ဒီနေ့မွေး ရင်သွေးငယ်များဟာ ဘင်္ဂဖွား၊ သတ္တဘိသျှနက္ခတ်နဲ့စန်းယှဉ်မွေးသူ၊ ကုမ်စန်း၊ ဓနုရာသီဖွားဖြစ်ပါသည်။ ဒီနေ့မွေးသူများဟာ လျင်မြန်တဲ့ဉာဏ်ရှိပြီး အလွန်စိတ်ဝင်စားစရာကောင်းပြီး လွတ်လပ်တဲ့စိတ်ရှိတယ်။ မိမိတွင် ထူးခြား ပြင်းထန်သော ခံယူချက်ရှိပါသည်။အချို့က မိမိကို ခေါင်းမာသောသူများဟု ထင်ကြေးပေးကြသည်။ နေရာထိုင်ခင်းကံ အားနည်းတတ် ပြီးအလုပ်ကြောင့် အိမ်မကပ်ရသူတွေ၊မွေးရပ်အဝေးမှာအခြေချနေထိုင်ရသူတွေ၊အိမ်ထောင်ကျပြီး ချိန်တွင် မိမိအိမ် ထောင်ဘက်နောက်လိုက်နေရခြင်းမျိုးတွေ ကြုံရတတ်ပါတယ်။ မိဘက ကိုယ့်ကျင့်တရားကောင်း အောင်သင်ထားနိုင် ပါက လူအများလေးစားခံစားရသူ၊ လုပ်ငန်းကြီးတွေကို သူဌေးတွေကအပ်နှင်းပြီးလုပ်ကိုင်ခွင့်ရရှိ သူ၊ အများသူငှာက အရာရာစိတ်ချထားခြင်းခံရသူအဖြစ်ကြုံရတတ်ပါတယ်။ အိမ်ထောင်ရေးကံကောင်းတတ်ပြီး မိမိ ထက် အဘက်ဘက် ကသာလွန်သော အိမ်ထောင်ဘက်ကို ရရှိတတ်ပါတယ်။အသက်၄၀နောက်ပိုင်း ကြီးကျယ်ခမ်းနား သောအောင်မြင်မှုကို ရရှိနိုင်သူလဲဖြစ်ပါတယ်။
ဒီနေ့မွေးသူများဟာနံပါတ် 4 နှင့် Uranus ဂြိုဟ်တို့က လွှမ်းမိုးထားသည်။ သင်ဟာ တက်ကြွသူ၊ လက်တွေ့ကျသူ၊ စိတ်အားထက်သန်သူ၊ သင်သည် ဉာဏ်ရည်ထက်မြက်ပြီး သင်၏စွမ်းရည်နှင့် ကျွမ်းကျင်မှုဖြင့် သင့်လုပ်ငန်းတွင် အံ့ဩစရာများကို လုပ်ဆောင်နိုင်သော်လည်း တစ်ခါတစ်ရံတွင် စိတ်မရှည်၊ စိတ်ကူးယဉ်ဆန်ပြီး ခေါင်းမာသောအပြု အမူကို ထိန်းချုပ်ရန်လိုအပ်သည်။
အထူးသဖြင့် အားကစားသမား၊ အနုပညာရှင်နှင့် စာရေးဆရာ အလုပ်တွေနဲ့ အလွန်အကျိုးဖြစ်ထွန်းသော ဇာတာမျိုး တွေဖြစ်ပါလိမ့်မယ်။သင်၏ယုံကြည်မှုနှင့် စွမ်းအင်အဆင့်များ မြင့်မားလာမည်ဖြစ်ပြီး ခက်ခဲသောအလုပ်များကို ပြီးမြောက်ရန် ပိုမိုလွယ်ကူစေပါတယ်။ အတိတ်က ရင်းနှီးမြုပ်နှံမှုများသည် ကောင်းမွန်သော ရလဒ်များကို ရရှိနိုင် မည်ဖြစ်တာမို့ ဒီဇာတာရှင်ဟာဖြစ်နိုင်ရင် ဘဝမှာငယ်ငယ်ကတည်းကရင်းနှီးမြုပ်နှံမှုတွေကို ရေရှည်လုပ်ကိုင်စေ ချင်ပါတယ်။ လုပ်ငန်းကိစ္စများသာမက အပျော်အပါးအတွက်ပါ ခရီးသွားလာမည်။ဇန်နဝါရီလ၊ ဧပြီလ၊စက်တင်ဘာလ တွေက မိမိအတွက် တစ်သက်တာ ကံ ကောင်းစေသော လတွေဖြစ်တတ်ပါတယ်။
အကြံ အစည် အတွေးအခေါ်တို့သည်လည်း ထူးထွေ ဆန်းသစ် နေလေ ရှိသည်။ဘဝတွင်အောင်မြင်လိုပါကကိုယ် လမ်းကိုယ်ထွင်ပြီး လျှောက် ရလိမ့်မည်။ ရည်မှန်းချက်များသည်လည်း အနှောက်အယှက်မကင်း တတ်ပါ။ သည်းခံစိတ်မွေးပြီး ရည်ရွယ် ထားသည့်အတိုင်း ကြိုးပမ်း သင့်သည်။မိမိကိုယ်တိုင်ကလဲ အတွေးအခေါ်အဆင့်မြင့်ပြီး သာမန်လူတွေလိုက်မမှီတဲ့စိတ်ကူးမျိုးရှိတယ်။ တကယ်လက်တွေ့မှာအသုံးတည့်ပြီး မည်သူမျှမတွေးဘူးတဲ့စီးပွားရေး ကိုတွေးမိလုပ်မိတတ်ပါတယ်။ အတွေးနဲ့အလုပ်တစ်ထပ်ထဲကျအောင်လုပ်နိုင်ကြသူတွေ၊အမိအဘကပါ အားပေးပြီး သူလုပ်ချင်တာကို မြေတောင်မြှောက်ပေးမယ်ဆိုရင် ထပ်ဆုံးရောက်သွားနိုင်ပါတယ်။
လောကဓံ”တရားကို လှောင်နိုင်သော အရည်အချင်း ရှိသကဲ့သို့ ဟန်ဆောင်နေတတ်သော်လည်း ရင်ထဲတွင် ပြင်းထန် စွာ ခံစားနေလေ့ရှိသည်။နှလုံးသားနုပေမဲ့ အပြင်မှာတော့ အပြုံးအရယ်နည်းသူဖြစ်တယ်။အမှန်မှာမူ ဘဝ ဇာတ်ခုံ ပေါ်တွင် ကံဇာတ်ဆရာ စေခိုင်းသည့်အတိုင်း ကပြအသုံးတော်ခံနေရသူသာ ဖြစ်သည်။ အများအပေါ်တွင် သြဇာ အာဏာ ရှိလိုသော အတွင်းစိတ်ရှိနေ လိမ့်မည်။ အရေးအသား အပြောအဆို၊ လက်နက်တခုခုကိုသုံးပြီး အနိုင်ယူ လိုသော ဆန္ဒမျိုးလည်း ပေါ်တတ်သည်။
ဤလမှာမွေးသော (၄) ဂဏန်း ရထားကြသူများသည် အများပြည်သူနှင့် ဆက်ဆံဖြေဖျော်ရသော လုပ်ငန်းနှင့် အထူး သင့်လျော်ကြပါသည်။ မိမိတို့တွင် သူမတူသော အပြုအမူ၊ ကိုယ်ပိုင် အတွေး၊ လမ်းအိုကို စွန့်လိုစိတ် စသည်တို့ ကိန်းအောင်းနေတတ်ပြန်သည်။
စီးပွားရေးတွင်လည်း ဖြစ်ရိုးဖြစ်စဉ် မဟုတ်တတ်ချေ။ ငွေကြေးရှာ ဖွေ၍ရသော်လည်း ချက်ချင်းကုန်ခမ်းသွားလေ ရှိသည်။ လက်ကြားမှ ငွေယိုနေတတ်သည်။ မိမိသုံးဖြုန်းတာမျိုးမဟုတ်ဘဲ အဖိုးတန်ပစ္စည်းတွေကို ဝယ်သုံးတာ ကြောင့်ကုန်သွားတတ်သည်။ နောက်ဆုံးပေါ် အိုင်ဖုန်းတို့၊နောက်ဆုံးပေါ်ကားတို့ ကိုစိတ်ဝင်စားကြသူတွေဖြစ်ပါတယ်။
အကောင်းဆုံးဘက်မှဖြစ်စေ၊ အဆိုးဘက်မှဖြစ်စေ ကျော်ကြား နေတတ်သည်။ထိုကဲ့သို့နာမည်ကြီးခြင်းမျိုးကား ရရှိ သောဓနကြေးငွေ ထက် ကြာရှည်မြဲနေတတ်သည်။ လူသေသော်လည်း နာမည်ကျန်ရစ် ပါလိမ့်မည်။ .. အိုစာ မင်းစာ ချန်မထားဘက်ပါက အိုဇာတာ ညံ့လိမ့်မည်။
ရိုးရိုးအဖျားအနာမှကင်းတတ်သော်လည်း မတော်တဆ ထိခိုက်မိ တတ်သည်။ခြေထောက်ထိခိုက်ဒဏ်ရာရ တတ်သည်။ ဆိုင်ကယ်ကား အက်စီဒင့်ဖြစ်ပြီးခြေထောက်ထိတာမျိုး ကျွန်တော်ဘဝမှာ ဒီလိုနေ့မျိုးမွေးသူကို ၃ယောက် လောက်တွေ့ဖူးပါတယ်။ ဇန်နဝါရီ ၄၊၁၃၊၂၂၊၃၁ မွေးသူတွေမှာ ထိုအားနည်းချက်ရှိပါတယ်။သို့သော် လည်း အများတကာထက် တောင့်တင်း ကြံ့ခိုင်သူမျိုး ဖြစ်သည်။ ထို့ကြောင့် ဖြစ်ရိုး ဖြစ်စဉ်ရောဂါများကိုကြောက်စရာမလိုပါ။ အမှတ် မထင် ထိခိုက်မိတတ်လေ့ ရှိသဖြင့် အတင့်မရဲသင့်ပါ။
၄ဂဏန်း၊၁ဂဏန်းနှင့် ၎င်းတို့ကို ဖြစ်ပေါ်စေသော ဂဏန်းနံပတ်၊ ရက်စွဲများ (ဥပမာ-၁၊ ၄၊ ၁၀၊ ၁၃၊ ၁၉၊ ၂၂၊ ၂၈၊ ၃၁) သည် အကျိုးပေးတတ်သဖြင့် ကိစ္စကြီးငယ်ရှိလျှင် ၎င်းတို့နှင့် တိုက် ဆိုင်မိအောင် ကြံစည်စောင့်ဆိုင်း၍ လုပ်ကိုင်သင့် သည်။
၈ဂဏန်းနှင့်၎င်းတို့ကို ဖြစ်ပေါ်စေသော ဂဏန်းနံပတ်၊ ရက်စွဲများ၊ (ဥပမာ-၈၊ ၁၇၊ ၂၆၊ ၃၅၊ ၄၄၊ ၅၃)နှင့် ကြုံရပါများလေ ရှိသော်လည်း တတ်နိုင်သမျှ ရှောင်သည်။ အကျိုး မပေး တတ်ပါ။
အဝါ၊ရွှေရောင်၊ကြေးနီရောင်၊ မီးခိုးရောင်၊ အဖြူ ရောင်ပါသော အရောင်များ၊ နီလာရောင် စသည်တို့ကို အဝက်အစား အသုံး အဆောင်တွင် ပါဝင်အောင် အသုံးပြု ပေးနိုင်လျှင် ကံဇာတာနှင့်ညို့ဓာတ်စွမ်းအင် ထက်မြက် လာနိုင်သည်။
စိန်၊ ဥဿဖယား၊ နီလာ၊ ပုလဲနက်စသော ကျောက်မျက် ရတနာ များကို အသားနှင့်ထိလျက် ဆင်မြန်းထားနိုင်ပါက ပိုမိုကံကောင်း လာနိုင်သည်။ဘဝတစ်သက်တာဝယ် အမှတ်မထင်ဖြစ်နေသည့် အသက်ပိုင်းများ မှာ ၁၀၊ ၁၃၊ ၁၉၊ ၂၂၊ ၂၈၊ ၃၁၊ ၃၇၊ ၄၀၊ ၄၆၊ ၄၉၊ ၅၅၊ ၅၈၆၄၊ ၆၇ နှစ်တို့ဖြစ်ကြသည်။ အသက် ၂၈၊ ၁၇၊ ၂၆၊ ၃၅၊ ၄၄၊ ၅၃နှစ်တို့တွင် အရေးကြီးသော ဖြစ်ရပ်များနှင့် ကြုံရ တတ်သည်။
မည်သည့်လမှမဆို ၁၊ ၄၊ ၁ဝ၊၁၃၊ ၁၉၊ ၂၂၊ ၂၈၊ ၃၁ရက် ဖွားများနှင့် ရင်းနှီးလွယ်တတ်သည်။ ၈၊ ၁၇၊ ၂၆၊ ရက် ဖွားများနှင့် လည်း တွေ့ဆုံ အကျိုးပြုမည့် သူများ မဟုတ်ချေ။
ဒီနေ့မွေးရင်သွေးငယ်များအားလုံး ကျန်းမာချမ်းသာ၊အသက်ရှည်ပြီး၊ဥာဏ်ပညာနှင့်ပြည့်စုံသော သားသားမီးမီးများဖြစ် ကြပါစေ။မိဘကအားကိုးရသော၊တိုင်းပြည်က အားကိုးရသော ရတနာလေးတွေ ဖြစ်ပါစေလို့ ဆုမွန်ကောင်းတောင်း အပ်ပါတယ်။
#ဩဘာမိုး -ရင်သွေးအမည်ပေးသီးသန့်
09775555695