ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တန်ဆောင်မုန်းလဆန်း(၁၃)ရက်၊ စနေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊နိုဝင်ဘာလ(၅)ရက်နေ့လဲ ဖြစ်ပါတယ်။
ဒီနေ့နံနက်(၅း၄၃)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၃၁)နာရီဖြစ်ပြီး ၊ ညနေ(၅း၃၉)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့မြောက်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။
ဒီနေ့ဟာတီထိမြေခံအရ အင်္ဂါမြေခံတဲ့နေ့ဖြစ်ပါတယ်။ အင်္ဂါမြေခံအရ ကျန်းမာရေးနှင့်ပတ်သက်၍ အထူး ထိခိုက် နိုင်တဲ့နေ့ရက်ဖြစ်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ် မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူးရှောင်သင့်ပါတယ်။
ဒီနေ့ဟာ သမားညို ၊ရက်ကန်းရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ ကံကောင်းခြင်းတွေကိုဖော်ဆောင်ပေးမဲ့ ဘဒြာတီထိကျ ရောက်တဲ့နေ့ရက်ပဲဖြစ်ပါတယ်။ ဒီလိုနေ့မှာတော့ကုန်ပစ္စည်းတွေဖြန့်ချီလို့အလွန်ကောင်းပါတယ်။ကြေငြာရန် ကောင်းသောရက်ပဲဖြစ်ပါတယ်။ အွန်လိုင်းကကြေငြာတာဖြစ်စေ၊ လက်ကမ်းစာစောင်နဲ့ကြေငြာတာမျိုးဖြစ်စေ ဆောင်ရွက်နိုင်ပါတယ်။ပြန့်ပွားလိုတဲ့ သတင်းအချက်အလက်တွေကိုလဲ ဖြန့်ဝေသင့်တဲ့နေ့ရက်လဲဖြစ်ပါတယ်။လုပ် ငန်းကိစ္စရေးရာအဖြာဖြာတွင်အသစ် ဆောင် ရွက်လို့ကောင်းပါတယ်။
စက်ကားတို့နဲ့ပတ်သက်သောအလုပ်တွေပိုမိုအဆင်ပြေတိုးတတ်လိမ့်မယ်။ရတနာပစ္စည်းများဝယ်ယူခြင်းတွေ၊စတင် ဆင်မြန်းခြင်းတွေကိုလဲ အထူးဆောင်ရွက်နိုင်ပါတယ်။ဒီနေ့မှာစတင်မိတ်ဖွဲ့တဲ့ မိတ်ဆွေသစ်တွေကရေရှည်မှာ ကောင်းတဲ့ မိတ်ဆွေတွေဖြစ်လာတတ်ပါတယ်။ လက်မှုပညာအလုပ်များ၊အိမ်အလှဆင်အလုပ်များ၊ဆိုင်းဘုတ်လုပ် ငန်းများ အလုပ်အော်ဒါတွေရလာတတ်ပါတယ်။
လူမှုရေးကိစ္စများ၊အချစ်ရေးအိမ်ထောင်ရေးနဲ့ပတ်သက်သောကိစ္စများလဲ အထူးဆောင်ရွက်လို့ကောင်းတဲ့နေ့ရက်ပဲ ဖြစ်ပါတယ်။ ဒီနေ့မှာအိမ်သစ်တတ်ခြင်းများ၊ အပြောင်းအလဲလုပ်ခြင်းများစတင်ဆောင်ရွက်လို့ ကောင်းတဲ့နေ့ရက် လဲ ဖြစ်ပါတယ်။ဆိုင်သစ်ဖွင့်ခြင်း၊ အလုပ်သစ်စခြင်း၊ ဆိုင်းဘုတ်တင်ခြင်းများဒီနေ့စတင်လို့ကောင်းပါတယ်။
အသင်းအဖွဲ့များဖွဲ့စည်းခြင်းတွေ၊ရှယ်ယာအလုပ်များ၊အစုစပ်အလုပ်များလုပ်ကိုင်ခြင်းတွေဆောင်ရွက် လို့အထူး ကောင်းပါတယ်။ မြေသန့်မင်္ဂလာများဆောင်ရွက်ခြင်း၊ ဘုရာထီးတင်ခြင်း၊အလှူအတန်းရေစက်ချခြင်းများ လဲအထူး ဆောင်ရွက်နိုင်တဲ့နေ့ရက်ပါပဲ။
ယနေ့တွင် အပြောင်းအလဲကိစ္စများ ဆောင်ရွက်ရန် မသင့်ပါ။ ပစ္စည်းလှောင်ခြင်း မပြုရပါ။ မင်္ဂလာကိစ္စများ ဆောင်ရွက်ပါက အနှောက်အယှက်ကြီးစွာ ကြုံတွေ့ရတတ်သည်။ အရေးကြီးသောကိစ္စများကို ဆောင်ရွက်မည် ဆိုပါက နေ့လည်(၁း၁၂)မှ ညနေ(၃း၃၆) အတွင်း ဆောင်ရွက်လုပ်ကိုင်ပါ။ ငွေကြေးအပေးအယူကိစ္စ အထူးသတိ ရှိရမည်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့(၁၈း၂၆)နာရီမှ (၁၉း၁၇)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေ ရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦး တွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ် လွယ် ပါတယ်။
ဒီနေ့မွေး ရင်သွေးငယ်များဟာ သိုက်ဖွား၊ မိန်စန်း၊ တူရာသီဖွားဖြစ်ပါသည်။ဒီနေ့မွေးသူများဟာ အနည်းငယ် ရန်လိုစိတ်ရှိကြပါတယ်။ အတ္တကိုရှေ့တန်းတင်ကြပါတယ်။ အပေါ်ယံ အပြုံးနဲ့နေတတ်ပေမဲ့ အတွင်းစိတ်ကောက်သူ တွေဖြစ်ပါတယ်။ ဒါကြောင့် လက်ဦးဆရာဖြစ်တဲ့အမိအဘတွေသာ သေချာမသွန်သင်ဘူးဆိုရင်တော့ တစ်ကိုယ် ကောင်းဆန်သွားတတ်ပါတယ်။ ကျန်းမာရေးအားပျော့သူမဟုတ်ပေမဲ့ အသက် ၃၄၊၃၅ ဝန်းကျင်လောက်ကစပြီး ကျန်းမာရေးအတွက် ခွဲစိပ်ကုသရတာတွေစတင်ကြုံလာရတတ်ပါတယ်။ငွေကြေးရှာဖွေမှုအားကောင်းပြီး ဝန်ထမ်း ဆို အောက်ဆိုက်ရှာခြင်းတာမျိုး၊ ဥပဒေနဲ့မလွတ်ကင်းတာတွေလုပ်ချင်တာမျိုးတွေကြုံရတတ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၈း၅၇) နာရီမှ (၁၀း၂၃)နာရီအတွင်း ကျရောက်နေ ပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများကတော့ တနင်္ဂနွေ၊ ဗုဒ္ဓဟူး၊ ရာဟု၊ ကြာသပတေး၊ စနေ သားသမီးများပဲ ဖြစ်ပါတယ်။
ကံညံ့သော နေ့သားများကတော့ တနင်္လာ၊ သောကြာ သားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ သားသမီးများပဲ ဖြစ်ပါတယ်။
ဒီနေ့မှာ ခရမ်းရောင် နှင့် အညိုရောင် များများပါသော အဝတ်အစား၊ အသုံးအဆောင်ပစ္စည်းများကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၈၊ ၅) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ဖရုံယိုစားသွားပါ။ ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ အုန်းထမင်း ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#ဗေဒင်ချစ်ပရိသတ်များအတွက်သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ်နားဆင်နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
