ဒီနေ့မွေး ရင်သွေးငယ်များဟာ ပုတိဖွား၊ ပြုဗ္ဗာဘဒြပိုဒ်နက္ခတ်နဲ့စန်းယှဉ်မွေးသူ၊ ကုမ်စန်းညနေ(၄)နာရီ(၂၄)မိနစ်လွန် စန်းမိန်ရာသီသို့ ပြောင်းသည်။ ဓနုရာသီဖွားဖြစ်ပါသည်။ ယနေ့မွေးဖွားသူများသည် အနုပညာစွမ်းရည်တွေ အထူး ပြင်းပြတဲ့ မွေးနေ့ပိုင်ရှင်ပါ။ မိမိဘဝအတွေ့အကြုံများ သည် ပိုမိုကြီးမားသောအသိဥာဏ်နှင့် ပင်ကိုယ်စွမ်းအားကိုပိုမို မြင့်မားစေသည်။ မိမိတွင် လိင်ဆွဲဆောင်မှုအားကောင်း ပြီး အချစ်ရေးတွင် အလွန်ဆွဲဆောင်မှုရှိသည်။ အကြံဉာဏ်၊ အကူအညီနှင့် နှစ်သိမ့်မှုများအတွက် အခြားသူများကို မိမိထံ အလိုလိုဆွဲဆောင် သိမ်းသွင်းနိုင်ပါတယ်။ မိမိ၏ ပင်ကိုယ်ဥာဏ်သည် သူတစ်ပါးထက် ကောင်းမွန်စွာ ဖွံ့ဖြိုးနေပြီး အကန့်အသတ်မရှိဟု ထင်ရသည်။မိမိ၏ စိတ်ကူး စိတ်သန်းမှာလည်း ထိုနည်းလည်းကောင်းပင်။ မိမိက နည်းနည်းတော့ ထိလွယ်ရှလွယ်ရှိသော်လည်း၊ မည်သည့် ကိစ္စကိုမဆို မိမိကိုယ်တိုင်လုပ်ရန် မကြောက်ပါ။
ကြိုးစာရင် ကြိုးစား သလောက် လုပ်ငန်းပိုင်းအောင်မြင်မှုမြင့်မားပြီး ဆိုင်ခွဲပေါင်းများစွာဖွင့်နိုင်သည်အထိအောင်မြင် တတ်သူ ဖြစ်ပါတယ်။ နိုင်ငံခြားကံ အကျိုးပေး အားကောင်းပြီး မွေးရပ်မြေရဲ့အဝေးမှာ အခြေချနေထိုင်နိုင်ကြသူတွေလဲ ဖြစ်ပါတယ်။ မိခင်စွမ်း အား ကောင်းသူဖြစ်တာမို့ မိခင်အကြီးအကဲတွေနဲ့ပတ်သက်သော ကံကောင်းမှုမျိုးကိုရရှိတဲ့ သူတွေဖြစ်ပါတယ်။ အသက် ၂၂ကနေ အသက် ၂၉နှစ်အတွင်း လိင်ကိစ္စရှုပ်ထွေးမှုတွေများပြားပြီးတော့ အခန့် မသင့်ရင် အချစ်ရေး အိမ် ထောင်ရေးကြောင့်ပဲ နာမည်ပျက်လွယ်တဲ့ကာလတွေပဲဖြစ်ပါတယ်။ မိန်းကလေး ဇာတာရှင် များအထူး သတိပြုရမဲ့ နှစ် အပိုင်းအခြားပဲဖြစ်ပါတယ်။
နံပါတ် ၅ နှင့် ဗုဒ္ဓဟူးဂြိုဟ်တို့ အုပ်ချုပ်သည်။ သင်သည် လက်တွေ့ကျကျ၊ ထက်မြက်သူ၊ ဂုဏ်သိက္ခာရှိသော၊ ထိလွယ် ရှလွယ်သူ၊စီးပွားရေးမှာပြောင်မြောက်သော ပုဂ္ဂိုလ်ဖြစ်သည်။ သင်သည် ဖော်ရွေပြီး အလွန်အကူအညီပေးတတ် သော်လည်း တစ်ခါတစ်ရံတွင် စိတ်မရှည်ခြင်းနှင့် ခေတ္တခဏအမူအကျင့်ကို ထိန်းချုပ်ရန် လိုအပ်ပါသည်။သင်သည် မူလဇာတာအရ ရင်းနှီးမြုပ်နှံမှုတွေမှာ ဂရုတစိုက် ရင်းနှီးမြုပ်နှံသင့်သည်။ ဖေဖေါ်ဝါရီ၊ဧပြီ၊အောက်တိုဘာလ များသည် ထင်ရှားလိမ့်မည်။သိလွယ်တတ်လွယ် မြင်လွယ်သူ ဖြစ်သဖြင့် တခုတည်းသော အသက်မွေးပညာကို ရွေးတော့မည် ဆိုသောအခါမျိုး၌ အခက်ကြုံရ တက်ပြန်သည်။ ထို ့ကြောင့်လည်း မည်သည့် အရာမျိုး၌မဆိုကြာကြာ စွဲမြဲခြင်း မရှိတတ်ချေ။
ဘဝ လမ်းတလျှောက်အံ့ဩစရာ ကောင်းလှသည့် မထင်ထားသော အခွင့်အရေးများ ကျရောက်လာရန်လည်း ရှိပါ သည်။အခြားသူအပေါ် စူးရှထက်မြက်သော – ဝေဖန်တက်သည့် ညာဉ် ရှိနေတတ်သဖြင့် ပထမဆုံးအကြိမ် ဆုံတွေ့ရ သောသူများအပေါ် တစ်ကြိမ်တည်းနှင့်ယုံကြည်ရန် မလွယ်ကူလှချေ။စာနာသနား စိတ်ဖြင့်သာလျှင် မိမိကို သိမ်းသွင်း လိုကသိမ်းသွင်းနိုင်ကြောင်းတွေ့ရပါသည်။
လိမ္မာပါးနပ်လျက် ပရိယာယ်ကြွယ်သူလည်းဖြစ်သည်။ တပါးသူ၏ လျှို့ဝှက်ချက်တို့ကိုလည်း ရရှိအသုံးချနိုင်စွမ်းရှိ သူလည်း ဖြစ်ပါသည်။ စာပေကိုမြတ်နိုးပြီး စာဖတ်ဝါသနာထုံသူလည်း ဖြစ်သည်။ သိပ္ပံ၊ ဓါတုဗေဒနှင့်တီထွင်ခြင်း၊ အင်း၊ ဆေး၊ ပြဒါး၊ မန္တာန် ပညာရပ်ကို လေ ့လာလိုသော်လည်း မိမိသည် လက်တွေ့ဆန်သူသာ ဖြစ်သည်။ ဒါကြောင့် ဒီလို ဇန်နဝါရီလမွေး ၅ဂဏန်းသမားတွေဟာ ရုပ်ဝါဒီဆန်သွားတတ်သည်။ အထူးသဖြင့် ဇန်နဝါရီ ၂၃ မွေးသူတွေဟာ ရုပ်ဝါဒီအဆန်ဆုံးနေ့ဖွားများဖြစ်တယ်။
အကောင်းဘက်ကိုသာ မျှော်လင့်တတ်သော စိတ်ဓါတ် မျိုးကို မွေးမြူပြီး အပျက်ကိုသာ မျှော်တတ်သည့် စိတ်ထားမျိုးကို တိုက်ထုတ် ပစ်သင့်ပါသည်။ငွေရေးကြေးရေးနှင့်ပတ်သက်လျှင် သတိနှင့်ချွေတာ တတ်သည်။ ကြွေးတင်မခံလိုသည့် စိတ်လည်းရှိသည်။ ရင်းနှီးမြှုပ်နှံရာတွင် ကောင်း သော လက်တွေ့ဆန်လှသည့် အတွေးမျိုးလည်း ရှိနေတတ်ပါသည်။ သို့သော် တခါတရံ သတိကြီးလွန်း နေတတ်ပြန်သည်။ ထို ့ကြောင့် အခွင့်အရေးများ လက်လွတ်သွားတတ် ပေ သည်။ချိန်ဆလွန်းအားကြီးတာကြောင့် အချို့အခွင့်အရေး လက်လွတ်ဆုံးရှုံးရတတ်သည်။ကံကောင်းတာက ဖခင်ဆီ ကနေ အထောက်အပံ့အလွန်ရတဲ့သူတွေဖြစ်ကြတာတွေ့ ရတယ်။
ဒီနေ့မွေးသူများသည်. ဘက်စုံ ကျွမ်းကျင်သူဖြစ်သည်။ ထို ့ကြောင့် သင်၏ ရည်မှန်းချက်များနှင့် ပါရမီတို့ အံဝင်မည့် အလုပ်မျိုးကို ရွေးချယ်ရန် မလွယ်ကူလှချေ။ အလုပ်မျိုးစုံကို စမ်းသပ်လုပ်ကိုင်ဖူးသောသူလည်း ဖြစ်ပါသည်။မိမိတို့သည် လူမျိုးစုံနှင့်၎င်း၊ လေ့လာခြင်းအမျိုးမျိုးနှင့်၎င်း၊ လိုက် လျောညီထွေဖြစ်အောင် စွမ်းဆောင်နိုင်သူ လည်းဖြစ်သည်။ တည်ငြိမ် ခြင်းထက် လှုပ်ရှားခြင်းကိုပိုမိုနှစ်သက်သူဖြစ်ခြင်းကြောင့် ခရီးသွားရဖန်များတတ်ပါသေးသည်။
အာရုံကြောများ မပန်းအောင် မကြာခဏအနားယူပေး သင့်သည်။ အရာရာတိုင်းနှင့် ပတ်သက်ပြီး စိတ်ခံစားချက် ပြင်းပြ တတ်သည်။ စိတ်မထိန်း နိုင်လောက်အောင် ခံစားချက် ပြင်းထန် သဖြင့် အကျိုးယုတ်တတ်ပါသည်။ မကြာခဏ ဆိုသကဲ့သို့ ဝမ်းနည်း ကြေကွဲစရာများကြောင့် စိတ်မထိန်းနိုင်ဘဲ ပေါက်ကွဲ တတ်ပြန်သည်။ ယင်းသို့ဖြစ်ခြင်းကြောင့် အစာခြေ အင်္ဂါအစိတ်အပိုင်း များမှ အချဉ်ဓါတ်များသည် သွေးကြောများအတွင်း၌ လိုသည်ထက် ပိုမို ပြန့်နှံ့စေ တတ်သည်။ ထိုမှတဆင့် အရိုးအဆစ်များ နာကြင်သည့်ဝေဒနာကို ခံစားရတတ်လေသည်။ အခြေခံအားဖြင့် ကိုယ်ခန္ဓာ တည်ဆောက်ပုံစံ ကြံ့ခိုင် သော ကြောင့် ကျရောက်လာသည့် ရောဂါအပေါင်းကို တွန်းလှန် နိုင်စွမ်း ရှိနေပါသည်။ ဒီနေ့မွေးရင်သွေးများဟာ ပိန်ပိန်ပါးပါးဖြစ်ရင်တောင် မာမာချာချာ ရှိတဲ့သူတွေဖြစ်ပါတယ်။
မိမိတို့အတွက်အရေးပါသော ဂဏန်းမှာ ငါးနှင့်၎င်းဂဏန်းကို ဖြစ်ပေါ်စေသော ၅၊ ၁၄ နှင့် ၂ ၃ တို့ ဖြစ်ပါသည်။ ၎င်းအပြင်လေးနှင့်ရှစ်ဂဏန်းများမှလွဲ၍ အခြားသောဂဏန်းများသည်လည်း သင့်ကိုအကျိုးပြုတတ်ပါသည်။ ထို ့ကြောင့် ၄၊၁၃၊၂၂၊ ၃၁ နှင့် ၈၊ ၁၇၊ ၂၆ တို့ကို ရှောင်သင့်ပေသည်။ မိမိတို့ဘဝ အတွက်အရေးကြီး သောကိစ္စများ ကိုဆောင်ရွက်တော့မည် ဆိုလျှင် ငါးဂဏန်းနှင့် ၎င်းဂဏန်းတို့ကို ဖြစ်ပေါ်စေသော ၅၊၁၄၊၂ ၃ ရက်တို့ကို ရွေးရန် တိုက်တွန်းလိုပါသည်။
မိမိ၏ ညှို့ဓါတ်စွမ်းအား တိုးတက်ထက်မြက်လာစေရန်နှင့် ပိုမို၍ ကံကောင်းလာစေရန် မည်သည့်ကာလာဖြစ်စေ အရောင်နုများကို အတတ်နိုင်ဆုံး ဝတ်ဆင် သုံးဆောင်သင့်လှပေသည်။မိမိကိုကံကောင်းစေမည့် ရတနာမှာ စိန်နှင့်အရောင် တောက်ပ သော ကျောက်များဖြစ်သည်။
သင့်ဘဝတလျှောက် အမှတ်ထင်ထင် ဖြစ်စေမည့်. အသက်ပိုင်း တို့မှာ ၅၊ ၁၄၊ ၂၃၊ ၃၂၊ ၄၁၊ ၅၀၊ ၆၀၊ ၇၇ နှင့် ဂ၊ ၁၇၊ ၂၆၊ ၃၅၊ ၄၄၊ ၅၃၊ ၆၂၊ ၇၁ တို့ဖြစ်သည်။
တနှစ်တာအတွင်း မည်သည့်လမဆို ၅၊ ၁၄ နှင့် ၂ ၃ ရက်ဖွား များနှင့် သင်သည် အလွန်နီးစပ်သူဖြစ်ပါသည်။ ၈၊ ၁၇ နှင့် ၂၆ ရက်ဖွားများနှင့်လည်း နီးနီးစပ်စပ် ရှိတတ်သော်လည်း သင့်အတွက် အကျိုးမရှိတတ်ချေ။
ဒီနေ့မွေးရင်သွေးငယ်များအားလုံး ကျန်းမာချမ်းသာ၊အသက်ရှည်ပြီး၊ဥာဏ်ပညာနှင့်ပြည့်စုံသော သားသားမီးမီးများဖြစ် ကြပါစေ။မိဘကအားကိုးရသော၊တိုင်းပြည်က အားကိုးရသော ရတနာလေးတွေ ဖြစ်ပါစေလို့ ဆုမွန်ကောင်းတောင်း အပ်ပါတယ်။
#ဩဘာမိုး -ရင်သွေးအမည်ပေးသီးသန့်
09775555695