loading

24.March .2023 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများ

  • Home
  • Blog
  • 24.March .2023 တစ်နေ့တာလမ်းညွှန်ချက်၊ဆောင်ရန်ရှောင်ရန် သိစရာများ

ဒီနေ့ဟာ မြန်မာသက္ကရာဇ် ၁၃၈၄ခုနှစ်၊ နှောင်းတန်ခူးလဆန်း(၄)ရက်၊ သောကြာနေ့ ဖြစ်ပါတယ်။

ခရစ်နှစ် ၂၀၂၃ခုနှစ်၊မတ်လ(၂၄)ရက်နေ့လဲ ဖြစ်ပါတယ်။

ဒီနေ့နံနက်(၅:၁၅)နာရီမှာ အရုဏ်တတ်ပါတယ်။ နေထွက်ချိန်နံနက်(၆:၀၃)နာရီဖြစ်ပြီး ၊ ညနေ(၆:၀၇)နာရီမှာ နေဝင်ပါတယ်။

ဒီနေ့မှာ ဆောင်သင့်တဲ့လာဘ်နေအရပ်က အရှေ့အရပ် ဖြစ်ပါတယ်။ ရှောင်သင့်တဲ့ နတ်နေအရပ်က အနောက်အရပ် ဖြစ်ပါတယ်။ စန်းပွင့်ရာအရပ်က အရှေ့အရပ် ဖြစ်ပါတယ်။

လက်သမားမြေခံ နဂါး မြေခံဖြစ်၍ ပျက်စီးဆုံးရှုံးရတတ်သော နေ့ဖြစ်တာကြောင့် ပျဉ်ထောင်အိမ်တွေ၊ တဲတွေ၊ ဆိုင်ခန်း၊ လိုင်းခန်းတည်ဆောက်ခြင်းတွေ၊ အိမ်ခန်းဖွဲ့တာတွေ၊ အိမ်ပြင်တာတွေ၊ မြေတူးဆွတာတွေ ဆောင်ရွက်ရန် မသင့်ပါ။

ဒီနေ့ဟာတီထိမြေခံအရ  ညနေ(၅း၀၃)နာရီအထိ တနင်္လာမြေခံအဖြစ် ကျရောက်နေပြီး လွန်လျှင် တနင်္ဂနွေမြေခံ အဖြစ်သို့  ပြောင်းလဲကျရောက်နေပါတယ်။တနင်္လာမြေခံ ဖြစ်တဲ့အတွက် ဒီနေ့မှာ လုပ်ကိုင် လိုက်သော လုပ်ငန်းများ မှန်သမျှ အကျိုးအမြတ် ကြီးကြီး မားမား ရရှိကြွယ်ခြင်း၊ ချမ်းသာခြင်း၊ စည်းစိမ်ဉစ္စာ တိုးပွား ခြင်းများ အထူးပင်ရရှိစေ နိုင်တာကြောင့် ခိုင်ခန့်တဲ့အဆောက် အဦး တွေ၊ကျောင်းတွေသိမ်တွေ၊ လမ်း တံတား တွေ၊ အထပ်မြင့် အဆောက် အဦးတွေ စတင် ဆောက်လုပ်တာ တိုင်ထူ တာ ပန္နက်ရိုက်တာမျိုး တွေ အထူးဆောင်ရွက် သင့်ပါတယ်။

ဒီနေ့ဟာ ရက်ရာဇာ ကျရောက်နေတဲ့ နေ့ဖြစ်ပါတယ်။

ဒီနေ့ဟာ တီထိအရတော့  ညနေ(၅း၀၃)နာရီအထိ လဆန်းတီထိ(၃)လုံး အောင်မြင်ခြင်းကိုပေးတဲ့နေ့အဖြစ် ကျရောက်နေပြီး လွန်လျှင် လဆန်းတီထိ(၄)လုံး ပယ်ရှင်းခြင်းအတွက်သုံးရန်ပေးသောနေ့အဖြစ် ပြောင်းလဲကျရောက် နေပါတယ်။ ဒါကြောင့်ဒီနေ့မှာ အခက်အခဲတွေကောင်းစွာကျော်လွှားနိုင်ပါတယ်။ ဘာလုပ်လုပ်ရဲရဲရင်ဆိုင်ပြီးတော့ ရဲရဲရှေ့တိုးလုပ်ကိုင်မှအဆင် ပြေပါလိမ့်မယ်။ ကျန်းမာရေးနဲ့ပက်သက်ပြီးတော့လဲ သမားတော်ကောင်းတွေနဲ့ တွေ့ရကြုံရတတ်ပါတယ်။

အသင်းအဖွဲ့တွေမှာဝင်ရောက်တာမျိုးတွေအထူးကောင်းပါတယ်။ စာပေနှင့်စာနယ်ဇင်းလုပ်ငန်းများကိုလဲ ဦးစားပေး ဆောင်ရွက်သင့်ပါတယ်။ အောင်မြင်ခြင်းကိုပေးစွမ်းတဲ့တီထိဖြစ်တာကြောင့် အရာရာနောက်တွန့်နေတာမျိုးမလုပ် ဘဲရဲရဲရှေးတိုးဆောင်ရွက်ပါ။

အရောင်းအဝယ်အလုပ်များ၊ကုန်သွယ်မှုလုပ်ငန်းများ အထူးကောင်းပါတယ်။ အထိုင်မဟုတ်ဘဲ လှုပ်ရှားနေရတဲ့ အငြိမ်မနေရတဲ့အလုပ်တွေပိုမိုတိုးတတ်မဲ့နေ့ရက်ပါပဲ။ ကုမ္ပဏီများ မိမိဝန်ထမ်းတွေကို စွမ်းရည်မြင့်အောင် သင်တန်းတွေပေးသင့်တဲ့နေ့ရက်ပါပဲ။

ထီဝါသနာပါသူများထီကံစမ်းသင့်တဲ့နေ့ရက်လဲဖြစ်ပါတယ်။7/9/0 များများပါသောထီလက်မှတ်ကိုရွေးချယ်ကံစမ်း လိုက်ပါ။မိမိကုန်ပစ္စည်းကို ပြည်တွင်းပြည်ပသို့ ထိုးဖောက်ခြင်းတွေ၊ ကုန်ပစ္စည်းသစ်ကို ဈေးကွက်မှာထိုးဖောက်ခြ င်းတွေစတင်လို့အထူးကောင်းတဲ့နေ့ရက်ပါပဲ။

ဒီနေ့မှာအဓိဋ္ဌာန်ဝင်ခြင်း၊ ဂါထာမန္တာန်ကိုသိဒ္ဓိတင်ခြင်းတွေလဲ စတင်ဆောင်ရွက်လို့ကောင်းပါတယ်။ ကလေးအမည် မှည့်ခေါ်ခြင်း၊ ထမင်းစတင်ခွံခြင်းများလဲ ဆောင်ရွက်လို့ကောင်းတဲ့နေ့မျိုးပါပဲ။ ခရီးကိစ္စများ အလုံးစုံကောင်းနေတတ် ပါတယ်။ ခရီးတိုပဲဖြစ်ဖြစ်၊ခရီးရှည်ပဲဖြစ်ဖြစ်သွားလို့ကောင်းပါတယ်။

အသာဝဏီ

ယနေ့တွင် တောင်တက်ခရီးများ သွားလာခြင်းမပြုရပါ။ ဆေးဝါးစတင်ကုသရန် ရက်ကောင်းဖြစ်သည်။ ပညာသင်တန်းများ စတင်တက်ရောက်သင်ကြားခြင်း၊ မပြုရပါ။ မခိုင်မမာဖြစ်တတ်ပါသည်။ ကုန်သွယ်စီးပွားရေးရာ ကိစ္စများ တစ်ပိုင်းတစ်စ ဖြစ်တတ်သည်။ လူတို့ စကားမတည်။ ငွေချေးက ဆုံးတတ်သည်။

ဒီနေ့ဟာရက်ရာဇာကျတဲ့နေ့ရက်ဖြစ်တာကြောင့်လောကီမင်္ဂလာကိစ္စတွေဖြစ်တဲ့လက်မှတ်ထိုးခြင်း၊ စေ့စပ် ခြင်း၊ မင်္ဂလာ  စကားပြောခြင်းများအထူးဆောင်ရွက်နိုင်ပါတယ်။ကြီးကျယ်စွာမင်္ဂလာအခမ်းအနားကျင်းပခြင်းတွေကိုလဲ ဆောင်ရွက်နိုင်ပါလိမ့်မယ်။

ယနေ့အတွက်ကောင်းသော အဘိဇိတိံသိယနှင့်ဝိဒတြိ တိံသိယ အချိန်ကာလတွေကတော့ မနက်၃နာရီ ၁၇မိနစ်မှ မနက် ၄နာရီ၀၁မိနစ်ထိ၊ညနေ၂နာရီ၁၇မိနစ်မှညနေ၃နာရီ၀၁မိနစ်အတွင်းဖြစ်ပါတယ်။ ဒီအချိန် ကာလ အတွင်း ကတော့ အရေးကြီးသောကိစ္စများ၊ဆုံးဖြတ်ချက် ချရ သောကိစ္စများ၊ မင်္ဂလာကိစ္စများ၊ကောင်းမွန် သော ကိစ္စများ၊ ကိစ္စ တစ် ခုခု စတင်ခြင်းများ ဆောင်ရွက်နိုင်ပါတယ်။

ဒီနေ့ဟာ တောင်တက်ခရီးသွားလာခြင်းများ အထူးရှောင်ကြဉ်သင့်တဲ့ နေ့ရက် ဖြစ်နေပါတယ်။ ဆေးစား၊ ဆေးကုပြုရန် ရက်ကောင်း၊ အခါကောင်း ကျရောက်နေပါတယ်။ သမားပြ၍ အထူးဆေးစွမ်းထက်မြတ်နေမည်။ မင်္ဂလာကိစ္စများ စတင်ဆောင်ရွက်နိုင်ပါတယ်။ အိမ်အသစ် ဆောက်လုပ်ခြင်းများ၊ လုပ်ငန်းစတင်ခြင်းများ ဆောင်ရွက်သင့်ပါတယ်။ အရောင်းအဝယ်ကိစ္စများ ဆောင်ရွက်ရန် အခါသင့်နေပါတယ်။

ယနေ့ ဓနသိဒ္ဓိနက္ခတ်ပေါ်၊မွန်းတည့်မျဉ်းဖြတ်တဲ့ အချိန်ကာလကတော့ နံနက်(၉:၁၄)နာရီမှ နံနက်(၁၀:၀၆)နာရီအတွင်း အတွင်းဖြစ်ပါတယ်။ ဒီအချိန်ကာလအတွင်း မဟာ ဝေဒဗ္ဗ မန္တန်တော်ကြီး ရွတ်ဖတ်ခြင်း၊ လာဘ်ရွှင်ဂါထာ၊ ငွေရဂါထာများရွတ် ဖတ်ခြင်းဖြင့် ငွေကြေးလာဘ်လာဘပေါ များခြင်း၊ရွှေငွေရတနာ စည်းစိမ်ကြွယ်ဝလာခြင်းများကြုံလာရပါလိမ့်မယ်။ မိမိတို့အတိတ်ကံအလျောက် ပမာဏ အနည်းအများကွာပေမဲ့ ငွေကြေးပြတ်လပ်သွားတာမျိုးမရှိခြင်း၊ ငွေလိုရင် ကူညီမဲ့သူပေါ်လာခြင်းအကျိုးသွားများ ရရှိနိုင်ပါတယ်။

ဒီနေ့မွေး ရင်သွေးငယ်များဟာ  ပုတိဖွား၊  မိဿစန်း၊  မိန်ရာသီဖွားဖြစ်ပါသည်။ဒီနေ့မွေးသူများဟာဘဝကို အပူအပင်ကင်းကင်းနဲ့ ဖြတ်သန်းခွင့်ရကြသူတွေဖြစ်ပါတယ်။ ကိုယ်တိုင်ကလဲ စိတ်ညစ်စရာတွေကိုခေါင်းထဲက ထုတ်ထားတဲ့သူတွေပါပဲ။ မိတ်ဆွေအပေါင်းအသင်းများသူတွေဖြစ်တာမို့ လုပ်ငန်းစီးပွားကိုယ်ပိုင်အလုပ်များနဲ့ အကျိုးပေးပါတယ်။ သက်လတ်ပိုင်းကာလမှာ ကြိုးစားသလောက် ထွန်းပေါက်နိုင်တဲ့ကံလဲရှိတာမို့ အခွင့်အရေးယူ နိုင်လေ တိုးတတ်လေပါပဲ။ ဈေးဆိုင်အငယ်လေးကနေ စူပါမားကတ် အထိ ဈေးရောင်းခြင်းနဲ့အကျိုးပေးသူဖြစ်ပါ တယ်။ သူများတွေ ထက်ပိုမိုအထောက်အပံ့ကောင်းရရှိတတ်ပါတယ်။ ဖခင်အကျိုးကျေးဇူးနည်းကြပေမဲ့ မိခင်အကျိုးကျေးဇူးကိုထူး ခြားစွာရရှိကြသူတွေအဖြစ်မြင်ရပါတယ်။ဘဝမှာကျောထောက်နောက်ခံကောင်းတွေပါလာတာမို့ မိမိကသာကြိုး စားမယ်ဆို ထိပ်ဆုံးရောက်နိုင်တဲ့ဇာတာပါ။ ပင်မအလုပ်အပြင် အပိုချဲ့ထွင်တဲ့အလုပ်တွေကပိုမိုအောင်မြင်နိုင်တာမို့ ဘဝမှာ အလုပ်တစ်မျိုးထဲလုပ်တာထက် လုပ်နိုင်သမျှပိုလုပ်ဖို့အကြံပေးချင်ပါတယ်။ အားနည်းချက်က  တစ်ယောက် ထဲမနေတတ်ပါဘူး။ လူမျာများနဲ့ပျော်ရတာကိုကြိုက်တာမို့ အပေါင်းအသင်းမက်တယ်။ သူများအိမ်မှာပိုပျော်တယ် လို့ပဲဆိုရမယ်ထင်ပါတယ်။

ဒီနေ့အတွက် ရာဟုကာလအမှောင်ချိန်တွေကတော့ နံနက်(၁၀:၄၁) နာရီမှ မွန်းလွဲ(၁၂:၁၂)နာရီအတွင်း ကျရောက်နေပါတယ်။ဒီအချိန်ကာလအတွင်းမှာ မင်္ဂလာအခါပေးတာတွေ၊ ငွေပေးငွေယူကိစ္စတွေ၊ ကတိကဝတ်ပြုတာတွေ၊ စာချုပ်ချုပ်ဆို တာတွေ၊ ရင်သွေးငယ် ခွဲစိတ်မွေးဖွားတာကအစ ဒီကာလအတွင်းမှာ ရှောင်နိုင်ရင် အထူးကောင်းပါတယ်။

ကံကောင်းသောနေ့သားများကတော့ တနင်္ဂနွေ၊ အင်္ဂါ၊ သောကြာ၊ စနေသားသမီးများပဲဖြစ်ပါတယ်။          

ကံညံ့သော နေ့သားများကတော့ တနင်္လာ၊ ကြာသပတေးသားသမီးများပဲ ဖြစ်ပါတယ်။

ကံသင့်သောနေ့သားများကတော့ ဗုဒ္ဓဟူး၊ ရာဟုသားသမီးများပဲ ဖြစ်ပါတယ်။

ဒီနေ့မှာ အနီရောင် နှင့် ကြေးနီရောင် များများပါသော အဝတ်အစား၊ အသုံးအဆောင်ပစ္စည်း တွေ ကို အထူးအလေး ထား ဝတ်ဆင်သုံးစွဲခြင်းဖြင့် ကံကြမ္မာရဲ့ အထောက်အပံ့ကောင်းတွေကို ရရှိခံစားနိုင်ပါလိမ့်မည်။

ဒီနေ့မှာ (၇)ရက်သားသမီးများအားလုံးအတွက် အထူးအကျိုးပေးမယ့် Lucky Number တွေကတော့ (၁၊ ၃၊ ၉) ဂဏန်းတွေပဲ ဖြစ်ပါတယ်။

ဒီနေ့မှာအရေးကြီးကိစ္စတွေရှိလို့ သွားရောက်၊ပြောဆို၊လုပ်ကိုင်ဆောင်ရွက်ရမယ်ဆိုရင်တော့ဦးခေါင်းကိုရေမွှေးဆွတ် သွားပါ။ပိုမိုအဆင် ပြေလွယ်ကူချောမွေ့ပါလိမ့်မယ်။

အညံ့အဆိုးတွေ ပြေပျောက်ပြီး ကောင်းကျိုးတွေရရှိစေမယ့် ယတြာကတော့ နှမ်းယိုဘုရားကပ်လှူပြီး လိုရာ ဆုတောင်းပါ။ ဒီလောက်ဆိုတွေးဆ ဆင်ခြင် နိုင်မယ်လို့ ယူဆပါတယ်။ ၇ရက်သားသမီးများအားလုံး ကောင်းသော လိုအင်ဆန္ဒတွေပြည့်ဝကြပါစေ။

#၇ရက်သားသမီးအတွက် တစ်နေ့တာဟောစာတမ်းနှင့်တိုက်ရိုက်ဖုန်းခေါ်ဟောပြောခြင်းအကြောင်းအရာကိုဗေဒင်ချစ် ပရိသတ် များ အတွက် သတင်းစကားပါးခြင်း

နေ့စဥ် ၇ ရက်သားသမီးများအတွက် နေ့နံအလိုက် …

☯️တစ်နေ့တာကံကြမ္မာ အဆိုးအကောင်း…

☯️တစ်နေ့တာ စီးပွားရေးအလုပ်အကိုင်အခြေအနေ…

☯️တစ်နေ့တာ ကျန်းမာရေးဆိုင်ရာ သိစရာတွေ…

☯️တစ်နေ့တာ အချစ်ရေး ကံတရားများ…..

☯️တစ်နေ့တာ အိမ်ထောင်ရေး အဆိုး/အကောင်းများ…

☯️တစ်နေ့တာ ပညာရေး ရလဒ်အကြောင်းတွေ….

#ဒါအပြင်…

.🧿တစ်နေ့တာ အကျိုးပေးအရောင်များ

🧿တစ်နေ့တာ အကျိုးပေးဂဏန်းများ

🧿အရေးကြီးကိစ္စတွေဆောင်ရွက်ရမယ်ဆို ပြုဖွယ်အစီအရင်များ

🧿တစ်နေ့တာအညံ့အဆိုးတွေလျော့ပါးသက်သာစေမဲ့ကုသိုလ်ယတြာ စသည်ဖြင့်စုံစုံလင်လင်ကို …… နေ့စဉ် နား ဆင် နိုင်မယ့် အစီအစဉ်ဖြစ်ပါတယ်။

နေ့စဉ်ဗေဒင်ဟောစာတမ်းများကို နားဆင်လိုပါက …

ATOM ဆင်းကဒ်များဖြင့် (3049) ကို ဖုန်းခေါ်ဆိုပြီး နားဆင်နိုင်ပါတယ်…။  ( တစ်ပတ်လျှင် ၃၁၅ ကျပ်သာကျသင့် မှာဖြစ်ပါတယ်။)

ဒါအပြင်ဆရာငြိမ်းအေးလူနှင့်တိုက်ရိုက်📞ဖုန်းခေါ်ဆိုပြီး ဗေဒင်မေးချင်တယ်ဆိုရင်…အပတ်စဥ် တနင်္လာနေ့၊အင်္ဂါနေ့၊ ဗုဒ္ဓဟူးနေ့ရောက်တိုင်း ညနေ (၆) နာရီကနေ (၈) နာရီအတွင်းဖုန်းနံပါတ် (7777) ကို Atomဖုန်းနံပါတ်များနှင့် ဖုန်းခေါ်ဆိုပြီး မေးမြန်းနိုင်ပါတယ် ခင်ဗျာ… ။ ( တစ်မိနစ်လျှင် ၅၂၅ ကျပ် ၊ ဉာဏ်ပူဇော်ခပါပြီး ကျသင့်ပါမယ်)

🙏🙏🙏အားပေးကြသူတစ်ယောက်ချင်းဆီတိုင်းကို ကျေးဇူးအထူးတင်ရှိပါတယ်။

👌👍ကောင်းသောလိုအင်ဆန္ဒတွေပြည့်ဝနိုင် ကြပါစေ။

Posted in Uncategorized

Leave a Reply

Your email address will not be published. Required fields are marked *