ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၆)ရက်၊ ကြာသပတေးနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၁၅)ရက်နေ့လဲ ဖြစ်ပါတယ်။
ဒီနေ့နံနက်(၀၅း၁၂)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၀)နာရီဖြစ်ပြီး ၊ ညနေ(၀၆း၁၀)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်ကအရှေ့အရပ် ဖြစ်ပါတယ်။
လက်သမားမြေခံအရဂဠုန် မြေခံဖြစ်၍ ကြီးပွားချမ်းသာရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ အထူးကောင်းပါတယ်။
တီထိမြေခံအရမွန်းတည့်၁၂နာရီနောက်ပိုင်း ဗုဒ္ဓဟူးမြေခံဖြစ်ပါတယ်။ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူ ရရှိ ခြင်းနှင့် ချမ်းသာရတတ်ခြင်းအကျိုးကိုပေးတာကြောင့် မွန်းလွဲချိန်ကစ၍ခိုင်ခန့်တဲ့ အဆောက်အဦးတွေ၊ ကျောင်း တွေ၊ အိမ်တွေ၊ လမ်း တံတားတွေ အထပ်အမြင့်အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက် ရိုက်တာ တွေ အထူးကောင်း ပါတယ်။
ဒီနေ့ဟာ ရက်ရာဇာ၊ ဝါရမိတ္တုကြီး၊ သမားဖြူ ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ မွန်းတည့် ၁၂နာရီအထိက လဆုတ်တီထိ ၅လုံး၊ကျော်ရင်တော့ လဆုတ်တီထိ ၆လုံးကိုကူး ပြောင်းပါတယ်။ မြင့်တတ်ခြင်း၊ပျော်ရွှင်ခြင်း တွေကိုပေးတဲ့ နန္ဒတီထိကျရောက်တဲ့နေ့ရက်ပဲ ဖြစ်ပါတယ်။ ဒီလိုနေ့ရက် မှာတော့ အလုပ်အကိုင်ကိစ္စများ ပြောဆို အဆင်ပြေတတ်ပါတယ်။ မိမိတင်ပြချင်တာတွေကို တင်ပြတောင်းဆိုလို့ အလွန်ကောင်းပါတယ်။ စိတ်ထဲလိုချင်တာ တွေကိုလဲ လက်တွေ့ကြိုးစားရယူနိုင်ပါလိမ့်မယ်။ ပြဿနာများအခက်အခဲ များဖြေရှင်းရန် ရက်ကောင်းပဲဖြစ်ပါ တယ်။
ဒီလိုနေ့မျိုးမှာ အဆင့်မြင့်နည်းပညာတွေကိုလေ့လာတာမျိုးတွေ၊ ကုန်ပစ္စည်းအသစ်တစ်ခုခုကို မိတ်ဆက်ပွဲလုပ်တဲ့ ကိစ္စမျိုးတွေအထူးပဲအောင်မြင်နိုင်ပါတယ်။ ထီကံမြင့်မားနေတဲ့အတွက် ၇ရက်သားသမီးများထီကံစမ်းလို့အလွန်ပဲ ကောင်းပါတယ်။ ဘဏ်လုပ်ငန်းနှင့်ဆက်စပ်သမျှအဆင်ပြေတတ်ပါတယ်။
အိမ်ဆောက်ပစ္စည်းအရောင်းအဝယ်ကိစ္စများအဆင်ပြေတတ်သလို၊စေတီပုထိုးပြုပြင်ထိန်းသိမ်းခြင်းများကိုလဲ ဒီနေ့ မှာအရေးပေးဆောင်ရွက်နိုင်ပါလိမ့်မယ်။ မိသားစုများ၊သူငယ်ချင်းများနဲ့ အပျော်ခရီးများ အပန်းဖြေခရီးများ သွားလို့ အထူးပဲသင့်လျော်ပါတယ်။အနုပညာအလုပ်များ၊ပန်းချီ၊ပန်းပု၊ဂီတ၊သီချင်းစတာတွေနဲ့ပတ်သက်ဆက်နွယ်သောအလုပ် များအထူး အကျိုးပေးအောင်မြင်တတ်ပါတယ်။ ကျောက်မျက်ရတနာများ ဖြတ်ခြင်း၊သွေးခြင်း၊ ရောင်းချခြင်း အလုပ် များလဲ အထူးအဆင်ပြေတာကိုတွေ့ရပါတယ်။ ကြွေးဟောင်းများ လက်လွန်နေတဲ့ ငွေကြေးများလဲ ပြန်လည် တောင်းခံ နိုင် ပါလိမ့်မယ်။ယနေ့မနက် ၉နာရီခွဲကနေ ၁၁နာရီအတွင်း အရေးကြီးလွန်းသောကိစ္စမှန်သမျှရှောင်ပါ။
ဒီနေ့မှာ ငွေပေး၊ငွေယူကိစ္စတွေကိုအလွယ်မလုပ်ပါနဲ့။ ဖြစ်နိုင်ရင်တော့ စာရွက်စာတမ်းနဲ့လက်မှတ်ထိုးပြီး ပေးပါ။ နောင်အငြင်းပွားစရာဖြစ်လိမ့်မယ်။ဒီနေ့ရက်အတွင်း ခိုက်ရန်ဒေါသဖြစ်တာကနေ ပြင်းထန်တဲ့သွေးထွက်သံယိုတွေ ဖြစ် တတ်ပါတယ်။ ရန်စလာရင် ရန်ရှောင်ကြပါ။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၁း၄၆)နာရီမှ ည(၂၂း၃၈)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွား တာမျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့ဟာရက်ရာဇာကျတဲ့နေ့ရက်ဖြစ်ပေမဲ့ဝါရမိတ္တုကြီးနဲ့တိုက်ဆိုင်တဲ့နေ့ဖြစ်တာကြောင့် မင်္ဂလာယူ ပြီးလုပ်ရမဲ့ကိစ္စ တွေအားလုံးရှောင်သင့်ပါတယ်။ လက်ထပ် ထိမ်းမြားခြင်း၊စေ့စပ်ခြင်းများ၊ရုံးတတ်လက်မှတ်ထိုးခြင်း၊ မင်္ဂလာစကား ပြောခြင်းများလဲရှောင်သင့်ပါတယ်။
ဒီနေ့ဟာသမားဖြူရက်ဖြစ်တာကြောင့် အရောင်းအဝယ်ကိစ္စတွေမှာ ရောင်းမှာဝယ်မှားဖြစ်တတ်တယ်။ လူလိမ်ခံရ တတ်ပါတယ်။ဘဝအတွက်အရေးကြီးတဲ့အလုပ်များ၊ဆုံးဖြတ်ချက်များကိုဒီနေ့မှာလုပ်ဆောင်ချမှတ်လို့မကောင်းပါ ဘူး။
ဒီနေ့မွေး ရင်သွေးငယ်များဟာ ဘင်္ဂဖွား၊ မိဿစန်း၊ ည၆နာရီခွဲကျော်ရင်ပြိဿစန်းကိုပြောင်းသည်။ သိဟ်ရာသီဖွား ဖြစ်ပါသည်။ဒီနေ့မွေးသူများဟာ စိတ်ကူးကောင်းတယ်။ သို့သော်လက်တွေ့အကောင်အထည်ဖော်ဖို့ လေးဖင့်နေတတ် ပါတယ်။ ကံကောင်းစေတဲ့အချက်ကတော့ ငွေကြေးရလွယ်တယ်။ဖခင်၊အဘိုး၊ဦးကြီးဘကြီးတွေရဲ့ အထောက်အပံ့ရ တယ်။ ဒီလိုဇာတာမျိုးတွေကအများအားဖြင့် မိဘတွေက အိမ်ခြံ အလုပ်စသည်ဖြင့် အကုန်စီစဉ်ပေးပြီးဘဝမှာရေကန် အသင့် ကြာအသင့်ဆိုသလို အဆင်ပြေတတ်သူတွေဖြစ်ပါတယ်။ တစ်ကိုယ်ကောင်းဆန်တာ၊ ငါလောက်ဘယ်သူမှမသိ ဘူးဆိုတဲ့ အတ္တမာနတွေကြောင့်သာ ဘဝမှာအခက်အခဲများသွားစေနိုင်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၀၁း၃၃) နာရီမှ ညနေ(၀၃း၀၄)နာရီအတွင်း ကျရောက် နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ဒီနေ့မှာ ကံကောင်းသောနေ့သားများ တနင်္လာ၊ အင်္ဂါ၊ ရာဟု သားသမီးများပဲဖြစ်ပါတယ်။
ကံညံ့သော နေ့သားများကတော့ စနေ၊ ဗုဒ္ဓဟူး သားသမီးများပဲဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ ကြာသပတေး၊ သောကြာ သားသမီးများပဲဖြစ်ပါတယ်။
ဒီနေ့မှာ ပန်းရောင်၊အစိမ်းရောင် များများပါသောအဝတ်အစားအသုံးအဆောင်ပစ္စည်းတွေကို အထူးအလေးထား ဝတ် ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၈၊၂၊၇)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့အရှေ့အရပ်ကိုမျက်နှာ မူပြီး ၃၁ဘုံကိုမေတ္တာပို့သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ သင်္ဘောသီး ဘုရားကပ်လှူပြီး လိုရာ ဆု တောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင် ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
ကံသင့်နေပါတယ်။ အရာရာတိုင်း ပုံမှန်အနေအထား လည်ပတ်သွားနိုင်ပါလိမ့်မယ်။ မိမိကြိုးစားခဲ့လို့နေရာရပြီ ဆိုရင်လဲ တိုက်ခိုက်မဲ့သူတွေ၊မနာလိုသူတွေနဲ့ပြည့်နှက်နေ တတ်ပါတယ်။ အလုပ်ရှာနေသူများအလုပ်ရတတ်ပါတယ်။ အမွေကိစ္စအရှုပ် အရှင်းတွေရှိခဲ့ရင်ဒီနေ့မှာပြေလည်မှု တွေအထူးရရှိတတ်ပါတယ်။ ကိုယ့်ထူးကိုယ်ချွန်ကြိုးစားအား ထုတ် နေရတတ်ပါ တယ်။အလုပ်အကိုင်အသစ်တွေကို လုပ်ကိုင်ခွင့်ရလာတတ်ပါတယ်။ မိန်းမကိစ္စအရှုပ်အရှင်းကင်း ဖို့လိုပါတယ်။ အလှူမင်္ဂ လာကိစ္စများ ကြုံကြိုက်တတ် ပါတယ်။ မိမိရဲ့ကြိုးစားမှုတွေကြောင့်ရလဒ်ကောင်း တွေရရှိ မဲ့နေ့ပါပဲ။
တနင်္လာ
ကြိုးစားခဲ့သမျှအရာထင်အောင်မြင်ပါလိမ့်မယ်။ အစိုးရ ဌာနဆိုင်ရာနှင့်ဆက်စပ်လုပ်ကိုင်ရတဲ့ကိစ္စတွေအဆင် ပြေ တတ် ပါတယ်။ အလုပ်လျှောက်လွှာတင်ခြင်းတွေ၊ အလုပ် စာမေးပွဲဖြေခြင်းတွေကရလဒ်ကောင်းစေပါလိမ့်မယ်။ အိမ် အတွက်လိုအပ် တဲ့အိမ်ထောင်ပရိဘောဂတွေဝယ်ယူမယ် ဆိုရင်လဲဒီနေ့ကအကောင်းများပါတယ်။ စိတ်ထဲလိုချင် နေတဲ့ အရာတွေရလာတတ် ပါတယ်။ ဘာသာရေးအတွက် အချိန်ပေးလုပ်ဆောင်လာနိုင်မဲ့နေ့ရက်ပါပဲ။ အထောက် အပံ့ ကောင်းတွေရလွယ် နေတာ ကိုတွေ့ရပါတယ်။ရာထူး အပြောင်းအလဲရှိခဲ့ရင် ဒီနေ့ရာထူးတိုးသွားနိုင်ပါတယ်။ သား သမီးအကျိုးလဲ ခံစားရမဲ့နေ့ပါပဲ။
အင်္ဂါ
အလုပ်အကိုင်အတွက် စိတ်ချမ်းသာရပါလိမ့်မယ်။ လူအများရဲ့ချစ် ခင်လေးစားခြင်းကိုခံရတတ်ပါတယ်။ ပရဟိတ အလုပ် များ၊ကယ်ဆယ်ရေးနဲ့ပတ်သက်သောအလုပ်များလဲ ကူညီ လုပ်ကိုင်ပေးရတတ်ပါတယ်။ အချစ်ရေးမှာ ချစ်သူနဲ့ လက်ထပ်ဖို့ထိ တိုင်ပင်ဆွေးနွေးအစီအစဉ်ဆွဲလို့ကောင်းတဲ့ နေ့ရက်မျိုးပါပဲ။ ဝင်စရာရှိတဲ့ငွေကြေးဥစ္စာတွေဒီနေ့မှာ ထူးထူးခြားခြားဝင်လာ တတ်ပါတယ်။ ကိုယ်ပိုင်လုပ်ငန်းဆိုလဲ ဝန်ထမ်းတွေနဲ့ချစ်ချစ်ခင်ခင် လက်ပွန်းတသီး လုပ်ကိုင် တာက ပိုမိုအဆင်ပြေနိုင်ပါတယ်။ ဘဏ်စာရင်းဖွင့်ပြီး ငွေစတင်စုဆောင်ခြင်းမျိုးကဒီနေ့မှာကောင်းမွန်ပါတယ်။ ကျန်း မာရေးအတွက်စိတ်ချမ်းသာရပါလိမ့်မယ်။
ဗုဒ္ဓဟူး၊ရာဟု
အလုပ်အကိုင်နဲ့ပတ်သက်ပြီးတော့လဲ အားရစရာကောင်းပါ လိမ့်မယ်။ ကိုယ်ပိုင်စီးပွားတွေကတော့ အော်ဒါတွေ များ များ ရလာတတ်ပါတယ်။ ဝန်ထမ်းတွေကတော့ လုပ်နေကျ အလုပ်တွေအပြင် တာဝန်တွေပိုလာစရာရှိ နေတတ် ပါ တယ်။စက်ကား၊ယန္တရားမောင်းနှင်သူများ မိမိစက်ကားချူ ခြာနေတာကြောင့် အလုပ်မဖြစ်တာမျိုးကြုံရ တတ်ပါ တယ်။ အောက်လက်ငယ် သားတွေကို ဖိအားအလွန်ပေးသူများ အောက်လက်ငယ်သားတွေပြန်လည် တော်လှန် ပြောဆိုတာ မျိုးတွေရှိလာတတ်တဲ့ နေ့ရက်ပါပဲ။ စာရင်းဇယားတွေကို သေချာအောင်လုပ်စေချင်ပါတယ်။ ကျန်းမာရေး ကတော့ အနည်းငယ်ညံ့နေတတ်ပါတယ်။
ကြာသပတေး
မိမိရဲ့လိမ္မာပါးနပ်မှု၊ဆုံးဖြတ်ချက်တွေမှန်ကန်တိကျမှုတွေ ကြောင့် ထင်ထားသည်ထက်ပိုမို အဆင်ပြေနိုင်တာ တွေ့ရ ပါတယ်။ လုပ်ကိုင်ဆောင်ရွက်သမျှ အထက်လူကြီးဒါမှမ ဟုတ် မိမိလေးစားရတဲ့ဆရာသမားတွေကို တိုင်ပင် လုပ်ကိုင် ခြင်း ဖြင့်ပိုမို အောင်မြင်တတ်ပါတယ်။ ကိုယ်ပိုင်အလုပ် များစီးပွားတိုးတတ်နိုင်ပါတယ်။ မိမိချဲ့ထွင်ဆောင် ရွက်ချင် တာ လေးတွေကိုလဲ ထူးထူးခြားခြားလုပ်သွားနိုင်ပါလိမ့် မယ်။ စိတ်ထဲမှာ မတင်မကျဖြစ်နေတဲ့ကိစ္စ တွေရှိရင် တော့ ဒီနေ့မှာ စိတ်ထဲရှင်းသွားပါလိမ့်မယ်။စီးပွားရေးနဲ့ပတ်သက်သော သင်တန်းများတတ်ရောက် ခြင်း၊ စီးပွား ရေး ပညာများ သင်ယူ ခြင်းမျိုးလဲ အဆင်ပြေပါလိမ့်မယ်။
သောကြာ
အကြပ်အတည်းအခက်အခဲလေးတွေရှိနေတတ်ပါတယ် ။ ဒါပေမဲ့ ရင်ဆိုင်ကျော်လွှားနိုင်ဖို့လိုပါတယ်။ အမှုအခင်းများ၊ ပြဿနာ များမဖြစ်အောင်နေထိုင်သင့်ပါတယ်။ လူအများဆီကအကူအညီတွေကိုမရရှိဘဲ ကိုယ့်အားကိုယ်ကိုး နေရ တတ်ပါတယ်။ အောက်လက်ငယ်သားတွေက ထင်သလောက်အားမကိုးရတဲ့နေ့ရက်မျိုးပါပဲ။ ရုတ်တရက်ခရီးကိစ္စ ပေါ် လာ တတ်ပါတယ်။ နိုင်ငံ ခြားခရီးစဉ်မျိုးတွေ လဲ ကြုံရတတ်ပါတယ်။ ကျန်းမာရေးကတော့အားနည်းနေတာကို သိစေ ချင်ပါတယ်။မိမိတို့ ဖြစ်ချင်တဲ့ ကိစ္စတွေကို မလုပ်ဘဲ သူများတွေဖြစ်ချင်တာတွေကိုဖြည့်ဆည်းလိုက်ပါ။
စနေ
ခရီးကိစ္စတွေစီစဉ်ထားရင်ပျက်ရတတ်ပါတယ်။လုပ်ကိုင်ဆောင် ရွက်သမျှတွေကအရာမရောက်ဘဲ လူမှုရေးကိစ္စတွေ၊ သာရေးနာရေးကိစ္စတွေအတွက်အချိန်ကုန်လူပန်းဖြစ်ရတတ် ပါတယ်။ ကျန်းမာရေးနဲ့ပတ်သက်ပြီးတော့လဲ လုပ်ရှား သွားလာ ရတာများရင်တော့ ကိုယ့်လက်ကိုက်ခဲပြီးဖျားနာ တတ်ပါတယ်။ မိမိအဖိုးတန်ပစ္စည်းများလက်လွှတ်စပယ် မထားလိုက်ပါ နဲ့။ပျောက်ရှရတတ်ပါတယ်။ အမှုဟောင်း ပြဿနာဟောင်းတွေပေါ်လာတတ်ပါတယ်။ လျှို့ဝှက်ချက်ကို ဘယ်သူကို မှယုံကြည်ပြီးတော့ မဖွင့်ပြောသင့်တဲ့ နေ့ရက်ပါပဲ။ စီးပွားရေးနဲ့ ပတ်သက်ရင် ပုံမှန်တိုးတတ်ပါလိမ့်မယ်။
ဆရာငြိမ်းအေးလူ(ဗေဒင်သုတေသီ)
09775555695