
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆုတ်(၁၃)ရက်၊ စနေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၂၂)ရက်နေ့လဲ ဖြစ်ပါတယ်။
ဒီနေ့နံနက်(၅း၃၅)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၂၃)နာရီဖြစ်ပြီး ၊ ညနေ(၅း၄၇)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့မြောက်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
ဒီနေ့ဟာတီထိမြေခံအရ ရာဟုမြေခံတဲ့နေ့ဖြစ်ပါတယ်။ ရာဟုမြေခံအရ ရန်အနှောက်အယှက်များပေါများခြင်း၊ ခိုက်ရန်ဖြစ်ခြင်း၊ အချုပ်အနှောင်ခံရတတ်ခြင်း စသောအကျိုးကို ရရှိစေသောကြောင့် ခိုင်ခန့်သော အဆောက် အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့်အဆောက်အဦးတွေ စတင်ဆောက်လုပ် တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင်သင့်ပါသည်။
ဒီနေ့ဟာ တီထိအရတော့ ည၇နာရီအထိက ကံကောင်းခြင်းတွေကိုပေးတဲ့ ဘဒြာတီထိကျရောက်တဲ့ နေ့ရက် ပဲဖြစ်ပါတယ်။ဒီလိုနေ့ရက်တွေမှာတော့ အခွင့်အရေးနှစ်ခုပေါ်လာတတ်ပါတယ်။ တစ်ခုထက်မကသော အလုပ်တွေ လုပ်နေရတတ်ပါတယ်။ အစိုးရနှင့် ဆိုင်သော ဆက်စပ်ကိစ္စတွေကိုအထူးရှောင်ပါ။ လမ်းသွားလာစဉ် လာရောက် အလှူခံသူကို တတ်အားသမျှလှူဒါန်းလိုက်ပါ။ အဝတ်အထည်အသစ်များ၊ လက်ဝတ်ရတနာအသစ်များ ဝတ်ဆင်ရန် မသင့်ပေ။ လာဘ်ပိတ်သွားနိုင်လို့ပါ။
မြေသန့်မင်္ဂလာပြုလုပ်ခြင်းတွေ၊ အိမ်တတ်လုပ်ခြင်းတွေ၊ ဂါထာမန္တန်တွေကို သိဒ္ဓိတင်ခြင်းတွေ၊ အရေးကြီးသော ခွဲ စိပ်ကုသမှုများပြုလုပ်ခြင်းတွေကို အထူးပဲဆောင်ရွက်နိုင်ပါတယ်။ယာဉ်ကားများရောင်းဝယ်ခြင်းတွေ၊ ရုပ်သံလိုင်း အသစ်များဒီနေ့မှာစတင်တိုးချဲ့ခြင်းတွေ၊အလှကုန်ပစ္စည်းများကိုစတင်အရောင်းမြှင့်တင်ခြင်းတွေဆောင်ရွက်လို့ ကောင်းတဲ့နေ့လဲဖြစ်ပါတယ်။
အပေါင်းအသင်းတွေရဲ့အလိုကိုမလိုက်သင့်တဲ့နေ့မျိုးပါ။ အပျော်လွန်ရင်အလွန်ဒုက္ခများရတတ်ပါတယ်။ မိန်းကလေး များ ချစ်သူနဲ့ ဆိတ်ကွယ်ရာမနေပါနဲ့။ အချစ်နယ်ကျွံတာမျိုးတွေဖြစ်တတ်ပါတယ်။ အရောင်းအဝယ်ကိစ္စများနဲ့ ပတ်သက်ပြီးတော့ စာချုပ်ချုပ်ဆိုခြင်းများဆောင်ရွက်လို့အထူးကောာင်းတဲ့နေ့မျိုးပါပဲ။
အိမ်၊ခြံမြေကစလို့ ရောင်းချလိုသောပစ္စည်းတွေရှိရင်တော့ ဒီနေ့မှာရောင်းချလို့အလွန်ပဲကောင်းပါတယ်။ထီကံစမ်း လိုက်တာမျိုးတွေဆောင်ရွက်သင့်ပါတယ်။ ကျောက်မျက်ရတနာများဝယ်ယူမယ်ဆိုရင်လဲ ဒီနေ့ကအထူးကောင်းပါ တယ်။
ဒီနေ့ဟာ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၉း၂၁)နာရီမှ ည(၂၀း၁၂)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ သိုက်ဖွား၊ သိဟ်စန်း၊ ည၈နာရီကျော်ရင် စန်းကကန်ရာသီပြောင်းသည်။ တူရာသီ ဖွားဖြစ်ပါသည်။ဒီနေ့မွေးရင်သွေးငယ်ဟာ မိန်းကလေးဖြစ်မယ်ဆိုရင်တော့ အိမ်ထောင်ရေးကိုဂရုစိုက် ပေးဖို့လို ပါတယ်။ အိမ်ထောင်ဘက်ကောင်းရဖို့ခဲယဉ်းတာမို့ပါ။ ငွေကြေးစုဆောင်းရလွယ်ကူတတ်ပြီး ချွေတာလွန်း တာ ကြောင့် ပဲ ကပ်စေးနည်းသူအဖြစ်အပြောခံရတတ်တဲ့ဇာတာမျိုးလဲဖြစ်ပါတယ်။ အလုပ်ကောင်း၊နေရာကောင်း၊ အိုးကောင်း၊အိမ်ကောင်းနဲ့ နေရတတ်တဲ့ဖွားဇာတာရှင်ဖြစ်တာကိုတွေ့ရပါတယ်။ လေးလေးမှန်မှန်သာ ရှေ့ဆက်မှာ အောင်မြင်မှာဖြစ်တယ်။ အရာရာကိုလောကြီးလေ အမှားများလေဖြစ်တတ်ပါတယ်။ ပညာရေးမှာလဲ အတွက် အချက်ပိုင်းအားနည်းတာမို့ မိဘတွေကဂရုစိုက်ပေးဖို့လိုကြောင်း တင်ပြအပ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက် (၈း၅၅) နာရီမှ နံနက်(၁၀း၂၂)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ကံကောင်းသောနေ့သားများကတော့ တနင်္ဂနွေ၊ ဗုဒ္ဓဟူး၊ ရာဟု၊ ကြာသပတေး သားသမီးများပဲ ဖြစ်ပါတယ်။
ကံညံ့သော နေ့သားများကတော့ တနင်္လာ၊ သောကြာ သားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ စနေ သားသမီးများပဲဖြစ်ပါတယ်။
ဒီနေ့မှာ အညိုနုရောင် နှင့် အပြာရောင်တောက်တောက် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါ လိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉၊၁) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ လစ်ပိုတစ်ပုလင်း သောက် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ငချိပ်ပေါင်း ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အလှအပနှင့်ဆိုင်သောအလုပ်များ၊ အနုပညာအလုပ်များ အဆင်ပြေတိုးတတ်ပါလိမ့်မယ်။ဇာတာစန်းလဂ် တတ်နေ ချိန်မို့ အရာရာအဆင်ပြေမည်။ သူများထက်နှာတစ်ဖျား သာအောင်စွမ်းဆောင်နိုင်ပါလိမ့်မယ်။ ပြိုင်ဘက်တွေ ကတောင်အထင်ကြီး လေးစားခြင်းခံရတတ်ပါတယ်။ထူးခြား သောကံအလှည့်အပြောင်းကြုံရတတ်ပါ။ ငွေကြေးနဲ့ ပတ်သက်ပြီး အဘက်ဘက်က ဝင်လာတတ်ပါတယ်။ ကျန်းမာ ရေးကတော့ ရောဂါသေးသည်ဟူ၍ မပေါ့ဆသင့်ပါ။ နေမထိထိုင်မသာဖြစ်တာနဲ့ ဆေးခန်းပြသေချာပြသင့်ပါတယ်။ မိမိပြောသောစကားအောင်တတ်ပါတယ်။
တနင်္လာ
အသွားအလာသတိထားပါ။ ညဉ့်နက်သန်းခေါင် အပြင်ထွက် တာမျိုးတွေအထူးရှောင်ပါ။စီးပွားရေးမှာလဲ မိမိက ခြေတစ်လှမ်းမှားတာနဲ့ မိမိကိုအလဲထိုးလိုသောပြိုင်ဘက်တွေရှိ နေတယ်ဆိုတာသိထားစေချင်ပါတယ်။ပြီးတော့လဲ ရှေ့တင်မှာချီးကျူးပြီး ကွယ်ရာမှအပုပ်ချတဲ့ မိတ်ဆွေလုပ်ဖော် ကိုင်ဖက်တွေလဲရှိနေတတ်ပါတယ်။လုပ်ငန်းခွင်ကို အာရုံစိုက်ထားပါ။ အတွေးများပြီး စာရင်းအမှားတွေလုပ်မိတတ် ပါတယ်။ အချစ်ရေးမှာစန်းပွင့်နေတတ်ပါတယ်။ ချစ်သူဆီကအဖြေရလွယ်ပါတယ်။ ကျန်းမာရေးကတော့ သိပ်မ ကောင်း။ ရောဂါမကြီးမားပေမဲ့ အစာမကြေ၊ လေထိုး လေအောင့်ဆိုတာမျိုးဖြစ်လွယ်ပါတယ်။
အင်္ဂါ
လူသစ်၊စိတ်သစ်နဲ့ပြောင်းလဲမှုအသစ်တွေလဲကြုံနေရ တတ်ပါတယ်။လုပ်ငန်းနယ်ပယ်အသစ်တစ်ခုကို ခြေဆန့် ခွင့်ရလာပါ လိမ့်မယ်။ စွန့်စားလုပ်ကိုင်ရတဲ့ကိစ္စမှန်သမျှအ ဆင်ပြေတိုးတတ်ပါလိမ့်မယ်။ အလုပ်လျှောက်ခြင်း၊ အင်တာဗျူးဖြေခြင်းများ ဆောင်ရွက်နိုင်ပါတယ်။ မိမိရောင်းလို တဲ့ပစ္စည်းတွေရောင်းထွက်မဲ့နေ့ရက်ပါပဲ။ ရပ်ဝေးနဲ့ ဆက်စပ်လုပ်ကိုင်ရတဲ့အလုပ်တွေ အဆင်ပြေတိုးတတ်ပါလိမ့် မယ်။ သွားလာလှုပ်ရှားလုပ်ကိုင် ရတဲ့အလုပ်တွေ ပိုမိုအဆင်ပြေပါလိမ့်မယ်။ အိမ်ထောင်ရေးအဆင် ပြေပါလိမ့်မယ်။ ကျန်းမာရေးကတော့ကောင်းနေချိန်ပါ။ အမှည့် လွန်နေတဲ့အသီးအနှံတွေကိုစားသောက်ခြင်းရှောင်ပါ။
ဗုဒ္ဓဟူး၊ရာဟု
ခေါင်းအေးအေးထားပြီးလုပ်ဆောင်သင့်သည့်ကာလပါပဲ။ ဘာလုပ်လုပ်လေးလေးနက်နက်နဲ့လုပ်လေ အောင်မြင် လေပါပဲ။ ဘာသာရေးနဲ့ပတ်သက်ပြီးလုပ်ကိုင်ဆောင်ရွက် သူများ၊ အဓိဋ္ဌာန်ဝင်နေသူများ ပိုမိုအဆင်ပြေအောင်မြင် လွယ်တဲ့နေ့ရက်ပါပဲ။ စိတ်ဝင်စားစရာကောင်းသော၊ပျော်စ ရာကောင်းသောခရီးတစ်ခုသွားရတတ်ပါတယ်။ မမျှော် လင့်တဲ့ခရီးမျိုးလဲဖြစ် တတ်ပါတယ်။ စိတ်ကူးကောင်းတွေ ရှိနေရင်တောင်လက်တွေ့အကောင် အထည်ဖော်လို့ မရ ဖြစ်တတ်ပါတယ်။ ကျန်းမာရေးကတော့ ဆီးဝမ်းလေမှန်နေ ရင် အဆင်ပြေပါတယ်။ အချိန်မှန်အိပ်၊အချိန်မှန် စား လိုက်ပါ။
ကြာသပတေး
အများကောင်းကျိုး၊လောကကောင်းကျိုးဆောင်ရွက်ခွင့်ရမဲ့ နေ့ရက်ပါ။ စူးရှထက်မြက်သောဉာဏ်ပညာနှင့် ဝီရိယ တန်ခိုးကြောင့် ဘဝတတ်လမ်းတွေပွင့်မဲ့နေ့ရက်ပါပဲ။ အောင် မြင်မှုစင်မြင့်ပေါ်သို့တွန်းပို့ခြင်းခံရတတ်ပါ တယ်။ ဘာသာရေး လုပ်နေသူများလဲ သမာဓိအင်အားအရင်ကတည်းက ကောင်းသူဆို ဒီနေ့မှာ အသိထူးရလွယ်ပါ တယ်။ အတွေးသစ်၊အမြင်သစ်တွေက အလုပ်ကိုအားကောင်းဖို့ စွမ်းဆောင်ပေးလိမ့်မယ်။ဘာလုပ်လုပ် စိုးရိမ်တတ်၊ပူပန် တတ် သူတွေ စိတ်ပျော်ရွှင်ချမ်းမြေ့စွာ နေပြီးတော့ လုပ်ကိုင် ခြင်းဖြင့်ပိုမိုအောင်မြင်တတ်ပါတယ်။ ကျန်းမာရေး ကတော့ ဥတုနဲ့ အာဟာရမျှအောင်နေထိုင်စားသောက်ပါ။
သောကြာ
မိမိကိုယ်တိုင်က လိမ္မာပါးနပ်ပြီး နည်းပရိယာယ်ကြွယ်မှပဲ အဆင်ပြေတတ်ပါတယ်။ လမ်းရိုးအတိုင်းလိုက်နေလို့ ကတော့ အခက်အခဲများမဲ့နေ့ပါပဲ။ မိသားစုဝင်တစ်ဦး၏ပီတိ ဖြစ်စရာအောင်မြင်မှုသတင်းကြားရတတ်ပါတယ်။ မိမိကိုယ်ကို ယုံကြည်မှုပြည့်ဝနေသူများ အခွင့်အလမ်းတွေကို ကောင်းစွာဖမ်းဆုပ်ယူနိုင်ပါလိမ့်မယ်။ ငွေကြေး ရင်းနှီးမြုပ်နှံမှုတွေကိုတော့ ချင့်ချိန်လိုက်ပါ။ ဖြစ်နိုင်ရင် ကုန်ပစ္စည်း ဝယ်လှောင်တာမျိုးကိုတော့ အားမပေးပါဘူး။ ရှယ်ယာအလုပ်များ ငွေကြေးအရှုပ်အရှင်းပေါ်လာတတ်ပါတယ်။ ကျန်းမာရေးကတော့ ပုံမှန်အားကစားလုပ်နေ သူဆို အညံ့မရှိတဲ့နေ့ရက်လို့ပဲ ပြောချင်ပါတယ်။
စနေ
မိမိရဲ့ကိုယ့်စွမ်းကိုယ်စတွေတောက်ပနေချိန်ပဲဖြစ်ပါတယ်။ ရုတ်တ ရက်အခွင့်ထူးများကို လက်ခံရရှိတတ်ပါတယ်။ ဖြစ်လိုသည့်ကိစ္စရပ်အတိုင်း မလွဲမသွေအကောင်အထည်ဖော်နိုင်ပါ လိမ့်မယ်။ မင်္ဂလာကိစ္စများအတွက် ဆွေးနွေးလို့ တိုင်ပင်လို့အလွန်ကောင်းတဲ့နေ့ရက်ပါပဲ။ငွေကြေးကို ချင့်ချိန်စွာ အသုံးချဖို့လိုပါတယ်။ ဒါမှလဲ ဝင်ငွေတိုးပါ လိမ့် မယ်။ လုပ်ငန်းနှစ်မျိုး၊သုံးမျိုး တစ်ပြိုင်နက် လုပ်ဆောင်ခွင့်ရရှိပါလိမ့် မယ်။မိမိကျန်းမာရေးအတွက် လောဘ၊ဒေါသ၊ မောဟ များ ကို လျှော့ချနိုင်မှရပါလိမ့်မယ်။ အကောင်းမြင်စိတ်ရှိသူ တွေကတော့ ဒီနေ့မှာအရာရာအဆင်ပြေ ပါ လိမ့် မယ်။ ထီဝါသနာပါရင် ထီကံစမ်းသင့်တဲ့နေ့ပါပဲ။
ဆရာငြိမ်းအေးလူ(ဗေဒင်သုတေသီ)
09775555695