
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ သီတင်းကျွတ်လပြည့်နေ့ရက်၊ တနင်္ဂနွေနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊အောက်တိုဘာလ(၉)ရက်နေ့လဲ ဖြစ်ပါတယ်။
ဒီနေ့နံနက်(၅း၂၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၁၅)နာရီဖြစ်ပြီး ၊ ညနေ(၅း၅၅)နာရီမှာ နေဝင် ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အရှေ့မြောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်တောင်အရပ် ဖြစ်ပါတယ်။ စန်းပွင့်ရာအရပ်ကအနောက်အရပ် ဖြစ်ပါတယ်။
လက်သမားမြေခံအရသိကြား မြေခံဖြစ်၍ ချမ်းသာသုခကို ပေးတဲ့နေ့ ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်း တည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်လို့ ကောင်းပါတယ်။
ဒီနေ့ဟာတီထိမြေခံအရ မိတ္တုမြေခံတဲ့နေ့ဖြစ်ပါတယ်။ မိတ္တုမြေခံဖြစ်တာကြောင့် မိမိတွင်ပိုင်ဆိုင်ရရှိပြီးသား စည်းစိမ်ဉစ္စာများ တစ်ဖြည်းဖြည်း လျော့ပါး ဆုံးရှုံးလာတတ်ခြင်းတွေဖြစ်စေတာမို့ ခိုင်ခန့်တဲ့အဆောက်အဦး တွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေ စတင် ဆောက်လုပ်တာ တိုင်ထူတာပန္နက်ရိုက်တာမျိုး တွေ အထူးရှောင်သင့်ပါတယ်။
ဒီနေ့ဟာ တီထိအရတော့ လပြည့်တီထိဖြစ်ပါတယ်။ စိတ်ကြည်လင်မှု၊ အေးချမ်းမှုတွေကိုပေးတဲ့ ပုဏ္ဏတီထိ ကျရောက်တဲ့နေ့ရက်ပါပဲ။ဒီလိုနေ့ရက်တွေမှာ တရားထိုင်တာမျိုးတွေပုတီးစိပ်တာမျိုးတွေ သေဆုံးသွားပြီးဖြစ်တဲ့ အမိအဘအဘိုးအဘွားတွေကို လှူတန်းမျှေ၀ တာမျိုးတွေအထူးကောင်းပါတယ်။ အဓိဌာန်ပုတီးစတင်စိပ်ခြင်းတွေ၊ ဂါထာမန္တာန်များစတင်ရွတ်ဖတ်ခြင်းတွေဆောင်ရွက်နိုင်ပါတယ်။
ဒီနေ့မှာ မိမိလုပ်ချင်တာတွေကိုကောင်းစွာလုပ်ကိုင်သွားနိုင်ပါလိမ့်မယ်။ တတ်သိနားလည်ထားတဲ့ပညာတွေကိုမျှဝေ ခွင့်တွေရလာတတ်ပါတယ်။ မေတ္တာပွားခြင်းဖြင့်ကံကောင်းမှုတွေကိုရရှိပါလိမ့်မယ်။တိမ်မဖုံးဘဲ လသာသောအချိန် တွေမှာ လရောင်ကျတဲ့နေရာမှာ ရေသန့်လေးတွေ ဖန်ခရားထဲထည့်ပြီးတော့ချထားပါ။ ထိုလပြည့်နေ့လရောင်ဆမ်း တဲ့ရေကိုသောက်ခြင်းဖြင့် စန်းအားကောင်းစေပါလိမ့်မယ်။
ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ည(၂၀◌း၁၂)နာရီမှ (၂၁း၀၄)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများ ကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာ မျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေးရင်သွေးငယ်များဟာ မရဏဖွား၊ မိန်စန်း၊ ကန်ရာသီဖွားဖြစ်ပါသည်။ဒီနေ့မွေးသူများဟာ အခက်အခဲတွေ ကောင်းစွာကျော်လွှားနိုင်တဲ့အစွမ်းအစတွေရှိပါလိမ့်မယ်။ ငွေကြေးကံအားကောင်းကြသူများဖြစ်ပြီးငွေပြတ်ပြီဆို ရင်တော့ တစ်နေရာရာကနေ ငွေဝင်လာတတ်ပါတယ်။ ကျန်းမာရေးအားနည်းချက်ရှိတဲ့သူတွေဖြစ်တာမို့ အရွယ်သုံး ပါးလုံးဂရုစိုက်ဖို့လိုပါတယ်။ အရက်နဲ့မတည့်တဲ့ဇာတာမို့ တတ်နိုင်သမျှအရက်မသောက်ဖြစ်အောင်မိဘတွေကသွန် သင်ပေးဖို့လိုအပ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ ညနေ(၀၄း၂၀) နာရီမှ ညနေ(၀၅း၄၉)နာရီအတွင်း ကျရောက် နေပါ တယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါ တယ်။
ကံကောင်းသောနေ့သားများ အင်္ဂါ၊ ဗုဒ္ဓဟူး၊ ရာဟု၊ စနေသားသမီးများဖြစ်ပါတယ်။
ကံညံ့သော နေ့သား တနင်္ဂနွေ၊ သောကြာ သားသမီးများဖြစ်ပါတယ်။
ကံသင့်သောနေ့သားများ တနင်္လာ၊ ကြာသပတေး သားသမီးများဖြစ်ပါတယ်။
ဒီနေ့မှကြက်သွေးရောင်၊ပန်းရောင်များများပါသော အဝတ်အစားအသုံးအဆောင်တွေကိုအထူး အလေးထား ဝတ်ဆင် သုံးစွဲခြင်းဖြင့် ကံကြမ္မာရဲ့မျက်နှာသာပေးမှုကို အထူးပဲရရှိပါလိမ့်မယ်။
ဒီနေ့၇ရက်သားသမီးများအားလုံးအတွက် lucky number တွေကတော့ 2ဂဏန်း၊9ဂဏန်းတွေပါပဲ။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ဘုရားရှင်ကို သောက်တော်ရေကပ် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ထောပတ်သီး ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
၇ရက်သားသမီးအတွက် တစ်နေ့တာဟောစာတမ်းအကျဉ်း
တနင်္ဂနွေ
ခရီးကိစ္စတွေအဆင် မပြေဖြစ်ရတတ်ပါတယ်။ အလုပ် တွေများပြီးတော့ စိတ်ပင်ပန်း၊လူပင်ပန်းရတာမျိုးတွေ ဖြစ်ရ တတ်ပါတယ်။ငွေကံကောင်းပေမဲ့ ဝယ်ခြမ်းစရာ တွေ များနေတာကြောင့်ငွေကုန်နေအုံးမှာပါ။ ကျန်မာရေးကို အထူး ဂရု စိုက်လိုက်ပါ။ တရှောင်ရှောင်ဖြစ်လွယ်ပါတယ်။ ခါးနာတာ၊သွားကိုက်တာ၊မူးမော်တာမျိုးတွေ အထူးဖြစ်လွယ်ပါ တယ်။ မိမိနဲ့ရန်စသူတွေကိုဆုံရတတ်ပါတယ်။ မိန်းကလေးအချင်းချင်းဆိုလဲနောက်ကွယ်မှာအပုပ်ချတာ ခံရတတ်ပါ တယ်။ အိမ်ထောင်ရေးမှာ မိမိရဲ့စကား ရင့်သီးသွား တာကြောင့် အဆင်မပြေဖြစ်ရတတ်ပါတယ်။ အပျော်အပါးများ နေတာကို လျော့ချပါ။
တနင်္လာ
အစုစပ်လုပ် ငန်း၊ဖက်စပ်လုပ်ငန်းများ တိုင်တိုင်ပင်ပင် လုပ်ကိုင်မှအဆင်ပြေပါလိမ့်မယ်။ငွေကုန်ကြေးကျ များနေတဲ့ နေ့ဖြစ် တာကြောင့် မလိုအပ်ဘဲ ငွေမသုံးမိ အောင်နေ စေချင်ပါတယ်။ လေထဲတိုက်အိမ်ဆောက်နေမိပါတယ်။ လက်တွေ့ ထက် အပြင်မှာလက်တွေ့လုပ်တာ ပိုကောင်း ပါတယ်။ လူအချင်းချင်းလှည့်ပတ်တာမျိုးတွေမလုပ်ပါနဲ့။ အချစ်ရေးကံ ကောင်းပေမဲ့ သဘောထားသေး သိမ်တဲ့ချစ် သူရထားရင်တော့ ဒီနေ့မှာပြဿနာတတ်ရတတ်ပါတယ်။ အရေးကြီး အလုပ်များ၊အရေး ကြီးတဲ့ဆုံးဖြတ် ချက်များ မချဘူးဆိုရင်တော့ ဒီနေ့ဟာအဆင်ပြေတာများပါ လိမ့် မယ်။
အင်္ဂါ
အလုပ်နဲ့ပတ်သက်ပြီး အကျိုးအမြတ်ကြီးတဲ့အလုပ်အော်ဒါတွေရ လွယ်ပါတယ်။ ချစ်သူဆီကအထောက်အပံံ့တွေ ရလာတတ်ပါတယ်။အချစ်ရေးကိစ္စတွေမှာတော့ ချစ်သူကမိမိ အတွက်လိုအပ်တဲ့ အကူ အညီတွေကိုပေးနေ တတ် ပါတယ်။ စိတ်ကူးတွေကိုရွက်လွှင့်လိုက်ပါ။ အနာဂတ်အတွက် လုပ်ဆောင်ရ မဲ့ကိစ္စတွေကိုစိတ်ကူးနဲ့ပုံဖော် လိုက်ပါ။ ဒါအပြင်စိတ်ကူးနဲ့လုပ်ကိုင်ရတဲ့စာရေးတဲ့အလုပ်တွေ၊သီချင်းစပ်တာမျိုးတွေလဲဆောင်ရွက်စေချင်ပါတယ်။ ကျန်းမာ ရေးနဲ့ပတ်သက်ပြီးတော့ အလွန်အားရစရာကောင်းတဲ့နေ့ပါ ရောဂါ ခံစားနေရသူများ ဒီနေ့အနာနဲ့တည့်ပြီး ကျန်းမာ သွားတတ်ပါတယ်။
ဗုဒ္ဓဟူး၊ရာဟု
ကြားကနေညှိနှိုင်းဆောင်ရွက်ပေးရခြင်းများ ဒီနေ့မှာအလေးပေးလုပ်ဆောင် လိုက်ပါ။ ဧည့်သည်များမိမိဆီကို ရောက်လာ တတ်ပါတယ်။ မိမိကိုကောင်းကျိုးပေးမဲ့ ဧည့်သည်တွေဖြစ်ပါလိမ့်မယ်။ လက်ဝတ်ရတနာများ ဝယ်ယူ လို့ အထူးကောင်းတဲ့ နေ့ရက်ပါပဲ။ အဝေးရောက်နေတဲ့ မိသားစုဝင်တွေ၊ သူငယ်ချင်း တွေနဲ့ပြန်လည်ဆုံဆည်း နေရ တတ်ပါတယ်။ဒီလိုနေ့မျိုးမှာတော့လုပ်ငန်းခွင်အတွင်းလိုအပ်တဲ့လူ အင်အား ကိုပြန်စစ်ဆေးပါ။ လူအင်အားနဲ့ လုပ်ရ မဲ့လုပ်ကွက်ကိုချိန်ဆတတ်ရင် တော့ပိုမိုအကျိုးရှိပါလိမ့်မယ်။ လူများ များနဲ့ ပက်သက်လုပ်ကိုင်ရသော ဈေး ရောင်း ဈေးဝယ်အလုပ်များ တိုးတတ်မှုတွေ ရှိနေပါလိမ့်မယ်။
ကြာသပတေး
သားသမီးတွေဆီက အထောက်အပံ့တွေအများကြီး ရတတ်ပါတယ်။ ကားကိစ္စ၊ခြံကိစ္စ၊ကျောက်ကိစ္စများ အဆင်ပြေ တိုးတတ်ပါလိမ့်မယ်။ စိတ်ကူးနဲ့လက်တွေ့တစ်ထပ် တည်းကျတတ်ပါတယ်။ ကံစမ်းမဲကံ၊ထီကံတွေကောင်းနေ ပါလိမ့်မယ်။ မင်္ဂလာကိစ္စများ ဆောင်ရွက်လို့အထူး ကောင်းပါတယ်။ ကံမြင့်မားနေပါတယ်။ ငွေရှာရလွယ်လိမ့်မယ်။ ငွေအစုလိုက် ဝင်ရတတ်ပါတယ်။ကျန်းမာရေး နဲ့ပတ်သက်ပြီးတော့လဲ ဒေါင်ဒေါင်မြည်နေပါလိမ့်မယ်။ ရာထူးတိုး တတ် ပါ တယ်။ ယုတ်ညံသော မင်္ဂလာမရှိသော ကိစ္စများကို အထူးရှောင်ရှားစေချင်ပါတယ်။
သောကြာ
ကျန်းမာရေးကောင်းပေမဲ့ အချိုတွေစားတာများပြီးချောင်း ဆိုး တတ်ပါတယ်။ သူများ တွေကိုသနားပြီး၊ အားနာပြီးငွေမချေး လိုက်ပါနဲ့။ လမ်းပေါ်မှာယာဉ်ကားမောင်းနင်းသွား လာသူများ ချမှတ်ထားတဲ့ လမ်း စည်းကမ်း ယာဉ် စည်းကမ်းတွေ ကိုလေးစားလိုက်နာသင့်ပါတယ်။ ဖိအားတွေ၊ ချုပ်ချယ်မှုတွေကြားကနေပြေးထွက်ချင်နေ ပါလိမ့်မယ်။ တစ်ဦးတစ်ယောက်ရဲ့ လက်အောက်ကနေ ခွဲထွက်ချင်နေ တတ်ပါတယ်။ ကံကြမ္မာအရတော့ ဘာလုပ် လုပ်နားလည်သူတွေ ဆီကနေအကြံဉာဏ်ယူသင့်ပါတယ်။ အချစ်ရေး မှာတော့ ချစ်သူနဲ့စိတ်ချင်းဝေးနေသလို…လူ ချင်းလဲဝေးနေတတ်ပါတယ်။
စနေ
ကောင်းသောလိုအင်တွေကိုပြည့်ဝအောင် လုပ်နိုင်ပါလိမ့်မယ်။ ဒါပေမဲ့ဘာလုပ်လုပ် စိတ်ညစ်စရာတွေကြုံပြီးမှ ပြေလည်တတ်ပါတယ်။ ပညာရေးနှင့်ပတ်သက် သောအလုပ်များ အခက်အခဲများပါတယ်။ ကျန်းမာရေးကတော့ ကူးစက်ရောဂါသတိထားပါ။ ကိုယ်ခံအားကောင်း အောင်နေထိုင်ပါ။ စီးပွားရေးကို လောဘတကြီးမရှာပါနဲ့။ လိုက်လေ ဝေးလေဖြစ်ရတတ်ပါတယ်။စိတ်ထဲရှင်းအောင်ထားဖို့လိုပါတယ်။ စိတ်ရှုပ်ထွေးစရာကိစ္စတွေဖြစ် လာ တတ် ပါတယ်။ ငွေကြေးများ ရသလောက်ပြန်ကုန်နေတတ်ပါတယ်။ ဘာသာရေး နဲ့ပတ်သက်ပြီးငြင်းခုန်ပြဿနာ ဖြစ်ရတတ်ပါတယ်။
ဆရာငြိမ်းအေးလူ(ဗေဒင်သုတေသီ)
09775555695