ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ ပြာသိုလပြည့်ကျော်(၈)ရက်၊ သောကြာနေ့ ဖြစ်ပါတယ်။
ခရစ်နှစ် ၂၀၂၃ခုနှစ်၊ဇန်နဝါရီလ(၁၃)ရက်နေ့လဲ ဖြစ်ပါတယ်။
ဒီနေ့နံနက်(၅:၅၃)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၄၁)နာရီဖြစ်ပြီး ၊ ညနေ(၅:၂၉)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်က တောင်အရပ် ဖြစ်ပါတယ်။
လက်သမားမြေခံ သိန္ဓောမြင်း မြေခံဖြစ်၍ ပစ္စည်းဉစ္စာတိုးပွားတတ်သော နေ့ဖြစ်သောကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
ဒီနေ့ဟာတီထိမြေခံအရ ညပိုင်း(၇း၁၃)နာရီအထိ ဗုဒ္ဓဟူးမြေခံကျရောက်နေပါ၍ လွန်လျှင်အင်္ဂါမြေခံသို့ ပြောင်းလဲ ကျရောက် နေပါသည်။ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူရရှိ ခြင်းနှင့် ချမ်းသာရတတ်ခြင်း အကျိုးကို ပေးတာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်း တံတားတွေ အထပ်အမြင့် အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေ အထူးကောင်း ပါတယ်။
ဒီနေ့ဟာ နဂါးပြည်ပြဿဒါး၊ရသေ့ကျော် ကျရောက်နေတာ ဖြစ်ပါတယ်။
ဒီနေ့ဟာ တီထိအရတော့ ညပိုင်း(၇း၁၃)နာရီအထိ လဆုတ်တီထိ(၆)လုံး ပျော်ရွှင်ခြင်းကိုပေးတဲ့နေ့ ကျရောက်နေ၍ လွန်လျှင် လဆုတ်တီထိ(၇)လုံး ကောင်းကျိုးဖြစ်ထွန်းစေခြင်းကိုပေးတဲ့နေ့အဖြစ် ပြောင်းလဲကျရောက်နေပါသည်။ ကံကောင်းမှုနှင့်ပျော်ရွှင်မှုနေ့ရက်လည်း ဖြစ်သည်။ ချစ်ခြင်းမေတ္တာ၊ အပျော်အပါး၊ အနုပညာ၊ သဟဇာတဖြစ်မှု၊ လက်ဝတ်ရတနာများအသုံးအဆောင်ပစ္စည်းများ၊ အဝတ်အစားများ ပန်းများနှင့် အနုပညာ သို့မဟုတ် အလှဆင် ပစ္စည်းများကို ဝယ်ယူခြင်း၊ သမီးရည်းစား၊ ပျော်ရွှင်မှုအမျိုးမျိုး ငွေကြေးကိစ္စများ၊ ခရီးသွားခြင်းနှင့် ခရီးသွားခြင်းတို့ အတွက် အဆင်ပြေသည်။
ဥတြာဖလဂုဏီ နက္ခတ်သည် တည်ကြည်တည်ငြိမ်သော နက္ခတ်ဖြစ်ပြီး ရေတွင်းတူးခြင်း၊ အုတ်မြစ်ချခြင်း၊ သစ်ပင် စိုက်ခြင်း၊ နန်းတက်ခြင်း၊ မြောယ်ခြင်း၊ ကောင်းသော ကိစ္စရပ်များ ပြုလုပ်ခြင်း၊ မျိုးစေ့ကြဲခြင်း၊ ဗိမာန် ဆောက်ခြင်း သို့မဟုတ် တည်မြဲခြင်း သို့မဟုတ် တည်မြဲသော အကျိုးကို လိုလားသော သင့်လျော်သည်။ဤနက္ခတ်သည် အထက် သို့ မျက်နှာမူသော နက္ခတ်ဖြစ်ပြီး အိမ်၊ ဗိမာန်၊ တံတိုင်း (ဥယျာဉ် ၊ အထပ်မြင့် အဆောက်အအုံနှင့် သက်ဆိုင်သော ဆောက်လုပ်ရေးလုပ်ငန်းများ၊ အလံလွှင့်တင်ခြင်း၊ နန်းတက်ခြင်း၊ ၊ ရွာဗိမာန်၊ ခံတပ်၊ လက်ထပ်ထိမ်းမြားခြင်း စသည့်အလုပ်များ ပြုလုပ်ရန်သင့်လျော်သည်။
သောဘာဏယုဂ်သည် မင်္ဂလာအပေါင်းနှင့်ပြည့်စုံသောယုဂ်ဖြစ်ပါတယ်။ဝဏိဇကရိုဏ်းသည် ပူးပေါင်းဆောင်ရွက်မှု ခရီးသွားခြင်း နှင့် လုပ်ငန်းကိစ္စများအတွက် အသင့်တော်ဆုံးဖြစ်သည်။ဘေးအပေါင်းမှကင်းဝေရန်နှင့် ကျက်သရေ မင်္ဂလာကိစ္စများအတွက်ကောင်းသော နေ့ရက်အဖြစ်သတ်မှတ်နိုင်ပါတယ်။
ယနေ့အတွက်ကောင်းသော အဘိဇိတိံသိယ နှင့်ဝိဒတြိ တိံသိယအချိန်ကာလတွေကတော့…မွန်းလွဲ ၁နာရီ ၁၃မိနစ် ကနေ မွန်းလွဲ ၂နာရီ၅မိနစ်အတွင်းဖြစ်ပါတယ်။ ဒီအချိန် ကာလအတွင်းက တော့ အရေးကြီး သောကိစ္စများ၊ ဆုံး ဖြတ် ချက် ချရသောကိစ္စများ၊ မင်္ဂလာကိစ္စများ၊ကောင်းမွန်သောကိစ္စများ၊ ကိစ္စ တစ် ခုခု စတင်ခြင်းများ ဆောင်ရွက် နိုင် ပါ တယ်။
ဒီနေ့ဟာ ကုန်ပစ္စည်းသစ်များ စတင်ဖြန့်ချီရန် ရက်ကောင်းအဖြစ် ကျရောက်နေတာ ဖြစ်ပါတယ်။ ဒီနေ့တွင် ပြန့်ပွားလိုသော အချက်အလက်များ စတင်ဖြန့်ချီခြင်းများ ပြုနိုင်ပါသည်။ ယနေ့ အိမ်၊ ခြံမြေ ရောင်းဝယ်ခြင်းမပြုရပါ။ မတော်တဆ ထိခိုက်မှုအန္တရာယ်များကို အထူးဂရုစိုက်ရမည်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၁:၄၉)နာရီမှ မွန်းလွဲ (၂:၄၁)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ပုတိဖွား၊ ကန်စန်း၊ ဓနုရာသီဖွားဖြစ်ပါသည်။ဒီနေ့မွေးသူများဟာ မိတ်ဆွေအကူအညီ တွေအလွန်ရတဲ့သူတွေဖြစ်ပါတယ်။ မိတ်ဆွေကောင်းတွေရှိနေတဲ့သူတွေပါပဲ။ မိတ်ဆွေအပေါင်းအသင်းစတဲ့သူတွေနဲ့ အဆင်ပြေပေမဲ့ မွေးချင်းညီအကိုမောင်နှမတွေနဲ့ အဆင်ပြေဖို့ခက်ခဲကြသူတွေဖြစ်ပါတယ်။ ကြိုးစားသူဆိုထင်မှတ် မထားတဲ့အောင်မြင်မှုတွေကို ထိတွေ့ခံစားရမဲ့သူတွေဖြစ်ပါတယ်။ ကြိုးစားမှုကို “တော်လောက်ပါပြီ” ဆိုပြီးရပ်တန့် မိလိုက်တာကလဲ ထင်သလောက်မတိုးတတ်တဲ့အချက်ဖြစ်ပါတယ်။ငွေကြေးအကူအညီတွေ အလွယ်တကူရလွယ် တယ်။ ခံစားနားလည်ပေးနိုင်သူတွေ၊နှလုံးသားနုပြီးတော့ အနုပညာဥာဉ်လေးပါလာကြသူတွေဖြစ်ပါတယ်။ နှလုံးသား နူးညံ့သူတွေဖြစ်တာမို့ ကဗျာ၊စာပေ၊တေးဂီတ၊ပန်းချီစတဲ့ အခန်းကဏ္ဌတွေမှာ ထူးချွန်ကြသူတွေ၊ပါရမီပါကြသူတွေ ဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀:၅၀) နာရီမှ မွန်းလွဲ(၁၂:၁၄)နာရီအတွင်း ကျရောက် နေပါတယ်။ဒီနေ့အတွက် ဝါရအဆိပ်သင့်ချိန်က မွန်းလွဲ ၃နာရီခွဲကနေညနေ၅နာရီအထိဖြစ်ပါတယ်။ ဒီအချိန်ကာလ အတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများကတော့ တနင်္လာ၊ ဗုဒ္ဓဟူး၊ သောကြာသားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္ဂနွေ၊ ကြာသပတေးသားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ ရာဟု၊ စနေသားသမီးများပဲ ဖြစ်ပါတယ်။
ဒီနေ့မှာ နို့နှစ်ရောင် နှင့် ခရမ်းရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၁ ၊ ၃ ၊ ၅) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ဆန်လက်တစ်ဆုပ်ခန့်ကို ကျွတ်ကျွတ်အိတ်ထဲထည့်ပြီးဆောင်သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဟောလစ်ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695