
ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နတ်တော်လဆုတ်(၇)ရက်၊ ဗုဒ္ဓဟူးနေ့ ဖြစ်ပါတယ်။
ခရစ်နှစ် ၂၀၂၂ခုနှစ်၊ဒီဇင်ဘာလ(၁၄)ရက်နေ့လဲ ဖြစ်ပါတယ်။
ဒီနေ့နံနက်(၅း၅၇)နာရီမှာ အရုဏ်တတ်ပါတယ်။ နေထွက်ချိန်နံနက်(၆း၄၅)နာရီဖြစ်ပြီး ၊ ညနေ(၅း၂၆)နာရီမှာ နေဝင်ပါတယ်။
ဒီနေ့မှာ ဆောင်သင့်တဲ့လာဘ်နေအရပ်က တောင်အရပ် ဖြစ်ပါတယ်။ ရှောင်သင့်တဲ့ နတ်နေအရပ်က မြောက်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။
လက်သမားမြေခံ ဒွန်းစဏ္ဍား မြေခံဖြစ်၍ ဆင်းရဲဒုက္ခများ ကြုံတွေ့ရတတ်သော နေ့ဖြစ်တာကြောင့် ပျဉ်ထောင် အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ရှောင်သင့်ပါတယ်။
ဒီနေ့ဟာတီထိမြေခံအရ ဗုဒ္ဓဟူးမြေခံတဲ့နေ့ဖြစ်ပါတယ်။ ဗုဒ္ဓဟူးမြေခံအရ ဉစ္စာပစ္စည်းများ အလွယ်တကူရရှိ ခြင်းနှင့် ချမ်းသာရတတ်ခြင်းအကျိုးကိုပေးတာကြောင့် ခိုင်ခန့်တဲ့ အဆောက်အဦးတွေ၊ ကျောင်းတွေ၊ အိမ်တွေ၊ လမ်း တံတားတွေ အထပ်အမြင့်အဆောက်အဦးတွေ ဆောက်လုပ်တာ၊ တိုင်ထူတာ၊ ပန္နက်ရိုက်တာတွေ အထူးကောင်း ပါတယ်။
ဒီနေ့ဟာ ရက်ရာဇာ ၊ရသေ့ကျော်ရက်ကျရောက်နေတာဖြစ်ပါတယ်။
ဒီနေ့ဟာ တီထိအရတော့ လဆုတ်တီထိ ၆လုံးသာရှိသေးပြီးတော့ မြင့်တတ်ခြင်းကိုဖော်ဆောင်ပေးတဲ့ နန္ဒတီထိကျ ရောက်တဲ့နေ့ရက်ပဲဖြစ်ပါတယ်။ငွေပေးချေမှုများသတိထားရပါလိမ့်မယ်။ အငြင်းပွားဖွယ်ရာကိစ္စတွေ ကြုံရ တတ်ပါတယ်။အလုပ်ရှာခြင်း အလုပ်လျှောက်ခြင်းများကိုလဲ အထူးဆောင်ရွက်နိုင်ပါတယ်။ မည်သည့်ပစ္စည်းဝယ် ဝယ် စနစ်တကျစစ်ဆေးပြီးမှဝယ်ယူပါ။ အနာအဆာပါတဲ့ပစ္စည်းမျိုးရတတ်ပါတယ်။ရောင်းဈေး၊ဝယ်ဈေးတွေကို စုံစမ်းပြီး မှဝယ်ခြင်းရောင်းခြင်းပြုပါ။
ပင်လယ်စာလုပ်ငန်းများ၊ ရေသန့် နှင့် အချိုရည်လုပ်ငန်းများအထူးအဆင်ပြေတိုးတတ်ပါလိမ့်မယ်။ ဖျော်ဖြေရေး လုပ် ငန်းများ၊ ဂီတ၊အနုပညာလုပ်ငန်းများ အဆင်ပြေတိုးတတ်မဲ့နေ့ရက်ပါပဲ။ ဝန်ထမ်းအလုပ်များ၊ လခစားအလုပ်များ လုပ်ကိုင်နေသူတွေ၊ အလုပ်တွေထဲမှာပေါ့ပေါ့ပါးပါးလုပ်ကိုင်ပါ။ သိပ်ပြီး ပူပင်သော ကတွေမများဘဲလုပ်ကိုင်ရင် အဆင် ပြေပါလိမ့်မယ်။
အနုပညာနဲ့ပတ်သက်သော အတတ်ပညာရှင်များကတော့ ဖန်တီးမှုအသစ်တွေ၊စိတ်ကူးအသစ်တွေကို လုပ်ဆောင်လို့ အထူးကောင်းပါတယ်။ မိမိလိုချင်တာတွေကိုလဲ ရအောင်ဖန်တီးနိုင်ပါလိမ့်မယ်။ မိမိဖြစ်ချင်တာတွေ ထက်မိမိအောက် လက်ငယ်သားတွေ သားသမီးတွေရဲ့ ဆန္ဒကိုဖြည့်ဆည်းပေးခြင်းဖြင့် အောင်မြင်မှုတွေတိူးမဲ့နေ့ပါပဲ။ယနေ့ ရာဇမင်းထံ ဝင်၊ ထွက်၊ သွားလာခြင်း မပြုရပါ။ ရပိုင်ခွင့်များ ပြန်လည် တောင်ဆိုနိုင်မည်။ မင်္ဂလာကိစ္စများ ဆောင်ရွက်နိုင်မည်။
ယနေ့ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ညနေ(၃း၅၂)နာရီမှ ညနေ(၄း၄၄)နာရီ အတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာ များရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာ ခြင်း များကြုံလာ ရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ် သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။
ဒီနေ့မွေး ရင်သွေးငယ်များဟာ အထွန်းဖွား၊ သိဟ်စန်း၊ ဗြိစ္ဆာရာသီဖွားဖြစ်ပါသည်။ဒီနေ့မွေးသူများဟာအခက်အခဲတွေ ရှိပေမဲ့ ကူညီမဲ့သူတွေပေါတယ်။ အလုပ်ပေးမဲ့သူတွေ၊ငွေပေးမဲ့သူတွေရှိကြတယ်။ ကျေးဇူးရှိသူကို ကျေးဇူးပြန်ပေးဖို့ တော့လိုပါတယ်။ ဒီလိုဇာတာမျိုးက ခင်ပွန်းကြီးဆယ်ပါးကို ပစ်မှားမိရင်သိပ်ပြီးဒုက္ခရောက်တတ်ပါတယ်…။ ပညာရေး ကံမြင့်မားကြပြီး ဘွဲ့ထူး၊ဂုဏ်ထူးတွေရလာနိုင်ပါတယ်။ကျန်းမာရေးအားကောင်းကြပြီးတော့ စကားနည်းကြသူတွေ ဖြစ်ပါတယ်။အတ္တသာမကြီးဘူးဆိုရင်တော့ဒီဇာတာတွေက အထူးအောင်မြင်မှုတွေရလာပါလိမ့်မယ်။
ဒီနေ့အတွက် ရာဟုကာလအမှောင်ချိန်တွေကတော့ မွန်းတည့်(၁၂း၀၀)နာရီမှ မွန်းလွဲ(၁း၂၄) နာရီကြားကာလတွေပဲ ဖြစ်ပါတယ်။ ဒီအချိန်တွေအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆိုတာတွေ၊ ရင်သွေးငယ် ခွဲစိတ်မွေးဖွားတာကစပြီး ရှောင်နိုင်ရင် အထူးကောင်းပါတယ်။
ဒီနေ့မှာ ကံကောင်းသောနေ့သားများကတော့ တနင်္လာ၊ အင်္ဂါ၊ ဗုဒ္ဓဟူး၊ ရာဟု သောကြာ သားသမီးများပဲ ဖြစ်ပါတယ်။
ကံညံ့သော နေ့သားကတော့ စနေ သားသမီးပဲ ဖြစ်ပါတယ်။
ကံသင့်သောနေ့သားများကတော့ တနင်္ဂနွေ၊ ကြာသပတေး သားသမီးများပဲ ဖြစ်ပါတယ်။
ဒီနေ့မှာ ဆင်စွယ်ရောင်၊ နို့နှစ်ရောင်နှင့် အညိုနုရောင် များများပါသော အဝတ်အစား၊ အသုံးအဆောင်ပစ္စည်းများကို အထူးအလေးထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။
ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၇၊ ၉) ဂဏန်းများပဲ ဖြစ်ပါတယ်။
ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ကြက်သွန်နီတစ်လုံး ဆောင် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။
အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ တည်သီး ဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။
#၇ရက်သားသမီးအတွက် တစ်နေ့တာဟောစာတမ်းအကျယ်ကို နားဆင်လိုသောဗေဒင်ချစ်ပရိသတ်များ အတွက် သတင်းစကားပါးခြင်း
နေ့စဥ် ၇ ရက်သားသမီးများအတွက် နေ့နံအလိုက် …
☯️တစ်နေ့တာကံကြမ္မာ အဆိုးအကောင်း…
☯️တစ်နေ့တာ စီးပွားရေးအလုပ်အကိုင်အခြေအနေ…
☯️တစ်နေ့တာ ကျန်းမာရေးဆိုင်ရာ သိစရာတွေ…
☯️တစ်နေ့တာ အချစ်ရေး ကံတရားများ…..
☯️တစ်နေ့တာ အိမ်ထောင်ရေး အဆိုး/အကောင်းများ…
☯️တစ်နေ့တာ ပညာရေး ရလဒ်အကြောင်းတွေ….
#ဒါအပြင်…
.🧿တစ်နေ့တာ အကျိုးပေးအရောင်များ
🧿တစ်နေ့တာ အကျိုးပေးဂဏန်းများ
🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ
🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။
နေ့စဉ်ဗေဒင်ဟောစာတမ်းများကို နားဆင်လိုပါက …
ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။ ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)
🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။
👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။
✍️ငြိမ်းအေးလူ(ဗေဒင်သုတေသီ)
09775555695