
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ တော်သလင်းလဆုတ်(၁၁)ရက်၊ အင်္ဂါနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊စက်တင်ဘာလ(၂၀)ရက်နေ့လဲ ဖြစ်ပါတယ်။
ဒီနေ့နံနက်(၅း၁၅)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၀၃)နာရီဖြစ်ပြီး ၊ ညနေ(၀၆း၀၇)နာရီမှာ နေ ဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက် မြောက်အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။
လက်သမားမြေခံအရ နဂါးမြေခံဖြစ်ပါတယ်။နဂါးမြေခံဖြစ်၍ ပျက်စီးဆုံးရှုံးရတတ်သော နေ့ဖြစ်တာကြောင့် ပျဉ်ထောင် အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် မသင့်ပါ။
တီထိမြေခံအရ မိတ္တမြေခံတဲ့နေ့ရက်ဖြစ်ပါတယ်။မိတ္တုမြေခံဖြစ်တာကြောင့် မိမိတွင်ပိုင်ဆိုင်ရရှိပြီးသား စည်းစိမ်ဉစ္စာ များ တစ်ဖြည်းဖြည်း လျော့ပါး ဆုံးရှုံးလာတတ်ခြင်းတွေဖြစ်စေတာမို့ ခိုင်ခန့်တဲ့အဆောက်အဦး တွေ၊ကျောင်းတွေ သိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးရှောင်သင့်ပါတယ်။
ဒီနေ့ဟာ သမားညို ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့လဆုတ်တီထိ၁၀လုံး ငြိမ်းအေးခြင်းတွေ၊ ကြည်လင်ခြင်းတွေကိုပေးတဲ့ ပုဏ္ဏ တီထိကျ ရောက် တဲ့နေ့ရက်ပါပဲ။လုပ်ငန်းခွင်အတွင်း ဖြေရှင်းရန်ခက်ခဲနေတဲ့ကိစ္စတွေကိုတော့ ဖြေရှင်းရန်အလွန် ကောင်းပါ တယ်။ မည်သည်အကြောင်းကြောင့်ဖြစ်စေ စာချုပ်ချုပ်ခြင်းကိစ္စတွေမှာ သတိနဲ့ယှဉ်ပြီးဆောင်ရွက်သင့်ပါ တယ်။ အရေးကြီး သော ကိစ္စများကို ဆောင်ရွက်ရန်နံနက် ၁၀း၄၈ ကနေ မွန်းလွဲ ၁း၁၂ မိနစ်အထိက အထူးကောင်းပါတယ်။
ပစ္စည်းလှောင်ခြင်းမပြုသင့်ပါ။ ကုန်သွယ်စီးပွားလုပ်သူများလမ်းခရီးကြန့်ကြာနိုင်တာမို့ ပုပ်လွယ်သောကုန်များသယ် မယ်ဆိုသတိထားပါ။အပြောင်းအရွှေ့ကိစ္စများသတိပြုဆင်ခြင်ပါ။ပြဿနာဟောင်း၊အမှုအဟောင်းများဖြေရှင်းလို့လွယ် ကူနိုင်ပါတယ်။လက်ပြောင်းလက်လွှဲကိစ္စများ လက်လွတ်စပယ်မပြုလုပ်သင့်ပါ။ သက်သေနဲ့တကွဆောင်ရွက်မှုမရှိပါ ကအငြင်းပွားဖွယ်ပြဿနာပေါ်မယ်။
တပည့်မွေးခြင်း၊သင်တန်းသားအသစ်လက်ခံခြင်း၊ ပညာပေးဝေခြင်းများ ဆောင်ရွက်လို့အထူးကောင်းပါတယ်။ ကလေး ငယ်များကို အာဟာရစတင်ကျွေးမွေးခြင်း၊ သစ်ပင်များ၊မြေဆီများ ကိုဓာတ်မြေသြဇာကျွေးခြင်းများအထူး ပဲဆောင် ရွက် နိုင်ပါတယ်။ အာမခံလုပ်ငန်းများ၊ ဘဏ်လုပ်ငန်းများ၊ငွေကြေးဝန်ဆောင်မှုလုပ်ငန်းများ တိုးတတ်မှု တွေကြုံရ ပါလိမ့်မယ်။ ငွေရှာရလွယ်သလို ငွေပေးငွေယူကိစ္စများ၊ကြွေးတောင်းကြွေးယူကိစ္စများလဲ ဆောင်ရွက် နိုင်ပါတယ်။ လူသုံးကုန်ပစ္စည်းများနှင့်အရည်နှင့်ဆိုင်သောစားသောက်ကုန်လုပ်ငန်းများရောင်းခြင်း၊ဝယ်ခြင်း၊ထုတ်လုပ်ဖြန့်ချီ ခြင်း များ အထူးဆောင်ရွက်နိုင်ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၁း၂၇)နာရီမှ (၂၂း၁၈)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရ ပါလိမ့် မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။
ဒီနေ့မွေး ရင်သွေးငယ်များဟာ ရာဇဖွား၊ မေထုန်စန်း၊ ညနေ ၄း၃၀မိနစ်ကျော်ရင် စန်းက ကရကဋ်ရာသီ ကူး ပြောင်း ပါ တယ်။ ကန်ရာသီဖွားဖြစ်ပါသည်။ဒီနေ့မွေးသူများဟာသူတစ်ပါးတွေရဲ့အကူအညီတွေကိုရဖို့ခဲယဉ်းကြသူတွေ အရာ ရာကို ကိုယ်ကပဲ တည်ဆောက်ယူကြရတယ်။ အမွေရတာမျိုး၊ထောက်ပံ့တာမျိုး၊အသိအမှတ်ပြုခံရတာမျိုးသိပ် ရှား တယ်။တော်တော်ကြီးသူများကိုကူညီရင်တောင်နည်းနည်းပဲအသိအမှတ်ပြုခံကြရသူတွေပါ။ကောင်းတာဘယ် လောက် လုပ်လုပ်မုန်းသူတွေလဲ ရှိနေတတ်ကြပါတယ်။ ကိုယ်ဒူးကိုယ်ချွန်ကြိုးစားခဲ့ရတာကြောင့်ပဲ ဘဝမှာအောင်မြင် မှုခိုင် မာတယ်။ ပညာရဲရင့်ပွဲလည်တင့်တယ်။အောင်မြင်ပြီးဆို ဘယ်သူမှလိုက်မမှီအောင် မြင့်မားသွားတတ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၀၃း၀၁) နာရီမှ ညနေ(၀၄း၃၃)နာရီအတွင်း ကျရောက်နေ ပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ် ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်း ပါတယ်။
ကံကောင်းသောနေ့သားများ တနင်္ဂနွေ၊ အင်္ဂါ၊ ဗုဒ္ဓဟူး၊ ရာဟု သားသမီးများပဲဖြစ်ပါတယ်။
ကံညံ့သော နေ့သား တနင်္လာ၊ ကြာသပတေး သားသမီးများပဲဖြစ်ပါတယ်။
ကံသင့်သောနေ့သားများ သောကြာ၊ စနေ သားသမီးများပဲဖြစ်ပါတယ်။
ဒီနေ့မှာ အနက်ရောင် နှင့် အနီရောင် များများပါသော အဝတ်အစားအသုံးအဆောင်ပစ္စည်းတွေကို အထူး အလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၃၊ ၈)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့လက်ကို အမွှေးနံ့သာ ပက်ဖျန်းပြီးမှ သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ နှမ်းယို၊နှမ်းကပ် ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
အဘက်ဘက်ကကံမြင့်မားနေတာတွေ့ရတတ်ပါတယ်။ ငွေ ကြေးနဲ့ပတ်သက်ပြီးတော့လဲ အဆင်မပြေ တာတွေ မရှိ သလောက်နည်းသွားပါလိမ့်မယ်။ သူတစ်ပါးတွေကိုမိမိတတ် နိုင်သလောက်ကူညီပေးနိုင်ပါလိမ့်မယ်။ ကျန်းမာရေးက တော့ အညံ့မရှိပါဘူး။ တန်ဖိုးရှိပစ္စည်းတွေလိုချင်တယ်ဆိုရင် တော့ဒီနေ့မှာ ဝယ်ယူလို့ အထူးကောင်းပါတယ်။ အားကစားတွေစတင်လုပ်တာ၊ ဆေးဝါးဓာတ်စာစတင်စားတာမျိုး တွေအထူးဆောင်ရွက် လို့ကောင်းပါတယ်။ စိတ် ကြည်လင်သန့်ရှင်းအောင်ထားပြီးမှလုပ်ကိုင်ဆောင် ရွက်စေချင် ပါတယ်။ အရာရာကိုစိတ်ရှုပ်ခံတွေးပြီးမှလုပ်ရမယ်ဆို အဲဒီအလုပ်ကိုမလုပ်ပါနဲ့။
တနင်္လာ
မိတ်ဆွေတွေ၊လုပ်ဖော်ကိုင်ဖက်တွေရဲ့ အခက်အခဲတွေ ကိုကူညီဖြေရှင်းပေးနေရတတ်ပါတယ်။ ဖခင်ရဲ့ကျန်းမာရေး အားနည်းမှုတွေကြောင့်လဲ အနည်းငယ်စိတ်ပူရတတ်ပါ တယ်။ လခစားဝန်ထမ်းများဘာလုပ်လုပ် မိမိလုပ်နေ တာ တွေကိုကန့်ကွက်မဲ့သူတွေနဲ့ကြုံရတတ်ပါတယ်။ နေရာ ပြောင်း၊ဌာနပြောင်းဆိုတာမျိုးတွေလဲ အထူးပဲကြုံရတတ် ပါတယ်။ ဈေးဝယ်ထွက်တာမျိုး မလုပ်ပါနဲ့။ လိုချင် တာများပြီး မှန်းထားသည်ထက် ပိုက်ဆံပိုကုန်တတ်ပါတယ်။ လူငယ် တွေ ဆိုအချစ်ရေးနဲ့ပတ်သက်သော စိတ်ညစ် စရာလေးတွေ အနည်းငယ်ကြုံနေတတ်ပါ တယ်။အရောင်း အဝယ် အလုပ်များကောင်းတယ်။
အင်္ဂါ
လူမှုရေးပြဿနာတွေရှိရင်တော့ကောင်းစွာရှင်းသွားနိုင်ပါ လိမ့်မယ်။အသင်းအဖွဲ့တွေမှာဦးဆောင် တာဝန်ယူနေရ တတ်ပါတယ်။ အလုပ်တွေနဲ့ပတ်သက်ပြီးတော့လဲ မိတ်တွေ ပေါများလာတတ်ပါတယ်။ အချစ်ရေး အညံ့အဆိုးတွေ ကနေ လွတ်မြောက်ပါလိမ့်မယ်။ ချစ်သူဆီက အကူအညီ ကောင်းတွေရတတ်ပါတယ်။ မိမိအတွက်စိတ်ကူး ကောင်း၊ အတွေးကောင်းတွေရလာတတ်ပါ တယ်။အများရဲ့ယုံကြည် လေးစားမှုရလာ အောာင်လဲ စွမ်းဆောင်နိုင်ပါလိမ့်မယ်။ ရွှေငွေလက်ဝတ်ရတနာ များ၊အဖိုးတန်ကျောက်မျက်ရတ နာများ ဝယ်ယူမယ်ဆိုရင်လဲဒီနေ့မှာ ဝယ်ယူတာမျိုးက ကောင်းမွန်သင့်တော်ပါတယ်။
ဗုဒ္ဓဟူး၊ရာဟု
ကံသင့်တယ်ဆိုပေမဲ့ အကောင်းဘက်ကိုအလေးသာပါ တယ်။ ဘာလို့လဲဆိုတော့ မိမိဆန္ဒတွေ ပြည့်ဝလွယ်ပါတယ်။ ကျန်းမာရေးကတော့ အညံ့နည်းပါတယ်။ ဒါပေမဲ့ အားနည်းနေတတ်ပါတယ်။ အာဟာရရှိတာတွေစားသင့်တဲ့နေ့ ရက်ပါပဲ။ ခရီးသွားပြီးလုပ်ကိုင်ဆောင်ရွက်ရတဲ့ ကိစ္စ ပိုမိုအဆင်ပြေလွယ် ပါတယ်။ သားသမီး၊အောက်လက်ငယ်သား တွေအတွက် စိတ်လက်ချမ်းသာရပါလိမ့်မယ်။ လိင် ကိစ္စတွေတော့ မရှုပ်ထွေးမိဖို့ လိုပါတယ်။ ရေရှည်လုပ်ဖို့ ရည်ရွယ် ထားတဲ့အလုပ်တွေကိုဒီနေ့မှာအကောင်အထည် ဖော်ပြီး စတင်လို့အလွန်ကောင်းပါတယ်။
ကြာသပတေး
အောက်လက်ငယ်သားတွေကို သေချာထိန်းပါ။ အောက်လူ တွေအမှားလုပ်မိရာကနေ မိမိကိုယ်ပါ ထိခိုက်လာ နိုင်ပါတယ်။ ကျန်းမာရေးနဲ့ပက်သက်ပြီးတော့လဲအထူးအားနည်း ချက်တွေများလာပါလိမ့်မယ်။ သူများကိုငွေကြေးနဲ့ ပတ်သက်ပြီးအာမမခံလိုက်ပါနဲ့။ စုမဲစုတာမျိုးတွေဒီနေ့မှာစတင် လို့မကောင်းပါဘူး။ မိတ်ကောင်းဆွေကောင်းတွေရဲ့ အကူအညီ တွေအများကြီးရလာတတ်ပါတယ်။ အိမ်တွင်းရေး ကိစ္စတွေမှာ ခေါင်းအေးအေးနဲ့ဖြေရှင်းပါ။ ပြဿနာ တွေကိုရှောင်ပြေးနေရင်တော့ ပြဿနာကပိုကြီးထွားလာပါ လိမ့်မယ်။ လူငယ်ဖြစ်နေရင်တောင် လူကြီးဆန်ဆန် လုပ်ကိုင်ဆောင်ရွက်လိုက်ပါ။
သောကြာ
နေကောင်းကျန်းမာဖို့ကိုအာရုံစိုက်ပါ။ အစာမကြေဖြစ်လွယ်ပါ တယ်။ အအေးမိ မခံလိုက်ပါနဲ့။ ပညာရေးနဲ့ ပတ်သက် သော အလုပ်မျိုးလုပ်နေသူဆို အတိုက်အခိုက်တွေများနေ တတ်ပါတယ်။ ဆရာသမား တွေရဲ့အခက်အခဲတွေကို ကူညီပေးနေရတတ်ပါတယ်။ လက်ကားစီးပွားရေးများ ငွေအလွဲအပြောင်းကိစ္စတွေမှာ သတိထားပါ။ ပေးရမဲ့ငွေထက် ပိုရှင်း ပေးမိတာမျိုးတွေဖြစ်ရတတ်ပါတယ်။ စပ်တူ အလုပ်တွေမှာ ငွေကြေးကြောင့်စကားများရတတ်ပါတယ်။ အသေး စား၊အလတ်စားစီးပွားရေးလုပ်ငန်းများ တိုးတတ်ထူး ချွန်ပါလိမ့်မယ်။အလှမ်းကျယ်ရင်တော့ အလယ်လပ်တာ မျိုးဖြစ် တတ်ပါတယ်။
စနေ
လိင်မတူသူတွေဆီကအကူအညီကောင်းတွေရလာ တတ်ပါတယ်။ကျန်းမာရေးကိုတော့ဂရုစိုက်ထားစေချင်ပါတယ်။ ဦးနှောက်အာရုံကြောနဲ့ပက်သက်ပြီးဂရုစိုက်စေချင် ပါတယ်။ စိတ်ဓာတ်ကျနေသူများ စိတ်အားတတ်စေတဲ့ စကားသံ တွေကိုဆရာသမားတွေဆီကရရှိပါလိမ့်မယ်။ လှောင်ကုန်များဈေးကောင်းရပြီးတော့ ရောင်းထွက်သွား တတ်ပါတယ်။ ငွေကြေးနဲ့ပတ်သက်ပြီးတော့လဲ အဝင်များ ပါလိမ့်မယ်။ အနုစိပ်အသေး စိပ်လုပ်ရသော၊ခေါင်းစားရသော အလုပ်တွေ က ပိုမိုတိုးတတ်နိုင်တဲ့နေ့ရက်ပါပဲ။ အတွေး ကောင်း၊စိတ်ကူးကောင်း တွေက ဒီနေ့အတွက်အသုံးဝင်ပါလိမ့်မယ်။
ဆရာငြိမ်းအေးလူ(ဗေဒင်သုတေသီ)
09775555695