
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လဆန်း(၁၂)ရက်၊ ကြာသပတေးနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၆)ရက်နေ့လဲ ဖြစ်ပါတယ်။
ဒီနေ့နံနက်(၅း၂၅)နာရီမှာ အရုဏ်တတ်ပါတယ်။ နေထွက်ချိန်နံနက်(၀၆း၁၃)နာရီဖြစ်ပြီး ၊ ညနေ(၀၅း၅၇)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က တောင်အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။
လက်သမားမြေခံ ခွေး မြေခံဖြစ်၍ ပျက်စီးခြင်းကို ပေးတဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ မြေတူးဆွတာတွေကို အထူးရှောင်သင့်ပါတယ်။
ဒီနေ့ဟာတီထိမြေခံအရ မနက် ၁၀နာရီခွဲအထိ ဗုဒ္ဓဟူးမြေခံတဲ့နေ့ဖြစ်ပါတယ်။ ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူရရှိ ခြင်းနှင့် ချမ်းသာရတတ်ခြင်းအကျိုးကိုပေးတာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်း တံတားတွေ အထပ်အမြင့်အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေ အထူးကောင်း ပါတယ်။သို့သော် ထိုအချိန်ကာလကျော်တာနဲ့ မြေခံမကောင်းတာရယ်၊ သမားညိုနဲ့လဲတိုက်ဆိုင်တာ ရယ်၊ရက်ယုတ်မာလဲဖြစ်တာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်း တံတားတွေ အထပ်အမြင့် အဆောက် အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေကို ရှောင်လိုက်တာ အကောင်း ဆုံးပါ။
ဒီနေ့ဟာ ရက်ရာဇာ၊ သမားညို၊ ရက်ယုတ်မာ ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ မနက် ၁၀◌း၄၀အထိက လဆန်းတီထိ ၁၁လုံး ပျော်ရွှင်မှုတွေ၊ ကြွယ်ဝခြင်းတွေ ကိုပေးတဲ့ နန္ဒတီ ထိကျရောက်တဲ့ နေ့ရက်ပဲဖြစ်ပါတယ်။ထိုအချိန်လွန်ပါက လဆန်းတီထိ၁၂လုံးကူးပြောင်းပါတယ်။ ခေါင်းဆေး ခေါင်း လျှော်ခြင်းတွေ ပြုလုပ်လို့သင့်ပါတယ်။ ရောဂါဆိုး၊ဘေးဆိုး အန္တရာယ်ဆိုးတွေကနေကင်းဝေးမဲ့ နေ့ရက်ပါပဲ။ အလုပ်ရှာခြင်း၊အလုပ်သစ်လျှောက်ခြင်းများပြုလုပ်ရန်ကောင်းတဲ့နေ့ရက်လဲဖြစ်ပါတယ်။ မိမိတို့ ရဲ့မိရိုးဖလာရိုးရာ နတ်များအားပူဇော်ခြင်း၊ပသခြင်းများလဲ ဆောင်ရွက်သွားနိုင်ပါလိမ့်မယ်။
စက်ပစ္စည်းရောင်းဝယ်ခြင်းများ၊ ဒီနေ့မှာဆောင်ရွက်လို့ အထူးကောင်းပါတယ်။ ဆေးဝါးအသစ်မှာစတင်ဖော်စပ် ခြင်းများလဲအထူးကောင်းပါတယ်။ ဆံသဆိုင်၊BEAUTY SALOON ၊အလှကုန်ပစ္စည်းအရောင်းဆိုင်များလဲဒီနေ့မှာ အဆင်ပြေချော့မွေ့တာတွေ့ရပါတယ်။
တံတားပြုပြင်ခြင်း၊လမ်းပြုပြင်ခြင်း၊စည်းရိုးကာခြင်းများကိုလဲ အထူးဆောင်ရွက်လို့ကောင်းပါတယ်ရေနံတူးဖော် ခြင်း တွေ၊ဆည်မြောင်းတာတမံတူးဖော်ခြင်းတွေကိုလဲဒီနေ့မှာအလေးပေးဆောင်ရွက်လို့ကောင်းပါတယ်။ဒီနေ့မှာ ပါတီ ပွဲ များ ကျင်းပခြင်း၊ မိတ်ဆုံစားပွဲများကျင်းပခြင်းတွေကိုလဲ ဆောင်ရွက်လို့ကောင်းပါတယ်။ ကျောက်မျက်ရတ နာများ ဝယ်ယူခြင်း၊ အဝတ်အထည်များဝယ်ခြင်း၊ဖက်ရှင်ဒီဇိုင်းများစတင်ချုပ်လုပ်ခြင်းတွေ ဆောင်ရွက်လို့ကောင်း ပါတယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၀:၂၄)နာရီမှ (၂၁း၁၅)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရ ဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်း များကြုံ လာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုး မရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊စေ့စပ်ခြင်း၊ မင်္ဂလာ စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင် ရွက်နိုင်ပါလိမ့်မယ်။
သမားညိုရက်ဖြစ်တာကြောင့် အိမ်ပြောင်းရွှေ့တာ၊ အလုပ်ဆိုင် ပြောင်းတာ၊ အလုပ်ရုံးခန်းပြောင်းတာ မျိုးတွေရှောင် အပ်ပါတယ်။ပညာစပြီးသင်ယူလို့မကောင်းသေးပါဘူး။ ခိုင်ခန့်သော၊ရေရှည်တည်တံ့သော အဆောက်အဦးတွေကို စတင်ဆောက်လုပ်တာ ၊တိုင်ထူတာ၊ပန္နက်ရိုက်တာ၊ မျိုးတွေလုပ်မိရင် အဆုံးမသတ် ဘဲတစ်ပိုင်းတစ ဖြစ်လွယ်ပါတယ်။
ရက်ယုတ်မာကျရောက်တဲ့နေ့ဖြစ်တာကြောင့် အိမ်ဆောက် တာ၊တိုက်ဆောက် တာ၊ ဆိုင်ဆောက်တာ၊ ပန္နက်ရိုက် တာ၊တိုင်ထူတာမျိုးတွေ မလုပ်သင့်ပါ။ လုပ်မိတယ် ဆိုရင်တော့ ရေမီးမင်းခိုးသူ၊အမွေခံသားဆိုးသမီးဆိုးဆိုတဲ့ ရန်သူမျိုးငါးပါးကြောင့် ပြန်လည်ပျက်စီးရ တတ်ပါ တယ်။
ဒီနေ့မွေး ရင်သွေးငယ်များဟာ ဘင်္ဂဖွား၊ မကာရစန်း၊ မနက် ၉နာရီခွဲကျော်ရင် စန်းကကုမ်ရာသီပြောင်းသည်။ ကန်ရာသီဖွားဖြစ်ပါသည်။ဒီနေ့မွေးသူများဟာ အမိအဘ တွေရဲ့ အထောက်အပံ့အလွန်ရကြသူတွေဖြစ်သလို ဉာဏ်ကြီးတဲ့အသိုင်းအဝိုင်း၊ဒါမှမဟုတ်မိမိကိုလမ်းပြနိုင်တဲ့သူ တွေကြားမှာ ဝင်စားကြတဲ့သူတွေဖြစ်တယ်။ ပညာ အရာမှာအထွတ်အထိပ်ရောက်ပြီး ဘာသာစကားများသင်ယူ တတ်မြောက်လွယ်ကြတဲ့ဇာတာပဲဖြစ်ပါတယ်။ ကံ ကောင်း တာက ဒီနေ့မွေးရင်သွေးငယ်ဟာ ကျားဖြစ်စေ၊မဖြစ်စေ အိမ်ထောင်ရေးအတွက် စိတ်ချမ်းသာ ရင်အေးရ တဲ့ဖွားဇာတာ မျိုးပဲဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းလွဲ(၀၁း၂၃) နာရီမှ မွန်းလွဲ(၂း၅၂)နာရီအတွင်း ကျရောက်နေ ပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ သောကြာ၊ တနင်္လာ၊ အင်္ဂါ သားသမီးများပဲဖြစ်ပါတယ်။
ကံညံ့သော နေ့သား စနေ၊ ဗုဒ္ဓဟူး၊ ရာဟု သားသမီးများပဲဖြစ်ပါတယ်။
ကံသင့်သောနေ့သားများ တနင်္ဂနွေ၊ ကြာသပတေး သားသမီးများပဲဖြစ်ပါတယ်။
ဒီနေ့မှာ ငွေရောင်၊မီးခိုးရောင် များများပါသော အဝတ်အစား၊ အသုံးအဆောင်ပစ္စည်းတွေကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ ၇ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၉၊ ၃)ဂဏန်း တွေပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့လက်ဖက်ရည် သွားပါ။ ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဩဇာသီး ဘုရားကပ်လှူပြီး လိုရာ ဆု တောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လို အင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
သူတစ်ပါးတွေကိုလဲ တတ်နိုင်သလောက်ကူညီပေးနိုင်ပါ တယ်။ ဇိမ်ခံပစ္စည်း တွေနဲ့ သက်သောင့်သက်သာ နေခွင့်ရမဲ့ နေ့ရက်လဲဖြစ်ပါတယ်။ ကတိတည်သော ပြောတဲ့ အတိုင်းလုပ်ပေးသူများ ဒီနေ့မှာလူအများရဲ့ယုံကြည်မှု ကိုရလာ တတ်ပါတယ်။့ကံကောင်းခြင်းတွေကို တစ်လှည့် ခံစားရပါလိမ့်မယ်။ ပျော်ပွဲ ရွှင်ပွဲများအထူးကြုံရတတ်ပါတယ်။ မိမိအနှစ်နှစ်အလလ လိုချင်နေတဲ့အရာတစ်ခု ကိုရ လာတတ်ပါတယ်။စိတ်ပျော်ရွှင်စရာတွေများနေရတတ်ပါတယ်။ မိမိအကြံပေး၊အားပေးစကားကြောင့် တစ်ဖက်သား ကောင်းသောအပြောင်း အလဲတွေကိုအထူးကြုံရတတ်ပါတယ်။
တနင်္လာ
လက် တလောငွေရမဲ့ကိစ္စထက် ရေရှည်အကျိုးများမဲ့ကိစ္စတွေ ကိုကြည့်ပြီးဆောင်ရွက်တာကပိုမို အဆင်ပြေပါလိမ့် မယ်။ မိမိအခက်အခဲတွေရှိရင် ကိုယ်စွမ်း၊ဉာဏ်စွမ်းရှိသမျှ ကူညီပေးမဲ့မိတ်ဆွေကောင်းတွေရှိ နေတတ်ပါတယ်။ အချစ်ရေး မှာလဲ ချစ်သူကမိမိကို အဆက်အသွယ်မလုပ်တာ မျိုးလဲကြုံရတတ်ပါသေးတယ်။ မိမိရဲ့ဆုံးဖြတ်လုပ်ကိုင်မှု တွေဟာ အခြားသူတွေအတွက်ဝေဖန် အပြစ်တင်စရာများ ပေမဲ့ မိမိအတွက်တော့ ရေရှည်ကောင်းသွားတတ်ပါတယ်။ ကျန်းမာရေးနဲ့ ပတ်သက်ပြီး ကာယပင်ပန်းပြီး လုပ် ကိုင်ဆောင်ရွက်ရတာတောင်မှ ဖျားတာနာတာ၊ကိုယ်လက်ကိုက်ခဲ တာမျိုးတောင် မဖြစ်ပါဘူ။
အင်္ဂါ
မိမိဖြစ်ချင်တဲ့ကိစ္စတွေကိုလဲ ဦးစားပေးလုပ်ကိုင်နိုင် ပါလိမ့်မယ်။ငွေရှာလို့ကောင်းတယ်။ ရင်းနှီးမြုပ်နှံလို့သင့် တော် တဲ့နေ့ရက်ပါပဲ။မိမိလိုချင်တဲ့စက်ပစ္စည်းတွေဝယ်ယူ မယ်ဆိုရင်တော့ဒီနေ့မှာအထူးကောင်းပါတယ်။ အစား ကောင်း ၊ အသောက်ကောင်းတွေလဲ စားရသောက်ရ တတ်ပါတယ်။ အလုပ်နဲ့ပတ်သက်ပြီးတော့ တိုးတတ်စရာများပါတယ်။ ကိုယ်ပိုင်စီးပွားများဝန်ထမ်းတွေရဲ့ကြိုးစား မှုကြောင့်သိသိသာသာ လုပ်ငန်းတွေတိုးတတ်နေပါလိမ့်မယ်။စိတ်ချမ်း သာကိုယ်ကျန်းမာမှုတွေရှိပါလိမ့်မယ်။ မိမိမိတ်ဆွေတွေဆီကမိမိနဲ့အပ်စပ်တဲ့အကြံဉာဏ်ကောင်းတွေရလာတတ်ပါ တယ်။
ဗုဒ္ဓဟူး၊ရာဟု
အလုပ်မှာအထက်လူကြီးက ကြီးလေးတဲ့တာဝန်တွေကို ပေးအပ် တတ်ပါတယ်။ အရေး ကြီးတဲ့ကိစ္စတွေကို အခြား သူတွေကိုမခိုင်းဘဲမိမိကိုပဲခိုင်းစေတတ်ပါတယ်။ လက်ရှိအလုပ်မှာ စိတ်အနှောက်အယှက် ဖြစ်စရာလေးတွေ ကြုံရ ပေမဲ့ယာယီအ ညံ့မျိုးပါပဲ။ အိမ်ရှင်အိမ်ငှားပြဿနာလေးတွေ ကြုံလွယ်ပါတယ်။ ဘာလုပ်လုပ် အခက်အခဲတွေ ကြုံပြီး မှပဲ အဆင်ပြေတတ်ပါတယ်။ ဘာမှလွယ်လွယ်ကူကူဖြစ်နိုင် တာမျိုးတော့ မရှိပါဘူး။ အိမ်သစ် စတင်ဆောက်လုပ်ဖို့ ဆောက်ပေးမဲ့သူနဲညှိနှိုင်းခြင်းများ မင်းအစိုးရနဲ့ပက်သက်တဲ့ ကိစ္စအ၀၀ကိုလဲဒီနေ့မှာလက် ရှောင်လိုက်ဖို့လိုပါတယ်။
ကြာသပတေး
ပညာရပ်နဲ့ပတ်သက်ပြီး မိမိလိုအပ်နေတဲ့ပညာရပ်လေး တွေကိုသင်ကြားခွင့်တွေ ရလာတတ်ပါတယ်။ ကျန်းမာရေး အားနည်းသူများ ဆေးကောင်းဝါးကောင်းတွေ့ပြီး ရောဂါ တွေ သက်သာ ခွင့်ရပါ လိမ့်မယ်။ ONLINE စီးပွားရေးများ အလွန်အောင်မြင်နေတတ်ပါတယ်။မီဒီယာ အလုပ်များ တိုးတတ်နိုင်ပါတယ်။ မိမိထုတ်ကုန်သစ် အတွက် ဒီနေ့မှာ ကြော်ငြာခြင်းဖြင့် လူအများရဲ့သတိထားခြင်းကိုရရှိပါ လိမ့်မယ်။ မပြတ်သား၊တွေဝေနေတဲ့အတွေး တွေရှင်းလင်း သွား တတ်ပါတယ်။ စိတ်ရှည်နိုင်မှု၊သည်းခံနိုင်မှု တွေမြင့်မားနေတဲ့နေ့ရက်ဖြစ်တာကြောင့် ခက်ခဲနေ တဲ့ကိစ္စတွေကိုဦးစား ပေး လုပ်ပါ။
သောကြာ
ဘာလုပ်လုပ်အများနဲ့ပူးတွဲလုပ်ကိုင်ခြင်းများကပိုမိုတိုးတတ်မှု တွေကိုကြုံရ တတ်ပါတယ်။ ချစ်သူရဲ့လှည့်စားခြင်း တွေ ကိုလဲခံရတတ်ပါတယ်။ အိမ်ကို ရပ်ဝေးကဧည့်သည်တွေလဲ ရောက်လာ တတ်ပါတယ်။ လက်ဝယ်ရှိတဲ့ရွှေပြန် ရောင်းမယ် ဆိုဒီနေ့ဆောင်ရွက်လို့ကောင်းပါတယ်။ လုပ်ငန်းခွင်မှာ အဆင်ပြေပေမဲ့ မိသားစုနဲ့တော့စိတ်တူသဘော တူဖြစ်ဖို့မလွယ်တာ ကိုတွေ့ရပါတယ်။ အလုပ်ထဲမှာ မိမိမလုပ်ဖူး သေးတဲ့အလုပ်ကိစ္စတွေကိုစတင်ခိုင်းစေခြင်းခံရ တတ်ပါတယ်။ ဒါကြောင့်အနည်းငယ်ခက်ခဲပေမဲ့ ကြာရင်တော့ အဆင်ပြေသွားပါလိမ့်မယ်။ အရောင်းအဝယ်အလုပ် များ လူလိမ်တွေနဲ့တွေ့ရတတ်ပါတယ်။
စနေ
အလှူအတန်းကိစ္စဘာသာရေးကိစ္စတွေနဲ့ပတ်သက်ပြီး တော့လဲ ခရီးသွားရတတ်ပါတယ်။ တရားစကားဆွေးနွေး လို့ကောင်းပါတယ်။ ဘာကိစ္စလုပ်လုပ်မပိုင်နိုင်ဘဲ မလုပ်ဖို့သတိပေးချင်ပါတယ်။ ကျန်းမာရေးကတော့ အဆိုးကြီး မဟုတ်ပေမဲ့ တရှောင်ရှောင်တော့ ဖြစ်လွယ် ပါတယ်။ပညာရေးနဲ့ပတ်သက်ပြီး မရှင်းတာ၊နားမလည်တာတွေကို မေးမြန်းတာမျိုးတွေ အထူးဆောင်ရွက်လိုက်ပါ။ ဘာနယ်ပယ်မှာဖြစ်ဖြစ်မသိရင်မရှင်းရင်မေးပါ။ ကိုယ်ထင်ရာကိုယ် လုပ်ပြီး အမှားတွေဖြစ် တတ်လွန်းလို့ပါ။ ငွေအထွက်များနေတဲ့နေ့ရက်ဖြစ်တာကြောင့်လဲ အိတ်ကပ်ပိန်နေတတ်ပါ တယ်။
ဆရာငြိမ်းအေးလူ(ဗေဒင်သုတေသီ)
09775555695