။
ဒီနေ့မွေး ရင်သွေးငယ်များဟာ မရဏဖွား၊ မေထုန်စန်း၊ ကန်ရာသီဖွားဖြစ်ပါသည်။စိတ်ကူးအယူအဆတွေတမူ ထူးခြားသူပါ။ ဘာလုပ်လုပ်အတိတ်ကလုပ်ရပ်ကိုကြည့်ပြီး သင်ခန်းစာယူတတ်သူမို့ အမှားနည်းပါလိမ့်မယ်။ သမိုင်း ကို လေ့လာလိုက်စားသူဖြစ်ပြီး ရာဇဝင်တွေ၊ အတ္ထုပ္ပတ္တိ တွေကို စိတ်ဝင်စားသူဖြစ်နေတာကို တွေ့ရပါတယ်။ ငယ်ရွယ်စဉ် အသက် ၆နှစ်အတွင်း လာဘ်ကောင်းလေးတွေဒီရင်သွေးကြောင့် ရနိုင်တာမို့ မိဘတွေအနေနဲ့ ကလေးရဲ့ ကံကြောင့် အထိုက်အလျောက်တိုးတတ်နိုင်ပါတယ်။ မိဘတွေကံမှာလဲ ကံကောင်းချိန်တိုက်ဆိုင်နေပါက ရင်သွေး မွေးပြီး ၅နှစ် အတွင်း မိဘတွေအိမ်ခြံဝယ်နိုင်သည်အထိအကျိုးပေးပါတယ်။ အားနည်းချက်က ခရီးသွားခြင်း၊ ရေကူး ခြင်းတွေမှာ ကံညံ့တာမို့ ခရီးသွားပြီး ကျောင်းထားရတဲ့ကျောင်းတွေ၊ ရေကူးတာမျိုးတွေ တတ်နိုင်သလောက် သတိနဲ့ဆောင်ရွက်ပါ။
ဒီနေ့အတွက် ရာဟုကာလအမှောင်ချိန်တွေကတော့ ညနေ(4;16) နာရီမှ ညနေ(5;44)နာရီအတွင်း ကျရောက်နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ အင်္ဂါ၊ ဗုဒ္ဓဟူး၊ ကြာသပတေး၊ စနေ သားသမီးများပဲဖြစ်ပါတယ်။
ကံညံ့သော နေ့သား ရာဟု၊ တနင်္ဂနွေ သားသမီးများပဲဖြစ်ပါတယ်။
ကံသင့်သောနေ့သားများ တနင်္လာ၊ သောကြာ သားသမီးများပဲဖြစ်ပါတယ်။
ဒီနေ့မှာ အစိမ်းရောင် နှင့် မီးခိုးရောင်(သို့)ခဲရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၄၊ ၃)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ငွေ၂ရာတစ်ရွက်ကိုမသုံးဘဲ ဆောင် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ရှမ်းထမင်းသုတ် ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်း သော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အိမ်ထောင်သည်များကြားစကားတွေကိုယုံကြည်ရာက လင်မယားချင်းစကားများရတတ်ပါတယ်။ ရပ်ဝေး စီးပွားရေး များ ထင်တိုင်းမပေါက်ဖြစ်ရတတ်ပါတယ်။ လူငယ်တွေ ဆိုရင်တော့ မိဘတွေ အုပ်ထိန်းသူတွေရဲ့ အားတက် စရာ ဆုံးမစကားကိုကြားရတတ်ပါတယ်။ လှောင်ထားတဲ့ပစ္စည်း တွေ ဈေးကောင်းမရဖြစ်တတ်ပါတယ်။ ငွေရှာလို့ ကောင်း ပေမဲ့ ငွေကြေးစုဆောင်းရခက်ခဲနေတတ်ပါတယ်။ ရန်များ တဲ့နေ့ရက်ဖြစ်ပါတယ်။ ဒါကြောင့်ခပ်ဆိုး ဆိုးသူ ငယ်ချင်း တွေနဲ့သွားတာ လာတာမျိုးအထူးရှောင်ပါ။ သူများပြဿနာ ထဲ ကြားညှပ်ပါရတတ်ပါတယ်။
တနင်္လာ
ဘာကိစ္စပဲဖြစ်ဖြစ်အလျင်စလို မလုပ်ဘဲနေရင်တော့ပို ကောင်းပါတယ်။ အချိန်ယူမှအဆင်ပြေနိုင်တဲ့နေ့ရက်ပါပဲ။ နိုင်ငံခြားသားများနဲ့ဆက်စပ်သော အလုပ်များ၊ နိုင်ငံခြား သွင်းကုန်ထုတ်ကုန်ကိစ္စများ အဆင်မပြေဖြစ်ရတတ်ပါတယ်။ ဒီနေ့မှာကျန်းမာရေးကတော့ ကိုယ်တွင်းအပူများနေ နိုင် ပါတယ်။ အပူငြိမ်းဆေးသောက်ပေးပါ။ အလုပ်နဲ့ပတ်သက်ပြီး အခွင့်အရေးနှစ်မျိုးနှစ်ခွကြုံရ တတ်ပါတယ်။ ရပ်ဝေး အလုပ်တွေကိုပိုမိုအလေးထားလုပ်ကိုင်လိုက်ပါ။ သူများကိစ္စတွေ ကူညီမယ်ဆိုရင်လဲ အနည်းငယ်သတိ ထားပါ။ ကိုယ်ပါအမှုပတ်လာနိုင်တဲ့ ကိစ္စတွေကိုတော့ရှောင်ပါ။
အင်္ဂါ
စိတ်ချမ်းသာစရာတွေများနေတတ်ပါတယ်။ လူငယ် များအချစ်ရေးကိစ္စတွေမှာ အထူးအဆင်ပြေလာတတ်ပါတယ်။ ချစ်သူနဲ့ပျော်စရာအချိန်တွေကိုလဲ ဖန်တီးနိုင်ပါလိမ့် မယ်။ အိမ်အလှဆင်မယ်ဆို အထူးကောင်းတဲ့နေ့ရက်ပါပဲ။ အလုပ် တွေ ကတော့ များတယ်။ အလုပ်နဲ့ပတ်သက်သော အခွင့်အလမ်းကောင်းတွေရလာတတ်ပါတယ်။ ငွေကြေးနဲ့ ပတ်သက်ပြီး အနည်းငယ်ကြန့်ကြာနေတတ်ပါတယ်။ ဈေးဆိုင်နဲ့ပတ်သက်ပြီးတော့လဲ ရောင်းပန်းဝယ်ပန်းတွေပွင့်ပေမဲ့ အကြွေးကျတတ်တာကို တွေ့ရပါတယ်။ ငွေရှာလို့ ကောင်းပေမဲ့ ရစရာရှိတာတွေကတော့ ကြန့်ကြာနေအုံးမှာပါ။
ဗုဒ္ဓဟူး၊ရာဟု
လူကြီးတွေရဲ့အားကိုးယုံကြည်တာခံရသူဆိုရင်တော့ ပိုမိုအလုပ်များတတ်ပါတယ်။ စားသောက်ကုန်လုပ်ငန်းများ အထူး ပဲ လူကျ တတ်ပါတယ်။ မိမိကိုအကူအညီပေးမဲ့ ဧည့်ကောင်း ဆောင်ကောင်းတွေလဲ မိမိအိမ်ကိုရောက်လာတတ် ပါတယ်။ ဝန်ထမ်းတွေကတော့ အလုပ်တွေ များပြီးမနိုင်ဝန်ဖြစ် တတ်ပါတယ်။ နည်းနည်းတော့ ပင်ပန်းရတတ်ပါတယ်။ အလုပ်တွေနှင့် ပတ်သက်ပြီး အားမရ သလိုခံစားနေတတ်ပါတယ်။ မိမိအကောင်းဆုံးလုပ်ပေမဲ့ အဆင်မပြေဘူးလို့ထင် နေမိတတ် ပါတယ်။ ကျန်းမာရေး အားနည်းချက်တွေကိုတော့တွေ့ရတယ်ဗျ။ အစာအိမ်နဲပတ်သက်တဲ့ရောဂါတွေ အထူးဂရုစိုက်ပေးပါ။
ကြာသပတေး
လက်ကား စီးပွားများ၊လူအများနဲ့ တွဲဖက်လုပ်ကိုင်ရသော အလုပ်များ ချဲ့ထွင်ဆောင်ရွက်နိုင်ပါလိမ့်မယ်။ အစီအရင် များ၊ အဆောင်လက်ဖွဲ့များစတင် စီရင်လို့ကောင်းတဲ့ နေ့ပါပဲ။ ငွေကြေးနဲ့ပတ်သက်ရင်များများဝင်တတ်တဲ့နေ့မျိုးပါပဲ။ ပညာရပ်တစ်ခုစတင်သင်ကြား ခြင်းမျိုးဒီနေ့မှာ လုပ်သင့်ပါတယ်။ ဒီလိုနေ့ရက်တွေမှာတော့မိမိသိလိုတဲ့ကိစ္စတွေ၊ မိမိရချင်တဲ့ သတင်းအချက် အလက်တွေရ လာတတ်ပါတယ်။မိမိရည်စူးထားတဲ့အလှူအတန်းတွေလဲ ပြုရတတ်ပါ တယ်။ ဥပုသ်သီလစောင့်တည်ခြင်း၊တရားရှု မှတ်ခြင်း တွေပြုလုပ်သင့်တဲ့နေ့ရက်ပါပဲ။
သောကြာ
စုတ်ကိစ္စတွေ တော့သတိထားပါ။ မလွတ်လပ်သူတွေရဲ့မြူဆွယ် ခြင်းကိုခံရတတ်ပါတယ်။အနေနီးသူတွေနဲ့ ငြိစွန်းလွယ် တယ်။ ချစ်သူနဲ့ဆိတ်ကွယ်ရာ မသွားသင့်တဲ့နေ့မျိုးပါပဲ။ အခက်အခဲနဲ့ပတ်သက်ပြီးတော့ ထူးထူးခြားခြားမရှိဘူး။ ဒါပေမဲ့ အထိုင်မနေရဘဲ သွားလာနေရတတ်ပါတယ်။ အလုပ်နဲ့ပတ်သက်ပြီး ခရီးတိုတွေသွားရတတ်ပါတယ်။ အထိုင်လုပ်ငန်း လုပ်ကိုင်သူတောင် အလုပ်အတွက်လိုအပ် တဲ့ပစ္စည်းတွေဝယ်ရတာကြောင့် အပြင်ထွက်ရတတ်ပါတယ်။ ဒါကြောင့်မိမိ လုပ်ငန်း အတွက် marketingဆင်းတာ မျိုးတွေ ဆောင်ရွက်လို့အထူးကောင်းပါတယ်။
စနေ
အချစ်ရေး၊မေတ္တာရေး ကိစ္စတွေကိုအလေးပေး ဆောင်ရွက် နိုင်ပါ တယ်။ ချစ်သူသစ်ရည်းစားသစ်ရလွယ်ပါတယ်။ မိဘတွေကိုလဲ မိမိတို့အချစ်ရေးအကြောင်းဖွင့်ဟ တိုင်ပင်သင့် တဲ့နေ့ရက်ပါပဲ။ မိမိအတွက်၊မိသားစုအတွက်အချိန် ပေးနိုင်ပါ လိမ့်မယ်။ အလုပ် ထဲမှာပဲအချိန်ပေးနေရာကနေ ဒီနေမှာအပန်းဖြေဖို့ အခွင့်အရေးရပါလိမ့်မယ်။ စိတ်ချမ်း သာ ရပါလိမ့်မယ်။ မိမိတို့အတွက်ကောင်းကျိုး လိုအင်ဆန္ဒ တွေလဲ ပြည့်ဝရတတ်ပါတယ်။ မိမိလုပ်ချင်တာတွေကို အချိန်ပြည့်လုပ်ကိုင် နိုင်ပါလိမ့်မယ်။ ကျန်းမာရေး လဲ ဒေါင် ဒေါင်မြည် နေပါလိမ့်မယ်။ ကိုယ်ခံအားကောင်း နေမဲ့ နေ့ရက်ပဲ ဖြစ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695