ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တပေါင်းလဆန်း(၁၂)၊ ကြာသပတေးနေ့ ဖြစ်ပါတယ်။
ခရစ်နှစ် ၂၀၂၃ခုနှစ်၊မတ်လ(၂)ရက်နေ့၊တောင်သူလယ်သမားနေ့လဲ ဖြစ်ပါတယ်။
ဒီနေ့နံနက်(၅:၂၉)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၁၇)နာရီဖြစ်ပြီး ၊ ညနေ(၅:၅၄)နာရီမှာ နေ ဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်က အနောက်အရပ် ဖြစ်ပါတယ်။
လက်သမားမြေခံ ခွေး မြေခံဖြစ်၍ ပျက်စီးခြင်းကို ပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ မြေတူးဆွတာတွေကို အထူးရှောင်သင့်ပါတယ်။
ဒီနေ့ဟာတီထိမြေခံအရ နံနက်(၇း၃၉)နာရီအထိ ကြာသပတေးမြေခံ ကျရောက်နေပြီး လွန်လျှင် ဗုဒ္ဓဟူးမြေခံအဖြစ် ပြောင်းလဲကျရောက် နေပါတယ်။
ကြာသပတေးမြေခံအရ မိမိကြံစည်စိတ်ကူး ထားသော အရာမှန်သမျှ အချိန်မရွှေ့ဆိုင်းပဲ ချက်ချင်းလက်ငင်း အကောင် အထည်ဖေါ် ဆောင်ရွက်သင့်ချိန်ဖြစ်၍ ခိုင်ခန့်တဲ့ အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင် ရွက်လို့ရပါတယ်။
ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူရရှိ ခြင်းနှင့် ချမ်းသာရတတ်ခြင်းအကျိုးကိုပေးတာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်း တံတားတွေ အထပ်အမြင့်အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေ အထူးကောင်း ပါတယ်။ ဒါပေမဲ့ သမားညိုရက်နဲ့ တိုက်ဆိုင်နေ တာမို့ အချိန်ကောင်း ရွေးပြီးမှသာဆောင်ရွက်သင့်ပါတယ်။
ဒီနေ့ဟာသမားညိုရက်နဲ့တိုက်ဆိုင်နေတဲ့နေ့ရက်ပဲဖြစ်ပါတယ်။
ဒီနေ့ဟာ တီထိအရတော့ နံနက်(၇း၃၉)နာရိအထိ လဆန်းတီထိ(၁၀)လုံး ပြည့်ဝခြင်းကိုပေးတဲ့နေ့အဖြစ်ကျရောက် နေပြီး လွန်လျှင် လဆန်းတီထိ(၁၁)လုံး ပျော်ရွှင်ခြင်းကိုပေးတဲ့နေ့အဖြစ်သို့ ပြောင်းလဲ ကျရောက်နေပါသည်။ ကျော်ကြားခြင်း ပျော်ရွှင်ခြင်းတွေကိုပေးတဲ့ နန္ဒတီထိကျရောက်တဲ့နေ့ရက်လဲဖြစ်ပါတယ်။ ဒါကြောင့် ဒီလိုနေ့မျိုးမှာ တော့အိမ်ခြံမြေနဲ့ပတ်သက်ပြီး ရောင်းခြင်း၊ ဝယ်ခြင်း၊အမွေခွဲခြင်းတွေလဲ အထူး ဆောင် ရွက် နိုင် ပါတယ်။
မီဒီယာတွင် ကြော်ငြာခြင်း၊ အွန်လိုင်းကနေ ကြော်ငြာခြင်းတွေ ကိုအထူးအလေးပေးဆောင်ရွက်လို့ကောင်းတဲ့နေ့ ရက် လဲ ဖြစ်ပါတယ်။ မည်သည်လုပ်ငန်းမဆို ဝန်ဆောင်မှုကိုဦးစားပေးလုပ်ကိုင်ရတဲ့ အလုပ်မျိုးတွေအထူးအကျိုး ပေး အောင်မြင်တတ်တဲ့နေ့ရက်ပါပဲ။
မည်သည့်ကုန်ပစ္စည်းမဆို ကုန်ပစ္စည်းအသစ်မိတ်ဆက်ခြင်းများအထူးကောင်းပါတယ်။ ပြန်ပွားလိုသော၊ လူအများ အပြားသိစေလိုသော သတင်းအချက်အလက်တွေကို ဒီနေ့မှာဖြန့်ချီလို့အထူးကောင်းပါတယ်။ဖက်ရှင်ဒီဇိုင်း နှင့် ပတ် သက် သောကိစ္စများ၊ အလှအပနှင့်ပက်သက်သောကိစ္စများ၊ ရတနာများဝယ်ယူ၍စတင်ဆင် မြန်းခြင်း များအထူး ဆောင်ရွက်နိုင်ပါတယ်။
ဒီနေ့ဟာ ကာမမကြူးသင့်သော နေ့ရက်ပါ။ ငွေကြေးရင်းနှီးမြှုပ်နှံခြင်းများ စတင်ခြင်း မပြုရပါ။ ဆုံးရှုံးနစ်နာခြင်းများ ကြုံမည်။ မင်္ဂလာကိစ္စများ ဆောင်ရွက်ခြင်း ကိုအချိန်အခါရွေးပြီးမှသာလုပ်သင့်ပါတယ်။ ရပ်တန့်ထားသော လုပ်ငန်း ကိစ္စများ ပြန်လည် စတင်နိုင်မည်။ ပျက်စီးနေသော စက်ပစ္စည်းများ ပြန်လည်ပြင်ဆင်ရန် ရက်ကောင်း ဖြစ်သည်။
ဒီနေ့ဟာ အဒြနက္ခတ်ဖြစ်တာမို့ ဘုရားစေတီ ထီးတော်တင်ခြင်း၊ အနေကဇာတင်ခြင်း၊ တံခွန်တိုင်တည်ခြင်း၊ အလံ ထူခြင်း၊ မဏ္ဍပ်ဆောက်ခြင်း၊ တန်ဆောင်းတည်ဆောက်ခြင်း၊ ကျောင်းဆောက်ခြင်း၊ အိမ်တိုင်ထူခြင်း၊ အိမ်ဆောက်ခြင်း၊ နတ်ကွန်းနတ်စင်တည်ဆောက်ခြင်း၊ အုတ်တံတိုင်းဆောက်ခြင်း၊ ဝင်းခြံကာခြင်း၊ သစ်ပင်စိုက်ပျိုးခြင်း၊ အုတ်မြစ်စီခြင်း၊ လှေကားထောင်ခြင်း၊ အိမ်တက်ခြင်း၊ မုခ်ဦး ပြဿာဒ်တည်ဆောက်ခြင်း၊ ဆိုင်းဘုတ်တင်ခြင်း၊ ကြော်ငြာခြင်း၊ ဦးခေါင်း၌ဝတ်ဆင်ရသော ရတနာဝတ်ဆင်ခြင်း၊ ပန်းပန်ခြင်း၊ ဆံထိုးအသစ်ထိုးခြင်း၊ အာကာသသို့လွှတ်တင်ရ သော လုပ်ငန်းများ၊ လေယာဉ်ပျံသန်းခြင်း၊ ကင်ပွန်းတပ်ခြင်း၊ ကျောက်သွေးလောင်းခြင်း၊ အသီးများဆွတ်ခူးခြင်းဆောင်ရွက် လို့ကောင်းပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့နေ့လယ်(၁၀း၄၁)နာရီမှ နေ့လယ်(၁၁း၃၂)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေ ရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိ ခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာဘင်္ဂဖွား၊မေထုန်စန်း၊ ကုမ်ရာသီဖွားဖြစ်ပါသည်။ ဒီနေ့မွေးသူများဟာ ကောင်းသော မိဘ တွေရဲ့ လမ်းညွှန်မှုတွေကိုရရှိတာကိုတွေ့ရပါတယ်။ အခက်အခဲတွေကိုကောင်းစွာကျော်လွှားနိုင်ပြီးတော့ ဘဝရဲ့ အောင်မြင်မှုတွေကိုရရှိတတ်ပါတယ်။ကံကောင်းတာကတော့ငယ်ငယ်ရွယ်ရွယ် အသက်၂၀ ဝန်းကျင်မှာပဲ ဘဝ အောင် မြင်မှုကိုစတင်ထိတွေ့ခွင့်ရတတ်ပါတယ်။ အလွယ်တကူအောင်မြင်ဖို့ရာကူညီမဲ့သူတွေကလဲ များပြားစွာရှိ နေတတ် ပါ တယ်။ အိမ်မကပ်ရဘဲ အဝေးရောက်နေတတ်တဲ့ဇာတာမို့ နိုင်ငံခြားလုပ်ငန်းများ၊သင်္ဘောသားအလုပ်၊ ကုန်သည်အလုပ် တွေနဲ့ အသက်မွေးကြသူတွေများပါတယ်။ အနည်းငယ် စိတ်အပြောင်းအလဲ များကြသူတွေ ဖြစ် တတ်တယ်။ အဖော် အပေါင်းအသင်းလိုအပ်ပြီး အပေါင်းအသင်းမရှိလဲ မိမိစွဲလမ်းရာတစ်ခုခုကို အဖော်ပြုနေတတ်သူ တွေဖြစ်ပါတယ်။ ဖခင်ရဲ့ အကျိုးကို တိုက်ရိုက်ဖြစ်စေ၊သွယ်ဝိုက်၍ဖြစ်စေခံစားရတတ်ပါတယ် ငွေကြေးလာဘ်လာဘ ရွှင်လန်းကြပြီး ရေ လုပ်ငန်း၊သင်္ဘောသား၊ နိုင်ငံခြားပညာရှာ၊စီးပွားရှာခြင်းများသိပ်ကောင်း ပါတယ်။ အသက် ၂၅ နောက်ပိုင်းမှာ အိမ် ထောင်ရေးကံအားကောင်းတာမို့ အသက် ၂၅ကျော်မှသာ အိမ်ထောင်ပြု သင့်တဲ့ဇာတာမျိုး လဲ ဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၁:၄၇) နာရီမှ ညနေ(၃:၁၅)နာရီအတွင်း ကျရောက် နေ ပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများကတော့ အင်္ဂါ၊ ဗုဒ္ဓဟူး၊ ကြာသပတေးသားသမီးများပဲဖြစ်ပါတယ်။
ကံညံ့သော နေ့သားများကတော့ သောကြာ၊ စနေသားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ တနင်္လာ၊ ရာဟုသားသမီးများပဲ ဖြစ်ပါတယ်။
ဒီနေ့မှာ အဝါရောင်နှင့် အစိမ်းရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၈၊ ၁၊ ၄) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ပေါက်ဆီစား သွားပါ။ပို မိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ သာကူပြင်ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.????တစ်နေ့တာ အကျိုးပေးအရောင်များ
????တစ်နေ့တာ အကျိုးပေးဂဏန်းများ
????အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
????တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကိုဖုန်းခေါ်ဆိုပြီးနားဆင်နိုင်ပါတယ်…။( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
????????????အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
????ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695