ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တန်ဆောင်မုန်းလဆန်း(၇)ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၃၀)ရက်နေ့လဲ ဖြစ်ပါတယ်။
ဒီနေ့နံနက်(၅း၄၀)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၂၈)နာရီဖြစ်ပြီး ၊ ညနေ(၅း၄၃)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
လက်သမားမြေခံ သိန္ဓောမြင်း မြေခံဖြစ်၍ ပစ္စည်းဉစ္စာတိုးပွားတတ်သော နေ့ဖြစ်သောကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
ဒီနေ့ဟာတီထိမြေခံအရ ကိတ်မြေခံတဲ့နေ့ဖြစ်ပါတယ်။ ကိတ်မြေခံအရ အလုံးစုံသော စည်းစိမ်ဉစ္စာ၊ ရတာနာတို့ကို အလွယ်တကူ ရရှိပိုင်ဆိုင်ခွင့်များ ရရှိစေသောကြောင့် ခိုင်ခန့်သောအဆောက် အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ ဆောင်ရွက်လို့အထူးကောင်းပါတယ်။ သမားညိုရက်နဲ့တိုက်ဆိုင်နေတာမို့အချိန်အခါရွေးပြီးမှဆောင်ရွက်ပါ။
ဒီနေ့ဟာ ရက်ရာဇာ၊သမားညိုရက်တွေနဲ့တိုက်ဆိုင်နေတဲ့နေ့ရက်ပဲဖြစ်ပါတယ်။
ဒီနေ့ဟာ တီထိအရတော့ ကြွယ်ဝခြင်း၊ပျော်ရွှင်ခြင်းကိုပေးတဲ့ နန္ဒတီထိ ကျရောက်တဲ့နေ့ရက် ပဲဖြစ်ပါတယ် ။ဒီလိုနေ့ရက်မှာတော့ ပညာရပ်နဲ့ရပ်တည်အသက်မွေးသူ များလဲ ဒီလိုနေ့မျိုး မှာတော့ ကျောင်းအသစ်တွေစတင်ဖွင့်လှစ်တာ ၊သင်တန်းတွေ၊တန်းခွဲသစ်တွေစတင်ဖွင့်လှစ်တာမျိုး တွေ အထူးကောင်းပါတယ်။
အဓိဋ္ဌာန်ဝင်ခြင်းများ၊ ရေရှည်စီမံကိန်းဆွဲထားတဲ့အလုပ်တွေအတွက် ဒီနေ့မှာစတင်ပြီးတော့ ခြေတစ် လှမ်းလှမ်းခြင်း များလဲအထူးအဆင်ပြေပါလိမ့်မယ်။ စီးပွားရေးနဲ့ပတ်သက်ပြီး တော့ ကိုယ်စားလှယ် ယူခြင်းများ၊ လက်ကားဝယ်ပြီး ပြန်လည်ဖြန့်ဖြူးခြင်းများလဲ အထူးဆောင်ရွက်လို့ကောာင်းတဲ့နေ့ရက် ပါပဲ။
ရိုးသားကြိုးစားလို့ အောင်မြင်နေသူများ လုပ်ငန်းပြိုင်တွေအတိုက်အခိုက်တွေကိုခံရတတ်ပါတယ်။ သတိထားပါ။ အိမ်ထောင်သည်များ၊ရိုးသားသူများ ဆန့်ကျင်ဘက်လိင်တွေမြုဆွယ်ထောင်ဖမ်းခြင်း တွေကိုခံရတတ်ပါတယ်။
ကျောင်းများ၊သိမ်များ မုခ်ဦး များတည်ဆောက်လှူတန်းခြင်းတွေကို အလှူအတန်းတွေအတွက် ရေစက်ချအမျှေ၀ ခြင်း မျိုးတွေ ဆောင်ရွက်နိုင် တဲ့နေ့ရက်ပဲဖြစ်ပါတယ်။ ရှင်ပြုခြင်း၊နားသခြင်း၊ ပဉ္ဇင်းခံခြင်းကိစ္စတွေကိုလဲ အထူး ကောင်းမွန်စွာဆောင်ရွက်နိုင်တဲ့နေ့ရက်ပါပဲ။ အလုပ်ကိစ္စ အတော် များများအခက်အခဲနည်းပါးပြီးတော့ အဆင်ပြေပြေဖြစ်ရတတ်ပါတယ်။ ဒါကြောင့်ပဲ အလုပ်နဲ့ပတ် သက်ရင်တော့ ကြိုးစားသလောက်ထွန်းပေါက်မှု တွေကိုရ ရှိပါလိမ့်မယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၈း၄၉)နာရီမှ (၁၉း၄၁)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါလိမ့်မယ်။ မိမိတို့အတိတ်ကံ အလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်း ပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ ရေရှည် တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။
ဒီနေ့မွေး ရင်သွေးငယ်များဟာ မရဏဖွား၊ ဓနုစန်း၊ တူရာသီဖွားဖြစ်ပါသည်။ဒီနေ့မွေးသူများဟာ အတိတ် ကပါလာသော ကုသိုလ်အရှိန်အဟုန်လေးတွေရှိပါတယ်။ ထိုကံကြောင့်ပဲ မိမိတို့မွေးလာ ချိန်မှာ မိဘတွေလဲ အဆင်ပြေလာတာ၊စီးပွားတတ်လာတာမျိုးကြုံရတတ်ပါတယ်။ မွေးစကနေ ခြောက်နှစ်အတွင်း မိမိကိုအကြောင်းပြု ပြီးမိဘတွေအလှူကြီးအတန်းကြီးပေးလာနိုင်တာကို တွေ့ရပါတယ်။ ကျန်းမာရေးသိပ်မဆိုးပေးမဲ့ ကိုယ်ခံအားနည်း တာမို့ အလွန်အကျွံ မဆင်မခြင် နေထိုင်စားသောက်ခြင်းများကိုအထူးရှောင်သင့်ပါတယ်။ ဘဝမှာသတိထားရမှာက လွတ်လပ်မှုကို တအားမလိုချင်နဲ့။ စီးလွတ်ဝါးလွတ်မပျော်ချင်ပါနဲ့။အပျော်လွန်ရင်အပျက်ဖြစ်လွယ်တဲ့ဇာတာပါ။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၄း၀၉) နာရီမှ ညနေ(၅း၃၆)နာရီအတွင်း ကျရောက်နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလ အတွင်းမှာ ရှောင်နိုင်ရင် အထူးကောင်းပါတယ်။
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါ တယ်။ကြီးကျယ်စွာမင်္ဂလာ အခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။
ကံကောင်းသောနေ့သားများကတော့ အင်္ဂါ၊ ကြာသပတေး၊ တနင်္လာ သားသမီးများပဲ ဖြစ်ပါတယ်။
ကံညံ့သော နေ့သားများကတော့ စနေ၊ ရာဟု၊ ဗုဒ္ဓဟူး သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ တနင်္လာ၊ သောကြာ သားသမီးများပဲ ဖြစ်ပါတယ်။
ဒီနေ့မှာ ညိုဝါရောင် နှင့် အနက်ရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၇၊ ၆) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့စပျစ်သီးစားသွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ရွက်လှပန်း ဘုရား ကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက် သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
ကံကောင်းနေတတ်ပါတယ်။ မိမိဖြစ်ချင်တာတွေဖြစ်လာ ရတတ်ပါတယ်။ စိတ်ကူးအယူအဆတွေ ကိုလဲ ကောင်းစွာ အားထုတ်လုပ်ကိုင်နိုင်ပါလိမ့်မယ်။ လူအများနဲ့ တက်ညီ လက်ညီလုပ်ရတဲ့ အလုပ် တွေကိုအကျိုးပိုမိုပေးပါတယ်။ အချစ်ရေးကိစ္စတွေတိုင်ပင်ဆွေးနွေးလို့ရတယ်။ လက်ထပ် ဖို့အတွက် ရက်ရွေးခြင်း၊စေ့စပ်ခြင်း၊ ကြောင်းလမ်းခြင်များ ဒဲီနေ့မှာဆောင်ရွက်ထားနိုင်ပါတယ်။ လုပ်ငန်း အစီ အစဉ် သစ်တွေကလဲ မိမိဉာဏ်အမြော်အမြင်ပေါ်မူတည်ပြီးတော့တိုးတတ် လာနိုင်တာကိုတွေ့ရ ပါတယ်။ နိုင်ငံခြားအင်တာ ဗျူးများဒီနေ့မှာဖြေရမယ်ဆိုရလဒ်ကောင်းလာတတ်ပါတယ်။
တနင်္လာ
လုပ်ငန်းနဲ့ပတ်သက်ပြီး အသစ်တိုးချဲ့တာမျိုးတွေ လုပ်ဆောင် သင့်ပါတယ်။ အလုပ်နဲ့ပတ်သက်ပြီး နေရာပေးမခံရတာ၊ချောင် ထိုးခံရတာမျိုးတွေကြုံနေရတတ်ပါတယ်။ အိမ်ပြင် ခြင်း၊အိမ်ပြောင်း ခြင်းမျိုးတွေကိုရှောင်လိုက်စေချင်ပါတယ်။ စိတ်ထဲလိုချင်တာ တွေကိုရဖို့ခဲယဉ်းနေတတ်ပါတယ်။ ကျန်းမာရေးကတော့ဒီနေ့မှာ အာဟာရရှိတာတွေကို စားလိုက်စေချင်ပါတယ်။ ဆေးဆိုလဲ အားဆေး ကိုဦးစားပေး သောက်လိုက်ပါ။ အလုပ်နဲ့ပတ်သက်ပြီး အင်တာဗျူးဖြေရသူများ အခက်အခဲများနိုင်တဲ့ နေ့ရက်လဲ ဖြစ်ပါတယ်။ မည်သည့်ကိစ္စမဆိုလေးလေးနက်နက်နဲ့ ဆောင်ရွက်လိုက်တာက အဆင် ပြေလိမ့်မယ်။
အင်္ဂါ
စိတ်ကူးကောင်းတွေ၊အကြံဉာဏ်ကောင်းတွေတွေ့ရတတ်ပါတယ်။ အလုပ်ခွင်ထဲမှာလဲ မိမိစွမ်းဆောင် ရည် တွေမြင့်မားနေ တတ်ပါတယ်။ လူအများသတိထားမိတဲ့အထိ မိမိလုပ်ရည် ကိုင်ရည်ရှိပါလိမ့်မယ်။ မိတ်ဆွေသစ်တွေကြုံရတတ်သလို၊ ပတ်ဝန်းကျင်သစ်တွေကြုံရတတ်ပါတယ်။ကျန်းမာရေး ကို တော့ စိတ်ချမ်းသာရပါလိမ့်မယ်။ လိုအပ်နေတဲ့ငွေကြေးတွေ ရလာတတ်ပါတယ်။ အချစ်ရေးအဆင် ပြေ တိုးတတ်ပါ လိမ့်မယ်။ ထီဝါသနာပါသူများ ထီကံစမ်းလို့အလွန်ကောင်းတဲ့ နေ့ရက်ပါပဲ။ ခရီးဝေးသွား ရဖို့အကြောင်းဖန်လာတတ် ပါတယ်။ ဥပဒေနဲ့ မလွတ်ကင်းတဲ့အလုပ်စီးပွားတွေအထူးရှောင်လိုက်ပါ။
ဗုဒ္ဓဟူး၊ရာဟု
တွေဝေဒွိဟတွေဖြစ်နေရတတ်ပါတယ်။ ကျန်းမာရေး ကံလဲကောင်းနေတတ်ပါတယ်။ အလွန်ဆုံး နှာစေး ချောင်းဆိုး လောက်ပါပဲ။ စီးပွားရေးသမားများမထင်မှတ်သော အလိမ်အညာတွေခံရတတ်ပါ တယ်။ ကူညီသူတွေရှိပေမဲ့ ဒုက္ခပေးမဲ့သူကပိုများနေ တတ်ပါတယ်။ အလုပ်နဲ့ပတ်သက် တဲ့ နယ်ခရီး တွေလဲ သွားရတတ်ပါတယ်။ လူငယ်များ ညဉ့်နက် သန်းခေါင်သောက်စားပျော်ပါးခြင်းကိုရှောင်ပါ။ ရန် ဖြစ်ရတတ်ပါတယ်။ သူများကိုစေတနာစကားပြောပေမဲ့ ဝေဒနာစကား ဖြစ်ရတတ်ပါတယ်။ နှုတ် နည်းတာအကောင်း ဆုံးပါပဲ။ လက်ကားစီးပွားရေးသမားများ ရင်းနှီးမြုပ်နှံမှုတွေကိုဆင်ခြင် စဉ်း စား ပြီးမှလုပ်ပါ။
ကြာသပတေး
စီးပွားရေးနဲ့ပတ်သက်ပြီး အကြံကောင်းပေးမဲ့သူတွေနဲ့ ဆုံတွေ့ရတတ်ပါတယ်။အလုပ်ပိုတွေ၊ကိစ္စပို တွေကိုကောင်းစွာ လျှော့ချနိုင်မဲ့ နေ့ရက်ပါပဲ။ စိတ်မြန်လက်မြန်နဲ့ ဇွဲရှိရှိ လုပ်ကိုင်မှုတွေကြောင့် အဆင်ပြေတိုးတတ်လာနိုင်မဲ့ ကံအခွင့်အလမ်းကိုပေးပါတယ်။ကျန်းမာရေးကလဲ ဒေါင်ဒေါင် မြည် ကောင်းနေတတ်ပါတယ်။ ယခင်ကမအောင်မြင်ခဲ့တဲ့ အလုပ်တွေကိုပြန်စလို့ကောင်းတဲ့နေ့ရက်လဲ ဖြစ်ပါတယ်။ လုပ်ငန်းခွင်အတွင်းအားနည်းချက်တွေ၊အားသာချက်တွေကိုလဲ သေချာစီစစ်သွားနိုင်ပါ လိမ့် မယ်။ အောက်လက် ငယ်သားတွေကိုအထင်မသေးလိုက်ပါနဲ့။ သူတို့ရဲ့အကူအညီတွေ အများကြီး ရနိုင်တာမို့ပါ။
သောကြာ
အလုပ်တွေတိုးတတ်လာလိမ့်မယ်။ အော်ဒါတွေတတ်လာပါ လိမ့်မယ်။ ဝန်ထမ်းဆိုရင်တော့ အလုပ် တာဝန်များနေတာပေါ့ဗျ။ နှစ်ယောက်စာလောက်လုပ်ရတတ်ပါတယ်။ အိမ် တွင်းရေး၊အိမ်ထောင်ရေး အဆင် ပြေသာယာလိမ့်မယ်။ ပညာရေးနဲ့ဆက်နွယ် သောခရီးများသွားရတတ်ပါတယ်။ ကာယ ပင်ပန်း၊ဉာဏပင်ပန်းပေမဲ့ စိတ်ပျော်အောင်နေနိုင်ပါလိမ့်မယ်။ ကျန်းမာရေးနဲ့ ပတ်သက်ပြီးတော့ အခက်အခဲ တွေအညံ့တွေများလာတတ်ပါတယ်။လိုချင်နေတဲ့ငွေကြေးအကူအညီတွေကိုလဲ ရလွယ် ပါတယ်။ မိသားစုအတွင်း ကျန်းမာရေးညံ့သူတစ်ဦးကြောင့် ငွေကုန်ရတတ်ပါတယ်။
စနေ
မိမိဖြစ်ချင်တာတွေကိုဖြစ်အောင်လုပ်သွားနိုင်ပါလိမ့် မယ်။ ကိုယ့်ဒူးကိုယ်ချွန်ကြိုးစားရလိမ့်မယ်။ ကြိုးစားသမျှအရာထင် အဆင်ပြေပါလိမ့်မယ်။ အခက်အခဲတွေကို ကောင်းစွာကျော်လွှားနိုင်ပါ လိမ့် မယ်။ စိတ်ပိုင်းဆိုင်ရာ ခွန်အားတွေကိုရလာ တတ်ပါတယ်။ လုပ်ဖော်ကိုင်ဖက်တွေရဲ့ အကူအညီ တွေကိုရ လာတတ်ပါတယ်။ဘာသာခြား၊လူမျိုးခြားတွေနဲ့ ဆက်စပ် လုပ်ကိုင်ရတဲ့အလုပ်များ အဆင် ပြေတိုးတတ်ပါလိမ့်မယ်။ကျန်းမာရေးကတော့အစားမှားဆေးမှားဆိုတာမျိုးဂရုစိုက်လိုက်ပါ။ အပြောင်း အရွှေ့ ကိစ္စ မှန်သမျှအဆင်ပြေတိုးတတ်ပါလိမ့်မယ်။ လုပ်ငန်းချဲ့ထွင်ခြင်းများစတင်နိုင်တဲ့ နေ့ရက် ပါပဲ။
ဆရာငြိမ်းအေးလူ(ဗေဒင်သုတေသီ)
09775555695