ဒီနေ့ဟာ မြန်မာသက္ကရာဇ် ၁၃၈၆ခုနှစ်၊ နှောင်းတန်ခူးလဆန်း(၉)ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၅ခုနှစ်၊ ဧပြီလ (၆) ရက်နေ့လဲ ဖြစ်ပါတယ်။
ဒီနေ့နံနက်(၅း၀၆)နာရီမှာ အရုဏ်တက်ပါတယ်။ နေထွက်ချိန်နံနက်(၅း၅၄)နာရီဖြစ်ပြီး ၊ ညနေ(၆း၁၆)နာရီမှာ နေဝင်ပါ တယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။
လက်သမားမြေခံ ကတော့ ဘီလူး မြေခံဖြစ်၍ သေကြေပျက်စီးရတတ်သောကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ခြင်းကို အထူးရှောင်သင့်ပါတယ်။
ဒီနေ့ဟာတီထိမြေခံအရ သောကြာမြေခံတဲ့နေ့ဖြစ်ပါတယ်။ သောကြာမြေခံအရ ဥစ္စာပစ္စည်းရရှိခြင်း၊ချစ်သူ၊ မိတ်ဆွေ ပေါများခြင်းအကျိုးကိုရရှိစေသောကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေစတင်ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ ရပါ တယ်။ သမားညိုရက်နဲ့တိုက်ဆိုင်တာမို့အချိန်အခါရွေးပြီးဆောင်ရွက်ပါ။
ဒီနေ့ဟာ ရက်ကန်း၊ သမားညို ကျရောက်နေတဲ့ နေ့ရက်ပဲဖြစ်ပါတယ်။
ဒီနေ့ဟာရက်ကန်း ကျရောက်တဲ့ နေ့ရက်ဖြစ်တာကြောင့် ဒီနေ့မှာစတင်လိုက်တဲ့ကိစ္စမှန်သမျှ သတိရှိရမည်။ ဆောင်ရွက် တဲ့ကိစ္စလေးတွေမှာ အခက်အခဲလေးတွေကြုံတွေ့ရတတ်ပါတယ်။
ဒီနေ့ဟာ တီထိအရတော့ ဖယ်ရှင်းခြင်းအတွက် သုံးရန်ပေးတဲ့ လဆန်းတီထိ(၉)လုံး ကျရောက်နေတာ ဖြစ်ပါတယ်။ တီထိ(၉)လုံးအနေဖြင့် ဒီနေ့မှာလက်ရှိလုပ်ကိုင်နေတဲ့အလုပ်တွေကို တိုးတတ်အောင် လုပ်ဆောင်တာ၊ ချဲ့ထွင်တာမျိုး ကိုဆောင်ရွက်နိုင်ပေမဲ့ လုပ်ငန်းသစ်ကိုတော့ စတင်လို့မကောင်းသေးပါ ဘူး။ကုန်ရောင်း၊ကုန်ဝယ်ကိစ္စတွေမှာလဲ အကျိုး အမြတ်နည်းနိုင်တာ ကို သိထားစေချင်ပါတယ်။ လက်မှုပညာတွေနဲ့ ပတ်သက် ပြီးတော့လဲ တီထွင်ကြံဆ ခြင်းတွေ အသစ် ဖန်တီးခြင်းတွေ ကိုဆောင်ရွက်နိုင်ပါတယ်။
နိုင်ငံခြားအင်တာဗျူးဖြေခြင်းများ၊နိုင်ငံတကာဆွေးနွေးပွဲများကျင်းပခြင်းများကိုလဲ အထူးအလေးပေးဆောင် ရွက်လို့ ကောင်းပါတယ်။ပြည်တွင်းပြည်ပကိုဈေးကွက်အသစ်ရှာဖွေခြင်းတွေအလေးပေးဆောင်ရွက်သင့်ပါတယ်။ ဈေးများ ပလာဇာ အသစ်များဖွင့်ခြင်းမျိုးတွေ၊လေကြောင်းလိုင်းအသစ်စတင်ဖွင့်လှစ်ပြေးဆွဲခြင်းမျိုးတွေအထူး အလေးပေး ဆောင်ရွက် သွားနိုင်ပါတယ်။
ဒီလိုနေ့မျိုးမှာတော့ လျှပ်စစ်ဆိုင်သောလုပ်ငန်းများ၊ဆောက်လုပ်ရေးနဲ့ဆိုင်သောလုပ်ငန်းများ အထူး ကောင်းနေ တတ် ပါတယ်။ဓားလှံလက်နက်များ ထုတ်လုပ်တဲ့ပန်းပဲလုပ်ငန်းများ၊သံရည်ကြိုလုပ်ငန်းများဆောင်ရွက် လို့အထူး အောင်မြင် နေတတ်ပါတယ်။ အမှုဟောင်း၊ပြဿနာဟောင်းတွေကို ထိပ်တိုက်ရင်ဆိုင်ဖြေရှင်းလိုက်ပါ။ ပြေလည်မှု တွေရလာပါ လိမ့်မယ်။
အနုစိပ်အသေးစိပ်လုပ်ငန်းများ၊ ပြုပြင်ထိန်းသိမ်းရသောအလုပ်များ၊အကျိုးပေးအောင်မြင်နေတတ်ပါတယ်။ ဖုန်း၊ ကွန်ပြုတာ၊ပြင်ဆင်ခြင်းလုပ်များ အထူးအဆင်ပြေတတ်ပါတယ်။ အထည်၊ထီး၊ဖိနပ်၊တွင်ခုံလုပ်ငန်းများစတဲ့ စနေနံလု ပ်ငန်းများ လဲ မူလအခြေအနေထက်ပိုမိုအဆင့်မြင့် အောင်မြင် သွားတတ်တဲ့နေ့ပါပဲ။လုပ်လက်စအလုပ် များ၊အပြီး မသတ် ရသေးတဲ့အလုပ်တွေကိုဒီနေ့မှာ အပြီးသတ်ပြီးစီးအောင်လုပ်နိုင်မှာပါ။ လက် လွန်ထားတဲ့ ငွေကြေးတွေ ဒီနေ့ မှာ ပြန်လည်တောင်းခံလို့ အလွန်ကောင်းနေတတ်ပါတယ်။ယနေ့တွင် အပျော်ခရီးများ မသွားရပါ။ အိမ်၊ ခြံ၊ မြေ အရောင်းအဝယ်မပြုရပါ။ အရေးအသား၊ အပြော အဆို မှန်သမျှ အထူးသတိရှိပါ။ အမည်နာမ အလွဲသုံးစားလုပ်၍ လိမ်ညာကောက်ကျစ်သူများ ကြုံတွေ့ရတတ် သည်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ မနက်(၀၈း၂၆)နာရီမှမနက်(၀၉း၁၈)နာရီ အတွင်း ကျရောက်နေတာဖြစ်ပါတယ်။ ဒီအချိန်ကာလအတွင်း မဟာဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါ ထာ၊ ငွေရဂါထာများရွတ်ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ ပုတိဖွား၊ ပုဏ္ဏဖုသျှနက္ခတ်နဲ့စန်းယှဉ်မွေးသူ၊ ကရကဋ်စန်း၊ မိန်ရာသီဖွားဖြစ်ပါသည်။ ယနေ့မွေးဖွားသူများသည် အရည်အချင်းရှိပြီး အမြဲတမ်း လှုပ်ရှားရုန်းကန်နေရတတ်သူ ဖြစ်နေပါတယ်။ မိမိသည် အေးဆေး တည် ငြိမ်မှုကို တန်ဖိုးထားသော်လည်း၊ တစ်ခါတစ်ရံ လောကဓံလှိုင်းလုံးများနှင့် သူတင်ကိုယ်တင် ကူးခက်ဖြတ် ကျော်နေရ သည့် ခက်ခဲမှုများကိုလည်း နှစ်သက်တတ်ပါသည်။ သို့သော် မလျှော့သော ဇွဲ၊ လုံ့လကြောင့် နောက်ဆုံးတွင် အောင် မြင်မှုကို ပိုင်ဆိုင်ရရှိနိုင်မည် ဖြစ်ပါသည်။ မိမိသည် စကားပြောဆိုရန်ကောင်းမွန်သူ၊ အလွန်ချစ်စဖွယ်ကောင်း သူ၊ အထူးသဖြင့် ဆွဲဆောင်မှုရှိပြီး လူအများကို ဆွဲဆောင်စည်းရုံးနိုင်သည့် သံလိုက်ဓာတ် ရှိသူဖြစ်သည်။ စန်းအား ကောင်း ပြီး မိမိတို့ကိုယ်တိုင်က ချစ်ခြင်းတရားကိုအာရုံထားသူဖြစ်ပါတယ်။ ဒါကြောင့် မိဘအုပ်ထိန်းမှုမကောင်းရင် ငယ်ငယ်ရွယ်ရွယ်နဲ့အိမ် ထောင် ကျတတ်ပါတယ်။ သက်လတ်ပိုင်း အသက်၃၀ကနေ အသက်၄၅အတွင်း ကောင်းသော ကံအခြေအနေရှိတာမို့ ထိုကာလအတွင်း ကြိုးစားနိုင်ပါက အောင်မြင်မှုလမ်းကြောင်း ပေါ်ရောက်နိုင်ပါတယ်။
မိမိရဲ့ လိမ္မာပါးနပ်တဲ့စိတ်၊ နွေးထွေးတဲ့ချဉ်းကပ်မှုနဲ့ စရိုက်လက္ခဏာတွေက မိမိကို တိတ်တိတ်ဆိတ်ဆိတ်နဲ့ ဦးဆောင် မှုပေးနိုင်တဲ့ စရိုက်လက္ခဏာတွေပါ။ ဆွဲဆောင်မှုရှိတဲ့ စကားပြောဆိုတတ်သူ၊ မိမိဟာ သွက်လက်ပြီး ကြိုးစားနေတဲ့ အခြေအနေတွေမှာ လူတွေနဲ့ စကားပြောရတာကို နှစ်သက်ပါတယ်။ မိမိရဲ့ သိချင်စိတ်က အားကောင်းတယ်။ ပေးထား သည့် အခြေအနေ၏အသေးစိတ်အချက်အလက်များကို မိမိကောက်ယူပြီး ခွဲခြမ်းစိတ်ဖြာကာ လုပ်နိုင်စွမ်းရှိကြသည်။ ဒါကြောင့်ပဲလုပ်ငန်းရှင်ဖြစ်လာတဲ့အခါ အလုပ်တစ်ခုထက်မက လုပ်ကိုင် အောင်မြင်တတ်ပါတယ်။ မကောင်းတာတွေ မှာ ပျော်မွေ့မိရင်လဲ မကောင်းတာတွေ တစ်ခုမကလုပ်မိနေတတ်ပါတယ်။ အိမ်ထောင်ရေးဆိုလဲ ပုံမှန်မဟုတ်တဲ့ အနေအထားမျိုး တွေကို ရင်ဆိုင်ရတတ်ပါတယ်။
ပုဏ္ဏဖုသျှ နက္ခတ်သည် မော်တော်ယာဉ်များ ဝယ်ယူခြင်းနှင့် ပြုပြင်ခြင်းအတွက် ကောင်းမွန်သည်။ ၎င်းသည် ယာယီ၊ မြန်ဆန်ပြီး ရွှေ့ပြောင်းနိုင်သော သဘာဝနက္ခတ်ဖြစ်သည်။ ခရီးသွားခြင်း၊ သယ်ယူပို့ ဆောင်ခြင်း၊ ဥယျာဉ်ခြံမြေ လုပ်ခြင်း၊ သူငယ်ချင်းများနှင့် လည်ပတ်ခြင်းအတွက် သင့်လျော်သည်။
ဤနက္ခတ်သည် ဘေးသို့မျက်နှာမူသော နက္ခတ်ဖြစ်ပြီး ခြေလေးချောင်းသတ္တဝါများ (မြင်း၊ ကျား၊ ကုလားအုတ်၊ နွားစသည်ဖြင့်) ဝယ်ယူခြင်းနှင့် လေ့ကျင့်ခြင်းနှင့် ပတ်သက်သည့် အလုပ်များ၊ ၊ ရေ-မြေ-လေ၊ သယ်ယူပို့ဆောင်ရေး၊ မောင်းနှင်ခြင်း၊ နွားလှည်း၊ ရထား၊ ထွန်ယက်ခြင်း၊ သီချင်းဆိုခြင်း၊ ဂီတတူရိယာများ၊ လမ်း၊ ဆည်များ စသည့်အလုပ်များ ပြုလုပ်ရန်သင့်လျော်သည်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၀၄း၄၆)နာရီမှ ညနေ(၀၆း၁၉)နာရီအတွင်း ကျရောက်နေပါ တယ်။ဒီအချိန်ကာလ အတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။
ကံကောင်းသောနေ့သားများကတော့ တနင်္ဂနွေ၊ တနင်္လာ၊ ကြာသပတေး သားသမီးများပဲဖြစ်ပါတယ်။
ကံညံ့သော နေ့သားများကတော့ စနေ သားသမီးများပဲ ဖြစ်ပါတယ်။
ကံသင့်သောနေ့သားများကတော့ အင်္ဂါ၊ ဗုဒ္ဓဟူး၊ ရာဟု၊ သောကြာ သားသမီးများပဲ ဖြစ်ပါတယ်။
ဒီနေ့မှာ အဖြူရောင် နှင့် အစိမ်းရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၃၊ ၈) ဂဏန်းတွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ နံနက်စောစော အိပ်ယာထ မျက်နှာသစ် ကိုယ်လက်သန့်စင်ပြီး ….သတ္ထာဒေဝ မနုဿနံဂုဏ်တော် (၉)ခေါက် ရွတ်ဆိုသွားပါ။ပိုမိုအဆင်ပြေ လွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ လိမ္မော်သီး ဘုရားကပ်လှူပြီး လိုရာဆု တောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလို အင်ဆန္ဒ တွေပြည့်ဝကြပါစေ။
#၇ရက်သားသမီးအတွက်တစ်နေ့တာဟောစာတမ်းနှင့်တိုက်ရိုက်ဖုန်းခေါ်ဟောပြောခြင်းအကြောင်းအရာကိုဗေဒင်ချစ် ပရိသတ် များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၄၅၀ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
ဆရာငြိမ်းအေးလူ(ဗေဒင်သုတေသီ)
09775555695
နျူမာန်(မိုးတား)-သင့်အတွက်နေ့စဉ်အကြံပေးဒိုင်ယာရီ
အောင်မဟာ-မင်္ဂလာအခါပေး နေ့စဉ် ဗေဒင်ဒိုင်ယာရီ
အောင်မှန်- အခါပေးဒိုင်ယာရီ
ရွှေမန်း -ဗေဒင်ဒိုင်ယာရီ
ခိုင်မင်္ဂလာ-အခါပဒေသာ ဒိုင်ယာရီ
ဆရာအောင်ဟိန်းအေး-ဝေဒမင်္ဂလာအခါပေး ဒိုင်ယာရီ
မြန်မာ နိုင်ငံဝေဒသုတေသနအဖွဲ့- မင်္ဂလာအခါပေးဗေဒင် ပြက္ခဒိန်
ပါရဂူဒေါက်တာ ဒေါ်ကြည်ကြည်စိန်-နက္ခဗေဒင်မင်္ဂလာအခါပေးဗေဒင် ပြက္ခဒိန်
ဆရာစိုးနိုင်-အင်းဝ မင်္ဂလာအခါပေး ပြက္ခဒိန်
သူရဇ္ဇ လစဉ်မဂ္ဂဇင်း