ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တန်ဆောင်မုန်းလဆန်း(၁၀)ရက်၊ ဗုဒ္ဓဟူးနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊နိုဝင်ဘာလ(၂)ရက်နေ့လဲ ဖြစ်ပါတယ်။
ဒီနေ့နံနက်(၅း၄၁)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၂၉)နာရီဖြစ်ပြီး ၊ ညနေ(၅း၄၁)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က မြောက်အရပ် ဖြစ်ပါတယ်။ စန်းပွင့်ရာအရပ်က တောင်အရပ် ဖြစ်ပါတယ်။
တီထိမြေခံ အရတော့ သောကြာမြေခံပေမဲ့ ရက်ယုတ်မာနဲ့တိုက်ဆိုင်နေတာမို့ တိုက်တာအိုးအိမ်ဆောက်လုပ်တာ ၊တိုင်ထူတာ ပန္နက်ရိုက်တာမျိုးတွေကို အချိန်အခါပြန်ရွေးပြီးမှဆောင်ရွက်လို့ရပါလိမ့်မယ်။
ဒီနေ့ဟာ ရက်ရာဇာ၊ မွန်းလွဲလူ့ပြည်ပြဿဒါး၊ ရက်ယုတ်မာ၊ရသေ့ကျော်ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ ပျက်စီးခြင်း၊ယိုယွင်းခြင်းသဘောဆောင်တဲ့လဆန်းတီိထိ ၉လုံး ရိတ္တာတီထိ ကျရောက်တဲ့နေ့ရက်ပါပဲ။ ဒီလိုနေ့ရက်မှာတော့ ဖြေရှင်းရခက်နေတဲ့ ပြဿနာတွေကိုပြေလည်အောင်ဖြေရှင်း နိုင်မဲ့နေ့ရက်ပါပဲ။ ကျန်းမာရေးနဲ့ပတ်သက်ပြီးတော့လဲ ကုသလို့အလွန်ပဲကောင်းပါတယ်။ အနာနဲ့ဆေးတွေ့မဲ့ နေ့ရက်ပါပဲ။
ကားရောင်းခြင်း၊ကားဝယ်ခြင်း၊အလဲအထပ်လုပ်ခြင်းများလဲ ဆောင်ရွက်နိုင်မဲ့နေ့ရက်ပါပဲ။ မိမိစိုက်ပျိုးထားတဲ့ ကောက်ပဲသီးနှံတွေကိုပိုးသတ်ဆေးဖြန်းတာမျိုးတွေဆောင်ရွက်သင့်တဲ့နေ့ရက်ပါပဲ။ကျောက်မျက်ရတနာရောင်း ဝယ်ရေးကိစ္စများ အဆင်ပြေတိုးတတ်ပါလိမ့်မယ်။ ငါးမွေးမြူရေး၊ကြက်မွေးမြူရေးစတဲ့ တိရစ္ဆာန်မွေးမြုရေး လုပ်ငန်း များလဲ အဆင်ပြေအောင်မြင်မှုတွေရလာမဲ့နေ့ရက်ပါပဲ။
အဆင်မပြေလို့လက်လျော့ထားတဲ့အလုပ်များ၊ ခက်ခဲလို့ရှေ့ဆက်ဖို့မလွယ်တဲ့အလုပ်များကို ဒီနေ့မှာပြန်လည်လုပ် ကိုင်ခြင်းဖြင့်အဆင်ပြေမှုတွေကိုရလာတတ်ပါတယ်။ ရပ်ဝေးမှချဲ့ထွင်ထားတဲ့အလုပ်တွေတိုးတတ်ပါလိမ့်မယ်။ ဝေးကွာနေတဲ့မိတ်ဟောင်းဆွေဟောင်းတွေနဲ့တွေ့ဆုံရတတ်ပါတယ်။ ငွေကြေးနဲ့ပတ်သက်သောရပိုင်ခွင့်တွေလဲ အပြည့်အဝရလာပါလိမ့်မယ်။
လုပ်ငန်းပြိုင်တွေ၊ မိမိအောင်မြင်မှုကိုမနာလိုတိုက်ခိုက်ကြသူတွေကိုတန်ပြန်တိုက်ခိုက်နိုင်မဲ့နေ့ရက်ပဲဖြစ်ပါတယ်။ လျှပ်စစ်နဲ့ပက်သက်သာ လုပ်ငန်းတော်တော်များများအဆင်ပြေတတ်ပါတယ်။ electronic ပစ္စည်းရောင်းတဲ့ဆိုင် များ ရောင်းအားတိုးတတ်ပါလိမ့်မယ်။
အနိဋ္ဌသဘောဆောင်တဲ့အလုပ်တွေအထူးအဆင်ပြေပါတယ်။ လောင်းကစားဆန်ဆန်အလုပ် များ၊ဓားလှံ လက်နက် ထုတ်လုပ်ခြင်းများ၊ ခဲယမ်းမီးကျောက်ထုတ်လုပ်ခြင်းများလဲ အထူးကောင်းပါတယ်။ ယနေ့တွင် အပျော်ခရီး သွားလာခြင်းများ ရှောင်ကျဉ်ပါ။ ဆေးဝါးကုသ၍ ပျောက်ကင်းနိုင်သော ရက်ကောင်း ဖြစ်နေပါသည်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၁၈း၃၈)နာရီမှ ည(၁၉း၂၉)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့ဟာမနက်ပိုင်းရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါတယ်။ ကြီးကျယ်စွာမင်္ဂလာအခမ်းအနား ကျင်းပခြင်း တွေကိုလဲ ဆောင်ရွက်နိုင်ပါလိမ့်မယ်။မွန်းလွဲသွားရင်တော့လူ့ပြည်ပြဿဒါးကျရောက်တဲ့ နေ့ရက်ဖြစ် တာ ကြောင့် မင်္ဂလာကိစ္စတွေမှန်သမျှရှောင် သင့်ပါတယ်။ လက်ထပ်ခြင်း ၊ရုံးတတ်လက်မှတ်ထိုးခြင်း၊စေ့စပ်ခြင်း၊ မင်္ဂလာစကားပြော ခြင်းများလဲအထူးရှောင် သင့်ပါတယ်။အရေးကြီးတဲ့ ကိစ္စတွေ ကိုရှောင်သင့်ပါတယ်။
ရက်ယုတ်မာကျရောက်တဲ့နေ့ဖြစ်တာကြောင့် အိမ်ဆောက် တာ၊တိုက်ဆောက် တာ၊ ဆိုင်ဆောက်တာ၊ ပန္နက်ရိုက် တာ၊တိုင်ထူတာမျိုးတွေ မလုပ်သင့်ပါ။ လုပ်မိတယ် ဆိုရင်တော့ ရေမီးမင်းခိုးသူ၊အမွေခံသားဆိုးသမီးဆိုးဆိုတဲ့ ရန်သူမျိုးငါးပါးကြောင့် ပြန်လည်ပျက်စီးရ တတ်ပါ တယ်။
ဒီနေ့မွေး ရင်သွေးငယ်များဟာ အထွန်းဖွား၊ မကာရစန်း ညနေ(၅)နာရီ (၃၃)မိနစ်လွန် စန်း ကုမ်ရာသီသို့ ပြောင်းသည်။ တူရာသီဖွားဖြစ်ပါသည်။ဒီနေ့မွေးရင်သွေးငယ်ဟာ လူအအများကို ကူညီချင်စိတ်ရှိသူတွေ ၊ပရဟိတ သမားတွေ၊အများကောင်းကျိုးပြုသူတွေဖြစ်ကြပါတယ်။ မိခင်၊ကြီးတော်၊အမေကြီးစတဲ့အမျိုးသမီးအကြီး အကဲ တွေ ရဲ့ ချစ်ခင်အလေးပေးမှုကိုအထူးရရှိတတ်ပါတယ်။ ဘာသာရေးဝါသနာပါတဲ့ မိသားစုကပေါက်ဖွားလာသူဆို တရားရိပ်ခိုသွားတာ၊သာသနာဘောင်ဝင်သွားတာမျိုးတွေ ဖြစ်တတ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နေ့လယ်(၁၁း၄၉) နာရီမှ မွန်းလွဲ(၁း၁၅)နာရီအတွင်း ကျရောက် နေ ပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများကတော့ အင်္ဂါ၊ ဗုဒ္ဓဟူး၊ ကြာသပတေး၊ သောကြာ သားသမီးများပဲ ဖြစ်ပါတယ်။
ကံညံ့သော နေ့သားများကတော့ စနေ၊ ရာဟု သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ တနင်္လာ သားသမီးများပဲ ဖြစ်ပါတယ်။
ဒီနေ့မှာ လိမ္မော်ရောင်၊အဖြူရောင်များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉၊ ၄) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ငါးကြော်စား သွားပါ။ ပိုမို အဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဒံပေါက် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လို အင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
ဆင်ခြင်တုံတရားနဲ့စနစ်တကျကြိုးစားမှအဆင်ပြေပါလိမ့် မယ်။ကတိလွယ်လွယ်မပေးလိုက်ပါနဲ့။ လှိုင်းထန်နေတဲ့ နေ့ရက် ပါပဲ။ ပင်ပန်းမှု၊ စိတ်ရှုပ်မှုတွေကိုတော့ မလွဲဧကန်လုပ် နေရတတ်ပါတယ်။ ကတိလွယ်လွယ်မပေးစေချင် ပါဘူး။ ပေးလိုက်တဲ့ ကတိက တည်ဖို့ခဲယဉ်းတတ်လို့ပါပဲ။ အလုပ် အော်ဒါတွေကို ရက်ချိန်းမှန်မှန်အပ်နိုင်ဖို့ကြိုးစား ပါ။ နာမည်ပျက် တတ်တဲ့နေ့ရက်မို့ သတိပေးတာပါ။ ကျန်းမာရေး ကတော့ ထိခိုက်ရှနာ၊သွေးထွက်သံယိုအသေးစား လေးတွေ ဖြစ်ရတတ်ပါတယ်။ အန္တရာယ် ရှိတဲ့လုပ်ငန်းခွင်တွေ လုပ်ကိုင်နေသူတွေပိုမိုသတိထားပေါ့ဗျ။ ယုံကြည် ချက်ကြောင့်အရာရာကိုကျော်လွှားနိုင်ပါလိမ့်မယ်။
တနင်္လာ
စိတ်ပျော်ရွှင်လန်းဆန်းနေတတ်ပါတယ်။ စိတ်ချမ်းသာစရာအ ကြောင်းတရားတွေမြင်ရကြားရတတ်ပါတယ်။ လုပ် ငန်း ပြိုင်ဘက် တွေထက် ဇွဲ၊ဝီရိယ၊လေ့လာသုံးသပ်မှုအားကောင်း တာကြောင့်အောင်မြင်ကြီးပွားမှုတွေ ကြုံရတတ် ပါ တယ်။ အချစ်ရေးကိစ္စ စတွေအဘက်ဘက်က အဆင်ပြေလိမ့်မယ်။ မင်္ဂလာစကားပြောခြင်းနှင့် အလှူကိစ္စများ တိုင်ပင်ဆွေးနွေးလို့ကောင်းတဲ့ နေ့ရက်ပဲဖြစ်ပါတယ်။ကျန်းမာရေးက တော့ ကောင်းမွန်နေပြီးသားပါ။ ဘာသာရေး များများ လုပ်လေ ကျန်းမာရေးကောင်း လေပါပဲ။မိသားစုအတွင်းရေး ပြဿနာတစ်ခုကြောင့်တော့ မိမိငွေကုန်ရ နိုင်တာ မျိုးရှိပါလိမ့်မယ်။
အင်္ဂါ
အတွေးအခေါ်ကောင်းပြီး အရည်အသွေးပြည့်ဝသူတစ် ယောက်ဖြစ်မယ်ဆိုရင်တော့ နွေးထွေးသောအောင်မြင်မှု တွေ ရရှိတတ်ပါတယ်။မေတ္တာနှင့်ယှဉ်သောစိတ်ကိုမွေးပါ။ စီးပွားရေးကိစ္စလုပ်ငန်းကိစ္စရပ်တိုင်းကို လျှင်မြန်စွာ ဆုံးဖြတ်ချက် ချလုပ်ကိုင်ဆောင်ရွက်ခြင်းဖြင့်ပိုမိုအဆင်ပြေတတ် ပါတယ်။သူများအကြံပေးတိုင်းလက်ခံ စရာမလို ပေ။မိမိကိုယ်ပိုင်ဉာဏ်က ပိုမိုတောက်ပြောင်နေမဲ့နေ့ရက်ပါပဲ။ကျန်း မာရေးအညံ့အဆိုးတော့မတွေ့ရပါဘူး။ ပညာ ရေး ထူးချွန်အောင်မြင်မဲ့နေ့ရက်ပါပဲ။ စနေသားတွေကိုသတိထားဆက် ဆံပါ။ မိမိကိုလိမ်လည်သွားတတ်ပါတယ်။ အလုပ်ကြောင့်ရပ်ဝေးခရီးထွက်ရတတ်ပါတယ်။
ဗုဒ္ဓဟူး၊ရာဟု
ခင်မင်သူမိတ်ဆွေတိုင်းက မိမိကိုနှုတ်၏ဆောင်မခြင်း၊ လက်၏ဆောင်မခြင်းတွေကိုကူညီမှုများရရှိချိန် ဖြစ်ပါတယ်။ သင့်ဘဝကောင်းမွန်စေသော ပြောင်းလဲမှုဖြစ်စေရန် အတွေးအမြင်အယူအဆမှားယွင်းမှုမရှိစေရန် အထူးအရေး ကြီး ပါတယ်။ ငွေနောက်တော့မလိုက်ပါနဲ့။ကြိုးစားရင် ကြိုးစားသရွေ့အောင်မြင်ပါလိမ့်မယ်။ လုပ်ငန်းသစ်စတင် ခြင်း၊ ဆိုင်စဖွင့်ခြင်းများကိုလဲ အလေးပေးဆောင်ရွက်လို့ ကောင်းမွန်တဲ့နေ့ပါ။ စိတ်ညစ်ရမှာက ရေမှုတ်တစ်ဖက်၊ မီးစတစ်ဖက် ဖြစ်နေတဲ့ ချစ်သူကြောင့်ပါ။ မျက်နှာများတဲ့ ချစ်သူရထားသူတွေပိုမိုစိတ်ညစ်ရမဲ့နေ့ပါ။ ကျန်းမာရေး အကောင်းများနေပါလိမ့်မယ်။
ကြာသပတေး
ဟန်ကိုယ့်ဖို့ဆိုတဲ့စကားကို လက်တွေ့ကျင့်သုံးနေထိုင်ပါ။လူအများ အထင်ကြီးလေးစားစေရန်အတွက် ဟန်မာန် အပြည့်နှင့် လုပ်ကိုင်ဆောင်ရွက်ရမဲ့ နေ့ရက်ပါပဲ။ကျန်းမာရေးကတော့ အညံ့အဆိုးတွေကို ရင်ဆိုင်ရလိမ့်မယ်။ လေရောဂါတွေ သတိထားစေချင်ပါတယ်။ မိသားစုတွေရင်းနှီးသူတွေရဲ့ ချီးကျူးထောပနာပြုခြင်းကိုရရှိတတ်ပါ တယ်။ လုပ်လက်စ အလုပ်တွေကိုဆက်လုပ်သွားပါ။ လုပ်ငန်းသစ်၊စီးပွားသစ် အကျိုးမပေးသေးပါဘူး။ သတိထား စေချင်တာက စုတ်ကိစ္စပါ။ လိင်မတူသူတွေရဲ့ ဖျားယောင်းခြင်းကိုခံရတတ်သ လို မိမိကိုယ်တိုင်ကလဲ ရှုပ်ချင် နေတတ်ပါတယ်။ ရပ်ဝေးရောက်နေသူများ အခက်အခဲပိုများနေတတ်ပါတယ်။
သောကြာ
ပြင်းပြသောဆန္ဒကို အကောင်အထည်ဖော်ဆောင်ရွက် ခြင်းကြောင့် ထူးခြားတဲ့အောင်မြင်မှုတွေရရှိတတ်ပါတယ်။ တစိုက်မတ်မတ် တရားအားထုတ်လာသူများ အသိထူး တွေရလွယ်နေတတ်ပါတယ်။ ဝန်ထမ်းဖြစ်စေ၊ လုပ်ငန်း ရှင်ဖြစ်စေ တိတိကျကျဖြင့် သေသပ်စွာလုပ်ကိုင်ဆောင်ရွက် မှပဲအဆင်ပြေတိုးတတ်ပါလိမ့်မယ်။ ရှေ့မှာချီးကျူးပြီး နောက်ကွယ်မှာ အတင်းတုပ်နေသူတွေကိုဥပေက္ခာပြုထား လိုက်ပါ။ စာကောင်းပေကောင်းတွေ လေ့လာဖတ်ရှု ခြင်း ဖြင့် အကြံဉာဏ် ကောင်းတွေရလာတတ်တဲ့နေ့ရက်ပါပဲ။ ကျန်းမာရေးမှာတော့ အညံ့မရှိသလောက်ပါပဲ။ အချို တော့လျှော့စားဖို့တိုက်တွန်း ချင်ပါတယ်။
စနေ
စိတ်မြန်ပြီး အငြင်းအခုန်ပြုတတ်တာကြောင့် မထင်မှတ်ဘဲ ရန်များရတဲ့နေ့ရက်ပါပဲ။ မိမိကသာမာနကြီးသူ တစ်ယောက်ဖြစ်မယ်ဆိုရင်တော့ မလိုမုန်းထားသူတွေများပါလိမ့် မယ်။ရွည်ရွယ်ချက်များ စိတ်ဆန္ဒစောစွာ လုပ်မိ တတ် တာကြောင့်အညံ့အဆိုးကိုဖြစ်ပေါ်စေပါလိမ့်မယ်။ စကားကို တုံးတိတိနှင့်ဒဲ့ဒိုးပြောတတ်သူများ လွန်စွာမှ အဆင် မပြေဖြစ် ရတတ်ပါတယ်။ ကျန်းမာရေးကတော့ ထူးခြားစွာညံ့နေ တာမျိုးမရှိပါဘူး။ မတည့်တဲ့အစား အသောက်တွေကို ရှောင်နိုင်ရင်ရပါပြီ။ ဘာလုပ်လုပ်နှေးကွေးလေးလံစွာအကျိုး ပေးတဲ့နေ့ရက်ဖြစ်တာကြောင့် အောင်မြင်ဖို့အချိန်ယူရတတ် ပါတယ်။ အိမ်ထောင်ရေးအနည်းငယ်သတိထားပါ။
ဆရာငြိမ်းအေးလူ(ဗေဒင်သုတေသီ)
09775555695