ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆုတ်(၁၃)ရက်၊ အင်္ဂါနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၂၀)ရက်နေ့လဲ ဖြစ်ပါတယ်။
ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ ညနေ(၅း၂၅)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်မြောက်အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
လက်သမားမြေခံ ဝက် မြေခံဖြစ်၍ ပျက်စီးခြင်းကို ပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် အထူးရှောင်ကျဉ်သင့်တဲ့ နေ့ရက်ဖြစ်ပါတယ်။
ဒီနေ့ဟာတီထိမြေခံအရ ရာဟုမြေခံတဲ့နေ့ဖြစ်ပါတယ်။ ရာဟုမြေခံအရ ရန်အနှောက်အယှက်များပေါများခြင်း၊ ခိုက်ရန်ဖြစ်ခြင်း၊ အချုပ်အနှောင်ခံရတတ်ခြင်း စသောအကျိုးကို ရရှိစေသောကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့်အဆောက်အဦးတွေ စတင်ဆောက်လုပ် တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင်သင့်ပါသည်။
ဒီနေ့ဟာ တီထိအရတော့ လဆုတ်တီထိ၁၂လုံးပဲရှိသေးပြီး ကံကောင်းခြင်း၊ကျော်ကြားခြင်းတွေကိုပေးတဲ့ဘဒြာတီထိ ကျရောက်တဲ့နေ့ရက်ပဲဖြစ်ပါတယ်။ဒါကြောင့်ဒီလိုနေ့ရက်တွေမှာတော့ အလှူအတန်းကိစ္စများပြုနိုင်ပါတယ်။ စာရွက်စာတမ်းလက်မှတ်ထိုးခြင်းတွေအလွန်ကောင်းပါတယ်။ လူမျိုးကွဲနဲ့တိုက်ရိုက်ဆက်ဆံလုပ်ကိုင်ရသောအလုပ် တွေ ကောင်းကျိုးရရှိပါလိမ့်မယ်။ လက်မှုပစ္စည်းများ၊အနုပညာပစ္စည်းများရောင်းချလို့ကောင်းတဲ့နေ့ရက်ပါပဲ။ အသက်မွေးမှုနှင့်ဆိုင်သောအတတ်ပညာများစတင်လေ့လာလို့ကောင်းပါတယ်။
ပညာရေးဝန်ဆောင်မှုများ၊စာတမ်းဖတ်ပွဲများ၊ အလုပ်ရုံဆွေးနွေးပွဲများ၊ ဟောပြောပွဲများကျင်းပနိုင်သလို ပညာစတင်သင်ယူလို့ကောင်းတဲ့နေ့မျိုးလဲဖြစ်ပါတယ်။ ပင်လယ်စာနှင့် ရေထွက်ပစ္စည်းများရောင်းဝယ်ခြင်းတွေ၊ အလှပြင်ဆိုင်၊ဆံသဆိုင်အသစ်များ ဖွင့်လှစ်ခြင်းတွေဆောင်ရွက်လို့ကောင်းတဲ့နေ့ရက်လဲဖြစ်ပါတယ်။
လုပ်ငန်းခွင်အတွင်း သုံးစွဲနေတဲ့ အသုံးအဆောင်ပစ္စည်းများကိုအသစ်အစားထိုးမယ်ဆိုရင် ဒီနေ့မှာဆောင် ရွက်လို့ကောင်းပါတယ်။အမှုအခင်းပြဿနာတွေကိုလဲ ရင်ဆိုင်ဖြေရှင်းရန်ကောင်းသောနေ့ရက်ဖြစ်ပါတယ်။ မိမိသိ လိုတဲ့သတင်းအချက်အလက်များကို စုံစမ်းရန်ကောင်းတဲ့ရက်လဲဖြစ်ပါတယ်။
လုပ်ငန်းနဲ့ပတ်သက်ပြီးတော့ အားရစရာကောင်းတဲ့အချက်တွေရှိပါလိမ့်မယ်။ ဒါအပြင် ငြိမ်းချမ်းသော ဆက်နွယ် သောကိစ္စမှန်သမျှလဲ ဆောင်ရွက်လို့ကောင်းပါတယ်။ ကလေးငယ်တွေကိုအာ ဟာရစတင်ကျွေး မွေးခြင်းတွေ၊ သက်ကြီးရွယ်အိုတွေကိုဖြည့်စွက်စာစတင်မှီဝဲခြင်းတွေဆောင်ရွက်နိုင်ပါတယ်။
အစိုးရ၊ရာဇမင်းထံ ဝင်ထွက်သွားလာလို့မကောင်းသေးပါဘူး။အဆင်ပြေအောင်မြင်နေသူတွေ၊ လူကြီးအပစားပေး ခံထားရသူတွေသတိထားရမဲ့နေ့ပါ။ အုပ်စုဖွဲ့ချောက်ချခြင်းခံရတတ်ပါတယ်။ အပျိုလူပျိုများ အနေအထိုင်အသွား အလာဆင်ခြင်ပါ။ မိမိကိုနှစ်သက်ပြီး အပိုင်ကြံချင်သူတွေရဲ့ ထောင်ချောက်ထဲသကဆင်းရတတ်ပါတယ်။
ယနေ့တွင် အရာရာ သတိရှိရမည်။ မင်္ဂလာကိစ္စများ ဆောင်ရွက်နိုင်မည်။ အလှူအတန်းကိစ္စများ ဆောင်ရွက် နိုင်သည်။ ငွေရေးကြေးရေးကိစ္စများနှင့် ပတ်သက်၍ ဖြစ်သော ပြဿနာအခက်အခဲများကို ကောင်းစွာ ဖြေရှင်းနိုင်မည်။ ရပ်တန့်နေသောကိစ္စများ ပြန်လည်စတင်နိုင်မည်။ အပျက်အစီးများ ပြန်လည်ပြုပြင်ရန် ရက်ကောင်း ဖြစ်သည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၂၉)နာရီမှ ညနေ(၄း၂၀)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ရာဇဖွား၊ တူစန်း၊ ဓနုရာသီဖွားဖြစ်ပါသည်။ဒီနေ့မွေးသူများဟာ အများအားဖြင့်တရား မျှတသူတွေဖြစ်ပါတယ်။ မတရားတာကို လက်ပိုက်ကြည့်မနေတတ်သူတွေဖြစ်ပါတယ်။ အကောင်းဆုံးလုပ်မယ် ဘယ်သူကိုမှ မဖားဘူးဆိုတဲ့ စိတ်ဓာတ်တွေကြောင့် ဝန်ထမ်းလခစားအလုပ်တွေနဲ့ အံဝင်ခွင်ကျဖြစ်ဖို့မလွယ်သလို အလုပ်ကိုအကောင်းဆုံးလုပ်တတ်သူမို့ သူများအလုပ်လုပ်လဲ သူဌေးကိုလုပ်ကျွေးသလိုဖြစ်ပြီး မိမိတို့ကို ပြန်လည် ကြည့်ရှုတာမျိုးမတွေ့ရပါဘူး။ ဒါကြောင့်ပဲ ဒီနေ့မွေးရင်သွေးငယ်ရဲ့ မိဘတွေက သားသမီးကို ကိုယ်ပိုင်စီးပွားရေးသမား ဖြစ်အောင် လမ်းပြပေးခြင်း၊ အထောက်အပံ့ပေးခြင်းဆောင်ရွက်ပေးဖို့လိုပါတယ်။ ကိုယ်ကျွမ်းတဲ့ ပညာရပ်ရယ်၊ကိုယ် တိုင်ရဲ့အနာဂတ်ကို မှန်းဆနိုင်တဲ့ ဥာဏ်ကြီးမှုရယ်ကြောင့် တစ်နေ့မှာထိပ်ဆုံးရောက်အောင်မြင်ပါလိမ့်မယ်။ မိဘက ဘာမှsupport မလုပ်ဘဲ ငွေရဖို့ပဲကြုံရာလုပ်နေရရင်တော့ အောင်မြင်ဖို့ လွယ်ကူမည်မဟုတ်ပါ။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၂း၅၀)နာရီမှ ညနေ(၄း၁၃)နာရီအတွင်း ကျရောက်နေတာ ဖြစ်ပါတယ်။ ဒီအချိန်ကာလတွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြု တာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများကတော့ ကြာသပတေး၊ စနေ သားသမီးများပဲ ဖြစ်ပါတယ်။
ကံညံ့သော နေ့သားများကတော့ တနင်္လာ၊ သောကြာ သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ အင်္ဂါ၊ ဗုဒ္ဓဟူး၊ ရာဟု သားသမီးများပဲ ဖြစ်ပါတယ်။
ဒီနေ့မှာ အနက်ရောင် နှင့် နီညိုရောင် များများပါသော အဝတ်အစား၊ အသုံးအဆောင်ပစ္စည်းများကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၄၊ ၃) ဂဏန်း များပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ ဝါးတူလေးတစ်ချောင်း ဆောင် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ နာနတ်ယို ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695