ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆုတ်(၁၂)ရက်၊ တနင်္လာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၁၉)ရက်နေ့လဲ ဖြစ်ပါတယ်။
ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ ညနေ(၅း၂၅)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
လက်သမားမြေခံ သိကြား မြေခံဖြစ်၍ ချမ်းသာသုခကို ပေးတဲ့နေ့ ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ ကောင်းပါတယ်။
ဒီနေ့ဟာတီထိမြေခံအရ ကိတ်မြေခံတဲ့နေ့ဖြစ်ပါတယ်။ ကိတ်မြေခံအရ အလုံးစုံသော စည်းစိမ်ဉစ္စာ၊ ရတာနာတို့ကို အလွယ်တကူ ရရှိပိုင်ဆိုင်ခွင့်များ ရရှိစေသောကြောင့် ခိုင်ခန့်သောအဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ ဆောင်ရွက်လို့အထူးကောင်းပါတယ်။
ဒီနေ့ဟာတီထိအရတော့လဆုတ်တီထိ၁၁လုံးပဲရှိသေးပြီးတော့ ပျော်ရွှင်ခြင်း၊စိတ်ချမ်းသာခြင်းတွေကိုပေးတဲ့ နန္ဒတီထိ ကျရောက်တဲ့နေ့ရက်ပဲဖြစ်ပါတယ်။မိမိဆရာသမားတွေဆီမှာ ၊မိမိကိုးကွယ်တဲ့ဆရာတော်ဘုရားတွေ ဆီမှာ သြဝါဒ ခံယူတာမျိုးတွေအထူး ဆောင်ရွက် လို့ကောင်းပါတယ်။
ရပ်ဝေးမှာချဲ့ထွင်ထားတဲ့အကျိုးစီးပွားတွေတိုးတတ်အောင်မြင်မယ်။ ရပ်ဝေးသွားပြီးတော့စတင်စီးပွားရှာ ခြင်းမျိုးတွေ အထူးကောင်းပါတယ်။ မိမိတို့ဆီမှာ ပြဿနာဟောင်းတွေရှိခဲ့မယ်ဆိုရင်ကောင်းစွာဖြေရှင်းသွားနိုင်ပါ လိမ့်မယ်။
ဘာသာရေးနဲ့ပတ်သက်သောကိစ္စများအထူးကောင်းပါတယ်။ ဥပုသ်သီလစောင့်တည်ခြင်းတွေ၊ဘာသာရေး နဲ့ပတ်သက်တဲ့အလှူအတန်းတွေ ဆောင်ရွက်လို့ကောင်းပါတယ်။ ဘုရားဖူးသွားခြင်းမျိုးတွေ၊ အလှူအတန်း အတွက်ခရီးသွားခြင်းမျိုးတွေလဲ ဒီနေ့မှာဆောင်ရွက်လို့ကောင်းပါတယ်။
နတ်ပူဇော်ခြင်း၊ တိုင်တည်ဆုတောင်းခြင်းတွေပြုလုပ်လို့ကောင်းတဲ့နေ့ရက်ပါပဲ၊သောကြာဂြိုဟ်ပိုင်စိုးတဲ့နေ့ ရက်ဖြစ်တာကြောင့် အသံ၊ဂီတ၊ရုပ်ရှင်နှင့် အနုပညာနဲ့နွယ်သောအလုပ်အကိုင်များဦးစားပေးဆောင်ရွက်လို့ကောင်း ပါတယ်။ လုံခြုံရေး ဝန်ထမ်းခန့်အပ်ခြင်း၊ အိမ်ခြံလုံခြုံဖို့အတွက် စည်းရိုးကာခြင်း၊cctv တပ်ဆင်ခြင်းတွေကိုလဲ အထူး ဆောင်ရွက်လို့ကောင်းပါတယ်။
ယနေ့သည် ဖြန့်ချီရေးအတွက် ရက်ကောင်းဖြစ်သည်။ ပြန့်ပွားလိုသောပစ္စည်းများ ဖြန့်ချီရန် ရက်ကောင်း ဖြစ်သည်။ သဗ္ဗသတ္တသိဒ္ဓိယုဂ် ရရှိသောနေ့ရက်ဖြစ်သည်။ အလုံးစုံသော အခက်အခဲပြဿနာများကို ဖြေရှင်း အောင်မြင်နိုင်ပါသည်။ မင်္ဂလာကိစ္စများ ဆောင်ရွက်နိုင်သည်။ ဘာသာရေးကိစ္စများ မြင့်မြတ်သော အလှူမင်္ဂလာကိစ္စ များ ဆောင်ရွက်ရန် အခါကောင်း ကျရောက်နေပါသည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၃၃)နာရီမှ ညနေ(၄း၂၄)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ အဓိပတိဖွား၊ တူစန်း၊ ဓနုရာသီဖွားဖြစ်ပါသည်။ဒီနေ့မွေးသူများဟာ အခက်အခဲတွေ ရှိနေရင်တောင်မှာ မိမိအတွက်ထက်အများအတွက်ကိုသာဦးစားပေးကြည့်ကြသူတွေဖြစ်ပါတယ်။ ငွေကံအားကောင်း ကြပြီးတော့ စွန့်စွန့်စားစားနဲ့ စီးပွားရှာရတာကိုသဘောကျသူတွေဖြစ်ပါတယ်။ လွတ်လပ်မှုူကိုသဘောကျပြီးတော့ စည်းကမ်းတွေ၊ဘောင်တွေ၊တင်းကြပ်မှုတွေကိုမကြိုက်ကြသူတွေဖြစ်ပါတယ်။ လုပ်ငန်းစီးပွားရေးနဲ့ ပတ်သက်ပြီးကံ အကောင်းဆုံးအချက်က မိမိဝါသနာအပါဆုံးအလုပ်နဲ့ပဲအသက်မွေးခွင့်ရကြသူတွေဖြစ်ပါတယ်။ သတိထားရမှာက မိဘတွေနဲ့ အတိုက်အခံလုပ်မိရင်ကံညံ့တတ်တဲ့ဇာတာတွေဖြစ်တာမို့ မိဘလူကြီးတွေနဲ့ သတိထားဆက်ဆံဖို့လိုတာကို တွေ့ရပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၇း၅၂)နာရီမှ နံနက်(၉း၁၆)နာရီအတွင်း ကျရောက်နေတာ ဖြစ်ပါတယ်။ ဒီအချိန်ကာလတွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများကတော့ တနင်္ဂနွေ၊ အင်္ဂါ၊ ဗုဒ္ဓဟူး၊ ရာဟု၊ ကြာသပတေး၊ သောကြာ သားသမီးများပဲ ဖြစ်ပါတယ်။
ကံညံ့သော နေ့သားကတော့ တနင်္လာ သားသမီးပဲ ဖြစ်ပါတယ်။
ကံသင့်သောနေ့သားကတော့ စနေ သားသမီးပဲ ဖြစ်ပါတယ်။
ဒီနေ့မှာ အနက်ရောင် များများပါသော အဝတ်အစား၊ အသုံးအဆောင်ပစ္စည်းများကို အထူးအလေးထား ဝတ်ဆင် သုံးစွဲခြင်းဖြင့် ကံကြမ္မာရဲ့အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၆၊၀၊၄) ဂဏန်းများပဲ ဖြ့စ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ထိုးမုန့်စား သွားပါ။ပိုမို အဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ပဲထမင်း ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695