ဒီနေ့မွေး ရင်သွေးငယ်များဟာ ရာဇဖွား၊ ဘရဏီနက္ခတ်နဲ့စန်းယှဉ်မွေးသူ၊ မိဿစန်း၊ ဓနုရာသီဖွားဖြစ်ပါသည်။ဒီနေ့ မွေးသူများဟာ ဉာဏ်က ထက်မြက်ပြီး မိမိရဲ့ အရည်အချင်းတွေက အများကြီး။ အရာရာတိုင်းကို မိမိအနည်းငယ် ကိုသာသိရုံနှင့်ပင် မည်သည့် အခြေအနေမျိုးကိုမဆို မိမိ၏အကဲ ဖြတ်မှုသည် မြန်ဆန်ပြီး များသောအားဖြင့် တိကျပါ သည်။ မိမိရဲ့စိတ်ကူးတွေက စိတ်ဝင်စားဖို့ကောင်းရုံသာမကဘဲ မကြာခဏဆိုသလို စျေးကွက်ထဲမှာပေါက်မြောက်တဲ့ အတွေးတွေပါ၀င်ပါတယ်။ မိမိသည်လည်း စစ်မှန်သော ဘဝလက်တွဲဖော်ကို လေးစားတန်ဖိုးထားတတ်ပေမဲ့ အိမ် ထောင် ဘက်ကောင်းရဖို့တော့ အလွန်ခဲယဉ်းတဲ့သူတွေ ဖြစ်ပါတယ်။ မိမိသာအားထည့်ကြိုးစားမယ်ဆို ပထမအရွယ်ပြီး ခါနီး အသက်၂၀လောက် ကစပြီးမိမိနှင့်ထိုက်တန်သော အခြေ အနေများအားလုံး မကြာမီ ပြည့်ဝနိုင်မည် ဖြစ်ပါ သည်။
မိမိသည် အခြား သူများ၏ အကြံဉာဏ်ကို အမြဲမလိုက် နာ သော်လည်း၊ အခြားသူတွေရဲ့ အကြံဥာဏ်ကို နှစ်သက်ပါ သည်။ ရွှင်လန်း မှုနှင့် ထူးခြားသောရယ်မောခြင်းတို့သည် မိမိ၏ပင်ကို စရိုက်လက္ခဏာ ဖြစ်သည်။ခရီးသွားရင်းအန္တရာယ် ဖြစ်တတ်ခြင်း၊ ရေကူးရင်းအန္တရာယ်ဖြစ်တတ်ခြင်းတွေ ကိုသတိထားသင့်တဲ့သူမျိုးတွေဖြစ်ပါတယ်။ နံပါတ် ၉ နဲ့ အင်္ဂါဂြိုဟ်ကို အုပ်ချုပ်ပါတယ်။ တက်ကြွတယ်၊ ထက်မြက်တယ်၊ ရဲရင့်တယ်၊ စိတ်အားထက်သန်တယ်၊ ထက်မြက်တဲ့သူ။ သင့်တင့်လျောက်ပတ်သော အမူအကျင့်နှင့် ဉာဏ်ရည်ဉာဏ်သွေး မြင့်မားသော စကားပြောများကြောင့် လူအများရဲ့ အာရုံစူးစိုက်မှုကို အလွယ်တကူ ဆွဲဆောင်နိုင်သည်။ မောက်မာမှု၊ ရန်လိုမှုနှင့် တိုတောင်းသော စိတ်သဘောထားများကို တစ်ခါတစ်ရံတွင် ထိန်းချုပ်ရန် လိုအပ်သည်။
ဘဝတွင် လှုပ်ရှားမှုများလျက် အဖြစ်အပျက်ပေါင်း မြောက်မြားစွာကို ကျော်လွှားရပါလိမ့်မည်။ သင်မပိုင်နိုင်သော အခြေ အနေများသည် သင့်ဘဝဖြစ်ရပ်များတွင် အရေးကြီးသော အပိုင်း၌ ဝင်ရောက်လာကြောင်းလည်း တွေ့ကြုံရ ပါလိမ့်မည်။
မည်သည့်ကိစ္စကိုဆောင်ရွက်သည်ဖြစ်စေ၊ သင်သည် ရှေ့သို့တိုက် ခိုက်တိုးတက်အောင်လုပ်ရပါလိမ့်မည်။ သို့သော် အစဉ်အလာမဟုတ်သော ဘဝအတက်အကျများကိုတွေ့ရန် အလားအလာရှိနေပါသည်။ ဘဝတွင် တခါတရံ အားလုံး အဆင်ပြေနေတတ်ပြီး တခါတရံ ကမောက်ကမ ဘဝ ဖြစ်နေတတ်သည်။ မိဘ ဘိုးဘွားတို့၏ အမွေအနှစ်ကြောင့် သင့် အတွက် ချမ်းသာသော အခြေအနေများတစ်ချိန်ချိန်တွင်ရောက်နိုင်သော်လည်း အစပိုင်း၌ သင်ကိုယ်တိုင် ရုန်းကန်ရ ပါလိမ့်မည်။ အသက် ၃၃နှစ် သို့မဟုတ် ၃၅နှစ်တိုင်အောင် မိမိကိုယ့်အားကိုယ်ကိုးလုပ်ကိုင်နေရတတ်ပေသည်။ ကြီးပွားချမ်းသာလိုသည့် စိတ်ဆန္ဒ လွန်စွာ ပြင်းပြသဖြင့် သင့် ပတ်ဝန်းကျင်မှလူများထက် ဝီရိယများစွာ ကျော်လွန် သည်အထိ ကြိုးပမ်းတတ်သူ လည်း ဖြစ်သည်။
မိမိကိုယ်ကို ယုံကြည်စိတ်နှင့် သတ္တိရှိနေသောကြောင့် ဘဝတိုက်ပွဲ များတွင် အနိုင်ရတတ်ပါသည်။ စီမံခန့်ခွဲရေးနှင့် စည်းရုံးရေး အရည်အသွေးများလည်း သာမန်အဆင့်ထက်ပိုမိုနေတတ်ပါသည်။ သို့သော် မှန်ကန်စွာဆုံးဖြတ်နိုင်ရန် အတွက် လက်တွေ့များများလိုအပ်လှပါသည်။အအုပ်အချုပ်သို့မဟုတ် အစိုးရအလုပ်များသည် သင့်သဘာဝနှင့် ကိုက်ညီလှသည်။ ၎င်းပြင် စီးပွားရေးလုပ်ငန်းများနှင့် စက်ရုံများ၌ အဆင့်များစွာ တာဝန်ယူရသည့် အလုပ်များ နှင့် လည်း သင့်လျှော်ပါ သည်။
စိတ်လှုပ်ရှားခြင်းနှင့် စွန့်စားခြင်းကိုဝါသနာပါတတ်သောကြောင့် အ န္တ ရာယ်မတွေ့ရလေအောင် သတိကြီးစွာ ထား အပ်လှပါသည်။ ကြုံတွေ့ရဖန်များတတ်သဖြင့် မမျှော်လင့်သော အဖြစ်အပျက်များကို သတ်စွန့်ဆံဖျားလုပ်ရမည့် ကိစ္စများကို ရှောင်သင့်ပေသည်။မည်သည့်လုပ်ငန်းကိုလုပ်လုပ် ဇွဲသတ္တိနှင့် စုဆောင်းထိန်းသိမ်းခြင်း ကြောင့် တိုးတက် ထွန်းကားနိုင်သည်။ သို့သော် ဖုံးကွယ်နေသည့် တဇွတ်ထိုးစိတ်၏တိုက်တွန်းချက်ကြောင့် မစဉ်းမစားပြုလုပ်တတ် ပါ သည်။
အိမ်ထောင်ကျကာမှသင်၏လူမှုရေးဘဝတိုးတက်လာတတ်သော် လည်း ထူးခြားသောအတွေ့အကြုံများကို အိမ်ထောင် သက်ကြာလာ သည့်အခါ တွေ့ရတတ်ပေသည်။စိတ်မြန်လျက် စိတ်တိုသူတဦးဖြစ်ပြီး ခေါင်းမာလျက် တရားသေ သမားလည်းဖြစ်တတ်သည်။ အသက်ကြီးလာသောအခါ၌ ရန်သူရန် ဖက်များနှင့် မိတ်ဆွေတုများ၏ လုပ်ကြံမှုကို သတိကြီးစွာ ထားအပ် ပါသည်။
စီးပွားရေးကိစ္စများတွင် ဇန်နဝါရီလ ၁၈ နှင့် ၂ ၇ ရက်ဖွားများဖြစ်ပါက၊ အသက် ၃၅ နှစ် မှ ၆ဝ နှစ်တိုင်အောင် ငွေကြေးအတော်များများကို ကိုင်တွယ်သုံးစွဲရ ပါသည်။ အသက် ၆၀ ကျော်သောအခါ ငွေကြေးသုံးစွဲကိုင်တွယ်ရာ တွင် အထူးသတိထားအပ်လှပေသည်။
ကျန်းမာရေးအတွက်ကြည့်ရသော် သင်သည် ငယ်ရွယ်စဉ်မှစ၍ ကျန်းမာရေးကောင်းသူဖြစ်ကြောင်း တွေ့ရပါသည်။ အရွယ်ထောက် လာသောအခါ နှလုံးကျန်းမာသန်စွမ်းရေးကို ဂရုစိုက်သင့်သည်။
“ကိုး”နှင့် ၎င်းကိုဖြစ်ပေါ်စေသော ဂဏန်းအတွဲများ (ဥပမာ- ၉၊ ၁၈၊ ၂၇) တွင် သင့်ဘဝအတွက် အရေးပါသော ကိစ္စများကို ဆောင်ရွက်သင့်သည်။ ၎င်းရက်များကို ရွေးချယ်သင့်ပါသည်။၎င်းပြင် ရှစ်နှင့်လေးဂဏန်းများနှင့် ၎င်းတို့ကို ဖြစ်ပေါ်စေသော ဂဏန်းတွဲများအပြင် တနှစ်တာအတွင်း မည်သည့်လတွင်မဆို ၄၊ ဂ၊၁၃၊၁၇၊ ၂၂ နှင့် ၂၆ ရက်ဖွားများသည် သင့်ဘဝအတွက် အရေး ပါလှပါသည်။
သို့သော် များသောအားဖြင့် ရှစ်နှင့်လေးဂဏန်းကို ဖြစ်ပေါ်စေ သောဂဏန်းအတွဲများသည် သင့်အတွက် ကောင်း ကျိုးထက် ဆိုး ပြစ်ကိုဖြစ်စေသဖြင့် သတိထားရပေလိမ့်မည်။ ရှောင်နိုင်ကပို၍ကောင်း လှသည်။ညှို့ဓါတ်စွမ်းအား တိုးတက်ထက်မြက်လာစေရန်နှင့်ပိုမိုကံကောင်း လာစေရန် အနီရောင်အဆင်း အမျိုးမျိုးပါသော အဝတ်အစား အသုံး အဆောင်များကို သုံးဆောင်သင့်ပါသည်။သင့်ကို ကံကောင်းစေမည့် ရထနာများမှာ ပတ္တမြားနှင့် ကျောက်နီ-တို့ဖြစ်ကြပါသည်။
ဘဝတသက်တာတွင် အရေးကြီးသော အသက်ပိုင်းများမှာ ၉၊ ၁၈၊၂၇၊ ၃၆၊ ၄၅၊ ၅၄၊ ၆၃၊ ၇၂၊ ၈၁ နှင့် ၉ဝ နှစ်တို့ဖြစ်ပေ သည်။တနှစ်တာအတွင်း မည်သည့်လ၌မဆို ၃၊ ၆၊ ၉၊ ၁၂၊ ၁၅၊ ၁၈၊ ၂ ၁၊ ၂၄၊ ၂ ၇ နှင့် ၃ဝ ရက်ဖွားများသည် သင်နှင့်နီးစပ်သူများဖြစ် ပေသည်။
ဒီနေ့မွေးရင်သွေးငယ်များအားလုံး ကျန်းမာချမ်းသာ၊အသက်ရှည်ပြီး၊ဥာဏ်ပညာနှင့်ပြည့်စုံသော သားသားမီးမီးများဖြစ် ကြပါစေ။မိဘကအားကိုးရသော၊တိုင်းပြည်က အားကိုးရသော ရတနာလေးတွေ ဖြစ်ပါစေလို့ ဆုမွန်ကောင်းတောင်း အပ်ပါတယ်။
#ဩဘာမိုး -ရင်သွေးအမည်ပေးသီးသန့်
09775555695