ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလပြည့်ကျော် (၅)ရက်၊ အင်္ဂါနေ့ ဖြစ်ပါတယ်။
ခရစ်နှစ် ၂၀၂၃ခုနှစ်၊ဇန်နဝါရီလ(၁၀)ရက်နေ့လဲ ဖြစ်ပါတယ်။
ဒီနေ့နံနက်(၅:၅၄)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၄၂)နာရီဖြစ်ပြီး ၊ ညနေ(၅:၂၈)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်မြောက်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
ဒီနေ့ဟာတီထိမြေခံအရ မွန်းလွဲ(၁း၀၉)နာရီအထိ စနေမြေခံ ကျရောက်နေ၍ လွန်လျှင် သောကြာမြေခံသို့ ပြောင်းလဲ ကျရောက်နေပါသည်။စနေမြေခံအချိန်တွင်အိမ်ဆောက်ပါက မီးဘေးနှင့်ပတ်သက်သော အပူသောကများ အထူးဂရုစိုက်သင့်ပါသည်။ မီးဘေးကြောင့် ပျက်စီးဆုံးရှုံးရခြင်းများ၊ စိတ်ပူးပင်သောကနှင့် ဆုံးရှုံးနစ်နာရခြင်းများ ရရှိစေသောကြောင့် ခိုင်ခန့်သော အဆောက်အဦးတွေ၊ ကျောင်းတွေ၊ သိမ်တွေ၊ လမ်းတံတားတွေ၊ အထပ်မြင့် အဆောက်အဦးတွေ စတင်ဆောက်လုပ်တာ၊ တိုင်ထူတာ၊ ပန္နက်ရိုက်တာမျိုးတွေ အထူးရှောင့်သင့်ပါတယ်။
ဒီနေ့ဟာ တီထိအရတော့ မွန်းလွဲ(၁း၀၉)နာရီအထိ လဆုတ်တီထိ(၃)လုံး အောင်မြင်ခြင်းကိုပေးတဲ့နေ့ ကျရောက် နေပြီး လွန်လျှင် လဆုတ်တီထိ(၄)လုံး ဖယ်ရှင်းခြင်းကို ပေးတဲ့နေ့ ကျရောက်နေပါသည်။အရေးကြီးသော လုပ်ငန်းများကိုစတင်ရန်ကောင်းသောနေ့ဖြစ်ပါတယ်။ ဂီတကိုစတင်သင်ကြားခြင်း၊ကလေးကိုအာဟာရစတင်ကျွေး ခြင်း၊ ဆံသခြင်း၊လက်သည်းခြေသည်းအလှဆင်ခြင်းများဆောင်ရွက်လို့ကောင်းပါတယ်။ ယနေ့ဟာယုဂ်အားဖြင့် ပီတိ ယုဂ်ဖြစ်တာမို့ ချစ်ခြင်းမေတ္တာကိစ္စများ၊ မေတ္တာတိုးပွားဖို့ကိစ္စများအဆင်ပြေရန်ဆောင်ရွက်သင့်သောနေ့ဖြစ်ပါတယ်။
အသလိဿနက္ခတ်၊မာဃနက္ခတ် တွေဖြစ်တာမို့ ဒီနေ့မှာ ကစားပွဲတွေစတင်ခြင်း၊ ထီကံစမ်းခြင်း၊အိမ်ခြံမြေရောင်းဝယ် ဖောက်ကားခြင်း၊ရင်းနှီးမြုပ်နှံခြင်း၊စပါးရိတ်ခြင်း၊မြေအောက်သယံဇာတ တူးဖော်ခြင်း၊ ကျောက်မျက်ရတနာဆင်မြန်း ခြင်း စတာတွေကအစ ဆောင်ရွက်လို့ကောင်းတဲ့နေ့ရက်ဖြစ်ပါတယ်။
ဒီနေ့ဟာ ဆေးစား၊ ဆေးကုပြုရန် အထူးကောင်းသော နေ့ရက် ဖြစ်နေပါတယ်။ ဒီနေ့ ဆေးဝါးဖေါ်စပ်ခြင်း၊ သမား ပြသခြင်းများအတွက် အချိန်အခါကောင်း ကျရောက်နေပါတယ်။ အလုပ်ခန်း၊ ဆိုင်ခန်းများ စတင်ဖွင့်လှစ်နိုင်မည်။ နံနက်(၉း၄၅)နာရီကို အခါကောင်းယူ၍ အလုပ်ကိစ္စများ ဆောင်ရွက် လုပ်ကိုင်ပါ။ အရပ်ဝေးနှင့်ဆက်စပ်သော ကိစ္စမှန်သမျှ ဆောင်ရွက်လုပ်ကိုင်သင့်ပါတယ်။ ယနေ့တွင် ဦးခေါင်းဆီလူးခြင်းမပြုသင့် ရန်ပေါ်တတ်သည်။
ယနေ့အတွက်ကောင်းသော အဘိဇိတိံသိယ နှင့်ဝိဒတြိ တိံသိယအချိန်ကာလတွေကတော့…ညနေ ၅နာရီ ၄၂မိနစ်ကနေ ညနေ ၆နာရီခွဲအတွင်းဖြစ်ပါတယ်။ ဒီအချိန် ကာလအတွင်းက တော့ အရေးကြီး သောကိစ္စများ၊ ဆုံးဖြတ် ချက် ချရသောကိစ္စများ၊ မင်္ဂလာကိစ္စများ၊ကောင်းမွန်သောကိစ္စများ၊ ကိစ္စ တစ် ခုခု စတင်ခြင်းများ ဆောင်ရွက် နိုင်ပါ တယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၂:၀၁)နာရီမှ မွန်းလွဲ (၂:၅၃)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ရာဇဖွား၊ ကရကဋ်စန်း နံနက်(၈)နာရီ (၅၆)မိနစ်လွန် စန်း သိဟ်ရာသီသို့ ပြောင်း သည်။ ဓနုရာသီဖွားဖြစ်ပါသည်။ ဒီနေ့မွေးသူများဟာ စိတ်ကူးကောင်းတယ်။ ကွက်ကျော်မြင်တယ်။ အနာဂတ် ကိုမှန်းဆ နိုင်စွမ်းမြင့်မားကြတယ်။ အထနှေးပေမဲ့ သေချာမှလုပ်တတ်သူဖြစ်တော့ အမှားအယွင်းနည်းတယ်။ စိတ်ကူးကောင်း တွေရထားသူတွေဖြစ်တာမို့ သူများကိုအကြံပေးပါက အကြံပေးခံရသူများအောင်မြင်တတ်ပါ တယ်။ ငွေစုဆောင်းလို့ ရတယ်။ အိမ်ခြံမြေ၊အမွေအနှစ်နဲ့ပတ်သက်ပြီး အဆင်မေပြေဖြစ်တတ်ပါတယ်။ ကိုယ့်အားကိုယ်ကိုး ပြီး အောင်မြင်နိုင် ကြတဲ့သူတွေဖြစ်ကြောင်းပါဗျ။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၃:၀၁) နာရီမှ ညနေ(၄:၂၅)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများကတော့ တနင်္လာ၊ ကြာသပတေး၊ စနေသားသမီးများပဲဖြစ်ပါတယ်။
ကံညံ့သော နေ့သားများကတော့ အင်္ဂါ၊ သောကြာသားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ ဗုဒ္ဓဟူး၊ ရာဟုသားသမီးများပဲ ဖြစ်ပါတယ်။
ဒီနေ့မှာ မီးခိုးရောင် နှင့် နံ့သာရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉ ၊ ၂ ၊ ၈) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့လမုန့်စား သွားပါ။ပိုမို အဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ပေါင်မုန့်နို့ဆမ်းဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695