ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလဆန်း(၅)ရက်၊ တနင်္လာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၂၆)ရက်နေ့လဲ ဖြစ်ပါတယ်။
ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ညနေ(၅း၂၅)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။
လက်သမားမြေခံ ဂဠုန် မြေခံဖြစ်၍ ကြီးပွားချမ်းသာရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
ဒီနေ့ဟာတီထိမြေခံအရ တနင်္ဂနွေမြေခံတဲ့နေ့ဖြစ်ပါတယ်။ တနင်္ဂနွေ မြေခံတဲ့နေ့ဖြစ်တာကြောင့် ဒီနေ့မှာ ဘာလုပ် လုပ် အထူးသတိထားလုပ်ကိုင်သင့်သော အချိန်ကာလမျို;ဖြစ်တာမို့ ခိုင်ခန့်တဲ့အဆောက်အဦး တွေ၊ကျောင်း တွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာ ပန္နက် ရိုက်တာမျိုး တွေ အထူးရှောင်သင့်ပါတယ်။
ဒီနေ့ဟာ ရက်ကန်း၊သမားညို ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လဆန်းတီထိ ၄လုံးဖြစ်ပြီးတော့အလုပ်ခန်းအသစ် စတင်ဖွင့်လှစ်ခြင်းတွေဆောင်ရွက်လို့ ကောင်းပါတယ်။အရောင်းအဝယ်ကိစ္စမှန်သမျှအဆင်ပြေချောမွေ့ပါလိမ့်မယ်။ ဝေးကွားနေတဲ့သူတွေနဲ့ပြန်လည် ဆုံ ဆည်းခွင့်တွေရလာတတ်ပါတယ်။ ဆိုင်းငံ့ထားတဲ့ကိစ္စများလဲ ပြန်လည်ဆောင် ရွက်ရန်အချိန်အခါသင့်သည်။
လျှပ်စစ်နဲ့ဆိုင်သောလုပ်ငန်းများ၊စီးပွားရေးများတိုးတတ်ကောင်းမွန် နေတာကိုတွေ့ရပါလိမ့်မယ်။ အနိဋ္ဌ သဘော ဆောင်တဲ့နေ့ရက်ဖြစ်တာကြောင့် စစ်လက်နက်များ၊ဓားလှံလက်နက် များအရက်ဖျော်ယာမကာများ ထုတ် လုပ် လို့အထူးကောင်းပါတယ်။ တရားခံအားအပြီးသတ်အမိန့်ချမှတ်ခြင်းမျိုး၊ ရန်သူ့စခန်းအားအပြီးသတ်ချေမှုန်း တာမျိုး တွေ ဆောင်ရွက်လို့ကောင်းတဲ့နေ့ပါပဲ။
သားသတ်လုပ်ငန်းများ၊လောင်းကစားဆန်ဆန်လုပ်ငန်းများလဲ အထူးဆောင်ရွက်နိုင်ပါလိမ့်မယ်။ သစ်ပင်ပန်းမန် တွေကို ပိုးသတ်ဆေးဖြန်းခြင်း၊ အင်းဆက်ပိုးတွေကို အဆိပ်ခပ်ခြင်းများလဲအထူးပဲဆောင် ရွက်နိုင်ပါလိမ့်မယ်။ စပါးကျီသွင်းခြင်း၊ ပစ္စည်းလှောင်ခြင်း၊ ဂိုထောင်သွင်းခြင်းများပြုလုပ်နိုင်တဲ့နေ့ရက်ပဲဖြစ်ပါတယ်။
မီဒီယာလုပ်ငန်းများစတင်ခြင်း၊ ရုပ်သံချန်နယ်များစတင်လိုင်းလွှင့်ခြင်း၊စာပေတိုက်တွေစတင်ဖွင့််လှစ်ခြင်း များလဲ အထူးကောင်းပါတယ်။ဒီနေ့ဟာရေနံစူးစမ်းရှာဖွေတာ၊ရွှေနှင့်သတ္တုတူးဖော်တာမျိုးတွေအထူးဆောင်ရွက် နိုင်ပါတယ်။ စစ်လက်နက်ဖောက်ခွဲခြင်းတွေ၊ ခဲယမ်းလက်နက်ဖောက်ခွဲခြင်းတွေအထူးဆောင်ရွက်နိုင်မဲ့နေ့ပါပဲ။
သတိထားရမှာကအောင်မြင်နေတဲ့သူတွေ အဆင်ပြေနေတဲ့သူတွေသတိထားရပါလိမ့်မယ်။ မနာလိုသူပေါ ပြီးအတိုက်အခံခံရတတ်ပါတယ်။စက်ပစ္စည်းဝယ်မယ်ဆိုရင်လဲသတိထားပါ။ အနာအဆာပါလာတတ်ပါတယ်။ အောက်လက်ငယ်သားတွေကြောင့် မိမိဒုက္ခရောက်ရတတ်ပါတယ်။ အစားမှား၊ဆေးမှားဖြစ်တတ်ပါတယ်။ အစား အသောက်တွေကိုဆင်ခြင်စားပါ။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၀၅)နာရီမှ ညနေ(၃း၅၇)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ရှောင်သင့်တာတွေကတော့ရက်ကန်းဖြစ်တာကြောင့်် မင်္ဂလာယူပြီးလုပ်ရမဲ့ကိစ္စမှန်သမျှ ရှောင်နိုင်ရင် အကောင်း ဆုံး ပါပဲ။ လက်ထပ် ထိမ်းမြားခြင်း၊ စေ့စပ်ခြင်း၊ ဆောင်ရွက်လို့ မကောင်းသေးပါဘူး။မျက်မြင်ကိုယ်တွေ့မဟုတ်ဘဲ တပါးသူပြောစကား နားဝင်ပြီးဆောင်ရွက်ပါက ဆုံးရှုံးခြင်းတွေကိုဖြစ်ပေါ်စေနိုင်ပါတယ်။
ဒီနေ့မွေး ရင်သွေးငယ်များဟာ အဓိပတိဖွား၊ မကာရ စန်း၊ ဓနုရာသီဖွားဖြစ်ပါသည်။ဒီနေ့မွေးသူများဟာ ဘဝမှာ အဆင်ပြေတာများတယ်။ အခက်အခဲနည်းပါးပါတယ်။ ဘဝအောင်မြင်မှုကို ငယ်ငယ်ရွယ်ရွယ်နဲ့ရရှိတတ်ကြသူတွေ ဖြစ်ပါတယ်။ကျန်းမာရေးအားကောင်းနေပြီးတော့ တော်ရုံဖျားနာတာမျိုးတွေဖြစ်လေ့မရှိပါဘူး။ စက်ပစ္စည်းနဲ့ဆက် နွယ်သောအလုပ်များ၊အင်ဂျင်နီယာအလုပ်များ၊အီလက်ထရောနစ်အလုပ်များနဲ့ အောင်မြင်နိုင်ကြသူတွေဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၇း၅၂)နာရီမှ နံနက်(၉း၁၆)နာရီအတွင်း ကျရောက်နေတာ ဖြစ်ပါတယ်။ ဒီအချိန်ကာလတွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ကံကောင်းသောနေ့သားများ တနင်္ဂနွေ၊ အင်္ဂါ၊ သောကြာ သားသမီးများပဲဖြစ်ပါတယ်။
ကံညံ့သော နေ့သား ဗုဒ္ဓဟူး၊ ရာဟု၊ ကြာသပတေး သားသမီးများပဲဖြစ်ပါတယ်။
ကံသင့်သောနေ့သားများ တနင်္လာ၊ စနေ သားသမီးများပဲဖြစ်ပါတယ်။
ဒီနေ့မှာ အပြာနုရောင်၊ မီးခိုးရောင် များများပါသော အဝတ်အစား၊ အသုံးအဆောင်ပစ္စည်းများကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၂၊ ၉)
ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ဆီးယိုစား သွားပါ။ပိုမို အဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ သင်္ဘောသီး ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။