ဆောင်းနံနက်ခင်း ။ အေးမြခြင်းတွေက လောကဓာတ်တစ်ခုလုံးကိုလွှမ်းခြုံထားသည်။မြောက်ပြန်လေ တအေးအေးနှင့်။ အရုဏ်တတ်ချိန်မို့ အအေးဓာတ်က တိုးလို့သာနေသည်။ အခုလိုမနက်စောစော မိမိအိမ်နဲ့လဲနီးသည့် ရွှေမောဓော ဘုရားသို့ ဘုရားဖူးရောက်ဖြစ်သည်။ ရောက်ဖြစ်တိုင်းလဲ ရင်ပြင်က်ပေါ်ရှိ ၊အာရုံခံတန်ဆောင်းတွေ ၊ ဓမ္မာရုံတွေ ၊ ဂန္ဓာကုဋီတိုက်တွေကို လှည့်လည်၍ တံမြက်စည်းလှဲကျင်းလေ့ရှိသည်။
သုဒဿနကုန်းတော်က မြင့်လဲမြင့်သည်။ ဆောင်းနံနက်ခင်းဆိုရင် ရင်ပြင်တွင်လေကတဟူးဟူး။
ရာသီကေအးေပမဲ့ ကြၽန္ေတာ္ကေတာ့ ေခြၽးပင္စို႔စျပဳလာသည္။ အခုလွည္းက်င္းေနသည့္ ျမင္းက်ား ဓမၼာရံုနဲ႔ဆို ဓမၼာရံုေလးခုေလာက္လွဲခဲ့ၿပီးၿပီ။
“ဆရာလေး..အစောကြီးဘုရားဖူးလာတာလား”
အသံလာရာလှည့်ကြည့်လိုက်တော့
ကျွန်တော်ဆီမှာ ဗေဒင်မေးရင်းမိတ်ဆွေဖြစ်သွားသည့် ကိုလူမောင်။ လက်ထဲမှာလဲ
ပန်းတွေတစ်ပွေ့တစ်ပိုက်နှင့်။
“အေးဗျ..နေ့တိုင်းမလာနိုင်တော့ အခုလိုအားတဲ့ရက်လေးစောစောလာခဲ့တာ..
ဝေယျဝစ္စကုသိုလ်လဲရ၊ကျန်းမာရေးလဲကောင်းတာပေါ့ဗျ “
“ဒါကြောင့်မို့ဆရာချွေးတောင်
ထွက်နေတာကို ၊
ကျွန်တော်ပါကူလှည်းပေးမယ်လေ”
” ကောင်းတာပေါ့ဗျ
ဒါနဲ့ ကိုလူမောင်ကရော
ပန်းတွေအများကြီးနဲ့
ရင်ပြင်တော်မှာပန်းတွေလှည့်ရောင်းနေတာလား”
“မနောက်ပါနဲ့ ဆရာရယ် ….. ဒီနေ့က အမေ့မွေးနေ့လေ
ဒါကြောင့်ပန်းတွေ ဘုရားမှာကပ်နေတာ ..”
“ကောင်းတယ်ဗျ ကိုလူမောင်လိုသားသမီးကရှားတယ်
မိဘကို အိမ်ဦးခန်းမှာ ထားပြီးတော့လုပ်ကျွေးတဲ့သူမျိုး ဒီဘက်ခေတ်မှာတော်တော်နည်းတယ် …ကိုယ်လူမောင်လိုသားသမီးမျိုးက မိဘတွေမွေးရကျိုးနပ်ပါတယ်ဗျ”
ကိုလူမောင်က ဂြိုဟ်တိုင်တွေအသီးသီးမှာ ပန်းတွေလိုက်ကပ်ပြီး တံမြက်စည်း တစ်ချောင်းယူလာသည်။ မိမိဘေးမှာ အတူတူယှဉ် လှည်းသည်။
“ဆရာ ဗေဒင်လာမေးတဲ့သူတွေကိုတံမြက်စည်းလှည်းဖို့အမြဲတိုက်တွန်းတာကြားရတယ်။ တံမြက်စည်းလှည်းတာ ဘယ်လိုအကျိုးကျေးဇူးတွေများလဲဆရာ”
” အကျိုးရတာကတော့ ပြောလို့တောင်ဆုံးမယ်မထင်ဘူး
ဒီလိုဗျ ယတြာအနေနဲ့ ကိုအသာထားဦး
တံမြက်စည်းလှည်းတဲ့အကျိုး (၅)မျိုးရတယ်
လို့မှတ်သားဖူးတယ်
” တံမြက်စည်းလှည်းခြင်း အကျိုး (၅) ပါး “
(၁) မိမိစိတ်ကြည်လင်၏။
(၂) သူတစ်ပါးစိတ်ကို ကြည်လင်စေ၏။
(၃) နတ်တို့နှစ်သက်ဝမ်းမြောက်၏။
(၄) ကြည်လင်ဖွယ်ဖြစ်စေသောကြောင့် ကောင်းမှုကုသိုလ် ဆည်းပူးသည် ဖြစ်၏။
(၅) သေသည်၏ အခြားမဲ့၌ သုဂတိနတ်ရွာလားစေတတ်၏ လို့ဆိုထားတယ်ဗျ
နောက်ပြီး ပုညကြိယာဝတ္ထုဆယ်ပါးမှာ ဝေယျာဝစ္စကုသိုလ်တစ်ပါး ပါဝင်တယ်ဗျ ဝေယျာဝစ္စကုသိုလ်ဆိုတာ “ရတနာမြတ်သုံးပါး၊ မိဘဆရာတို့၏ ထိုထိုအမှုကိစ္စတို့၌ ရွက်ဆောင်ပြုတတ်သော မဟာကုသိုလ်စိတ္တုပ္ပါဒ် စေတနာ ”
ကိုခေါ်တာဗျ…
ကိုလူမောင်လဲကြားဖူးမယ်ထင်ပါတယ်
မိလိန္ဒမင်းကြီး နဲ့ ရှင်နာဂသေနအကြောင်းလေ”
“ဖတ်ဖူးတယ်ဆရာ မိလိန္ဒမင်းကြီးရဲ့အမေးပုစ္ဆာတွေကို ရှင်နာဂသေနပြန်ဖြေတာတွေလေ”
” ဟုတ်တယ် ကိုလူမောင်…သူတို့ရဲ့အတိတ်သမိုင်းတွေကလဲ တံမြက်စည်းလှဲခြင်းနဲ့ဆက်စပ်နေတယ်ဗျ”
“ပြောပြပါဦး ဆရာ”
” ခပ်တိုတိုပြောရရင်တော့…..
ကဿပမြတ်စွာဘုရား လက်ထက်တော်တုန်းက ဂင်္ဂါမြစ်အနီးမှာ ကျောင်းတိုက် တစ်တိုက်ရှိတယ်။ အဲဒီကျောင်းတိုက်က ကိုယ်တော်တွေ ၊ ကိုရင်တွေဟာ နံနက်စောစောထပြီး တံမြက်စည်း လှည်း၊ အမှိုက်ကျုံး လုပ်ကြတာပေါ့
” အဲဒီမှာ ကိုရင်တစ်ပါး အမှိုက်မကျုံးဘဲနေတာနဲ့ ကိုယ်တော်တစ်ပါးက ရိုက်ပြီးခိုင်းတယ်ကွ။ အရိုက် ခံရတဲ့ ကိုရင်လဲ ငိုယိုပြီး အမှိုက်ကျံုး၊ အမှိုက်ပစ်ရင်း ဆုတစ်ခုတောင်းတယ်။ ဘာဆုလည်းဆိုတော့ ” ဤအမှိုက် ကျံုးရတဲ့ ကုသိုလ်ကံကြောင့် နိဗ္ဗာန်မရောက်မချင်း ဖြစ်လေရာဘဝ၌ မွန်းတည့်နေမင်းကြီးကဲ့သို့ ဘုန်းတန်ခိုး ကြီးရပါလို၏ ” တဲ့။
” ကိုရင် အမှိုက်ကျုံးပြီး ဂင်္ဂါမြစ်မှာ ရေသွားချိုးတော့ ဆုတစ်ခုထပ်တောင်းတယ်။ ” ကျွန်ုပ်သည် နိဗ္ဗာန်မ ရောက်မချင်း ဖြစ်လေရာဘဝ၌ ဂင်္ဂါလှိုင်းအဟုတ်ကဲ့သို့ အရာအားလျော်စွာ ဖြစ်ပေါ်လာသော မကုန်နိုင်သော ဉာဏ်ရှိသူ ဖြစ်ရပါလို၏ ” လို့ တောင်းပြန်ရော။
” ကိုရင်ကိုရိုက်တဲ့ ကိုယ်တော်လဲ ရေချိုးဖို့လာတော့ ကိုရင်ဆုတောင်းသံကို ကြားသွားတဲ့အခါ အားကျ မခံ ဆုတောင်းတာပေါ့ ။ ” ငါသည် နိဗ္ဗာန်မရမချင်း ဖြစ်လေရာဘဝ၌ ဂင်္ဂါမြစ်ရေအဟုတ်ကဲ့သို့ မကုန်နိုင်မ ခန်းနိုင်သောဉာဏ်ရှိသူ ဖြစ်ရပါလို၏။ ဤကိုရင် မေးတိုင်းမေးတိုင်း ပြဿနာအလုံးစုံကို ဖြေရှင်းနိုင်တဲ့သူ ဖြစ်ရ ပါလို၏ ” တဲ့။
” သူတို့နှစ်ပါးလဲ တံမြက်စည်းလှည်း၊ အမှိုက်ကျုံးတဲ့ ကုသိုလ်ကြောင့် ပျံတော်မူတဲ့အခါ လူဖြစ်လိုက်၊ နတ်ဖြစ်လိုက်နဲ့ အကြိမ်ကြိမ်ဖြစ်ပြီး ငါတို့ဂေါတမမြတ်စွာဘုရား သာသနာတော်မှာ အမှိုက်ကျံုးတဲ့ကိုရင်က မိလိန္ဒဆိုတဲ့ ဘုန်းတန်ခိုးကြီးတဲ့ဘုရင် ဖြစ်လာတယ်။ တံမြက်လှည်းတဲ့ကိုယ်တော်က နာဂသေနဆိုတဲ့ ရဟန္တာ ဖြစ်လာတယ်။
” မိလိန္ဒမင်းကြီးက ပုစ္ဆာတွေအမျိုးမျိုးမေး၊ မေးသမျှကို အရှင်နာဂသေနဆိုကလဲ အကုန်ဖြေနိုင်တာနဲ့ မိလိန္ဒမင်းကြီးလဲ အရှင်နာဂသေနဆီမှာ တပည့်ခံပြီး ရဟန်းဝတ် တရားအားထုတ်လိုက်တာ ရဟန္တာဖြစ်ရော ဆိုပါတော့ဗျ”
“တံမြက်စည်းလှည်းတဲ့အကျိုးက
မနည်းပါလားဆရာ”
“ဟုတ်တယ် ကိုလူမောင်
ရှေးရှေးဆရာတော်ကြီးတွေတောင် ဝေယျဝစ္စအလုပ်တွေမညည်းမညူ လုပ်ခဲ့ကြတာဗျ”
“ပြောပါဦးဆရာ ကုသိုလ်ယူရအောင်လို့”
“ဘုရာရွင္လက္ထပ္က
လက်ယာရံရှင်သာရိပုတ္တာရာ ကိုယ်တော်မြတ်ကြီးက ကျောင်းတိုက်ထဲ နေစဉ် တံမြက်စည်းလှည်းနေ ကျပေါ့။ တစ်ခါကျတော့ နိရာဓသမာပတ်ဝင်စားဖို့ အရှင်မြတ်က လူမနီးသည့် ဟိမဝန္တာတောင်ကြိုချောက်ကြားသို့ ချည်းကပ် လာခဲ့တယ်။ အရေးမကြီးဟု ယူဆပြီး တံမြက်စည်းမလှည်းဘဲ နိရောဓသမာပတ် ဝင်စားနေလိုက်တယ်တဲ့။ နိရောဓ သမာပတ် ဝင်စားနေစဉ် စိတ်၊ စေတသိက်နှင့် စိတ်ကြောင့်ဖြစ်သော အချို့ရုပ်များ ချုပ်ငြိမ်းနေ၍ ပတ်ဝန်းကျင် ကို ဘာမျှမသိတော့ဘူး။
နိရောဓ သမာပတ်မှထသောအခါ ပြန့်ကျဲနေသော အမှိုက်များကြားတွင် ဘုရားရှင်၏ ခြေတော်ရာကို တွေ့လိုက်ရသဖြင့် အံ့သြသွားတာပေါ့ “အလို…နိရောဓသမာပတ်ဝင်စားနေစဉ် ဘုရားကိုယ်တော်မြတ်ကြီး ရောက်နေတာပါတကား။ ငါတံမြက်စည်းမလှည်းတာ သိသွားချေပေါ့ ” ဟု ဆင်ခြင်နှလုံးသွင်းကာ သံဝေဂ ဖြစ်တော်မူတယ်တဲ့
အဲဒီကစလို့ ရှင်သာရိပုတ္တရာကိုယ်တော်က ပရိနိဗ္ဗာန်စံသည်အထိ နေ့စဉ်တံမြက်စည်းလှည်းသည့် ကျင့်ဝတ်ကို အပျက်မခံတော့ဘူးတဲ့
( ပရိဝါ အ႒ကထာ )
” ကြည်ညိုစရာကောင်းလိုက်တာနော်”
“ဟုတ္တယ္ဗ်
ကျေးဇူးတော်ရှင် လယ်တီဆရာတော်ဘုရားဆိုရင် ” ငါ သံသရာအဆက်ဆက် သားကျွန်၊မယားကျွန်ဖြစ်ခဲ့တာများခဲ့ပြီ ..ဒီဘဝတော့ သံဃာ့ကျွန်လုပ်ပါရစေဆိုပြီး တံမြက်စည်း လှည်း၊ သံဃာတွေအတွက်သုံးရေ သောက်ရေဖြည့်တာမျိုး နိစ္စဓူဝ ဆောင်ရွက်တယ်လို့မှတ်သားရဖူးတယ်”
“ဒါဆိုဝေယျဝစ္စကုသိုလ်တွေက အမြဲလုပ်သင့်တာပေါ့နော်ဆရာ “
” လုပ်သင့်တာပေါ့ဗျ ဒါကြောင့်လဲ တံမြက်စည်းလှည်းဖို့ ဝေယျဝစ္စလုပ်ဖို့ကျွန်တော်အမြဲတိုက်တွန်းတာပေါ့ …ဗုဒ္ဓယတြာအနေနဲ့လေ။
ဒီဘက်ခေတ်မှာ အလုပ်အကိုင်တွေက အပြိုင်အဆိုင်အရမ်းပေါတယ်။ လုပ်ငန်းတူတစ်ဆိုင်နဲ့တစ်ဆိုင် အပုပ်ချ ပြဿနာရှာ သပုပ်လေလွင့်ပြောတာမျိုးခံစားနေရတယ်ဆိုရင် အခုလို တံမြက်စည်းလှည်းခိုင်းလေ့ရှိတယ်ဗျ ..အဆင်ပြေကြတာပါပဲ….
ဆိုင်အချင်းချင်းသင့်မြတ်သွားကြတယ်။
အထက်လူကြီးငြိုငြင်တာမျိုး မိမိအပေါ်အမြင်မကြည်တာမျိုးတွေ
မိဘနဲ့သားသမီးအချင်းချင်းနားလည်မှုလွဲတာမျိုးတွေ၊မိသားစုအတွင်းစိတ်ဝမ်းကွဲတာမျိုးတွေ ဆို အခုလိုအမှိုက်ကောက်တံမြက်စည်းလှဲတာနဲ့တင် ပြေပျောက်သွားတတ်တယ်
နောက်ပြီး စီးပွားရေးမှာပဲဖြစ်ဖြစ် လူမှုရေးမှာပဲဖြစ်ဖြစ် ရှင်းရှင်းပြောရရင် စားဝတ်နေရေး အတွက်အရမ်းဒုက္ခများနေပြီဆို အခုလိုပဲ ဘုရား၊ဘုန်းကြီးကျောင်း၊သိမ် တွေမှာ ချွေးပြိုက်ပြိုက်ကျသည်ထိ တံမြက်စည်းလှည်းသင့်တယ်
တစ် ရက်နှစ်ရက်တော့ မရဘူးပေါ့ဗျ၊ တစ်လကိုးသတင်းတော့ လှည်းရမှာပေါ့
ပိတ်နေတဲ့ ကုသိုလ်ကံတွေပွင့်သွားတာပါပဲ ….အခက်အခဲကြီးကြီးမားမားတွေကို တံမြက်စည်းလှည်း အမှိုက်ကောက်တာနဲ့တင် အဆင်ပြေခဲ့ပေါင်းများခဲ့ပြီ ကိုလူမောင် …”
“ဒါကြောင့် ဆရာတံမြက်စည်းလှည်းဖို့ ဆရာက ခဏခဏတိုက်တွန်းတာကို”
“ဟုတ်တာပေါ့ဗျ အခုတလောလဲ နောင်တတ်မဲ့အစိုးရက အမှိုက်ကောက်နေတာ တံမြက်စည်းလှည်းနေတာတွေမြင်ရတော့ မြန်မာနိုင်ငံရဲ့ အနာဂတ်က လှပလာအုံးမယ့် အပြုအမူ နိမိတ်တစ်ခုလို့မြင်မိတယ်ဗျ”
“မှန်တာပေါ့ ဆရာရယ် ဆရာမြင်တဲ့အတိုင်း
ျဖစ္လာမွာပါ”
” စကားပြောလို့တော့ကောင်းတယ် ကိုလူမောင် ..နေလဲနဲနဲမြင့်လာပြီဆိုတော့ ကျွန်တော်တို့ ဆိုင်တစ်ဆိုင်မှာနံနက်စာသွားစားပြီး လမ်းခွဲကြရအောင်”
ကျွန်တော်တို့နှစ်ယောက်
ရွှေမောဓောဘုရားအနောက်ဘက်မုခ်ကနေ
ဆင်းလာခဲ့ကြသည်။ ဘုရားရင်ပြင်မှာတော့ အလှည့်ကျဝတ်အသင်းသားတွေ
ရင်ပြင်တစ်ပတ် ညီညီညာညာ တံမြက်စည်းလှည်းနေလေရဲ့ ……။ ။
သင်ဆရာ ၊မြင်ဆရာ ၊ကြားဆရာများ
အားလုံးကို ဦးခိုက်လျက်
ငြိမ်းအေးလူ (ဗေဒင်သုတေသီ)