
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၇)ရက်၊ သောကြာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၁၆)ရက်နေ့လဲ ဖြစ်ပါတယ်။
ဒီနေ့နံနက်(၀၅း၁၃)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၁)နာရီဖြစ်ပြီး ၊ ညနေ(၀၆း၀၉)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်ကတောင်အရပ် ဖြစ်ပါတယ်။
လက်သမားမြေခံအရဒွန်းစဏ္ဍား မြေခံဖြစ်၍ ဆင်းရဲဒုက္ခများ ကြုံတွေ့ရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ရှောင်သင့်ပါတယ်။
မွန်းလွဲ ၁နာရီအထိကဗုဒ္ဓဟူးမြေခံတဲ့နေ့ဖြစ်ပါတယ်။ ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူရရှိ ခြင်းနှင့် ချမ်းသာရတတ်ခြင်းအကျိုးကိုပေးတာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်း တံတားတွေ အထပ်အမြင့်အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေ အထူးကောင်း ပါတယ်။ ဒါကြောင့် မွန်းမလွဲခင် ဆောင်ရွက်မယ်ဆို ဆောင်ရွက်လို့ရပါတယ်။မွန်းလွဲသွားရင် ဆောင်ရွက်မှုမပြုတာ ကောင်းပါတယ်။
ဒီနေ့ဟာ နဂါးပြည်ပြဿဒါး၊ ဝါရမိတ္တုငယ်၊ သမားဖြူ၊ ရက်ပုပ် ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ မွန်းလွဲ ၁နာရီအထိလဆုတ်တီထိ ၆လုံးပါ။ ကျော်သွားရင်တော့ လဆုတ် တီထိ ၇လုံးဖြစ်ပြီးတော့ ဘဒြာတီထိကိုကောင်းစွာကူးပြောင်းသွားပါလိမ့်မယ်။ လက်မှုပညာနဲ့ပတ်သက်သောအလုပ်များ လဲ အထူးကောင်းပါတယ်။လမ်းဖောက်လုပ်ခြင်း၊ တံတားစတင်ဆောက်လုပ်ခြင်းများအထူးကောင်းပါတယ်။
ကျောက်မျက်ရတနာများကို ဝတ်စားဆင်ယင်ခြင်း၊အဝတ်အစားအသစ်များဆင်မြန်းဝတ်ဆင်ခြင်းအထူးကောင်း ပါ တယ်။ ယာဉ်ကားနဲ့ပတ်သက်သောအလုပ်များ၊ လိုင်းဆွဲခြင်း၊ကုန်စည်ပို့ဆောင်ခြင်းအလုပ်များ၊ဘုရားဖူးအလုပ် များ အလွန်ကောင်းပါတယ်။
ဝီရိယအကျိုးကိုခံစားရမဲ့နေ့ရက်ဖြစ်တာကြောင့် လုံ့လဝီရိယကိုတိုးပြီးလုပ်ကိုင်ပါ။ ကျောက်မျက်ရတနာများ ရေနံ့နှင့် သဘာဝဓာတ်ငွေ့တူးဖော်ခြင်းများဒီနေ့မှာစတင်ဆောင်ရွက်နိုင်ပါတယ်။ မျိုးစေ့ကြဲခြင်း၊သစ်ပင်စိုက်ခြင်း၊ ဥယျာဉ်ခြံ လုပ် ငန်းများအထူးကောင်းပါတယ်။
ဒီနေ့မှာ ကုန်သွယ်ခြင်းတွေ၊ပစ္စည်းလှောင်ခြင်းတွေကိုအထူးရှောင်သင့်ပါတယ်။အမှုပြဿနာတွေအဖြစ်မခံပါနဲ့။ ဖြစ်ပါ ကဖြေရှင်းရန်ခက်ခဲသွားတတ်ပါတယ်။အဆောက်အဦးပြင်ဆင်ခြင်း၊တိုးချဲ့ခြင်းပြုမိပါကရန်ပြဿနာတွေကိုဖြစ်ပွားစေပါလိမ့်မယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၁း၄၂)နာရီမှ (၂၂း၃၄)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်းများကြုံလာရ ပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
နဂါးပြည်ပြဿဒါးကျရောက်နေတဲ့နေ့ရက်ဖြစ်တာကြောင့်အိမ်၊ခြံမြေ၊တိုက်တာ၊ဆိုင်ခန်း၊အလုပ်ခန်းများ ရောင်းချ ခြင်း၊ ဝယ်ယူခြင်းမျိုးတွေရှောင်လိုက်စေချင်ပါတယ်။အရောင်းအဝယ်ကိစ္စတွေနဲ့ပတ်သက်ပြီးတော့ စာချုပ်ချူပ်ဆို မယ်ဆို ရင်တော့ ဒီနေ့မှာ ပိုင်ဆိုင်တဲ့စာရွက်စာ တမ်းတွေက အစစ်လား၊အတုလားသေချာစစ်ဆေး ပြီးမှ ဆောင်ရွက်လိုက်ပါ။
ဝါရမိတ္တုငယ်ကျရောက်တဲ့နေ့ရက်လဲဖြစ်တာကြောင့် မင်္ဂလာကိစ္စများ အလုံးစုံရှောင်သင့်ပါတယ်။ လက်ထပ် ထိမ်း မြားခြင်း၊စေ့စပ်ခြင်း၊မင်္ဂလာစကားပြောခြင်းများရှောင်သင့်ပါတယ်။ ဒီနေ့ မှာပေါ်ပင်အလုပ်များ၊ အဆင်ပြေမ လားထင် ပြီးတော့ မြေစမ်းခရမ်းပျိုးလုပ်ကိုင်ခြင်းများလဲ အထူးပဲရှောင်ပါတယ်။ လုပ်မိရင်မှန်းချက်နဲ့ နှမ်းထွက်မ ကိုက်ဆိုတာ မျိုး လဲဖြစ်နေရတတ်ပါတယ်။
ဒီနေ့ဟာသမားဖြူရက်ဖြစ်တာကြောင့် အရောင်းအဝယ်ကိစ္စတွေမှာ ရောင်းမှာဝယ်မှားဖြစ်တတ်တယ်။ လူလိမ်ခံရ တတ်ပါတယ်။ဘဝအတွက်အရေးကြီးတဲ့အလုပ်များ၊ ဆုံးဖြတ်ချက်များကိုဒီနေ့မှာလုပ်ဆောင်ချမှတ်လို့မကောင်း ပါဘူး။
ရက်ပုပ်ကျတဲ့ရက် ဖြစ်တာကြောင့် ဒီနေ့မှာစတင်လိုက်တဲ့ကိစ္စတွေက လိုရင်းမရောက်ဘဲ မပြီးမသတ်ဖြစ် ရတတ်ပါ တယ်။ ရန်ဖြစ်လိုက်ပြီးဆိုရင်လဲကြီးမားတဲ့ အမှုအခင်းထိဖြစ်သွားနိုင်ပါတယ်။ ရန်ရှောင်သင့်တဲ့နေ့ပါပဲ။
ဒီနေ့မွေး ရင်သွေးငယ်များဟာ ပုတိဖွား၊ ပြိဿ စန်း၊ သိဟ်ရာသီဖွားဖြစ်ပါသည်။ဒီနေ့မွေးသူများဟာ အနစ်နာခံတတ် ကြသူတွေဖြစ်ပါတယ်။ ကောင်းသောစိတ်လေးတွေရှိတတ်ကြပြီး တစ်ပါးသူကို ကူညီလိုစိတ်တွေ များပြားကြပါတယ်။ ကျန်းမာရေးအားနည်းချက်တချို့ပါလာတတ်ပေမဲ့ အဆိုးကြီးမဟုတ်ပါဘူး။ လူချစ်လူခင်များပြီးအရာရာကူညီတတ်တာ ကြောင့် အလုပ်လုပ်ရာမှာလဲ မိတ်များ၊ဖောက်သည်များမဲ့သူတွေဖြစ်ပါတယ်။ အသက်၂၈နေ အသက်၄၂အတွင်း အအောင်မြင်ဆုံးဘဝကိုတည်ဆောက်နိုင်မဲ့သူတွေဖြစ်ပါတယ်။ အသုံးအဖြုန်းနားလည်ဖို့ပဲလိုပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မနက်(၁၀◌း၂၉) နာရီမှ မွန်းတည့်(၁၂း၀၀)နာရီအတွင်း ကျ ရောက် နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ် ပြု တာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူး ကောင်း ပါတယ်။
ကံကောင်းသောနေ့သားများ တနင်္ဂနွေ၊ တနင်္လာ၊ ကြာသပတေး၊ စနေ သားသမီးများပဲဖြစ်ပါတယ်။
ကံညံ့သော နေ့သား သောကြာ၊ ရာဟု သားသမီးများပဲဖြစ်ပါတယ်။
ကံသင့်သောနေ့သားများ အင်္ဂါ၊ ဗုဒ္ဓဟူး သားသမီးများပဲဖြစ်ပါတယ်။
ဒီနေ့မှာ အနက်ရောင်၊နီညိုရောင် များများပါသောအဝတ်အစားအသုံးအဆောင်ပစ္စည်းတွေကို အထူးအလေးထား ဝတ် ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၀၊၄၊၈)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့နာနတ်ယိုစား သွားပါ။ပိုမို အဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဒူးရင်းယိုပါသောမုန့် ဘုရားကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်း သောလိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
စိတ်၏ချမ်းသားခြင်းတွေ၊ကိုယ့်၏ကျန်းမာခြင်းတွေရှိပါ လိမ့်မယ်။ အလုပ်ခွင်မှာလဲ အခက်အခဲမရှိဘဲ တစ်နေ့တာ ကို ကုန်ဆုံးသွားနိုင်ပါလိမ့်မယ်။လိုအပ်နေတဲ့အကူအညီ မျိုးတွေလဲ မိမိနီးစပ်သူမှန်သမျှတောင်းခံနိုင်ပါလိမ့်မယ်။ လူြ ကီးသူမတွေရဲ့ချစ်ခင်ခြင်းကိုလဲခံရတတ်ပါတယ်။ အချစ်ရေးကံအထူးကောင်းပါတယ်။ ချစ်သူဆီကအကူအညီ တေ ွလဲရလွယ်ပါတယ်။ တရားဓမ္မတွေနာယူမှတ်သားအထူးကောင်းပါတယ်။ ပွဲစားအလုပ်များ၊ကိုယ်စားလှယ် အလုပ်များ၊ အကျိုးဆောင်လုပ်ငန်းများလဲအထူး အဆင် ပြေအောင်မြင်တတ်ပါတယ်။ အလုပ်ရာထူးတိုး တတ်ခြင်း တွေ လဲကြုံ ရ တတ်ပါတယ်။
တနင်္လာ
အတွေးသစ်စိတ်ကူးသစ်တွေရလာတတ်ပါတယ်။ရလာတဲ့စိတ်ကူတွေကိုလဲလက်တွေ့အကောင်အထည် ဖော် ဆောင် ရွက်လို့သင့်ပါတယ်။မိမိအပေါ်ကျေးဇူးရှိတဲ့သူတွေကိုလဲကောင်းစွာပြန်လည်ကူညီပေးနိုင်မဲ့ကာလပါပဲ။အလုပ် အတွက် ကောင်းသော အခွင့်အလမ်းတွေရလာတတ်ပါတယ်။ မရည် ရွယ်ဘဲခရီးကိစ္စပေါ်လာတတ်ပါတယ်။ ပညာရေး ကိစ္စတွေ မှန်သမျှ အဆင်ပြေမှုတွေအထူးကြုံရတတ်ပါတယ်။ မိမိ အပေါ်အမြင်မကြည်သူများ မိမိရဲ့သဘောထားအမှန်ကို သိလာပါလိမ့်မယ်။ကာယ၊ဉာဏ်နအပင်ပန်းခံပြီးလုပ်ပါ။ ကိုယ့်တစ်ယောက်အတွက်ပဲ မကြည့်ဘဲ အများအတွက် ကြည့်ပြီးလုပ်ပါ။ ဒါမှပဲ ဒီနေ့မှာအဆင်ပြေပါလိမ့်မယ်။
အင်္ဂါ
မိသားစုထဲမှာ တနင်္လာသားသမီးရှိရင်ထိုသူနဲ့စကားများရ တတ်ပါတယ်။ စက်ပစ္စည်းတစ်ပတ်ရစ်ဝယ်မယ်ဆိုရင်လဲ သေချာ စစ်ဆေးဝယ်ပါ။ အနာအဆာပါတဲ့ပစ္စည်းမျိုးရ တတ်တဲ့နေ့ရက်မို့ပါပဲ။ အများပိုင်ငွေများခဏသိမ်းခိုင်းရင် လက်မခံ ပါနဲ့။ သူများငွေကြောင့်မိမိပါဒုက္ခရောက်နိုင်လို့ ပါပဲ။ချစ်သူနဲ့ခွဲခွာနေရတတ်ပါတယ်။ စိတ်တို၊စိတ် ဆတ်တဲ့ သူငယ်ချင်း တွေနဲ့ဒီနေ့မှာမတွဲလိုက်ပါနဲ့။ ခရီးရှည်ထွက် တာမျိုးဒီနေ့မှာလုပ်မိရင် ခရီးပန်းပြီးကျန်း မာရေးအားနည်းသွားတတ်ပါ တယ်။ အလုပ်စီးပွားကောင်းပေမဲ့ မိမိက အလုပ်ထဲမှာအားမထည့်နိုင်တာကြောင့် ထင်သလောက်အကျိုးမရှိဖြစ် ရ တတ်ပါတယ်။
ဗုဒ္ဓဟူး၊ ရာဟု
အသောက်အစားအပျော်အပါးလုပ်ဖို့စွဲဆောင်မဲ့သူတွေ ၊ မဟုတ်တာလုပ်ဖို့ ခေါ်မဲ့မိတ်ဆွေတွေလဲကြုံရတတ် ပါတယ်။ ရေလမ်းခရီးသတိပြုသင့်တဲ့နေ့ရက်ပါပဲ။ မိမိရေမကျွမ်း ကျင်ဘဲ ရေကူးခြင်းတွေ၊ရေဆော့ခြင်းတွေအထူးရှောင် သင့်ပါတယ်။လုပ်ကိုင်ဆောင်ရွက်ရမဲ့အလုပ်မှန်သမျှအဖျက် ဝင်တတ်ပါတယ်။ စကားအပြောအဆိုဆင်ခြင်ပါ။ ကောင်းသောစကားဖြစ်ပါစေ ။မပြောမတတ်ရင်လူမုန်းသွားတတ် ပါတယ်။လုပ်ငန်းလိုအပ်ချက်ကြောင့် အချိန်ပို တွေလဲဆင်းနေရတတ်ပါတယ်။ ငွေကဝင်သလောက် အဟောသိကံ ပြန်ကုန်သွားတတ်ပါတယ်။ ပစ္စည်းများအထားမှား ပြီးပျောက်ရှတတ်ပါတယ်။
ကြာသပတေး
ခေါင်းကြည်၊စိတ်ကြည်နေပြီး သတ်မှတ်ထားသည်ထက် ပိုမိုလုပ်ကိုင်ဆောင်ရွက်သွားနိုင်ပါ လိမ့်မယ်။အ လုပ်ခွင် ထဲမှာလုပ်ကိုင်ဆောင်ရွက်နေတဲ့ကိစ္စတော်တော်များများကို လဲ မိမိအကြံအစည်စိတ်ကူးကြောင့် ပိုမိုတိုးတတ်ပါ လိမ့်မယ်။ ကိုယ်ပိုင်စီးပွားရေးတွေ၊လူအများနဲ့ပူးတွဲလုပ်ရတဲ့ အလုပ်တွေအဆင်ပြေအားကောင်း နေတတ်ပါတယ်။ ဖခင်ဒါမှမဟုတ်ဦးကြီးဘကြီးတွေဆီက အကူအညီတွေရ လွယ်မဲ့နေ့ရက်ပါပဲ။ အဓိဋ္ဌာန်ဝင်ခြင်းတွေကိုတော့ စတင်ဆောင်ရွက်လို့အထူးကောင်းပါတယ်။အိုးအိမ်ပြင်ဆင်တာ မျိုးတွေ ၊အိမ် ထောင်ပရိဘောဂများ အဟောင်းလဲပြီး အသစ်အစားထိုးတာမျိုးတွေဆောင်ရွက်နိုင်ပါတယ်။
သောကြာ
စိတ်ရှုပ်ထွေး၊စိတ်နောက်နေတတ်ပါတယ်။ ဒါကြောင့်အရေး ကြီးကိစ္စတွေကို ဒီနေ့မှာပြောဆိုဆုံးဖြတ် လို့ မသင့်ပါဘူး။ အလုပ်တွေကိုခဏမေ့ထားပြီး စိတ်အပန်းဖြေတာမျိုးက တော့ မိမိအတွက်ပိုကောင်းပါတယ်။ ဆေးဝါးနဲ့ပတ်သက် သော အလုပ်များ၊ စားသောက်ကုန်လုပ်ငန်းများ အဆင် ပြေတိုးတတ်နိုင်ပါတယ်။ သားသမီးတွေ၊အောက်လက် ငယ်သားတွေကို ပြောဆိုဆုံးမလို့ခက်ခဲနေတတ်ပါတယ်။ အလုပ်များနေတဲ့အတွက်အရေးကြီးတာတွေ ကိုဦးစား ပေးလုပ်တတ်ဖို့လိုပါတယ်။ စိတ်ထဲရှိတာတွေလျှောက်လုပ် လို့မသင့်ပါဘူး။ ဦးနှောက်နဲ့တွေးပြီးမှလုပ်ကိုင်ဆောင်ရွက် လိုက်ပါ။
စနေ
အလုပ်ခွင်အတွင်းလုပ်ပိုင်ခွင့်တွေအများကြီးရလာတတ်ပါ တယ်။ ဝန်ထမ်းများအသစ်ခန့်အပ်ခြင်း၊ လက်ရှိဝန် ထမ်းတွေ သင့်တော်သလိုစီမံခြင်းများလဲဆောင်ရွက်နိုင်ပါတယ်။ အဝေးရောက်နေတဲ့မိတ်ဆွေတွေ ၊သူငယ်ချင်း တွေနဲ့ပြန်ဆုံရတတ်ပါတယ်။ လူမှုရေးအသင်းအဖွဲ့တွေမှာဦးဆောင် လုပ်ကိုင်ပေးရတတ်ပါတယ်။ရွှေ ဝယ် မယ်ဆိုဒီနေ့မှာသင့်တော်ပါတယ်။ အိမ်တွင်းရေးအပူတွေငြိမ်းအေးသွားပါလိမ့် မယ်။ သူတစ်ပါးတွေရဲ့အကူ အညီတွေကိုလဲရလွယ်ပါတယ်။ ဘာသာရေးနှင့်နွယ်သောပညာများလဲ အထူးရလွယ် ပါတယ်။ အလှပြင်ခြင်း၊ အလုကုန်ပစ္စည်းဝယ်ယူခြင်းများ ဆောင်ရွက်လို့ကောင်းတဲ့ နေ့ရက်ပါပဲ။
ဆရာငြိမ်းအေးလူ(ဗေဒင်သုတေသီ)
09775555695