loading

4.January.2023 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများ

  • Home
  • Blog
  • 4.January.2023 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများ

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလဆန်း(၁၄)ရက်၊ ဗုဒ္ဓဟူးနေ့ ဖြစ်ပါတယ်။

ခရစ်နှစ် ၂၀၂၃ခုနှစ်၊ဇန်နဝါရီလ(၄)ရက်နေ့လဲ ဖြစ်ပါတယ်။

ဒီနေ့နံနက်(၅:၅၆)နာရီမှာအရုဏ်တတ်ပါတယ်။နေထွက်ချိန်နံနက်(၆:၄၄)နာရီဖြစ်ပြီး၊ညနေ(၅:၂၇)နာရီမှာ နေဝင်ပါ တယ်။

ဒီနေ့မှာ ဆောင်သင့်တဲ့လာဘ်နေအရပ်က တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က မြောက်အရပ် ဖြစ်ပါတယ်။ စန်းပွင့်ရာအရပ်က တောင်အရပ် ဖြစ်ပါတယ်။

လက်သမားမြေခံ ဂဠုန် မြေခံဖြစ်၍ ကြီးပွားချမ်းသာရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။

ဒီနေ့ဟာတီထိမြေခံအရ  တနင်္လာမြေခံတဲ့နေ့ဖြစ်ပါတယ်။ တနင်္လာမြေခံ ဖြစ်တဲ့အတွက် ဒီနေ့မှာ လုပ်ကိုင် လိုက် သော လုပ်ငန်းများမှန်သမျှ အကျိုးအမြက်ကြီးကြီးမားမားရရှိကြွယ်ခြင်း၊ ချမ်းသာခြင်း၊ စည်းစိမ်ဉစ္စာ တိုးပွား ခြင်းများ အထူးပင်ရရှိစေနိုင်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ် မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးဆောင်ရွက် သင့်ပါတယ်။

ဒီနေ့ဟာ လူ့ပြည်ပြဿဒါးကျရောက်တဲ့နေ့ရက်ဖြစ်ပါတယ်။

ဒီနေ့ဟာ တီထိအရတော့ လဆန်းတီထိ(၁၃)လုံး ကျရောက်နေ၍ အောင်မြင်ခြင်းကို ပေးတဲ့နေ့ ဖြစ်ပါတယ်။ စာပေ အနုပညာလုပ်ငန်းများ၊ခရီးသွားခြင်း၊အသင်းအဖွဲ့များတွင် ဝင်ရောက်ခြင်းများ ၊ အဝတ်အစားနဲ့ပတ်သက်  သမျှ ဆောင်ရွက်လို့ကောင်းခြင်းတွေ ကြုံရမဲ့နေ့ရက်ဖြစ်ပါတယ်။

ဒီနေ့ဟာ ရောဟဏီနက္ခတ်နဲ့တိုက်ဆိုင်နေတာမို့ ဒီနက္ခတ်ဟာ အထက်မျှော်နက္ခတ်ဖြစ်ပါတယ်။ ဘုရားတည်ခြင်း များ၊ အနေကဇာတင်ခြင်းများ၊ထီးတင်ခြင်းများ၊နတ်ကွန်းတည်ခြင်း၊အုတ်တံတိုင်းခတ်ခြင်း၊ ကြော်ငြာဆိုင်းဘုတ်တင် ခြင်းတွေ အထူးဆောင်ရွက်နိုင်သလို ရေရှည်တည်တံ့သောကိစ္စများလဲ ဆောင်ရွက်နိုင်ပါတယ်။နှစ်ရှည်ပင်စိုက်ချင် တာမျိုးတွေလဲ ဒီနေ့မှာဆောင်ရွက်နိုင်ပါတယ်။

ဒီနေ့ဟာ သုဘယုဂ်၊သုက္ကယုဂ်တွေဖြစ်တာမို့ အလိုဆန္ဒပြည့်ဝဖို့ကိစ္စများ ကုသိုလ်မင်္ဂလာကိစ္စများဆောင်ရွက်နိုင်သလို မေတ္တရေးကိစ္စတွေ၊ချစ်ခြင်းတိုးအောင်လုပ်ကိုင်ခြင်းကိစ္စတွေအဆင်ပြေရန်ဆောင်ရွက်လို့ကောင်းတဲ့ နေ့ဖြစ်ပါ တယ်။

ဒီနေ့ဟာလုပ်သမျှ၊ကိုင်သမျှအားလုံးကိုအထူးသတိရှိရမည့်နေ့ရက် ဖြစ်နေပါတယ်။ ဒီနေ့တွင် သတင်းအချက် အလက် များ စုစည်းနိုင်မည်။ ရန်အတိုက်အခံများအားလုံးကို ရင်ဆိုင်ဖြေရှင်းနိုင်မည်။ မွန်းလွဲ(၁း၃၅)နာရီမှ ညနေ (၃း၃၆) နာရီအတွင်း အကြံအစည်၊ ရည်ရွယ်ချက်တို့ကို ဆောင်ရွက် အောင်မြင်နိုင်မည်။ ကြွေးမြီးဟောင်းနှင့် ရပိုင် ခွင့်များကို ပြန်လည်တောင်းခံနိုင်မည်။

ယနေ့အတွက်ကောင်းသော  အဘိဇိတိံသိယ အချိန်ကာလတွေကတော့…မနက် ၆နာရီ ကနေ မနက်၇နာရီအတွင်း ဖြစ်ပါတယ်။ ဒီအချိန် ကာလအတွင်းက တော့ အရေးကြီး သောကိစ္စများ၊ဆုံးဖြတ်ချက်ချရသောကိစ္စများ၊ မင်္ဂလာ ကိစ္စများ၊ကောင်းမွန် သော ကိစ္စ များ၊ ကိစ္စ တစ် ခုခုစတင်ခြင်းများ ဆောင်ရွက်နိုင်ပါတယ်။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၂:၂၅)နာရီမှ ညနေ (၃:၁၆)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်းများ ကြုံ လာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

ဒီနေ့မွေး ရင်သွေးငယ်များဟာ  အထွန်းဖွား၊  ပြိဿစန်း၊  ဓနုရာသီဖွားဖြစ်ပါသည်။ဒီနေ့မွေးသူများဟာ အနစ်နာခံကြ သူတွေများပါတယ်။မိသားစုအတွက် အကောင်းဆုံးထမ်းရွက်သူအဖြစ်တွေ့ရတယ်။ ဒီနေ့မွေးသူဟာ အကြီးဆုံးသား သမီးတွေဖြစ်တယ်ဆိုရင်တော့ ညီညီမတွေအတွက် အနစ်နာခံကြရသူတွေများပါတယ်။ငွေကြေးကံအားကောင်းကြ သူတွေဖြစ်ပြီးတော့ အိုင်တီနည်းပညာအလုပ်တွေနဲ့ အောင်မြင်ကြနိုင်ပါတယ်။ ဝန်ထမ်းလခစားအကျိုးမပေးပါဘူး။ အတွေ့အကြုံရဖို့ ဝန်ထမ်းခဏတာလုပ်တာကလွဲရင် ကိုယ်ပိုင်စီးပွားသာလုပ်သင့်ပါတယ်။ ကျန်းမာရေးအားကောင်း ကြသူတွေဖြစ်ပြီး ဆွေမျိုးသားချင်းမိသားစုဝင်တွေထဲမှာနိုင်ငံရပ်ခြားနဲ့အချိတ်အဆက်ရှိသူပါခဲ့ရင် ဒီကလေးကိုနိုင်ငံ ခြားမှာ ပညာသင်ဖို့ ၊နိုင်ငံခြားမှာစီးပွားရှာဖို့ ထည့်သွင်းစဉ်းစားသင့်ပါတယ်။ နိုင်ငံခြားကံအထူးအကျိုးပေးသလို တကယ်ကြိုးစားမယ်ဆိုရင် ဘာသာစကား ၃မျိုးလောက်ထိ တတ်မြောက်နိုင်ကြသူတွေဖြစ်ပါတယ်။

ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၁၂:၁၀) နာရီမှ မွန်းလွဲ(၁:၃၄)နာရီအတွင်း ကျရောက်နေ ပါတယ်။ဝါရ အဆိပ်သင့်ချိန်ကတော့ည၇နာရီကနေ ည၈နာရီခွဲအတွင်းဖြစ်ပါတယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်စေချင်ပါတယ်။

လူ့ပြည်ပြဿဒါးကျရောက်တဲ့နေ့ရက်ဖြစ်တာကြောင့် မင်္ဂလာကိစ္စတွေမှန်သမျှရှောင် သင့်ပါတယ်။ လက်ထပ်ခြင်း ၊ရုံးတတ်လက်မှတ်ထိုးခြင်း၊စေ့စပ်ခြင်း၊မင်္ဂလာစကားပြောခြင်းများလဲအထူးရှောင်သင့်ပါတယ်။အရေးကြီးတဲ့ကိစ္စတွေ ကိုရှောင်သင့်ပါတယ်။

ကံကောင်းသောနေ့သားများကတော့ ဗုဒ္ဓဟူး၊ ရာဟု၊ သောကြာသားသမီးများပဲဖြစ်ပါတယ်။        

ကံညံ့သော နေ့သားများကတော့ အင်္ဂါ၊ စနေသားသမီးများပဲ ဖြစ်ပါတယ်။

ကံသင့်သောနေ့သားများကတော့ တနင်္ဂနွေ၊ တနင်္လာ၊ ကြာသပတေးသားသမီးများပဲ ဖြစ်ပါတယ်။

ဒီနေ့မှာ အညိုရောင် နှင့် ပန်းရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။

ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၂ ၊ ၃ ၊ ၅) ဂဏန်းတွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊ လုပ်ကိုင်ဆောင်ရွက်ရမယ်ဆိုရင်တော့မြောက်အရပ်ကို မျက်နှာ မူပြီးတော့ သစ်သီးတစ်မျိုးမျိုးစား သွားပါ။ပိုမို အဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဘူးသီးကြော်ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။

#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း

နေ့စဥ် ၇ ရက်သားသမီးများအတွက် နေ့နံအလိုက် …

☯️တစ်နေ့တာကံကြမ္မာ အဆိုးအကောင်း…

☯️တစ်နေ့တာ စီးပွားရေးအလုပ်အကိုင်အခြေအနေ…

☯️တစ်နေ့တာ ကျန်းမာရေးဆိုင်ရာ သိစရာတွေ…

☯️တစ်နေ့တာ အချစ်ရေး ကံတရားများ…..

☯️တစ်နေ့တာ အိမ်ထောင်ရေး အဆိုး/အကောင်းများ…

☯️တစ်နေ့တာ ပညာရေး ရလဒ်အကြောင်းတွေ….

#ဒါအပြင်…

.🧿တစ်နေ့တာ အကျိုးပေးအရောင်များ

🧿တစ်နေ့တာ အကျိုးပေးဂဏန်းများ

🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ

🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။

နေ့စဉ်ဗေဒင်ဟောစာတမ်းများကို နားဆင်လိုပါက …

ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။  ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)

🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။

👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။

   ✍️ငြိမ်းအေးလူ(ဗေဒင်သုတေသီ)

         09775555695

Posted in Uncategorized

Leave a Reply

Your email address will not be published. Required fields are marked *