ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တန်ဆောင်မုန်းလဆန်း(၂)ရက်၊ အင်္ဂါနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၂၅)ရက်နေ့လဲ ဖြစ်ပါတယ်။
ဒီနေ့နံနက်(၅း၃၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၂၅)နာရီဖြစ်ပြီး ၊ ညနေ(၅း၄၅)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်မြောက်အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
ဒီနေ့ဟာတီထိမြေခံအရ ကြာသပတေးမြေခံတဲ့နေ့ဖြစ်ပါတယ်။ ကြာသပတေးမြေခံအရ မိမိကြံစည်စိတ်ကူး ထားသော အရာမှန်သမျှ အချိန်မရွှေ့ဆိုင်းပဲ ချက်ချင်းလက်ငင်း အကောင်အထည်ဖေါ် ဆောင်ရွက်သင့်ချိန်ဖြစ်၍ ခိုင်ခန့်တဲ့ အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။
ဒီနေ့ဟာ သိကြားပြည်ပြဿဒါးကျရောက်တဲ့နေ့ရက်ဖြစ်ပါတယ်။
ဒီနေ့ဟာ တီထိအရတော့ ညနေ ၅နာရီခွဲထိ လကွယ်တီထိ ကြည်လင်မှုငြိမ်းချမ်းမှုတွေကိုပေးတဲ့ ပုဏ္ဏတီထိကျ ရောက်တဲ့နေ့ရက်ပဲဖြစ်ပါတယ်။ ပညာရေးနှင့်ပတ်သက်သော ကိစ္စများ အထူးဆောင်ရွက်လို့အဆင်ပြေပါလိမ့်မယ်။ ပညာစတင်သင်ယူခြင်းတွေ၊ သင်တန်းတတ်ခြင်းတွေအထူးကောင်းပါတယ်။ ပညာရေးဟောပြောပွဲများ စာတမ်းဖတ်ပွဲများလဲ အထူူးသင့်လျော်ပါ တယ်။
လောကီမင်္ဂလာတွေဖြစ်တဲ့ လက်ထပ်ထိမ်းမြားခြင်း၊စေ့စပ်ခြင်း၊ မင်္ဂလာစကားပြောခြင်းများလဲ ဆောင်ရွက်နိုင်ပါ တယ်။ နာမည်ပေးကင်းပွန်းတပ်ခြင်းများလဲ ဒီနေ့မှာအထူးဆောင်ရွက်နိုင်ပါလိမ့်မယ်။
ငွေကြေးကိစ္စအ၀၀တွေဖြစ်တဲ့ ငွေပေးငွေယူကိစ္စများ၊ ငွေကြေးနဲ့ပက်သက်ပြီးတော့ အာမခံခြင်းများလဲ အထူး ဆောင်ရွက်လို့ကောင်းပါတယ်။ ဘဏ်လုပ်ငန်းများ၊ငွေကြေးဝန်ဆောင်မှုလုပ်ငန်းများလဲ ဆောင်ရွက်နိုင်ပါလိမ့်မယ်။ သီးပင်စားပင်များစတင်စိုက်ပျိုးခြင်းတွေ၊ဆန်စပါးများစတင်စိုက်ပျိုးတာမျိုးတွေလဲ အထူးဆောင်ရွက်နိုင်ပါတယ်။
အိမ်ပြောင်းနေရာပြောင်းကိစ္စတွေ အထူးဆောင်ရွက်လို့ကောင်းတဲ့နေ့ရက်ပါပဲ။အမည်ဆိုင်းဘုတ်များ လုပ်ငန်း ဆိုင်းဘုတ်များစတင်တည်ခြင်းမျိုး အထူးဆောင်ရွက်နိုင်ပါတယ်။ ဒီလိုနေ့ရက်တွေဟာလက်လီထက်လက်ကား အလုပ်တွေ ကပိုမိုအောင်မြင်တတ်ပါတယ်။ ကိုယ်စားအလုပ်များ၊တဆင့်ဖြန့်ချီပေးရသောအလုပ်များ၊ ဖြန့်ဖြူးရေး အလုပ်များ အထူးကောင်းပါတယ်။
စတင်ဆောင်ရွက်လိုက်တဲ့ကိစ္စမှန်သမျှအဆင်ပြေတိုးတတ်လိမ့်မယ်။အလုပ်သစ်များစတင်နိုင်ပါတယ်။ နံနက် ၈း၂၄မှ ၁၀း၄၈ နာရီကြား၊ညနေ ၃း၃၆ မှ ၆း၀၀ နာရီကြားကာလများတွင် ဆောင်ရွက်သောကိစ္စတွေက အဆင်ပြေ ကောာင်းကျိုးရလွယ်ပါတယ်ဗျ။ဒီနေ့မှာရှောင်သင့်တာတွေကတော့ ခရီးကိစ္စများအဆင်မပြေဖြစ်ရတတ်ပါတယ်။ ခရီးနဲ့ပက်သက်ပြီးတော့ ထင်ထားသည်ထက်ကြန့်ကြာမှုတွေဖြစ်ရတတ်ပါတယ်။အစိုးရဝန်ထမ်းများ အထက်လူကြီးနဲ့ အဆင် မပြေတာလေးတွေရှိနေတတ်ပါတယ်။ အမှားကင်းအောင်တော့နေ တတ်ဖို့လိုပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၁၉း၀၉)နာရီမှ (၂၀း၀၁)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ရာဇဖွား၊ တူစန်း၊ တူရာသီဖွားဖြစ်ပါသည်။စိတ်ကောင်းစေတနာကောင်းတဲ့ သူတွေက ဒီနေ့မွေးသူတွေပါပဲ။ ဒါအပြင်အားနာတတ်သူတွေဖြစ်တာကိုလဲ တွေ့ရတယ်။ အားနည်းချက်က အထောက်အပံ့မရဘဲ ကိုယ့်ဒူးကိုယ်ချွန်ကြိုးစားရတဲ့ဇာတာပဲဖြစ်ပါတယ်။ ကိုယ်ခြေထောက်ပေါ်ကိုယ်ရပ်ရတဲ့ အတွက် သက်လတ်ပိုင်းကာလကစလို့ လုပ်ငန်းနယ်ပယ်မှာအောင်မြင်မှုတွေရလာလိမ့်မယ်။ဖြစ်စေချင်တာကတော့ အစိုးရလခစားဝန်ထမ်းမလုပ်စေချင်ပါ။ အထက်ကိုမဖားတတ်သူ၊ မိမိမှန်ရင်ဘယ်သူပြောတာမှလက်မခံသူဖြစ်တာ ကြောင့် ဝန်ထမ်းနဲ့အဆင်ပြေဖို့ခက်ခဲပါတယ်။ Customer ကိုကောင်းစွာဂရုစိုက်တတ်သူဖြစ်တာကြောင့်ကိုယ်ပိုင် အလုပ်လုပ်ရင် တရိပ်ရိပ်နဲ့တိုးတတ်သွားပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၂း၄၄) နာရီမှ ညနေ(၄း၁၁)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ကံကောင်းသောနေ့သားများကတော့ တနင်္ဂနွေ၊ ဗုဒ္ဓဟူး၊ ရာဟု၊ ကြာသပတေး၊ သောကြာ သားသမီးများပဲ ဖြစ်ပါတယ်။
ကံညံ့သော နေ့သားကတော့ တနင်္လာ သားသမီးပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ စနေ သားသမီးများပဲ ဖြစ်ပါတယ်။
ဒီနေ့မှာ အနက်ရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉၊ ၄) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့အရဟံဂုဏ်တော်ကို ၄၅ခေါက်ရွတ်ပွားသွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ လက်ဖက်ရည် ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အကူအညီကောင်းများရရှိပြီးအောင်မြင်မှုတွေရရှိတတ် တဲ့နေ့ရက်ပါပဲ။ အလုပ်နဲ့ပတ်သက်ပြီး အခွင့်အလမ်း တွေပေါ်လာ လိမ့်မယ်။ စပ်တူအလုပ်၊ဖက်စပ်အလုပ်များလဲ အကျိုးပေးနေတတ်ပါတယ်။ကြိုးပမ်းကြံစည် ဆောင် ရွက် ထားမှုများက ကောာင်းစွာအကျိုးခံစားရလိမ့်မယ်။ ပြန်မရ ဘူးလို့ထင်ထားတဲ့ကြွေးမြီးတွေပြန်လည်ရ လာ တတ် ပါတယ်။ ပျော်ရွှင်မှု၊စိတ်ချမ်းသ ာမှုတွေကိုလက်ငင်းကြုံရတတ် ပါတယ်။ ကိုယ်ပိုင်လုပ်ငန်းများထူးခြား တဲ့ အခွင့်အရေးတွေပေါ်လာတတ်ပါတယ်။ ကျန်းမာရေး ကတော့အရမ်းညံ့ နေတာမျိုးတော့မရှိပါဘူး။ ငွေကြေး ဝန်ဆောင်မှု လုပ်ငန်းများ၊ငွေလွှဲလုပ်ငန်းများအဆင်ပြေတိုးတတ်မည်။
တနင်္လာ
လူမှုရေးကိစ္စများတွင်စိတ်အနှောက်အယှက်ကြုံရတတ်ပါ တယ်။မိမိရည်မှန်းချက်များအတွက်ပေးဆပ် အနစ်နာခံ ရတတ် ပါတယ်။ စိတ်လိုက်မာန်ပါဆောင်ရွက်မှုများကို အထူး သတိနဲ့ထိန်းပါ။ ငွေကြေးကုန်ကျမှုလဲ များပြား နေတတ်ပါတယ်။ပရိယာယ်သုံးပြီးမှရည်မှန်းချက်ကိုအကောင်အထည်ဖော်သင့်ပါတယ်။ ကျန်းမာရေးအညံ့ရှိ တယ်။ သာမန်ဖျားတာနာ တာမျိုးတွေအထူးဖြစ်လွယ်ပါတယ်။လုပ်ငန်းရှင်များ လုပ်ငန်းခွင်အတွင်းရင်းနှီးမြုပ်နှံမှုတွေမှား တတ်ပါ တယ်။ အောက်လက် ငယ်သားတွေကိုတော့ ကောင်းစွာစီမံခန့်ခွဲ နိုင်ပါလိမ့်မယ်။တစ်ခုသတိထားရမှာက အထက်လူကြီးကိုဘောင်ကျော်ပြီးမလုပ်မိ ပါစေနဲ့။
အင်္ဂါ
အကြီးအကဲဆွေမျိုးများအတွက်စိတ်ညစ်နေရတတ်ပါ တယ်။သောကပြဿနာမီးများဝန်းရံနေတတ်ပါတယ်။ အလုပ်မှာ စိတ်ဖိစီးမှုတွေများနေရတတ်ပါတယ်။သွေးတိုး၊ ဦးခေါင်းကိုက်၊ဇက်ကြောထိုးတာမျိုးဒီနေ့မှာဖြစ်လွယ်ပါ တယ်။ အလုပ်ပိုတွေ ရှိနေရင်တော့ မလောဘဲဖြေးဖြေးမှန် မှန်လုပ်လိုက်ပါ။ စာရင်းအမှားတွေလုပ်မိသွား တတ်လို့ပါပဲ။ အချစ်ရေးမှာတော့ အထူးကံကောင်းလိမ့်မယ်။ စက်ပစ္စည်းအသစ်တွေဝယ်မယ်ဆိုဒီနေ့က ဝယ်လို့ ကောင်းပါတယ်။ အိမ်တွင်းမီးဆင်ခြင်း လုပ်ငန်းများအထူးဆောင် ရွက်နိုင်ပါတယ်။ပညာရေးမှာတော့ လူမှုရေး အနှောက် အယှက် ကြောင့်စိတ်နှစ်ရခက်ခဲနေ တတ်ပါတယ်။
ဗုဒ္ဓဟူး၊ရာဟု
ထွန်းလင်းတောက်ပသောကံအခြေအနေကိုကြုံရမည်။ စိတ်ထဲလိုချင်နေတဲ့ ငွေကြေးအကူအညီတွေကိုလဲ ရလာ တတ်ပါတယ်။ မိသားစုစီးပွားရေးတွေလဲသိသိသာသာ တိုးတတ်ပါလိမ့်မယ်။ အလုပ်တွေများနေတယ် ဆို ပေမဲ့ လုပ်ကိုင်ဆောင်ရွက်သမျှ အဆင်ပြေ ချောမွေ့နေပါလိမ့်မယ်။ မင်္ဂလာကိစ္စများအတွက်တိုင်ပင်ခြင်း၊ ဆွေးနွေး ခြင်းများကို ချစ်သူနဲ့အစီအစဉ်ဆွဲလို့ သင့်တဲ့နေ့ရက်ပါပဲ။ ငွေကြေး မြုပ်နှံထားတဲ့အလုပ်တွေကနေ ငွေအထူးပေါ် လာပါ လိမ့်မယ်။ အပျော်ခရီးများ၊ပျော်ပွဲစား ထွက်ခြင်းများလဲကြုံရတတ် ပါတယ်။စက်ပစ္စည်းတွေ၊ အလှအပနှင့် ဆိုင်တဲ့ ပစ္စည်းတွေလဲ ဝင်လာတတ်ပါတယ်။
ကြာသပတေး
အလုပ်နဲ့ပတ်သက်ပြီးခရီးတွေသွားလာရတတ်ပါတယ်။ ကောင်းတဲ့ခရီးစဉ်ပဲဖြစ်ပါလိမ့်မယ်။အလုပ်ပိုတွေ ကတော့ နည်းနေ ပါလိမ့်မယ်။ အားလပ်ချိန်တွေရနိုင်တဲ့အတွက် မိမိလုပ်ချင်တာတွေကိုအချိန်ပေးနိုင်မဲ့နေ့ရက်လဲ ဖြစ်ပါတယ်။ လုပ်ငန်းရှင်များ လက်ရှိအလုပ်ကိုတိုးချ့ဲလို့သင့်ပါတယ်။ဒါပေမဲ့လုပ်ငန်းသစ်ကိုတော့မစသင့်ပါတယ်။ အိမ်သစ်တတ်တာ၊ နေရာပြောင်း၊ရုံးခန်း ပြောင်းတာမျိုးတွေအထူး ရှောင်ရှားလိုက်ပါ။ ငွေကြေးအကြပ်အတည်း အနည်းငယ်ကြုံရတတ်ပါတယ်။ သူများစကားကို ယုံပြီးလုပ်မိတာတွေ ကအမှားများနေလိမ့်မယ်။သူများအား မကိုး ဘဲ ကိုယ့်ဒူးကိုယ်ချွန်ကြိုးစားသူတွေအဆင်ပြေတတ်ပါတယ်။
သောကြာ
ခရီးသွားရဖို့အကြောင်းဖန်လာတတ်ပါတယ်။ အဆင်ပြေ မဲ့ခရီးပဲဖြစ်ပါတယ်။အလုပ်တွေကနေလစာတိုးတာမျိုး၊ နေ ရာကောင်း ရတာမျိုးတွေကြုံရနိုင်ပါတယ်။ အိမ်ထောင် ရေး၊အိမ်တွင်းရေးအဆင်မပြေဘူးဆိုရင်တော့ ဒီနေ့မှာ ပြေလည်အောင် စွမ်းဆောင်နိုင်ပါလိမ့်မယ်။မိတ်ဆွေ သစ် တွေလဲရရှိမဲ့နေ့မျိုးပါပဲ။ အချစ်ရေးနဲ့ပတ်သက်ပြီး အထူး အဆင်ပြေနိုင်ပါတယ်။ မိမိအခက်အခဲလေးတွေကို ချစ်သူက ဝိုင်းဝန်းဖြေရှင်းပေးနိုင်ပါလိမ့်မယ်။ ကံကောင်းခြင်း တွေလဲ ရှိမဲ့နေ့ရက်ပါပဲ။ ပညာရေးနဲ့ပတ်သက်ရင်တော့ စီးပွားရေးနဲ့ဆိုင်သော ပညာများသင်ယူခွင့် တွေရရှိ တတ်ပါ တယ်။
စနေ
ညံ့နေတာက အိမ်ထောင်ရေးပါ။ အိမ်ထောင်ဘက်နဲ့ ဆန့်ကျင်ဘက်တွေကြီးပဲဖြစ်ရပျက်ရတတ်ပါတယ်။ လူမှုရေးအပူတွေကိုခေါင်းထဲမထည့်ထားလိုက်ပါနဲ့။ တကိုယ် ကောင်းမဆန်ပါနဲ့။ အများကိုတွဲဖက်ခေါ်ယူပါ။ လုပ် ဖော်ကိုင်ဖက်တွေကိုသင်ပြပေးပါ။ လုပ်ငန်းရှင်ဆိုမိမိ ဝန်ထမ်းကိုသေချာသင်ပြပေးပါ။ တစ်ခုသတိထားရမှာတော့ မကျွမ်းကျင်တာကိုမြေစမ်းခရမ်းပျိုးမလုပ်ပါနဲ့။ ကံကောင်းတာတစ်ခုကတော့ လက်ရှိအလုပ်တွေကို အကောင်းဆုံး စွမ်းဆောင်နိုင်ပါလိမ့်မယ်။ အလုပ်မှာစိတ်ချ ရတာ ကြောင့်လဲ လူကြီးတွေက မိမိကိုမျက်နှာလွှဲထားတတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695