loading

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆုတ်(၁၁)ရက်၊ တနင်္ဂနွေနေ့ ဖြစ်ပါတယ်။

ခရစ်နှစ် ၂၀၂၂ခုနှစ်၊ဒီဇင်ဘာလ(၁၈)ရက်နေ့လဲ ဖြစ်ပါတယ်။

ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ ညနေ(၅း၂၅)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်က တောင်အရပ် ဖြစ်ပါတယ်။

လက်သမားမြေခံ နဂါး မြေခံဖြစ်၍ ပျက်စီးဆုံးရှုံးရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် မသင့်ပါ။

ဒီနေ့ဟာတီထိမြေခံအရ  မိတ္တုမြေခံတဲ့နေ့ဖြစ်ပါတယ်။ မိတ္တုမြေခံဖြစ်တာကြောင့် မိမိတွင်ပိုင်ဆိုင်ရရှိပြီးသား စည်းစိမ်ဉစ္စာများ တစ်ဖြည်းဖြည်း လျော့ပါး ဆုံးရှုံးလာတတ်ခြင်းတွေဖြစ်စေတာမို့ ခိုင်ခန့်တဲ့အဆောက်အဦး တွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးရှောင်သင့်ပါတယ်။

ဒီနေ့ဟာ ရက်ကန်းသမားညို ရက်ကျရောက်နေတာဖြစ်ပါတယ်။

ဒီနေ့ဟာ တီထိအရတော့ လဆုတ်တီထိ ၁၀လုံးဖြစ်ပြီးတော့ အေးချမ်းခြင်း၊ကြည်လင်ခြင်းတွေကိုပေးတဲ့ပုဏ္ဏတီထိ ကျရောက်တဲ့နေ့ရက်ပဲဖြစ်ပါတယ်။ဒီ

  ဒီနေ့မှာစက် ပစ္စည်းများဝယ်ယူခြင်း၊တပ်ဆင်ခြင်းများပြုလုပ်နိုင်ပါတယ်။  ခရီးကိစ္စတော်တော်များများအဆင်ပြေတဲ့နေ့ရက်ပဲ ဖြစ်ပါတယ်။ အလုပ်နဲ့ပတ်သက်သောခရီးများ၊ ဘာသာရေးအလှူအတန်းနဲ့ပတ်သက်သောခရီးများအဆင်ပြေတိုး တတ်နိုင်တာကိုတွေ့ရပါတယ်။

                ဒီလိုနေ့ရက်မှာ ဆေးဝါးအမျိုးမျိုး၊ အလှကုန်ပစ္စည်းအမျိုးမျိုး၊လူသုံးကုန်ပစ္စည်းနှင့် အရည်ဆိုင်ရာစား သောက်ကုန်လုပ်ငန်းများ ရောင်းခြင်း၊ဝယ်ခြင်း၊ ထုတ်လုပ်ဖြန့်ချီခြင်းတွေအထူးကောင်းပါတယ်။ဆုံးပါးသွားတဲ့ မိဘဘိုးဘွားတွေကို ကုသိုလ်ပြုပေးပြီး အမျှဝေရေစက်ချခြင်းတွေအထူးဆောင်ရွက်နိုင်ပါ တယ်။မိရိုးဖလာ ရိုးရာနတ်တွေကို ပသခြင်း၊တင်မြှောက်ခြင်းတွေပြုလုပ်လို့ကောင်းပါတယ်။ ခံစားချက်ကိုဦးစားပေး လုပ်ရတဲ့စာပေ ရေးသားခြင်း၊ပန်းချီဆွဲခြင်း၊ သီချင်း၊ကဗျာရေးစပ်ခြင်းတွေ၊ ဆောင်ရွက်နိင်ပါတယ်။ အနုပညာမြောက်ဖန်တီးမှု တွေကို ပြုလုပ်ဆောင်နိုင်မဲ့နေ့မျိုးလဲဖြစ်ပါတယ်။          

ဒီလိုနေ့မျိုးမှာဖြစ်တတ်တာတွေကတော့ ဘာလုပ်လုပ်အဆုံးသတ်ခါနီးကြရင်ပြဿနာပေါ်လာတတ်ပါတယ်။ သူ တစ်ပါးတွေကို အလုံးစုံ လွဲအပ်ယုံကြည်ခြင်းမျိုးလဲ မပြုလုပ်အပ်ပါဘူး။အမှားအယွင်းတွေဖြစ်ရတတ်လို့ပါပဲ။

ယနေ့တွင် အရောင်းအဝယ်ကိစ္စများ သတိရှိရမည်။ ငွေကြေးအပေးအယူကိစ္စများတွင် အငြင်းပွားရ တတ်သည်။ ကတိစာချုပ် ချုပ်ဆိုခြင်းများ မပြုရပါ။ အတွင်းရေးကိစ္စ လျှို့ဝှက်သတင်းများ ပေါက်ကြားတတ်သည်။ ဉပဒေနှင့် မကင်းသောကိစ္စမှန်သမျှ ရှောင်ကျဉ်ပါ။ တရားမဝင်သောပစ္စည်းများ အရောင်းအဝယ်ပြုရာမှ ဆုံးရှုံးနစ်နာ စရာများ ကြုံတွေ့ရတက်သည်။

ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၃၇)နာရီမှ ညနေ(၄း၂၈)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါ တယ်။

ရှောင်သင့်တာတွေကတော့ရက်ကန်းဖြစ်တာကြောင့်် မင်္ဂလာယူပြီးလုပ်ရမဲ့ကိစ္စမှန်သမျှ ရှောင်နိုင်ရင် အကောင်း ဆုံး ပါပဲ။ လက်ထပ် ထိမ်းမြားခြင်း၊ စေ့စပ်ခြင်း၊ ဆောင်ရွက်လို့ မကောင်းသေးပါဘူး။မျက်မြင်ကိုယ်တွေ့မဟုတ်ဘဲ တပါးသူပြောစကား နားဝင်ပြီးဆောင်ရွက်ပါက ဆုံးရှုံးခြင်းတွေကိုဖြစ်ပေါ်စေနိုင်ပါတယ်။

ဒီနေ့မွေး ရင်သွေးငယ်များဟာ  မရဏဖွား၊  ကန်စန်း ည(၇)နာရီ (၅၂)မိနစ်လွန် စန်း တူရာသီသို့ပြောင်းသည်။  ဓနုရာသီဖွားဖြစ်ပါသည်။ ဒီနေ့မွေးသူများဟာ အခက်အခဲတွေကိုကောင်းစွာကျော်လွှာသွားနိုင်ပါလိမ့်မယ်။ ကိုယ့် ကြောင့်မဟုတ်ဘဲ ကူညီမဲ့သူထောက်ပံ့မဲ့သူတွေပေါများတာကြောင့်ပဲ အရာရာအဆင်ပြေတတ်ပါတယ်။ ထီကံ အားကောင်းတဲ့ဇာတာဖြစ်တာမို့ မွေးစကနေ ခြောက်နှစ်အတွင်းကလေးရွေးချယ်ပေးသော ထီလက်မှတ်ကိုကံစမ်း သင့်ပါတယ်။ ကျန်းမာရေးအတွက်အနည်းငယ်စိတ်ပူပန်စရာရှိပါတယ်။ ရေလမ်းခရီးသွားခြင်း၊ရေဆော့ခြင်းနှင့် မိုးရာသီရေကြီးတတ်သောနေရာတွေမှာနေထိုင်ကြသူဆို ဒီနေ့မွေးရင်သွေးငယ်တွေကို အရွယ်မရောက်ခင်ထိဂရုစိုက် ပေးဖို့လိုပါလိမ့်မယ်။ ဘဝမှာလူမှုဆက်ဆံရေး ကောင်းရင်ကောင်းသလောက် လုပ်ငန်းတိုးတတ်နိုင်တာမို့  စကားပြော ကောင်းအောင် လေ့ကျင့်ထားဖို့၊လေ့လာထားဖို့အထူးလိုတဲ့ဇာတာရှင်တွေပဲဖြစ်ပါတယ်။

ဒီနေ့အတွက်ရာဟုကာလ အမှောင်ချိန်တွေကတော့ ညနေ(၄း၁၂)နာရီမှ ညနေ (၅း၃၆)နာရီအတွင်း ကျရောက်နေတာ ဖြစ်ပါတယ်။ ဒီအချိန်ကာလတွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။

ဒီနေ့မှာ ကံကောင်းသောနေ့သားများကတော့ တနင်္လာ၊ သောကြာ၊ စနေ သားသမီးများပဲ ဖြစ်ပါတယ်။    

ကံညံ့သော နေ့သားများကတော့ အင်္ဂါ၊ ဗုဒ္ဓဟူး၊ ရာဟု သားသမီးများပဲ ဖြစ်ပါတယ်။

ကံသင့်သောနေ့သားများကတော့ တနင်္ဂနွေ၊ ကြာသပတေး သားသမီးများပဲ ဖြစ်ပါတယ်။

ဒီနေ့မှာ အစိမ်းရင့်ရင့် နှင့် အနက်ရောင် များများပါသော အဝတ်အစားအသုံးအဆောင်ပစ္စည်းများကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်မှာ ဖြစ်ပါတယ်။

ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့်     Lucky Number တွေကတော့ (၂၊ ၉) ဂဏန်းများပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ဂွေးသီးမဆလာစား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ သာကူ ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။

#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း

နေ့စဥ် ၇ ရက်သားသမီးများအတွက် နေ့နံအလိုက် …

☯️တစ်နေ့တာကံကြမ္မာ အဆိုးအကောင်း…

☯️တစ်နေ့တာ စီးပွားရေးအလုပ်အကိုင်အခြေအနေ…

☯️တစ်နေ့တာ ကျန်းမာရေးဆိုင်ရာ သိစရာတွေ…

☯️တစ်နေ့တာ အချစ်ရေး ကံတရားများ…..

☯️တစ်နေ့တာ အိမ်ထောင်ရေး အဆိုး/အကောင်းများ…

☯️တစ်နေ့တာ ပညာရေး ရလဒ်အကြောင်းတွေ….

#ဒါအပြင်…

.🧿တစ်နေ့တာ အကျိုးပေးအရောင်များ

🧿တစ်နေ့တာ အကျိုးပေးဂဏန်းများ

🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ

🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။

နေ့စဉ်ဗေဒင်ဟောစာတမ်းများကို နားဆင်လိုပါက …

ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။  ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)

🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။

👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။

   ✍️ငြိမ်းအေးလူ(ဗေဒင်သုတေသီ)

         09775555695

Posted in Uncategorized

Leave a Reply

Your email address will not be published. Required fields are marked *