ဒီနေ့မွေး ရင်သွေးငယ်များဟာ သိုက်ဖွား၊ ဟဿတနက္ခတ်နဲ့စန်းယှဉ်မွေးသူ၊ ကန်စန်း၊ မကာရရာသီဖွားဖြစ်ပါသည်။ ယနေ့မွေးဖွားသူများသည် စိတ်ခံစားမှုအရ အလိုအလျောက်သိမြင်တတ်သူဖြစ်ပြီး စိတ်နှလုံးတွင် ရိုမန်တစ်ဆန်သော၊ မိမိသည် အရမ်းစိတ်ကူးယဉ်တတ်သူ၊ ရက်ရောပြီး ဟာသဉာဏ်ကောင်းသူဖြစ်သည်။ မိမိဟာ ကိုယ်ပိုင်ဘဝနဲ့ လူတွေရဲ့ ပိုခက်ခဲတဲ့ အသွင်အပြင်တွေကို အထူးသတိထားရှောင်နေတတ်တယ်။ အထူးသဖြင့် သက်တောင့်သက်သာနှင့် ပေါ့ပေါ့ ပါးပါးရှိခြင်းကို နှစ်သက်သောကြောင့် မိမိသည် ပို၍လက်တွေ့ကျခြင်း သို့မဟုတ် တက်ကြွနိုင်သည့်အချိန်များလည်း ပိုင်ဆိုင်လျှက်ရှိနိုင်ပါသည်။မိမိဟာ စည်းကမ်းကောင်းပြီး မိမိရဲ့ စိတ်နေသဘောထားက အေးမြပြီး သဘောကျ စရာ ကောင်းတယ်။ ချစ်ခြင်းမေတ္တာ၌ စွန့်လွှတ်အနစ်နာခံမှု များစွာ ကိုလည်း ပြုလုပ်နိုင်စွမ်းရှိသည်။ အရွယ်တစ်ခုရောက် သောအခါ ဘဝလွတ်မြောက်ရာကို ရှာဖွေပြီး တရားနောက် လိုက်သွားသူတွေဖြစ်တတပါတယ်။ တစ်ခုသတိထားရမှာက ငွေကို သုံးသင့်တဲ့နေရာမှာ နှမြောနေတတ်ပြီး မသုံးသင့် တဲ့နေရာမှာ သုံးခြင်းတွေကို သတိထားဆင်ခြင်ပါ။ တစ်ခုခုကို ပြောင်းလဲဖို့ ဝန်လေးခြင်းကြောင့်လဲ အောင်မြင်မှုက နောက်ကျတတ်ပါတယ်။ အသက် ၃၅ကျော်သွားရင် အိမ်ထောင် ပြုချင်စိတ်မရှိတော့ဘဲ တစ်ကိုယ်တည်းနေချင်စိတ် ပြင်းထန်သွားတတ်ပါတယ်။
ဒီနေ့မွေးသူများဟာ သိဥာဏ်ပညာ ပြည့်စုံဖို့လိုပါတယ်။ ဥာဏ်မကြီးရင် ဘဝမှာဝေလေလေ ဖြစ်သွားတတ် ပါတယ်။ တကယ်ကို မိမိတို့ တက်သိထားတဲ့ပညာကိုအသုံးမချမိဘဲ မိမိတို့ စိတ်မပါတဲ့အလုပ်မျိုးတွေနဲ့ အသက် မွေးမိတတ်ပါတယ်။ ဘာသာစကားနယ်ပယ်မှာ တော်ကြသူတွေဖြစ် ပါတယ်။ ခရီးသွားလုပ်ငန်းနှင့် တစ်ပါးသူကို ဂိုက်လိုင်းချပေးတဲ့ ဆရာအလုပ်တွေနဲ့အောင်မြင်လွယ်ကြပါတယ်။ ပထမ အရွယ်၊ဒုတိယအရွယ်တစ်ဝက်လောက်ထိ ကံအားနည်းချက်ရှိကြပါတယ်။ အသက် ၄၃လောက်မှ ကံကြမ္မာက မိမိ ကိုမျက်နှာသာပေးပါလိမ့်မယ်။
ငွေကို မိမိအကြံအစည် များကို အကောင်အထည် ဖေါ်ရာတွင် လမ်းအဖြစ်ခင်း၍ အသုံးပြုတတ်သော်လည်း မက်မက်မောမော မရှိ ကြ။ မိမိဥာဏ်စွမ်းဥာဏ်စကြောင့် မိမိအလိုရှိရာကို ရနိုင်သည် ဟူသောအသိမျိုး ရှိနေတတ်သည်။ မိမိအရှိထက်ပို၍ အထင်ကြီး ခံရ လေ့ရှိသည်။ငွေရှာချင်လို့ အလုပ်လုပ်တာမျိုးမဟုတ် တစ်ခုခုကို လုပ်နိုင်တယ်ဆိုတဲ့ ပြီးမြောက်မှုကို လိုချင်လို့ အလုပ်လုပ် သူတွေဖြစ်တယ်။
တစုံတယောက်က တောင်းခံလျှင်၊ ပေးကမ်း ထောက်ပံ့ကူညီ လိုသော စိတ်မျိုးရှိသည်၊ အထင်သေးခံရမည် ကို မလိုလားချေ၊ သိက္ခာ ကျ မခံလိုသောစိတ်နှင့်မိမိအရှိထက် ကျော်လွန်ပေးကမ်းတတ်သော ကြောင့် ဒုက္ခရောက်တတ် သည်။ ထိုစိတ်မျိုးမှလွဲ၍ ငွေကြေး အသုံး အစွဲ သတိရှိတတ်ကြပါသည်။
စိတ်ကူးဉာဏ် ကွန့်ရသောအလုပ်မျိုးတွင် အောင်မြင် နိုင်သည်။ စည်းကမ်းစနစ်ဖြင့်လုပ်ကိုင်ရသောစီးပွါး ရေးလုပ်ငန်း မျိုးနှင့်မကိုက်ပါ။ စည်းကမ်းတွေ ဖိအားတွေ ဆူပူကြိမ်းမောင်းပြီး ခိုင်းစေတာမျိုးတွေကို လုံးဝမကြိုက်သူတွေပါ။ မြင့်မြင့် ကြံတတ်သည့် စိတ်ကူးယဉ် အိပ်မက်များလည်း ရှိနေတတ် သည်။မိမိကိုယ်ကိုမိမိယုံကြည်အားကိုးစွာဖြင့် အရာရာကို ဆောင်ရွက် နိုင်လျှင် မိမိတို့၏စိတ်ကူးယဉ်အိပ်မက်များ အကောင်အထည် ပေါ် နိုင်သည်။
အဝေဖန်မခံလိုကြသဖြင့် အမြဲတမ်း အားပေးအားမြှောက်ပြုမည့် သူ ရှိပါမှ၊ အစွမ်းအစများ ပေါ်ထွက်လာနိုင်သည်။ ဒါကြောင့်မိဘက ကိုယ့်ရဲ့ဆောင်ရွက်မှုအပေါ် အသိအမှတ်ပြုဖို့၊ချီးကျူးဖို့ သိပ်လိုပါတယ်။ပတ်ဝန်းကျင် အခြေ အနေ အရ လွတ်လပ်ခွင့်မရသောအခါမျိုးတွင် စိတ်ဂဏှာမငြိမ် ဘဲ၊ စိတ်မချမ်းမသာ ဖြစ်နေတတ်သည်။ မိမိ၏ အကြံ အစည်များကို ပုံဖေါ်ရာတွင် လွတ်လပ်မှုလိုသဖြင့် ထိုသို့ မသာမကြည် ဖြစ်ရခြင်း ဖြစ်သည်။
ထက်မြက်တဲ့ ဉာဏ်ရည်ဉာဏ်သွေးကို ပြသတတ်ပါတယ်။ ဆင်ခြင်စဉ်းစားဉာဏ်လည်း အလွန်ထက်မြက်ပါတယ်။ ငယ်စဉ်ကလေးဘဝ ကစပြီး ဘာအလုပ်ပဲလုပ်လုပ်… ဆင်ခြင်စဉ်းစားဉာဏ်နဲ့ပဲ လုပ်တတ်ပါတယ်။ ကိုယ်ကာယ လျင်မြန် သန်စွမ်းမှုကို သုံးပြီး ကစားရတဲ့ ကစားနည်းထက် ဆင်ခြင်စဉ်းစား ဉာဏ်သုံးပြီး ကစားရတဲ့ ကစားနည်း တွေကို သဲသဲမဲမဲ ကစားလေ့ရှိကြပါတယ်။ ဒါကြောင့်လည်း ရာထူးကြီးမားတဲ့ အဆင့်မြင့်တရား သူကြီးတွေ၊ ကမ္ဘာ ကျော် စစ်တုရင်ချီပီယံကြီးတွေ ဖြစ်ကြတာပါပဲ။ဘယ်အလုပ်ပဲ လုပ်လုပ် ပေါ့ပေါ့တန်တန် မလုပ်ဘူး။ ဆင်ခြင် စဉ်းစားဉာဏ် သုံးပြီးမှလုပ်တဲ့အတွက်… မအောင်မြင်တဲ့အလုပ်ဆိုတာ ရှိကိုမရှိဘူး။ “ကံကိုယုံပြီး ဆူးပုံနင်း” တဲ့ အထဲမှာမပါဘူး။ တိုင်းပြည်ရဲ့ ဥပဒေပြု ပညာရှင်ကြီးတွေဟာ (2) ဂဏန်းသမားတွေပါပဲ။ မိမိရဲ့ အသိုင်းအဝန်းက ဆွေမျိုး၊ မိတ်ဆွေ၊ သူငယ်ချင်းတွေရဲ့ ပြဿနာအရပ် ကိစ္စအဝဝ ကို ဆင်ခြင်စဉ်းစား ဉာဏ်သုံးပြီး ဒိုင်ခံဖြေရှင်း ပေးရ တာကများပါတယ်။
ကျန်းမာရေးကတော့ အရွယ်သုံးပါးမှာ တစ်ပါးပါးတော့ အလွန်ညံ့ကြတာတွေ့ရတယ်။ ပထမအရွယ်မှာ ကျန်းမာရေး ခြူခြာသူဆို ဒုတိယအရွယ်၊တတိယအရွယ်တွေကျန်းမာရေးအလွန်ကောင်းကြပါတယ်။ ရင်ဘတ်ပိုင်းအားနည်းခြင်း၊ လေထိုးခြင်း၊ခေါင်းကိုက်ခြင်းတွေဖြစ်လေ့ရှိတဲ့ သူတွေလဲဖြစ်ပါတယ်။
“နှစ်” “ခုနစ်”ဂဏန်းနံပတ် ရက်စွဲများကိုဖြစ်ပေါ်စေသည့် ၂၊ ၇၊၁၁၊ ၁၆၊၂၀၊ ၂၅၊ ၂၉ စသည်တို့သည် အရေးပါလှသည်။ မည်သည့်လတွင်မဆို ထိုနေ့များတွင် ဆောင်ရွက်စရာတို့ကို ဆောင့် ရွက်ပါ။
အဖြူ၊နို့နှစ်ရောင်၊အစိမ်းဖျော့၊ ဂျိုးငှက်ရောင်၊ မီးခိုးရောင်၊ အစရှိသော အရောင်အသွေးများ ပါသော အဝတ်အစား အသုံး ဆောင်များကို အသုံးပြုပေးခြင်းဖြင့် ညှို ့ဓါတ်စွမ်းအားတိုးတက်ပြီး “ကံ”ကောင်းလာနိုင်သည်။
ဘဝတစ်သက်တာအတွင်း မှတ်ထင်ထင် ဖြစ်စေမည့် အသက် အပိုင်း များမှာ ၇၊ ၁၁၊ ၁၆၂၀၊ ၂၅၂၉၊ ၃၄၊ ၃၈၊ ၄၃၊ ၄၇၊ ၅၂၊ ၅၆၊ ၆၁၊ ၆၅၊ ၇၀၊ ၇၄ နှစ်တို့ဖြစ်ကြသည်။
တစ်နှစ်တာမှမည်သည့်လမှမဆို ၂၊ ၇၊ ၁၁၊ ၁၆၊ ၂၀၊ ၂၅၊ ၂ ၉ရက်ဖွားများနှင့် တွေ့ဆုံရင်းနှီးရဖန် များတတ်သည်။
ဒီနေ့မွေးရင်သွေးငယ်များအားလုံး ကျန်းမာချမ်းသာ၊အသက်ရှည်ပြီး၊ဥာဏ်ပညာနှင့်ပြည့်စုံသော သားသားမီးမီးများဖြစ် ကြပါစေ။မိဘကအားကိုးရသော၊တိုင်းပြည်က အားကိုးရသော ရတနာလေးတွေ ဖြစ်ပါစေလို့ ဆုမွန်ကောင်းတောင်း အပ်ပါတယ်။
#ဩဘာမိုး -ရင်သွေးအမည်ပေးသီးသန့်
09775555695