ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆုတ်(၅)ရက်၊ တနင်္လာနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၁၂)ရက်နေ့လဲ ဖြစ်ပါတယ်။
ဒီနေ့နံနက်(၅း၅၆)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၄)နာရီဖြစ်ပြီး ၊ ညနေ(၅း၂၆)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က အနောက်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အရှေ့အရပ် ဖြစ်ပါတယ်။ စန်းပွင့်ရာအရပ်က မြောက်အရပ် ဖြစ်ပါတယ်။
လက်သမားမြေခံ ဆင်မြေခံဖြစ်၍ သေကြေပျက်စီးရတတ်တဲ့နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ရှောင်သင့် ပါတယ်။
ဒီနေ့ဟာတီထိမြေခံအရ သောကြာမြေခံတဲ့နေ့ဖြစ်ပါတယ်။ သောကြာမြေခံအရ ဥစ္စာပစ္စည်းရရှိခြင်း၊ချစ်သူ၊ မိတ်ဆွေပေါများခြင်းအကျိုးကိုရရှိစေသောကြောင့် ခိုင်ခန့်တဲ့အဆောက်အဦးတွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့်အဆောက်အဦးတွေစတင်ဆောက်လုပ်တာ တိုင်ထူတာပန္နက်ရိုက်တာမျိုးတွေအထူး ဆောင်ရွက်လို့ရပါတယ်။
ဒီနေ့ဟာ တီထိအရတော့ ည၇နာရီခွဲအထိလဆုတ်တီထိ ၄လုံး ရောင်းဝယ်ကုန်သွယ်မှုရေးရာများဆောင်ရွက်လို့အထူး အဆင်ပြေတတ်ပါတယ်။အတတ်ပညာများစတင်သင်ကြားနိုင်ပါလိမ့်မယ်။ ငွေကြေးရင်းနှီးမြုပ်နှံမှုကိစ္စတွေမှာတော့ ထူးခြားသောအကျိုးအမြတ်ကိုရရှိပါလိမ့်မယ်။ မည်သည့်အခက်အခဲပြဿနာမဆိုဖြေရှင်းနိုင်ပါလိမ့်မယ်။
ရေတွင်းရေကန်တူးဖော်ခြင်းတွေ၊ အဝီစိတွင်းတူးခြင်းတွေ ဆောင်ရွက်နိုင်ပါတယ်။ ကားရောင်းခြင်း၊ကားဝယ်ခြင်း၊ ကားအလဲအထပ်လုပ်ခြင်းတွေဒီနေ့မှာဆောင်ရွက်လို့ကောင်းပါတယ်။ နောင်တွင် ရေရှည်လုပ်မဲ့လုပ်ငန်းအတွက် အစီအစဉ်တွေချမှတ်ဆောင်ရွက်လို့ကောင်းပါတယ်။
အိမ်ခြံမြေရောင်းခြင်း၊ဝယ်ခြင်းစရံချခြင်းတွေဆောင်ရွက်လို့ကောင်းပါတယ်။ဘုရားပင့်ဆောင်ခြင်း၊အိမ်သစ်တတ် ခြင်း၊မြေသန့်မင်္ဂလာပြုလုပ်ခြင်းတွေဆောင်ရွက်လို့ကောင်းပါတယ်။
သမ္မအာဇီဝစီးပွားရှာခြင်းတွေအထူးကောင်းပါတယ်။စိတ်ကူးထားတာလေးတွေ လဲပြည့်ပြည့်လာမဲ့နေ့မျိုး ပါပဲ။ ဘာသာရေးဆိုင်ရာအလှူဒါနတွေပြုလုပ်ခြင်းနှင့် အဓိဋ္ဌာန်ဝင်ခြင်းများအထူးကောင်း တဲ့နေ့ရက်မျိုးပါပဲ။
ဒီလိုနေ့မျိုးဟာအရေးကြီးတဲ့လုပ်ငန်းများကို စတင်ဆောင်ရွက်နိုင်ပါတယ်။ လုပ်ငန်းအတွက်ဆုံးဖြတ်ချက် များကို ရှယ်ယာဝင်တွေနဲ့တိုင်ပင်ပြီး အပြီးသတ်ဆုံးဖြတ်ခြင်းတွေကိုဆောင်ရွက်နိုင်ပါလိမ့်မယ်။မိမိစိုက်ပျိုးထားတဲ့ သစ်ပင် တွေကို ပိုးသတ်ဆေး၊အပင်သန်ဆေး ကျွေးတာမျိုးတွေလဲ အထူးဆောင်ရွက်လို့ကောင်းပါ တယ်။
လူရိုးလူအေးများသတိထားပါ။ မြူဆွယ်သိမ်းသွင်း ထောင်ချောက်ဆင်ခြင်းခံရနိုင်ပါတယ်။ ကိုယ်ပိုင်အလတ်စား အသေးစားစီးပွားရေးလုပ်ငန်းများ အပြိုင်အဆိုင်အတိုက်အခိုက် တစ်အားပေါများနေတာကိုတွေ့ရပါတယ်။
ယနေ့တွင် အတတ်ပညာသစ်များ စတင်သင်ကြားနိုင်ပါသည်။ ဘာသာရေးအဆောက်အဦးများလည်း ပြုလုပ် လှူဒါန်းနိုင်ပါသည်။ မင်္ဂလာကိစ္စများ ဆောင်ရွက်နိုင်ပါသည်။ လက်မှုပစ္စည်းများ၊ ရှေးဟောင်းပစ္စည်းများ အရောင်း အဝယ်ပြုလုပ်ရန် ရက်ကောင်း ကျရောက်နေပါသည်။ မူလလက်ဟောင်းပစ္စည်းများ ဈေးကွက်တင်ပါ။ အရောင်း အဝယ် သွက်ပါလိမ့်မည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၄း၀၀)နာရီမှ ညနေ(၄း၅၂)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ အဓိပတိဖွား၊ ကရကဋ်စန်း၊ ဗြိစ္ဆာရာသီဖွားဖြစ်ပါသည်။ဒီနေ့မွေးသူများဟာ ကံဇာတာ မြင့်မားကြသူတွေဖြစ်ပါတယ်။ လိမ္မာပါးနပ်သူတွေဖြစ်ပြီးတော့ ပညာရေး၊စီးပွားရေးနဲ့ စွန့်ဦးတီထွင်အပိုင်းတွေမှာအား ကောင်းကြပါတယ်။ ရှောင်သင့်တာက အစိုးရဝန်ထမ်းမလုပ်သင့်ပါ။ဥပဒေနဲ့မလွတ်ကင်းတာတွေရှောင်ရမယ်။ နှစ်ရှည်လများ ရင်းနှီး မြုပ်နှံထားရတဲ့အလုပ်တွေကို အထူးရှောင်ရပါလိမ့်မယ်။ ကံကောင်းတာက သက်လတ်ပိုင်းတွေ မှာကံအထူးမြင့်ကြတယ်။ စွန့်စားလုပ်ကိုင်နိုင်စွမ်းကပဲအောင်မြင်မှုကိုပေးတယ်။ ဖခင်ရဲ့အကျိုးကျေးဇူးအပြည့်အဝ မရတာမျိုး၊ဖခင်ရဲ့မေတ္တာကိုအပြည့်အဝမရတာမျိုးတွေကြုံရတတ်တဲ့ဇာတာမျိုးတွေဖြစ်ပါတယ်။
ဒီနေ့အတွက် ရာဟုကာလအမှောင်ချိန်တွေကတော့ နံနက်(၇း၄၈)နာရီမှ နံနက်(၈း၁၂)နာရီအတွင်း ကျရောက်နေတာ ဖြစ်ပါတယ်။ ဒီအချိန်တွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများကတော့ တနင်္ဂနွေ၊ အင်္ဂါ၊ ကြာသပတေး သားသမီးများပဲ ဖြစ်ပါတယ်။
ကံညံ့သော နေ့သားများကတော့ ရာဟု၊ဗုဒ္ဓဟူး၊ သောကြာ သားသမီးများပဲ ဖြစ်ပါတယ်။
ကံသင့်သောနေ့သားများကတော့ တနင်္လာ၊ စနေ သားသမီးများပဲ ဖြစ်ပါတယ်။
ဒီနေ့မှာ အနက်ရောင်၊ အနီရောင် နှင့်အပြာရောင် များများပါသော အဝတ်အစား၊ အသုံးအဆောင်ပစ္စည်း များကို အထူး အလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါ လိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၀၊ ၆) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့စမူဆာစား သွားပါ။ ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ ဂျုံနဲ့လုပ်ထားတဲ့မုန့်တစ်မျိုးမျိုး ဘုရား ကပ်လှူပြီး လိုရာဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသောလိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695