ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလဆန်း(၄)ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၂၅)ရက်၊ခရစ္စမတ်နေ့လဲ ဖြစ်ပါတယ်။
ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ ညနေ(၅း၂၅)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်က တောင်အရပ် ဖြစ်ပါတယ်။
လက်သမားမြေခံ နဂါး မြေခံဖြစ်၍ ပျက်စီးဆုံးရှုံးရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် မသင့်ပါ။
တီထိမြေခံ အရမနက်၉နာရီခွဲထိ မြေခံမကောင်းတာမို့အိုးအိမ်ဆောက်လုပ်၊တိုင်ထူ၊ ပန္နက်ရိုက်ရှောင်သင့်ပါ တယ်။ မနက် ၉နာရီခွဲနောက်ပိုင်းတနင်္လာ မြေခံဖြစ်တာမို့ လုပ်ကိုင် လိုက်သော လုပ်ငန်းများမှန်သမျှ အကျိုးအမြက်ကြီးကြီး မားမားရရှိကြွယ်ခြင်း၊ ချမ်းသာခြင်း၊ စည်းစိမ်ဉစ္စာ တိုးပွား ခြင်းများ အထူးပင်ရရှိစေနိုင်တာကြောင့် ခိုင်ခန့်တဲ့ အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက် လုပ်တာ တိုင်ထူတာပန္နက်ရိုက်တာမျိုး တွေ အထူးဆောင်ရွက် သင့်ပါတယ်။
ဒီနေ့ဟာ မဟာရက်ကြမ်း၊ သမားညို၊ ရှမ်းရက် ကျရောက်နေတာဖြစ်ပါတယ်။
ဒီနေ့ဟာ တီထိအရတော့ နံနက် ၉နာရီခွဲထိကံကောင်းခြင်းတွေကိုဖြစ်ပေါ်စေတဲ့ ဘဒြာတီထိကျရောက်တဲ့နေ့ရက် ဖြစ်ပါတယ်။ကျော်ရင်တော့ လဆန်းတီထိ ၃လုံး ဇယာတီထိကိုကူးပြောင်းသွားပါတယ်။ဒီလိုနေ့မျိုးမှာတော့ စိတ်ချမ်းမြေစရာများ၊အဆင်ပြေအောင်မြင်မှုများပြည့်နှက်နေတတ်ပါတယ်။ ခရီး ကိစ္စ စီစဉ်ဆောင်ရွက် ခြင်း၊စတင် ထွက်ခွာခြင်းတွေဆောင်ရွက်လို့ကောင်းပါတယ်။ရုတ်တရက်ထလုပ်လိုက်တဲ့ ကိစ္စများမှကောင်းကျိုး တွေကိုရရှိစေ ပါ လိမ့်မယ်။
အထည်လိပ်လုပ်ငန်း၊အဝတ်အစားဖက်ရှင်နဲ့ပက်သက်သောလုပ်ငန်းများတိုးတတ်ပါလိမ့် မယ်။ အုပ်ချုပ်မှုနှင့်ဆိုင် သောလုပ်ငန်းများ၊ဘဏ္ဍာရေးနှင့်ဆိုင်သောလုပ်ငန်းများလဲ အထူးတိုးတတ်နိုင်တာကိုတွေ့ ရပါတယ်။ အိမ်တွင်း အလှဆင်ခြင်း၊မိမိဆိုင်ကိုပြင်ဆင်ခြင်း၊ ရုံးခန်းအလှဆင်ခြင်းများဆောင်ရွက်သင့်တဲ့နေ့တစ်နေ ဖြစ်ပါတယ်။
ကျန်းမာစေဖို့ ဆောင်ရွက်တဲ့ကိစ္စမှန်သမျှအဆင်ပြေချောမွေ့လိမ့်မယ်။ ဂျင်စတင်ဆော့ကစားတာမျိုးဒီနေ့မှာ စတင် ဆောင်ရွက်လိုက်မယ်ဆို ရေရှည်လုပ်ဖြစ်သွားတတ်ပါတယ်။ ရောဂါသည်များ မိမိကုသလိုတဲ့ဆရာဝန်တွေနဲ့ ကုသ ခွင့်ရလာတတ်ပါတယ်။ဓာတ်သတ္တုများ၊ကျောက်မျက်ရတနာများစတင်တူးဖော်ခြင်းတွေ အထူးကောင်းပါတယ်။ နာမည်ပေးကင်ပွန်းတပ် ခြင်းတွေဆောင်ရွက်ကို့အထူးကောင်းပါတယ်။ ပျိုးကျဲခြင်း၊ မျိုးစေ့ချခြင်းမျိုးတွေလဲ ဆောင် ရွက်နိုင်ပါတယ်။
တစ်ကိုယ်ရေသန့်ရှင်းရေးကို အသေအချာလုပ်ဆောင်ပါ။ အမွှေးနံ့သာဆွတ်ဖြန်းပါ။ မွှေးပျံ့နေလေ ကံကောင်းလေ ပါပဲ။ တပည့်မွေးခြင်း၊ သင်တန်းဖွင့်ခြင်းများ စတင်ဆောင်ရွက်လို့ကောင်းတဲ့နေ့ရက်ပါပဲ။ ငွေကြေးနဲ့ပတ်သက် သော ရင်းနှီးမြုပ်နှံခြင်းများ ဒီနေ့မှာဆောင်ရွက်နိုင်ပါလိမ့်မယ်။
စက်ကားနှင့်ယန္တရားမောင်းနှင်သူများကတော့ဒီနေ့မှာသတိရှိစေချင်ပါတယ်။ သတိလက်လွတ်ဖြစ်ရပြီးအမှားအ ယွင်းများပါတယ်။ အိမ်ထောာင်သည်အမျိုးသားများ အိမ်ထောင်ဘက်အပေါ်စိတ်ကုန်ခြင်းတွေ၊စိတ်ပျက်ခြင်းတွေ ဖြစ်နေတတ်ပါတယ်။ လက်ရှိအဆင်ပြေနေတဲ့အလုပ်တွေကိုစွန့်ခွာပြီး နောက်အသစ်တစ်ခုလုပ်သူများအခက်အခဲ များစေနိုင်ပါတယ်။ လောကီစီးပွားတွေ ဝိသမလောဘနဲ့ရှာလေ ကံဆိုးလေပါပဲ။
ယနေ့တွင် တောင်တက်ခရီးများ သွားလာခြင်းမပြုရ။ ခေါင်းဆေး၊ ခေါင်းလျှော်ပြုလျှင် ဘုန်းကံကြီးမားမည်။ မြောက်အရပ်သို့ ခရီးသွားလာစဉ် အန္တရာယ်ရှိတတ်သည်။ နံနက်(၁၀း၃၀)နာရီမှ မွန်းတည့် (၁၂း၀၀)နာရိကြားကာလ များတွင် မတော်တဆ ထိခိုက်မှုအန္တရာယ် ဂရုစိုက်ရမည်။ သဗ္ဗသတ္တသိဒ္ဓိယုဂ်ရရှိသော နေ့ဖြစ်သည်။ အလုံးစုံသော ပြဿနာအားလုံးတို့ကို ဖြေရှင်းအောင်မြင်နိုင်ရန် အခါကောင်းကျရောက်နေပါသည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၀၉)နာရီမှ ညနေ(၄၀၁)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ မရဏဖွား၊ ဓနုစန်း နံနက်(၇)နာရီ (၂၉)မိနစ်လွန် စန်းမကာရရာသီသို့ ပြောင်းသည်။ ဓနုရာသီဖွားဖြစ်ပါသည်။ဒီနေ့မွေးသူများဟာ အတိတ်ကံကြောင့် ပစ္စပ္ပုန်ကံအားကောင်းနေတာကိုတွေ့ရပါတယ်။ အတိတ်ရဲ့ဒါနအားကြောင့် လက်ရှိဘဝမှာ ထီပေါက်ခြင်း၊အမွေအနှစ်ရရှိခြင်း၊ကူညီမဲ့သူပေါများခြင်း၊စတဲ့အချက်တွေ ကိုကြုံရတတ်ပါတယ်။ ငွေကံအားကောင်းတာမို့ ကိုယ်ကသာ ပညာ၊လုပ်အားစိုက်ထုတ်မယ်ဆိုရင်တော့ ငွေရင်းနှီးမဲ့သူ တွေပေါများကြပါတယ်။ မွေးစနေ အသက် ၆နှစ်အတွင်း တစ်ကြိမ်၊ အသက် ၃၀ကနေ အသက် ၄၆အတွင်းတစ်ကြိမ် ကံကောင်ခြင်း၊အဆင်ပြေခြင်း၊ ငွေအစုလိုက်ဝင်ခြင်း၊လုပ်ငန်းတိုးတတ်ခြင်းတွေကိုကြုံရပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ (၄း၁၆)နာရီမှ ညနေ (၅း၃၉)နာရီအတွင်း ကျရောက် နေတာ ဖြစ်ပါတယ်။ ဒီအချိန်ကာလတွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများကတော့ တနင်္လာ၊ ကြာသပတေး၊ သောကြာ သားသမီးများပဲ ဖြစ်ပါတယ်။
ကံညံ့သော နေ့သားများကတော့ အင်္ဂါ၊ စနေ သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ ရာဟု၊ ဗုဒ္ဓဟူး သားသမီးများပဲ ဖြစ်ပါတယ်။
ဒီနေ့မှာ ကြေးနီရောင် နှင့် အပြာနုရောင် များများပါသော အဝတ်အစား၊ အသုံးအဆောင်ပစ္စည်းများကို အထူး အလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၁၊၉၊၂) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ခရမ်းချဉ်သီးသုပ်စား သွား ပါ။ပိုမိုအဆင်ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ခေါက်ဆွဲကြော် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။