ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆုတ်(၁၂)ရက်၊ သောကြာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၂၁)ရက်နေ့လဲ ဖြစ်ပါတယ်။
ဒီနေ့နံနက်(၅း၃၄)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၂၂)နာရီဖြစ်ပြီး ၊ ညနေ(၅း၄၈)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
တီထိမြေခံ အရ ကိတ်မြေခံဖြစ်ပါတယ်။ ကိတ်မြေခံအရ အလုံးစုံသော စည်းစိမ်ဉစ္စာ၊ ရတာနာတို့ကို အလွယ်တကူ ရရှိပိုင်ဆိုင်ခွင့်များ ရရှိစေသောကြောင့် ခိုင်ခန့်သောအဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ ဆောင်ရွက်လို့အထူးကောင်းပါတယ်။ သမားညိုရက်နဲ့တိုက်ဆိုင်တာမို့ နီးစပ်တဲ့ဆရာတွေနဲ့ အချိန်အခါပြန်ရွေးပြီးမှ ဆောင်ရွက်ပါ။
ဒီနေ့ဟာရက်ကန်း၊ သမားညို၊ ရက်ယုတ်မာ ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ ညနေ ၆နာရီထိလဆုတ်တီထိ ၁၁လုံးဖြစ်ပြီး ကြွယ်ဝခြင်းကိုပေးသော ပျော်ရွှင်မှုကို ထပ်ပြန် ရသော နန္ဒတီထိကျ ရောက်နေတဲ့နေ့ရက်ဖြစ်ပါတယ်။ ဒီနေ့ဟာ ဥပုသ်သီလစောင့်တည်ခြင်း၊ ဘုရားဖူးခြင်း များ အထူးဆောင်ရွက်လို့ သင့်တဲ့နေ့ရက်ပါပဲ။ တစ်ဦးတစ်ယောက်နဲ့ဖြစ်စေ၊ နိုင်ငံတစ်ခုနဲ့ တစ်ခုဖြစ်ပါစေငြိမ်းချမ်း ရေးပတ်သက်ပြီးတော့ အထူး ဆွေးနွေးဆောင်ရွက်လို့ကောင်းပါတယ်။ သိုလှောင်ထားသောပစ္စည်းများရောင်းချရန် အထူးကောင်းပါတယ်။ စိတ်ကူးထားတာလေးတွေကိုကောင်းစွာ အကောင်အထည်ဖော်နိုင်ပါလိမ့်မယ်။ အလုပ်ရှာ ခြင်း၊အလုပ်လျှောက်ခြင်းများစတင်သင့်တဲ့နေ့ရက်ပါပဲ။
အိမ်တွင်းအလှဆင်ခြင်း၊အိမ်ကိုဆေးပြန်သုတ်ခြင်း၊အိမ်ထောင်ပရိဘောဂတွေကို ပေါ်လစ်တင်ခြင်းများဆောင်ရွက် သင့်တဲ့နေ့ရက်ပါပဲ။ ဘုရားဖူးခရီးများလဲ သွားလို့အထူးအဆင်ပြေတဲ့နေ့ရက်ပါပဲ။ အရည်နှင့်ပတ်သက်သော စား သောက်ကုန်လုပ်ငန်းများ အထူးအဆင်ပြေပါလိမ့်မယ်။ ဖက်ရှင်ဒီဇိုင်းလုပ်ငန်းလုပ်ငန်းများလဲ အထူးအောင်မြင် တတ်ပါတယ်။
မိမိကိုးကွယ်သော မိရိုးဖလားနတ်တွေကို ပူဇော်ခြင်း၊ပသခြင်းများလဲ အထူးဆောင်ရွက်လို့သင့်ပါတယ်။ အိမ်မှာနေ ပြီးပရိတ်ပဋ္ဌာန်းရွတ်ဖတ်တာ၊ ဘုရားနှုတ်ခပတ်တော်တွေကို ရွတ်ဖတ်တာမျိုးအထူးကောင်းတဲ့နေ့ရက်ပါပဲ။
ဘုရားနေကဇာတင်ခြင်းများ၊ ဘုရားပင့်ဆောင်ခြင်းများ အထူးဆောင်ရွက်နိုင်ပါတယ်။ သောကြာဂြိုဟ်စိုးမိုးတာ ကြောင့်ဖျော်ဖြေရေးနဲ့ပတ်သက်သော အကအခုန်၊ဂီတသီချင်းနဲ့ပက်သက်သောကိစ္စများလဲ အထူးအဆင်ပြေတတ် ပါတယ်။ရှင်ပြုခြင်း၊နားသခြင်း၊ပဉ္ဇင်းခံခြင်းများလဲ ဒီနေ့မှာအထူးဆောင်ရွက်လို့ကောင်းပါတယ်။ စတုဒိသာကျွေး မွေးခြင်းတွေ အထူးဆောင်ရွက်လို့ အထူးကောင်းပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၉း၂၅)နာရီမှ ည(၂၀း၁၆)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေ ရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦး တွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ် လွယ်ပါတယ်။
ရက်ယုတ်မာကျရောက်တဲ့နေ့ဖြစ်တာကြောင့် အိမ်ဆောက် တာ၊တိုက်ဆောက် တာ၊ ဆိုင်ဆောက်တာ၊ ပန္နက်ရိုက် တာ၊တိုင်ထူတာမျိုးတွေ မလုပ်သင့်ပါ။ လုပ်မိတယ် ဆိုရင်တော့ ရေမီးမင်းခိုးသူ၊အမွေခံသားဆိုးသမီးဆိုးဆိုတဲ့ ရန်သူမျိုးငါးပါးကြောင့် ပြန်လည်ပျက်စီးရ တတ်ပါ တယ်။
ရှောင်သင့်တာတွေကတော့ရက်ကန်းဖြစ်တာကြောင့်် မင်္ဂလာယူပြီးလုပ်ရမဲ့ကိစ္စမှန်သမျှ ရှောင်နိုင်ရင် အကောင်း ဆုံး ပါပဲ။ လက်ထပ် ထိမ်းမြားခြင်း၊ စေ့စပ်ခြင်း၊ ဆောင်ရွက်လို့ မကောင်းသေးပါဘူး။မျက်မြင်ကိုယ်တွေ့မဟုတ်ဘဲ တပါးသူပြောစကား နားဝင်ပြီးဆောင်ရွက်ပါက ဆုံးရှုံးခြင်းတွေကိုဖြစ်ပေါ်စေနိုင်ပါတယ်။
ဒီနေ့မွေး ရင်သွေးငယ်များဟာ ပုတိ၊ သိဟ်စန်း၊ တူရာသီဖွားဖြစ်ပါသည်။ဒီနေ့မွေးရင်သွေးများဟာ လူအများရဲ ခင်မင်မှု၊ချစ်ခင်မှု ရရှိကြတယ်။ ခဏလောက်ဆုံရရင်ပဲ တော်တော်များများကကိုယ့်ကို မှတ်မိနေသည်အထိ ညှို့ အား ပြင်းကြသူတွေဖြစ်တယ်။ လူချစ်လူခင်များပြီး မိမိထက် များစွာအဘက်ဘက်က သာလွန်သူတွေကို ခေါင်း ခေါက် ရွေးချယ်နိုင်လိမ့်မယ်။ ရင်သွေးငယ်ဟာ တစ်ဦး တည်သော သားသမီးဆိုရင်တော့ အလွန်ကောင်းပြီးတော့ မောင်နှမများရင်တော့ ထိုသူတွေနဲ့မတည့်တာမျိုးတွေ အထူးဖြစ်တတ်ပါတယ်။ အိုင်တီအလုပ်များတွင် ထူးချွန် တယ်။ ဖင်ပေါ့တော့ လူကြီးချစ်တယ်။ မိမိကိုဖျက်နေတာ တစ်ခုက အပျော်အပါးမက်ခြင်းပါ။ အပေါင်းအသင်းနဲ့ ဟေးလေးဟားလေး နေချင်တဲ့ ဇာတာရှင်တွေပဲဖြစ်တယ်။
ဒီနေ့အတွက် ရာဟုကာလအမှောင်ချိန်တွေကတော့ မနက်(၁၀း၂၃) နာရီမှ မနက်(၁၁း၅၀)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ကံကောင်းသောနေ့သားများကတော့ တနင်္လာ၊ သောကြာ သားသမီးများပဲ ဖြစ်ပါတယ်။
ကံညံ့သော နေ့သားများကတော့ တနင်္ဂနွေ၊ ကြာသပတေး သားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ ဗုဒ္ဓဟူး၊ ရာဟု၊ စနေ သားသမီးများပဲ ဖြစ်ပါတယ်။
ဒီနေ့မှာ ဆင်စွယ်ရောင်၊ နို့နှစ်ရောင် နှင့် အညိုရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ် Lucky Number တွေကတော့ (၇၊ ၉) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ချောကလက်စား သွား ပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ကောက်ညှင်းပေါင်း ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
စကားအပြောအဆိုဆင်ခြင်ပါ။ မိမိကစေတနာနဲ့ပြောပေမဲ တစ်ဖက်လူကအထအနကောက်ပြီး ပြဿနာရှာ တတ် ပါတယ်။ အောက်လက်ငယ်သားတွေကို မျက်နှာလွှဲထား လို့မရပါဘူး။ အရေးကြီးတဲ့လုပ်ငန်းဆောင်တာများ မိမိ ကိုယ်တိုင် လုပ်ပါ။လူမျိုးခြား၊ဘာသာခြားတွေနဲ့ တွဲဖက် လုပ်ကိုင်ခြင်းတွေကအဆင်မပြေမှုတွေကိုဖြစ်စေပါတယ်။ ရပ်ဝေးခရီးသွားခြင်းမျိုး တွေကလဲ အခက်အခဲများ နိုင်ပါတယ်။ ဒီနေ့ဟာ မိမိကသာ သူများတွေထက်ချွန်ပြီး အထူးကြိုးစားနေသူဆိုသတိထားပါ။ လုပ်ဖော်ကိုင်ဖက် တွေရဲ့မနာလိုချောက်ချခြင်းတွေကို ခံရတတ်ပါတယ်။
တနင်္လာ
ငွေကြေးနဲ့ပတ်သက်ပြီးတော့လဲ အားရစရာကောင်း လောက်အောင်ငွေဝင်တတ်ပါတယ်။ သူများကိစ္စတွေ၊လူမှုရေး ကိစ္စတွေကိုတော့ဝင်မပါဖို့လိုအပ်ပါတယ်။ မကောင်း တဲ့နေရာသွားခြင်းများ ၊အပျော်အပါးကိုလွန်ကျူးခြင်းများ ဒီနေ့မှာလုံးဝမလုပ်ပါနဲ့။ ဒီနေ့ဟာ မှန်အောင်နေမှအဆင် ပြေအောင်မြင်ပါလိမ့်မယ်။ စိတ်ချမ်းသာရပါလိမ့်မယ်။ မနာလိုတိုက်ခိုက်အပုပ်ချတဲ့ သူတွေကိုလဲ အသားစီးရ ပါလိမ့်မယ်။ လုပ်ငန်းတွေချဲ့ထွင်နိုင်သလိုလုပ်ငန်းသစ် တွေကိုလဲ တိုးတတ်အောင်လုပ် ဆောင်နိုင်ပါလိမ့်မယ်။ လခစားအလုပ်များ ရာထူးတိုးတာနေရာကောင်းရ တာမျိုး တွေ အထူးကြုံရတတ်ပါတယ်။
အင်္ဂါ
ကံကြမ္မာက မိမိအတွက်ကံကောင်း ခြင်းတွေကိုပေး ပါလိမ့်မယ်။ အလုပ်နဲ့ပတ်သက်သောစာမေးပွဲများလဲ ဖြေဆို အောင်မြင်တတ်ပါတယ်။ အိမ်တွင်း စီးပွားရေးလုပ်ငန်း လုပ်ကိုင်သူများအလုပ်တွေချဲ့ထွင်နိုင်မှာပါ။ ကျန်းမာရေး အတွက် စိတ်ချမ်းသာရမဲ့နေ့ရက်ဆိုရင် လဲမမှားပါဘူး။ ရှေ့တိုးဆောင်ရွက်စရာကိစ္စတွေရှိရင်တော့ စတင်ဆောင် ရွက်လို့အလွန်ပဲ ကောင်းပါတယ်။ အရေးကြီးတဲ့ကိစ္စ မှန်သမျှအလေးပေးပြီးဆောင်ရွက်နိုင် ပါလိမ့်မယ်။ တန်ဖိုး ကြီးတဲ့ပစ္စည်းတွေ ရောင်းခြင်း၊ဝယ်ခြင်းများလဲ အထူး ဆောင်ရွက်လို့ကောင်းတဲ့နေ့ပါပဲ။ လက်တွေ့ကျကျလုပ်ကိုင် ဆောင် ရွက်သမျှ အဆင်ပြေပြီးမြောက်တတ်ပါတယ်။
ဗုဒ္ဓဟူး၊ရာဟု
ငွေကံထူးထူးခြားခြားကောင်းနေမယ်။ ကိုယ်ပိုင်အလုပ်များ လဲရောင်းပန်း ဝယ်ပန်းတွေပွင့်ပါလိမ့်မယ်။ စုတ်ရော ဝင်လာ နိုင်တဲ့အတွက် အိမ်ထောင်သည်တွေကတော့ သတိ ထား ဖို့လိုပါတယ်။ စပ်တူအလုပ်များ ၊ရှယ်ယာ အလုပ်များ အလွန်ပဲအဆင်ပြေ ပါလိမ့်မယ်။ အချစ်ရေးနဲ့ပတ်သက် ပြီးကံကောင်းနေတတ်ပါတယ်။ချစ်သူနှစ်ဦး မိဘတွေကိုဖွင့်ပြောပြီး အနာဂတ်အစီအစဉ်တွေဆွဲလို့ ကောင်းတဲ့ နေ့ရက်လဲဖြစ်ပါတယ်။ ကားများဝယ်တာပဲ ဖြစ်ဖြစ်၊ရောင်းတာပဲ ဖြစ်ဖြစ်ဒီနေ့မှာ အဆင်ပြေနိုင်ပါတယ်။ပရဟိတ အလုပ်များ၊အသင်းအဖွဲ့အတွက်အလုပ်များ လဲ ကောင်းစွာစွမ်းဆောင်နိုင်ပါလိမ့်မယ်။
ကြာသပတေး
မိမိဖြစ် ချင်တာတွေကို မလုပ်သေး ဘဲ ဖြစ်သင့်တာ တွေကိုဦးစားပေးလုပ်ကိုင်လိုက်ပါ။ သူများပြဿနာ တွေကို ကိုယ့်ပြဿ နာဖြစ်အောင်မလုပ်ပါနဲ့။ စာချုပ်စာတန်း တွေမှာသက်သေအဖြစ် လက်မှတ်ထိုးတာမျိုးတွေအလွန်ပဲ ရှောင် လိုက်စေ ချင်ပါတယ်။ မိမိရဲ့ကျန်းမာရေးကိုလဲ အထူး ဂရုစိုက်စေချင်ပါတယ်။ စိုးရိမ်စိတ်တွေ ပူပန်စိတ်တွေ များနေရတတ်ပါတယ်။ အဝေးရောက်နေ တဲ့သားသမီး တွေကျန်းမာရေးမကောင်းတာ ကြောင့်လဲစိတ်ဆင်းရဲ ရတတ် ပါတယ်။ အလုပ်အကြွေး မထားပါနဲ့။ ဒီနေ့ဟာ အချိန်မ ဖြုန်း ဘဲလုပ်မှပဲအဆင်ပြေနိုင်တာ ကိုတွေ့ရ ပါတယ်။
သောကြာ
အလုပ်နဲ့ပတ်သက်ပြီး အကျိုးအမြတ် ကြီးမဲ့နေ့ရက်ပါပဲ။ အလုပ်နဲ့ပတ်သက်ပြီး အဆက်အသွယ်ကောင်းတွေ ၊အချိတ် အဆက်ကောင်း တွေရလာတတ်ပါ တယ်။ အသင်း အဖွဲ့တွေမှာ ဦးဆောင်ဦးရွက်လုပ်ပေးရတတ်ပါတယ်။ အခက်အခဲတစ်ခု၊ ဆုံးဖြတ်စရာကိစ္စတစ်ခု ရှိတယ်ဆိုရင် တော့ မိမိရဲ့ဆရာသမားတစ်ဦး ဆီကနေအကြံဉာဏ်ယူပါ။ ရှေ့တိုးဆောင်ရွက်ရမဲ့ကိစ္စတွေအတွက်ဦးစားပေး လုပ်ကိုင် ပါ။ မိမိအတွက်လိုအပ်တဲ့ပစ္စည်းတွေကို ဝယ်ယူလို့ အထူးကောင်းတဲ့ နေ့ရက်ပါပဲ။ ငွေကြေးနဲ့ပတ်သက်ပြီး ရင်းနှီးမြုပ်နှံလိုက်ပါ။ နောင်တွင်အကျိုးအမြတ်ကြီးမဲ့ အလုပ်တွေကို အထူးအားစိုက်ထားလိုက်ပါ။
စနေ
လက်ဝယ်ရှိတဲ့စက်ပစ္စည်းတွေ ခြူခြာနေတတ်ပါတယ်။ ကျန်းမာရေးအတွက် အနည်းငယ်စိတ်ပူပန်ရပါလိမ့်မယ်။ ဒူးနာတာ၊ သွားရင်းလာရင်းနဲ့ ဒူးခေါင်းကိုထိခိုက်မိတာ မျိုးတွေလဲ ကြုံရတတ်ပါ တယ်။ မိမိဖြစ်ချင်တာ တွေကိုဖြစ်အောင်လုပ်ဖု့ိအတွက် အဖျက်ဝင်တတ်ပါတယ်။ စိတ် ဒေါသကြီးနေသူတွေဒုက္ခရောက်တတ်ပါတယ်။ သည်းခံ စိတ်မွေးပြီးတော့ အရာရာကိုအကောင်းမြင်စိတ်လေး မွေးပါ။ဒါမှပဲအဆင်ပြေမဲ့နေ့ဖြစ်ပါလိမ့်မယ်။ သူတစ် ပါးရဲ့အကူ အညီကိုယူပြီးမှလုပ်ပါ။ မိမိဘာသာလုပ်ကိုင်ဆောင်မှု တွေဟာအလွဲလွဲ အချော်ချော်ဖြစ်နေရ တတ်ပါ တယ်။
ဆရာငြိမ်းအေးလူ(ဗေဒင်သုတေသီ)
09775555695