ဒီနေ့ဟာ မြန်မာသက္ကရာဇ် ၁၃၈၆ခုနှစ်၊ ပြာသိုလဆုတ် (၇)ရက်၊ တနင်္လာနေ့ ဖြစ်ပါတယ်။
ခရစ်နှစ် ၂၀၂၅ခုနှစ်၊ ဇန်နဝါရီလ(၂၀)ရက်နေ့လဲ ဖြစ်ပါတယ်။
ဒီနေ့နံနက်(၅း၅၁)နာရီမှာ အရုဏ်တက်ပါတယ်။ နေထွက်ချိန်နံနက်(၆း၃၉)နာရီဖြစ်ပြီး ၊ ညနေ(၅း၃၂)နာရီမှာ နေဝင်ပါ တယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်က တောင်အရပ် ဖြစ်ပါတယ်။
လက်သမားမြေခံ ကတော့ ဒွန်းစဏ္ဍား မြေခံဖြစ်၍ ဆင်းရဲဒုက္ခများ ကြုံတွေ့ရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ရှောင်သင့်ပါတယ်။
ဒီနေ့ဟာတီထိမြေခံအရ အင်္ဂါမြေခံတဲ့နေ့ဖြစ်ပါတယ်။ အင်္ဂါမြေခံအရ ကျန်းမာရေးနှင့်ပတ်သက်၍ အထူး ထိခိုက်နိုင်တဲ့နေ့ရက်ဖြစ်တာကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုးတွေအထူးရှောင်သင့်ပါတယ်။
ဒီနေ့ဟာ ရက်ကန်း၊ သမားညို ကျရောက်နေတဲ့ နေ့ရက်ပဲဖြစ်ပါတယ်။
ဒီနေ့ဟာရသေ့ကျော်ရက် ကျရောက်တဲ့ နေ့ရက်ဖြစ်တာကြောင့် ဒီနေ့မှာစတင်လိုက်တဲ့ စီးပွားရေး၊လူမှုရေး၊ ကျန်းမာရေး၊ ပညာရေးနှင့်အလုပ်ကိစ္စ ရေးရာအဖြာဖြာတွေမှာရေရှည်အောင်မြင်မှုတွေကိုရရှိပါလိမ့်မယ်။
ဒီနေ့ဟာ တီထိအရတော့ လဆုတ်တီထိ(၇)လုံး ကျရောက်နေတာဖြစ်ပြီး ကောင်းကျိုးဖြစ်ထွန်းစေခြင်းကိုပေးတဲ့နေ့ ဖြစ်နေပါတယ်။ တီထိ(၇)လုံးအနေဖြင့် ကောင်းခြင်းမင်္ဂလာ အဖြာဖြာနဲ့ ပြည့်စုံတဲ့နေ့ရက်ပါပဲ။ မိမိရည်စူးထားတာ၊ ရည်ရွယ်ထားတာတွေကိုပြည့် မြောက်အောင်မြင်အောင် ဆောင်ရွက်နိုင်ပါလိမ့်မယ်။ အထူးသဖြင့် မိမိအတွက် အဆင်ပြေမဲ့ ကုန်ပစ္စည်းများ သိုလှောင်ထားခြင်းများ ဆောင်ရွက် လို့ကောင်းပါတယ်။
ဈေးဆိုင်အသစ်များ၊ ဈေးအသစ်များ၊ စူပါမားကတ်အသစ်များ၊ ဖွင့်လှစ်ခြင်းမျိုးအထူးကောင်းပါတယ်။ ထီကံမြင့်မားနေတာကြောင့် ၇ရက်သားသမီးများအားလုံးထီကံစမ်းသင့်ပါတယ်။ ၂ဂဏန်း၊၇ဂဏန်း၊၉ဂဏန်းများ များပါသော ထီလက်မှတ်ကို ရွေးချယ်ကံစမ်းခြင်းဖြင့် ထိရောက်မှုပိုရှိပါလိမ့်မယ်။
ကျက်သရေမင်္ဂလာရှိသော နေ့ရက်ဖြစ်တာကြောင့် ဘုရားရုပ်ပွားတော် ၊ရဟန္တာကိုယ်တော်ကြီးများရဲ့ပုံ တော် များကိုနေရာချခြင်း၊ ပုံတော်ပန်းချီကားများကို ချိတ်ဆွဲခြင်းများလုပ်ဆောင်သင့်ပါတယ်။မဂ်လာဆောင်ခြင်း၊ စေ့စပ် ကြောင်း လမ်းခြင်း၊ ရှင်ပြုခြင်း၊ နားသခြင်း၊ ပဉ္ဇင်းခံခြင်းစတဲ့ မင်္ဂလာကိစ္စများလဲ ဆောင်ရွက်လို့ အထူး ကောင်းနေပါ လိမ့်မယ်။
ငွေကြေးနဲ့ပတ်သက်သော စာချုပ်များ၊ အလုပ်နဲ့ပတ်သက်သော စာချုပ်များ၊ စီးပွားရေးနဲ့ပတ်သက်သော စာချုပ်များ ချုပ်ဆိုနိုင်တဲ့နေ့တစ်နေ့ပါပဲ။ အိမ်ခြံမြေတိုက်တာ အဆောက်အဦးများ ရောင်းချခြင်း၊ဝယ်ယူခြင်းများလဲ ဆောင်ရွက်နိုင်ပါတယ်။
ဌာနဆိုင်ရာနဲ့ပတ်သက်သောလုပ်ငန်းများ၊ မင်းအစိုးရနဲ့ပတ်သက်သောအလုပ်များ၊ဘဏ္ဍာရေးနဲ့ပတ်သက်သော အလုပ် များ၊ စစ်ဘက်ဆိုင်ရာနဲ့ပတ်သက်သော အလုပ်များလဲ အထူးအဆင်ပြေနေတတ်ပါတယ်။ ဘုရားဖူးထွက်ခြင်း များ၊ ဆရာတော်သံဃာတော်များအားသွားရောက်ဖူးမျှော်ခြင်းများစတဲ့ကုသိုလ်တရား တွေ ဆောင်ရွက်လို့ အထူး ကောင်း ပါတယ်။
ရှောင်သင့်တာတွေကတော့ ဒီနေ့မှာဘယ်လိုကိစ္စတွေပဲလုပ်လုပ် ၊အလျင်စလိုမလုပ်လိုက်ပါနဲ့။ အချိန်ယူဆုံးဖြတ်ပါ။ စက်ကား၊ယန္တရားမောင်းနှင်ကြသူများ ဒီနေ့မှာ သတ်မှတ်မိုင်နှုန်းထက် ပိုမမောင်းမိပါစေနဲ့။ ဖြစ်နိုင်ရင်အရှိန်လျော့ ပြီး မိမိထိန်းနိုင်လောက်တဲ့ အနေအထားလောက်ပဲမောင်းကြပါ။ နောက်တစ်ခုက အမိအဘအဘိုးအဘွားရှိသူများ ထိုသူ တွေရဲ့ကျန်းမာရေးကိုအထူးဂရုစိုက်ပါ။
ငွေကြေးစီမံခန့်ခွဲမှုတွေညံ့ဖျင်းနေတတ်တဲ့နေ့ရက်ပါပဲ။ မလိုအပ်တာတွေအတွက် ငွေသုံးမိတာ၊ တကယ် မလို အပ်တဲ့ပစ္စည်းအသုံးအဆောင်တွေဝယ်မိတာမျိုးတွေ ရှောင်ပါ။ စုမဲစုတာ၊ငွေလွယ်လွယ်ပေးလိုက်တာမျိုးတွေ လဲရှောင် လိုက်စေချင်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မွန်းလွဲ(၁၃း၂၅)နာရီမှ မွန်းလွဲ(၁၄း၁၇)နာရီ အတွင်း ကျရောက်နေတာဖြစ်ပါတယ်။ ဒီအချိန်ကာလအတွင်း မဟာဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ် ရွှင်ဂါထာ၊ ငွေရဂါထာများရွတ်ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ သိုက်ဖွား၊ ဟဿတနက္ခတ်နဲ့စန်းယှဉ်မွေးသူ၊ ကန်စန်း၊ မကာရရာသီဖွားဖြစ်ပါသည်။ ယနေ့မွေးဖွားသူများသည် စိတ်ခံစားမှုအရ အလိုအလျောက်သိမြင်တတ်သူဖြစ်ပြီး စိတ်နှလုံးတွင် ရိုမန်တစ်ဆန်သော၊ မိမိသည် အရမ်းစိတ်ကူးယဉ်တတ်သူ၊ ရက်ရောပြီး ဟာသဉာဏ်ကောင်းသူဖြစ်သည်။ မိမိဟာ ကိုယ်ပိုင်ဘဝနဲ့ လူတွေရဲ့ ပိုခက်ခဲတဲ့ အသွင်အပြင်တွေကို အထူးသတိထားရှောင်နေတတ်တယ်။ အထူးသဖြင့် သက်တောင့်သက်သာနှင့် ပေါ့ပေါ့ ပါးပါးရှိခြင်းကို နှစ်သက်သောကြောင့် မိမိသည် ပို၍လက်တွေ့ကျခြင်း သို့မဟုတ် တက်ကြွနိုင်သည့်အချိန်များလည်း ပိုင်ဆိုင်လျှက်ရှိနိုင်ပါသည်။မိမိဟာ စည်းကမ်းကောင်းပြီး မိမိရဲ့ စိတ်နေသဘောထားက အေးမြပြီး သဘောကျ စရာ ကောင်းတယ်။ ချစ်ခြင်းမေတ္တာ၌ စွန့်လွှတ်အနစ်နာခံမှု များစွာ ကိုလည်း ပြုလုပ်နိုင်စွမ်းရှိသည်။ အရွယ်တစ်ခုရောက် သောအခါ ဘဝလွတ်မြောက်ရာကို ရှာဖွေပြီး တရားနောက် လိုက်သွားသူတွေဖြစ်တတပါတယ်။ တစ်ခုသတိထားရမှာက ငွေကို သုံးသင့်တဲ့နေရာမှာ နှမြောနေတတ်ပြီး မသုံးသင့် တဲ့နေရာမှာ သုံးခြင်းတွေကို သတိထားဆင်ခြင်ပါ။ တစ်ခုခုကို ပြောင်းလဲဖို့ ဝန်လေးခြင်းကြောင့်လဲ အောင်မြင်မှုက နောက်ကျတတ်ပါတယ်။ အသက် ၃၅ကျော်သွားရင် အိမ်ထောင် ပြုချင်စိတ်မရှိတော့ဘဲ တစ်ကိုယ်တည်းနေချင်စိတ် ပြင်းထန်သွားတတ်ပါတယ်။
ဟဿတနက္ခတ်ဖြစ်တာကြောင့် ဟဿတ နက္ခတ်သည် အလင်း သို့မဟုတ် လျှင်မြန်သော နက္ခတ်ဖြစ်ပြီး၊ ဆေးဘက်ဆိုင်ရာကုသမှုများ၊ ပညာရေး စတင် ခြင်း၊ ခရီးများစတင်ခြင်း၊ သူငယ်ချင်းများတွေ့ခြင်း၊ အဝယ်ရောင်းခြင်း၊ ဝိညာဉ်ရေးဆိုင်ရာလှုပ်ရှားမှုများ၊ အလှဆင်မှုများ၊ အနုပညာလက်ရာများ၊ လေ့ကျင့်ခန်းများနှင့် ချေးငွေ့များပေးခြင်း သို့မဟုတ် လက်ခံခြင်းတို့အတွက် ကောင်းမွန်သည်။
ဤနက္ခတ်သည် ဘေးသို့မျက်နှာမူသော နက္ခတ်ဖြစ်ပြီး ခြေလေးချောင်းသတ္တဝါများ (မြင်း၊ ကျား၊ ကုလားအုတ် နွားစသည်ဖြင့် ဝယ်ယူခြင်းနှင့် လေ့ကျင့်ခြင်းနှင့် ပတ်သက်သည့် အလုပ်များ၊ ၊ ရေ-မြေ-လေ၊ သယ်ယူပို့ဆောင်ရေး၊ မောင်းနှင်ခြင်း၊ နွားလှည်း၊ ရထား၊ ထွန်ယက်ခြင်း၊ သီချင်းဆိုခြင်း၊ ဂီတတူရိယာများ၊ လမ်း၊ ဆည်များ စသည့်အလုပ်များ ပြုလုပ်ရန်သင့်လျော်သည်။
ဂြဟဇာ ပွင့်ရာအရပ်သည် အရှေ့အရပ်ဖြစ်သည်။ ဂြဟဇာ ပွင့်သောအရပ်ကို မျက်နှာမူ၍ အိမ်ဆောက်ခြင်း၊ ခေါင်းဆေးမင်္ဂလာပြုခြင်း ကဲ့သို့သော ကောင်းမွန်သော ကိစ္စရပ်များကို ဆောင်ရွက်နိုင်ပါသည်။
သုကမ္မယုဂ် ကျရောက်နေသောနေ့ဖြစ်သောကြောင့် “ကောင်းသောအလုပ်”ဟူသော အဓိပ္ပာယ်ကို ကိုယ်စားပြုသည်။ ကောင်းသောကိစ္စရပ်များအားလုံးအတွက် အထူးကောင်းမွန်ပါသည်။
ဝဏိဇကရိုဏ်း ကျရောက်နေသောနေ့ဖြစ်သောကြောင့် မြတ်သောယောဂ ဖြစ်သည်။ ကုန်သွယ်မှု၊ ပူးပေါင်းဆောင်ရွက်မှု ခရီးသွားလာခြင်းနှင့် လုပ်ငန်းကိစ္စရပ်များအတွက် ကောင်းမွန်သောအကျိုး၊ စီးပွားရေးလုပ်ငန်းဆောင်တာများတွင် ကျယ်ပြန့်သောအသိပညာရှိပြီး အရောင်းအဝယ်ကိစ္စရပ်များအတွက် အထူးသင့်တော်ပါသည်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၀၈း၀၃)နာရီမှ နံနက်(၀၉း၂၈)နာရီအတွင်း ကျရောက်နေပါ တယ်။ဒီအချိန်ကာလ အတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ အင်္ဂါ၊ ကြာသပတေး၊ စနေသားသမီးများပဲဖြစ်ပါတယ်။
ကံညံ့သော နေ့သားများကတော့ တနင်္ဂနွေ သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ သောကြာ ၊ ဗုဒ္ဓဟူး၊ ရာဟု သားသမီးများပဲ ဖြစ်ပါတယ်။
ဒီနေ့မှာ နို့နှစ်ရောင် နှင့် မရမ်းရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၂၊ ၈၊ ၇) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ နံနက်စောစော အိပ်ယာထ မျက်နှာသစ် ကိုယ်လက်သန့်စင်ပြီး မြောက်အရပ်သို့ မျက်နှာမူကာ “သံဃာပူဇေမိ” (၉)ခေါက် ရွတ်ဆို သွားပါ။ ပိုမိုအဆင်ပြေ လွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဘုရားကပ်လှူပြီး စပျစ်သီးမှည့် လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလို အင်ဆန္ဒတွေပြည့်ဝကြပါစေ။
#၇ရက်သားသမီးအတွက်တစ်နေ့တာဟောစာတမ်းနှင့်တိုက်ရိုက်ဖုန်းခေါ်ဟောပြောခြင်းအကြောင်းအရာကိုဗေဒင်ချစ် ပရိသတ် များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
ဒါအပြင်ဆရာငြိမ်းအေးလူနှင့်တိုက်ရိုက်📞ဖုန်းခေါ်ဆိုပြီး ဗေဒင်မေးချင်တယ်ဆိုရင်…အပတ်စဥ် တနင်္လာနေ့၊အင်္ဂါနေ့၊ ဗုဒ္ဓဟူးနေ့ရောက်တိုင်း ညနေ (၆) နာရီကနေ (၈) နာရီအတွင်းဖုန်းနံပါတ် (7777) ကို Atomဖုန်းနံပါတ်များနှင့် ဖုန်းခေါ်ဆိုပြီး မေးမြန်းနိုင်ပါတယ် ခင်ဗျာ… ။ ( တစ်မိနစ်လျှင် ၅၂၅ ကျပ် ၊ ဉာဏ်ပူဇော်ခပါပြီး ကျသင့်ပါမယ်)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
ဆရာငြိမ်းအေးလူ(ဗေဒင်သုတေသီ)
09775555695
နျူမာန်(မိုးတား)-သင့်အတွက်နေ့စဉ်အကြံပေးဒိုင်ယာရီ 2024
အောင်မဟာ-မင်္ဂလာအခါပေး နေ့စဉ် ဗေဒင်ဒိုင်ယာရီ 2024
အောင်မှန်- အခါပေးဒိုင်ယာရီ2024
ရွှေမန်း -ဗေဒင်ဒိုင်ယာရီ2024
ခိုင်မင်္ဂလာ-အခါပဒေသာ ဒိုင်ယာရီ2024
ဆရာအောင်ဟိန်းအေး-ဝေဒမင်္ဂလာအခါပေး ဒိုင်ယာရီ
မြန်မာ နိုင်ငံဝေဒသုတေသနအဖွဲ့- မင်္ဂလာအခါပေးဗေဒင် ပြက္ခဒိန်
ပါရဂူဒေါက်တာ ဒေါ်ကြည်ကြည်စိန်-နက္ခဗေဒင်မင်္ဂလာအခါပေးဗေဒင် ပြက္ခဒိန်
ဆရာစိုးနိုင်-အင်းဝ မင်္ဂလာအခါပေး ပြက္ခဒိန်
သူရဇ္ဇ လစဉ်မဂ္ဂဇင်း