ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလပြည့်နေ့၊ ကြာသပတေးနေ့ ဖြစ်ပါတယ်။
ခရစ်နှစ် ၂၀၂၃ခုနှစ်၊ဇန်နဝါရီလ(၅)ရက်နေ့လဲ ဖြစ်ပါတယ်။
ဒီနေ့နံနက်(၅:၅၅)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၄၃)နာရီဖြစ်ပြီး ၊ ညနေ(၅:၂၇)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
ဒီနေ့ဟာ ရက်ရာဇာ၊ ရက်တံခွန် ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လဆန်းတီထိ(၁၄)လုံးကျရောက်နေ၍ ဖယ်ရှင်းခြင်းအတွက် အသုံးပြုနိုင်သော နေ့ရက် ဖြစ်ပါတယ်။ရန်လိုသောတီထိဖြစ်တာမို့ အားကစားပွဲကျင်းပတာ၊လက်ဝှေ့ထိုးတာ၊ရန်ပြဿနာကိုထိပ်တိုက်ရင်ဆိုင် ဖြေရှင်းတာ၊သားသတ်လုပ်ငန်း၊ငါးဖမ်းလုပ်ငန်းစတဲ့ အကုသိုလ်နဲ့ဆိုင်သောအလုပ်တွေ ဆောင်ရွက်တာ၊ပိုးသတ်ဆေး ဖြန်းတာမျိုးတွေဆောင်ရွက်လို့ကောင်းပါတယ်။ စီးပွားရေးသမားများအရေးကြီးသော စီးပွားရေးလုပ်ငန်းများထက် ပုံမှန်အလုပ်သာ လုပ်ပါ၊ အပျော်ခရီး သွား ခြင်း၊ ဆံပင်ညှပ်ခြင်းနှင့် လက်သည်းညှပ်ခြင်းတို့ကို ရှောင်ကြဉ်ပါ၊
မိဂသီ နက္ခတ်နဲ့ကြုံနေတဲ့နေရက်ဖြစ်တာမို့ မင်္ဂလာပွဲ ၊ အစပြုခြင်း ၊ ခရီးများ အဆောက်အဦးများ ဆောက်လုပ်ခြင်း ၊ ဖောင်ဒေးရှင်း များအတွက်သင့်တော်ပါသည်။ ဤနက္ခတ် သည် နူးညံ့သိမ်မွေ့သောသဘောရှိသည်။ အနုပညာ၊ သင်ယူမှု၊ မိတ်ဖွဲ့မှု၊ တန်ဖိုးကြီးအဝတ်အစားသစ်စတင် ဝတ်ဆင်မှု ၊ပွဲလမ်းသဘင် သီဆိုကခုန်မှု၊ မင်္ဂလာအခမ်း အနားများ၊ ပွဲတော်များ၊ လယ်ယာလုပ်ငန်းနှင့် ခရီးသွားလာမှုတို့ အတွက် ကောင်းမွန်သည်
ဤနက္ခတ်သည် ဘေးသို့မျက်နှာမူသော နက္ခတ်ဖြစ်ပြီး သယ်ယူပို့ဆောင်ရေး၊ မောင်းနှင်ခြင်း၊ စက်ကားယန္တရားစတင် မောင်းခြင်းများ၊ သင်္ဘောရေချခြင်းများ၊စက်ဖြင့်လယ်ယာ ထွန်ယက်ခြင်း၊ သီချင်းဆိုခြင်း၊ ဂီတတူရိယာများ၊ လမ်း၊ ဆည်များ စသည့် အလုပ်များ ပြုလုပ်ရန်သင့်လျော်သည်။
သုက္ကယုဂ်နှင့်ဗြဟ္မာယုဂ်တွေကျရောက်တဲ့နေ့ရက်ဖြစ်သည်။အသက်ရှည်ဖို့ အကြောင်းအရာများနှင့် ကျန်းမာဖို့ကိစ္စ များအလေးပေးဆောင်ရွက်လို့ကောင်းတဲ့နေ့ရက်ဖြစ်ပါတယ်။ဒီနေ့ဟာ ကျန်းမာရေးအတွက် ဆေးဝါးကုသမှုခံယူခြင်း၊ သမားပြသခြင်းများအတွက် ဆောင်ရွက်ရန် အခါကောင်း ကျရောက်နေပါတယ်။ ယနေ့တွင် ဖေါ်စပ်သောဆေးဝါးများ ဆေးစွမ်းအာနိသင်ထက်မြက်နေမည်။ မင်္ဂလာယူပြီး ဆောင်ရွက်သော ကိစ္စမှန်သမျှ အထူးအောင်မြင်မည်။ နံနက် (၈း၂၄)နာရီမှ (၁၀း၄၈)နာရီအတွင်း လုပ်ငန်းသစ်များ စတင်ဖွင့်လှစ် လုပ်ကိုင်နိုင်မည်။ အမည်ဆိုင်းဘုတ်တင်ရန် အခါကောင်း၊ ရက်ကောင်း ကျရောက်နေပါတယ်။
ယနေ့အတွက်ကောင်းသော အဘိဇိတိံသိယ နှင့်ဝိဒတြိ တိံသိယအချိန်ကာလတွေကတော့…မနက် 8နာရီ ကနေ မနက်8နာရီ53မိနစ်အတွင်း၊ ည 9နာရီ05မိနစ်မှ ည10နာရီ အတွင်းဖြစ်ပါတယ်။ ဒီအချိန် ကာလအတွင်းက တော့ အရေးကြီး သောကိစ္စများ၊ဆုံးဖြတ်ချက်ချရသောကိစ္စများ၊ မင်္ဂလာကိစ္စများ၊ကောင်းမွန် သော ကိစ္စ များ၊ ကိစ္စ တစ် ခုခု စတင်ခြင်းများ ဆောင်ရွက်နိုင်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၂:၂၁)နာရီမှ ညနေ (၃:၁၂)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာရပါ လိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။
ဒီနေ့မွေး ရင်သွေးငယ်များဟာ ဘင်္ဂဖွား၊ ပြိဿစန်း နံနက်(၉)နာရီ (၅၅)မိနစ်လွန် စန်း မေထုန်ရာသီသို့ ပြောင်းသည်။ ဓနုရာသီဖွားဖြစ်ပါသည်။ ဒီနေ့မွေးရင်သွေးငယ်များဟာ အထူးသဖြင့် စိတ်နှစ်ခွဖြစ်ကြသူတွေဖြစ်ပါ တယ်။ ပါးစပ်က ဒီဟာကိုလုပ်ချင်တယ်လို့ပြောပေမဲ့၊လက်တွေ့မှာ တစ်ခြားဟာကို ထလုပ်ရင် လုပ်နေတတ်သူလဲ ဖြစ်ပါတယ်။ကောင်းတဲ့အချက်က စာပေဝါသနာပါတယ်။ ညှိနှိုင်းဆောင်ရွက်ရတဲ့နေရာတွေမှာ တော်တယ်။ပွဲစား အကျိုးဆောင်အလုပ်တွေမှာထူးချွန်တယ်။ ဓာတ်ပုံရိုက်နှင့် ခရီးသွားဝါသနာပါကြသူတွေဖြစ်ပါတယ်။ မိဘအထိန်း အကွပ် မကောင်းရင်တော့ နည်းနည်းလေး အတ္တဆန်သွားတတ်ပါတယ်။ကပ်စေးနည်းတယ်။ လိုအပ်တဲ့နေရာတွေမှာ ငွေသုံးဖို့ လက်တွန့်နေတတ်သူမို့ တိုးတတ်သင့်သလောက် မတိုးတတ်ဘူးဖြစ်တတ်တယ်။
ဒီနေ့အတွက် ပက္ခစိဒြတိထီအားနည်းချိန်ရော၊ရာဟုကာလအမှောင်ချိန်ရောက မွန်းလွဲ(၁:၀၀) နာရီမှ မွန်းလွဲ(၃:၁၅) နာရီအတွင်း ကျရောက်နေပါတယ်။ ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ အင်္ဂါ၊ ကြာသပတေး၊ စနေသားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္ဂနွေ၊ ရာဟုသားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ ဗုဒ္ဓဟူး၊ သောကြာသားသမီးများပဲ ဖြစ်ပါတယ်။
ဒီနေ့မှာ ကြက်သွေးရောင် နှင့် အဝါရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၃ ၊ ၈ ၊ ၀) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ပန်းသီးတစ်လုံးစား သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဘိန်းမုန့်ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလို အင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695