၁၃၈၆ခုနှစ်အတွင်း စနေသားသမီးတွေအနေနဲ့ မိမိတို့ ဘဝတစ်လျှောက်လုံး ရပ်တည်ဆောင်ရွက်ခဲ့တဲ့ ပုံစံ အတိုင်းလုပ်ကိုင်ဆောင်ရွက်လို့မရတာမျိုးတွေကြုံရပါလိမ့်မယ်။ မထင်မှတ်ထားတဲ့ အချိုးအကွေ့တွေ၊ မထင်မှတ်ထား တဲ့ အပြောင်းအလဲတွေ သေချာပေါက် ကြုံတွေ့ရတတ်တယ်။ လူစိမ်း၊ဒေသစိမ်း၊နေရာစိမ်း၊ပတ်ဝန်းကျင်အစိမ်းသက် သက်တွေမှာ စတင်ကျင်လည်လုပ်ကိုင်ရတတ်ပါတယ်။
ဥပမာ နိုင်ငံခြား မသွားဘူးလို့တွေးထားတယ် ဆိုကြပါစို့..။ဒီနှစ်မှာ မထင်ထားဘဲနိုင်ငံရပ်ခြားရောက်သွားတာ မျိုးတွေ ကြုံရတတ်သလို၊အရွယ်လွန် လူပျိုကြီး အပျိုကြီးတွေလဲ ငှက်ပျောတုံးဖက်ရမယ်လို့ ထင်ထားကြပေမဲ့ ရုတ် တရက် အိမ်ထောင်ပြုဖြစ်တာမျိုးတွေလဲ ကြုံရတတ်ပါတယ်။ဒါအပြင်စနေသားသမီးတွေဟာ အတိတ်ရဲ့ ကောင်းမှု၊ မကောင်းမှု အကျိုးဆက်တွေကိုလဲ မခံစားရသေးရင် သေချာပေါက် အတိတ်ရဲ့ ကောင်းဆိုးနှစ်တန် လောကဓံတွေနဲ့ ထိပ်တိုက်တွေ့ရတတ်ပါတယ်။
ဒီနှစ်မှာ စနေသားသမီးတွေအနေနဲ့ အရာရာတွက်ဆထားလို့မရပါဘူး။ကြိုတင်စီစဉ်ထားတဲ့အတိုင်း အစီစဉ် တကျဖြစ်ဖို့ လွန်စွာမှခဲယဉ်းတတ်ပါတယ်။ ဒါကြောင့် လောကအတွေ့အကြုံများသူများ၊မိတ်ဆွေကောင်း၊ဆရာသမား ကောင်းရှိသူများအတွက်တော့ ကံကောင်းတတ်ပါတယ်။
🧑🏭အလုပ်အကိုင်နှင့်စီးပွားရေး
စနေသားသမီးတွေရဲ့ အလုပ်အကိုင်ကဏ္ဍများကိုတော့ ခွဲခြားပြောပြဖို့ လိုပါလိမ့်မယ်။ ဝန်ထမ်းလခစား သမားတွေကို စပြောရရင်တော့ အလုပ်နဲ့ပတ်သက်ပြီးနေရာမမြဲတာမျိုးတွေ၊ ဌာနပြောင်းရတာမျိုးတွေ၊ရုံးပြောင်းရ တာမျိုးတွေ၊နယ်စွန်နယ်ဖျားများတွင် သွားရောက်တာဝန်ထမ်းဆောင်ရတာမျိုးတွေ ကြုံရနိုင်တာကိုတွေ့ရပါတယ်။ မရောက်ဘူးသေးတဲ့ နေရာဒေသတွေကို သွားရောက်လုပ်ကိုင် တာဝန်ထမ်းဆောင်ရတတ်တဲ့ ကံကြမ္မာမျိုးတွေ့ရ တတ်ပါတယ်။ လက်ရှိအလုပ်ကမပျော်လို့ အလုပ်ထွက်မယ်ဆိုရင်တော့ အလုပ်မရခင်စပ်ကြား အလုပ်လက်မဲ့ဖြစ် နေတာမျိုးက လချီကြာသွားတတ်ပါတယ်။ ဒါကြောင့်အလုပ်သစ်တစ်ခုကို မချိတ်ဆက်ထားရသေးဘဲလက်ရှိအလုပ် ကို စိတ်လိုက်မာန်ပါထွက်လိုက်တာမျိုးတွေ အထူးရှောင်စေချင်ပါတယ်။တစ်ခုတော့ရှိတယ်။ ဝန်ထမ်းအလုပ်ကနေ မြေစမ်းခရမ်းပျိုး ကိုယ်ပိုင်အလုပ်လေး စလုပ်ကြည့်မယ်ဆိုရင်တော့ လုပ်သင့်တဲ့နှစ်ပါပဲ။
ကိုယ်ပိုင်စီးပွားရေးသမားများကတော့ ဒီနှစ်လုပ်ငန်းပိုင်းတိုးတတ်မှုမြင့်မားလာတတ်ပါတယ်။မထင်မှတ် ထားတဲ့ အကြီးအကဲတွေရဲ့ ကူညီမှု၊လမ်းပြမှုတွေကို ရလာတတ်ပါတယ်။ မိတ်ကောင်းဆွေကောင်းတွေပေါများလာ တာမျိုး၊ဖောက်သည်သစ်တွေရလာတာမျိုး၊လုပ်ငန်းအချိတ်အဆက်မိလာတာမျိုးတွေကြုံရတတ်ပါတယ်။ ဒါပေမဲ့ သိထားရမှာက ဒီနှစ်မှာ စီးပွားရေးက ဟုန်းကနဲ့ ထမတောက်ပါဘူး။ ကောက်ရိုးမီးလိုခဏနဲ့လောင်ကျွမ်းတောက်ပ ပြီး ပျောက်သွားတာမျိုး မဟုတ်ဘဲ ပုံမှန်လေး တရိပ်ရိပ်နဲ့တောက်ပလာမဲ့ နှစ်ပါပဲ။ လောဘကြီးသူ၊ အကျိုးအမြတ် ကြီးကြီးရလိုစိတ်များသူများအတွက်တော့ စိတ်တိုင်းကျမဲ့နှစ်တော့ မဖြစ်ပါဘူး။
💰ငွေကြေး ကံကြမ္မာ
ငွေကြေးနဲ့ပတ်သက်ရင်တော့ကိုယ်တိုင်က ငွေရှာလိုစိတ်ပြင်းပြနေပေမဲ့..လိုသလောက်တော့ရနိုင်မဲ့နှစ်တော့ မဟုတ်ပါဘူး။ လုပ်သလောက်တော့ အကျိုးခံစားခွင့်လဲ အထိုက်အလျောက်တော့ ရှိနေမှာပါ။ငွေကံအားကောင်းနေပေ မဲ့မိမိက စုဆောင်းလိုစိတ်ထက် ပြန်လည်ရင်းနှီးမြုပ်နှံတာပဲဖြစ်ဖြစ်၊လုပ်ငန်းချဲ့ထွင်ချင်တာပဲဖြစ်ဖြစ် စသည်ဖြင့်ငွေကို ပြန်သုံးချင်နေတတ်ပါတယ်။ဒါကြောင့်ငွေကိုအသုံးချတတ်သူတွေအတွက်တော့ ငွေပွားလာတတ်ပါတယ်။လူငယ်ပိုင်း ဆိုရင်တော့ အသုံးထက် အဖြုန်းဘက်ကိုစိတ်ရောက်သွားတတ်ပါတယ်။လူငယ်များအပျော်အပါးကြောင့် ငွေကုန်တတ် သလို လူလတ်ပိုင်းတွေကလဲ အိမ်ထောင်ပြုဖို့ စီစဉ်နေသူများ၊ တင်တောင်းဖို့ ၊အထိုင်ချဖို့၊ မင်္ဂလာဦးပစ္စည်းတွေ ဝယ်ဖို့ငွေသုံးရတတ် ပါတယ်။
❤️အချစ်ရေးနှင့် အိမ်ထောင်ရေး
အချစ်ရေးကတော့ဒီနှစ်မှာ မြားနတ်မောင်ရဲ့ အာရုံစိုက်ခြင်းခံရတတ်ပါတယ်။ချစ်နတ်ဖုရားတွေရဲ့ မေ့လျော့ခံ ဘဝကနေ စတင်လွတ်မြောက်လာတတ်ပါတယ်။စန်းတွေပွင့်နေတတ်ပါတယ်။ အရွယ်လွန်အပျိုဟိုင်းကြီးတွေ စွံသွား တတ်ပါတယ်။ မပြောရဲ မဆိုရဲဖြစ်နေသူတွေတောင် အောင်သွယ်ကောင်းမှုကြောင့် ရွှေလက်တွဲခွင့်တွေရလာတတ်ပါ တယ်။ချစ်သူဆီက ချစ်အဖြေမျှော်လင့်နေသူများလဲ ကောင်းသောအဖြေရဖို့ အလွန်နီးစပ်တဲ့ကာလပါပဲ။ မူလဇာတာ တွေမှာ အိမ်ထောင်ကျဖို့ကံကြမ္မာနဲ့တိုက်ဆိုင်လာရင်တော့ သေချာပေါက်အိမ်ထောင်ကျလွယ်တဲ့နှစ်ဖြစ်ပါလိမ့်မယ်။ အသက်၂၂နှစ်၊၂၉နှစ်၊၃၆နှစ်၊၄၃နှစ်တွေရောက်နေတဲ့ လူလွတ်တွေ အိမ်ထောင်ကျလွယ်သလို ထိုအသက်အပိုင်း အခြား ရောက်နေတဲ့ အိမ်ထောင်သည်ဆိုရင်လဲ စန်းပွင့်ပြီးအငယ်အနှောင်းကိစ္စတွေကြုံလာရတတ်ပါတယ်။ရည်စား မရှိသေးတဲ့ FA တွေကတော့ အွန်လိုင်းကနေ ချစ်သူရတာမျိုးတွေ၊လူမျိုးမတူ၊ဘာသာမတူ၊စရိုက်မတူတာတွေနဲ့ ချစ် ကြိုးသွယ်မိတာမျိုးတွေ ကြုံရတတ်တဲ့နှစ်ပါပဲ။ အိမ်ထောင်ရေးကံကတော့ ဆိုးနေတယ်လို့တော့ ပြောမရပါဘူး..။ အိမ်ထောင်ဘက်က အလုပ်များနေတာမျိုးတွေ၊အခြားဗာဟီရ ကိစ္စတွေနဲ့ အချိန်ကုန်နေတာမျိုးကြောင့် မိသားစု အပေါ် စိတ်မရောက်နိုင်ဖြစ်တတ်ပါတယ်။ တစ်ခု သတိထားရမှာက အရင်ကထက် မိမိအိမ်ထောင်ဘက်က ပိုပြီးဆရာလုပ်တာ မျိုးတွေ၊ မိမိကို ဟိုဟာမလုပ်နဲ့၊ဒီဟာမလုပ်နဲ့ဆိုပြီးချုပ်ချယ်တာမျိုးတွေကြုံရတတ်ပါတယ်။ ဒါကိုသည်းမခံနိုင်ရင်တော့ အနည်းအကျဉ်းပြဿနာလေးတွေရှိတတ်ပါတယ်။
🧑⚕️ကျန်းမာရေး
ကျန်းမာရေးအားကောင်းတဲ့နှစ်ပါပဲ။မူလဖွားဇာတာအရ ကျန်းမာရေးအားနည်းသူမှအပ ကျန်းမာရေးအဆိုးကြီး အရမ်းမကြုံရပါဘူး။အသက်အားဖြင့်၁၀နှစ်၊၁၇နှစ်၊၂၄နှစ်၊၃၁နှစ်၊၃၈နှစ်၊၄၅နှစ်၊၅၂နှစ်၊၅၉နှစ်၊၆၆နှစ်၊၇၃နှစ်ထဲ ရောက် နေတဲ့စနေသားတွေအနေနဲ့ကတော့ ကျန်းမာရေးဂရုစိုက််ဖို့လိုပါတယ်။ ထိုအသက်ပိုင်းရောက်နေတဲ့စနေသား သမီး တွေဟာစီးပွားရေးကိုအားထည့်လွန်းတာကြောင့်ကျန်းမာရေးညံ့နေတတ်ပါတယ်။ ကျန်းမာရေးမှာ သတိထားရမှာ အချက် က အရမ်းအပင်ပန်းမခံဖို့ပါပဲ။ ကိုယ်ဝင်မလုပ်လဲ ရနေတယ်ဆိုရင် ဝင်မလုပ်ပါနဲ့။ ဘေးကနေပဲညွှန်ကြားပါ။ အသက်၆၀အထက် ရှိနေသူများ အရမ်းအပင်ပန်းခံရာကနေ ကျန်းမာရေးညံ့သွားတတ်ပါတယ်။ အချို့ အိုကြီးအိုမ ရောက်မှ အလုပ်လုပ်နေရတာတွေ၊ ကိုယ့်သားသမီးတွေ နိုင်ငံခြားရောက်လို့ မြေးကိုအချိန်ပြည့်ထိန်းနေရတာမျိုးတွေ၊ အိမ်အလုပ်တွေကို သိမ်းကြုံလုပ်နေရတဲ့ အသက်ကြီးသူတွေ ဒီနှစ်ထဲ နားပါ။သက်သောင့်သက်သာနေပါ။ ကိုယ်မနား ရင် လောကကြီးက ကိုယ့်ကို အနားပေးသွားပါလိမ့်မယ်။
ပညာရေး
ပညာရေးမှာတော့ ထင်ထားသည်ထက် ပိုမိုကောင်းမွန်နေတတ်ပါတယ်။ အထက်တန်းအဆင့်ကျောင်းသားများ သေချာလေး အာရုံစိုက်ကြိုးစားမယ်ဆို မထင်ထားလောက်တဲ့ Result ကိုရနိုင်ပါတယ်။ စာကို ကျက်တဲ့အခါ အာရုံ မစိုက်နိုင်တာမျိုးတွေ ဖြစ်တတ်ပါတယ်။ ဒါလေးတစ်ချက်သတိထားပါ။ဗျာမများပါနဲ့။ အိမ်စာလုပ်တဲ့အခါမှာလဲ လုပ်ရ မဲ့ဘာသာတွေကို ဘာသာရပ်တစ်ခုပြီးအောင်လုပ်ပြီးမှာ နောက်ဘာသာရပ်ကို စာကြည့်ပါ။ တစ်ဘာသာကိုတစ်ပုဒ်ရေး လိုက်၊သင်္ချာကောက်တွက်လိုက် စသည်ဖြင့်လုပ်တာမျိုးက ဒီနှစ်မှာစနေသားသမီးတွေအတွက်မသင့်တော်ပါဘူး။ နိုင်ငံ ခြားကျောင်းဝင်ခွင့်တွေ Reject ထိထားသူများ ပြန်လျှောက်လို့သင့်တော်တဲ့ ကာလပါပဲ။ စိတ်လက်ကြည်သာစွာနဲ့ စာသင်ကြားဖို့လိုတာမို့အရမ်းကြီးဖိအားပေးခံရရင် စာရဖို့မလွယ်သလို ၊အနီးကပ်စာမေးပွဲနားနီးမှ စာလုပ်မယ်ဆိုလဲ ရလဒ်မကောင်းနိုင်ပါဘူး။ ဖြေးဖြေးမှန်မှန်နဲ့ ချီတက်ကြိုးစားသင့်တဲ့ကာလပါပဲ။
🫱🏼🫲🏾လူမှုဆက်ဆံရေး
ချမ်းသာအောင်လုပ်ပါ။ မချမ်းသာရင် လူအများက နှိမ်ကြလိမ့်မယ်..ဆိုတဲ့စကားအတိုင်း…ဆင်းရဲတဲ့စနေသား သမီးတွေအနေနဲ့ အပေါင်းအသင်းတွေက အဆက်အဆံမလုပ်ချင်တာ၊အရေးတယူမလုပ်ချင်တာ၊ကိုယ့်ကို စကား မပြောချင်တာမျိုးတွေဖြစ်တတ်ပါတယ်။ မျက်နှာမွဲသမားတွေအတွက် မြေနိမ့်ရာလှံစိုက်ဆိုသလိုပဲ လူမှုဆက်ဆံရေးမှာ လဲ အဆင်မပြေတာလေးတွေရှိနေတတ်ပါတယ်။ ဒါကြောင့် ကိုယ်မရှိတာ၊ဆင်းရဲတာ၊အဆင်မပြေတာတွေကို မလိုအပ် ပဲ ပတ်ဝန်းကျင်ကို ထုတ်မပြလိုက်ပါနဲ့။ တတ်နိုင်သ၍ အတွင်းရေးတွေကို မပြောသင့်တဲ့ကာလပါပဲ။ ဒါအပြင် သားသမီး တွေနဲ့ ဆက်စပ်ပြီး မိဘချင်းစကားများရတာတွေဖြစ်တတ်ပါတယ်။ ကလေးချင်းရန်ဖြစ်ရာကနေ မိဘချင်းပြဿနာ ဖြစ် စေတာမျိုးကို ဆိုလိုတာဖြစ်ပါတယ်။
☯️ဆောင်ရန်၊ရှောင်ရန် ယတြာများ
👉အကြောင်းအမျိုးမျိုးကြောင့် နေရတာ မပျော်သလိုဖြစ်လာတာမျိုး၊အလုပ်မှာ စိတ်မပျော်သလိုမျိုးဖြစ်နေတယ် ဆိုရင် အပန်းဖြေခြင်း၊ခေတ္တအနားယူခြင်းတွေ မကြာခဏလုပ်ပေးပါ။
💥ခရီးကိစ္စတွေကြုံလာပြီဆို အနောက်တောင်ထောင့်နဲ့ အရှေ့တောင်ထောင့် အရပ်မျက်နှာတွေကို သတိထားသွားပါ။
💥အနီရောင်အင်္ကျီနဲ့ အနက်ရောင်ဘောင်းဘီကို ပူးတွဲဝတ်ဆင်ခြင်းမျိုး အရေးကြီးတဲ့နေ့တွေမှာ လုံးဝမဝတ်ပါနဲ့။
💥နွမ်းပါးသူတွေ၊ရန်သူမျိုးငါးပါးကြောင့် ဒုက္ခရောက်နေသူတွေကို တတ်နိုင်သလောက် လစဉ်ကူညီထောက်ပံ့ပါ။
💥ဖိနပ်အလှူလေးတွေ မကြာခဏလုပ်ပေးပါ။
💥မျှစ်ချဉ်ဟင်းနဲ့ မကြာခဏ ဘုရားဆွမ်းကပ်တာမျိုး ပြုလုပ်ပေးပါ။
ဆရာငြိမ်းအေးလူ(ဗေဒင်သုတေသီ)
၀၉၇၇ ၅၅၅၅ ၆၉၅
ကူးယူဖော်ပြခွင့် မပြုပါ။ shareလိုက shareနိုင်ပါတယ်။